Rôm 10:2 - Kálar Nzyɛ̌m : Ejwán é Sáá

² Mě lɛ́ɛ́ bɨ́n ɨ́ páʼ wɔ́ɔ́ ó, mpǎŋ gwɨ́má yɔ́ɔ́, yé ó, bé nkʉ̂ buú dû Nzyɛ̌m. Bé agʉ́a yɨ́ɛ mpaŋ nzɨ́ bé jálá le edû nyɨ́.

Kálara Zyɛ̌m Edwán é mpʉ̌n

² Me ekʉ boʼlo, tiibe e be ó, mpaŋ gwɨma yɔɔ, yé ó, bé bul du Zyɛm. Bé agʉa yɛɛ mpaŋ zi bé lé ejala le edu ɨ.

Rôm 10:2 ပူးပေါင်းရင်းမြစ်များ

Mɨlʉmlʉ 21:20

Jɔʼ bé á sil ejôʼlo sá nyé á lɛ́ɛ bé yɨ́, bé ntɔ̂ʼ gúmlǒ Nzyɛ̌m. Bê nzě lɛ́ɛ e Pɔ̂l ó: «Mɨ́ɔɔ́ wɨ́h ɛ́, go mʉr tɨ̂, gʉ́ beě bím ótɔ́ɔ́sin bé óYúden mû sí dyɛ̂ʼwo e Yésʉs-Krîst yɨ́. Bɨ́bɛ̂h ntémé, bé lɨ́ egbâ nkûl ɨ́ dwííí lɨ́ ebaʼle métié mé Moyɨ̂z.

Filipi 3:6

Me á si bu tíble Mbɛ̌r-Nzyɛ̌m. Ɨ́ nkǒ páʼ métié, me á be ó tîtyěl mʉr, abe le etié egwár lé á mɛ̂r me.

Filipi 1:9

Minjɨʼla mé dí ejɨʼla lɨ́ esú lɨ́n mí, myé ó: ó kpɛ̌l yɨ́n, yé bwáʼaa bwaʼáa. Kpɛ̌l yɨ́n, yé gwɨ́aa lɨ́ ocwóó le pɨʼ.

Rôm 10:3

Bé á si jéʼe nzɨ̌ Nzyɛ̌m á tíʼe ɨ́ lémé wé ó, nyě kǎr ó bé nyǎ, ó bé ócɨɨ tɨ̂, bé obi nkâm tɨ̂ʼ nyɨ́. Bé á jaa sáa njɨ ó, bé káraa nyɔ́ɔ́ nzɨ́. Nó ó bé á gbɔba e Nzyɛ̌m, lɨ́ esú ó, bé bíʼee nkam lɨ́ ecɨɨ ɨ́ nzɨ̌ bɨ́ɛ bé bʉr o tɨ̂ʼ, bé á kar nyɨ́.

Galásia 1:14

Ɨ́ bʉr ó duo yâm, me ó b'á bu dû metum mé óYúden. Me á si gbâ nyʉ̂l nyǎm ɨ́ swííá lɨ́ ebaʼle métum bímpám bíh, byé á líʼe má.

2 Korɛnt 4:4

Bʉr o dí abûʼla bá, bé lɨ́ elúʼo pɨ̂ʼ dí ó, bé jóʼaa lɔ́ɔ́ wɨ́h, bûʼla wê, ebě, nzyɛ̌m sí yɨ̂ʼ á si dímle bé pɨʼ nyaá. Nyě sá nó ó, nye kámlaa bé lɨ́ ebee mímbah mi dí epan, duho ɨ́ mentyɛnwa mé Krîst mí. Nyě sá nó ó, bé ámû jaá bee méntyɛnwa maá ɨ́ Mbɨambɨa Lɔ́ɔ́ mé Yésʉs, bé ntɔ̂ʼ gʉ́a ó, Yésʉs ó dí gulo mé Nzyɛ̌m.

2 Korɛnt 4:6

Ebě, Nzyɛ̌m á lɛ́ɛ ó: «Njʉl, wé pánaa myɛ́n, duho lɨ́ edúrʉ́ʉ́ tʉ́ŋlʉ̌.» Mʉr ngwár e ngwár á pa lwib nó nyá, á sâ ntémé ó, njʉl pánaa myɛ́n ɨ́ miléme gá míná. Njʉl waá ó dí esâ ó, mɨná béyɨɨ gá mpǒm mé Krîst, le egʉ́ǎ mpʉ nyé dí yɨ́, bee méntyɛnwa mé Nzyɛ̌m mʉr tɨ̂.

