Rôm 10:19 - Kálar Nzyɛ̌m : Ejwán é Sáá

¹⁹ Nó ó, me lɨ́ ebáʼǎ dî ó: «Nzê oYúden, bé á bé agwá gʉ́a ɛ̌?» Eee, bé á be yɨ́ɛ ó, sí kʉ́ jóʼo. Moyɨ̂z á boo lɛ́ɛ ó: Nzyɛ̌m lɛ́ɛ́ ó: Me ósâ bɨ́n mbi dí ó, bɨ̌n sâʼ egú e bʉr o bíkúl bíswîh. Me ókóblo bɨ́n ebúʼ e nzɨ̌ bʉr o dí ɨ́ sí bígʉʼlʉgʉ́, dí elúʼo pɨ̂ʼ bá.

Kálara Zyɛ̌m Edwán é mpʉ̌n

¹⁹ No ó, me ebâʼle dî ó: «Zê bwa b'Ɨzraɛl, bé a baagʉa sa bé a joʼo e?» Ndɨ, bé a be yɛɛ ó, si kʉ gʉa ye. Moyiz a bɛa lɛɛ ó: «Zyɛm, nye elɛɛ ó: “Me ósa bɨn é mbi ndɨ ó, bɨn saʼ egu e bʉr o bɨkul bɨfih. Me ógba empime é mɨleme min, cwɨɨ é zi bʉr o ndɨ é lal mɨmiʼ ɨ.”»

Rôm 10:19 ပူးပေါင်းရင်းမြစ်များ

Rôm 11:11

Nó ó, me lɨ́ edî tíá ó: nzê oYúden, bé á jaa twe ó, dumǎ tyeetye ɛ̌? Heʼé, yé abá be nó, ebě, Nzyɛ̌m á si tiʼ bʉr o byúú bíkûl biswîh ɨ́ lɔ̌b ébébe lɔ́ɔ́ bé á sâ lɨ́. Nye á dwe byé twǐʼ njʉ̌m dǐ ó, lɨ́ egbâ óYúden egú ɨ́ miléme.

Rôm 11:14

me nkʉ̂ gbâ kúl bʉ̂r yâm, oYúden, egú ɨ́ miléme. Jáŋá bʉ́ʉ́ bʉ̂r ɨ́ sɔ́má yɔ́ɔ́, bé ónzě bǐ twǐʼ njʉ̌m dǐ e nzɨ̌ nyaá.

Títos 3:3

Ebě, mɨná gá bɨɛ á nyɛɛ be ó nó: bigʉʼlʉgʉ́, baajóʼo-mélɨ́, sí dîm. Mɨná bé á didi gá ó, bitúʼǎ bígwɨ́má mimbi mimbi. Mɨná bé á títíʼe gá ó, lɨ́ esâ bʉ̂r ebébe é léme le nzwíí. Bɨ́ɛ ntémé lɨ́ esíe bɨ́ná gâ. Mɨná bɨɛ ntémé, bé á si nwimla páʼ gá nyɨ́ná.

1 Pyɛr 2:10

Ɨ́ mimbú mí píhe, bɨ̌n bé á bé abě kúl bʉ̂r mé Nzyɛ̌m. Nó ó, ɨ́ báánâ, bɨ̌n mû ó kúl bʉ̂r dí egúmo e nye yɨ́. Ɨ́ mimbú mí píhe, abe e mʉr á jɨ̂ʼ bɨ̌n