Mɨlʉmlʉ 22:3

«Me ó Yúden. Me á byɛ̂l ó, Tarsôs ɨ́ sí Silisía. Me á ka bwaʼ yɨ́ɛ ó wâ. Lɛ̂ʼla wǎm á be ó Gamalyɛ̂l. Nye ó b'á lɛ̂ʼle me mpʉ mé dúʼoo metié bímpám gá bíná yɨ́. Me á si gbâ nyʉ̂l nyǎm lɨ́ edwě Nzyɛ̌m kûm jwɨʼ gwár mpʉ bɨ́n ntémé dí esâ ɨ́ báánâʼ yɨ́.

2 Korɛnt 8:3

Me ó dí mboʼlo wɔ́ɔ́. Mě lɛ́ɛ́ bɨ́n ó: bé á si bu gbâ, dû mpʉ nkûl mebi nyɔ́ɔ́ á be yɨ́. Bé á si kʉ gbâ, laǎ bím nkûl mebi nyɔ́ɔ́ á be yɨ́. Bé bʉr o tɨ̂, bé á tíʼe ɨ́ milémé myɔ́ɔ́ ó,

Mɨlʉmlʉ 21:28

Bê nzě bʉ̂ bítím. Bé ó: «Ywííí! Bʉr o b'Ɨ́zraɛ̂l ɔɔ́! Kɛmɨɨ gá bɨ̌h ɔ̌! Paá nzě bee gá mʉr dí elɛ́ɛ̌ lɔ́ɔ ɨ́ gúmó yɨ́yɛ̂h ó, bé síaa kúl gá yɨ́ná, le ebene métié gá mɨ́ná ti e mpáh Nzyɛ̌m nyɨ̂ʼ nyá ɛ́! Ɨ́ báánâ, nyɨ́ bánǎ níŋle ntémé bʉr o dí abe óYúden bá ɨ́ mpáh Nzyɛ̌m tʉ́ŋlʉ̌! Nyɨ́ lœ̌ʼ gúmó dí ti yɨ́ ɔ̌!»

Galásia 4:15

Yé dí ekǎ kamle bɨ́n lɨ́ esoho mé mpʉ bɨ́n á nyɛɛ sʉsoho me yɨ́? Me lɨ́ ekʉ́ gʉ́ǎ mbɨ̂mbɨá ó, yé bé bɨ̌n bé á be ó e nkul epɛʼ míh mɨ́n, dwe mé mǎ nó, lɛ́ɛ́, bɨ̌n bé á be ɨ́ sâ mé syɛ́ɛla yaá.

Kolosi 4:13

Mě boʼlo ɨ́ wé pâʼ ó, nye lɨ́ ebuú nʉǎ túú lɨ́ esú lɨ́n, ti e bʉr ó Laodiséa, ndu e baá ó Ierápolî.

Mɨlʉmlʉ 22:22

Bʉr, bé á be lɨ́ ejôʼlǒ Pɔ̂l, tó pyâl ɨ́ jɔʼ nyé á lɛ́ɛ milɔ̌b myaá mímyɛ̂h yɨ́. Nó bé á taare ebɨ̂n mecwíí kʉ́. Bé ó: «Pɛʼɛɛ gá mbi mʉ̂r nɨ̌ ɨ́ sí yɨ̂. Nye ɨ́ jala le edwe. Nyé ajala le ekǎ tiʼe.»

Yʉanes 16:2

Bé óso bɨ́n ɨ́ mempáh mínjɨʼla mɔ́ɔ́. Yé ópyâl ntémé jɔʼ bʉ̂r, bé ójʉ̂ bɨ́n, lɨ́ ejwɨʼ ó, bé séá ó Nzyɛ̌m syɛ́ɛ́ yɨ́.

Rôm 10:1

Bɨ́ɔɔ́ bâm! Okɛ́l bâm! Lémé wâm, wé lɨ́ ekʉ́ gwɨ̂m; me ntémé, me lɨ́ ejɨʼla e Nzyɛ̌m lɨ́ esú ó, oYúden ntáa bǐ twǐʼ njʉ̌m dǐ.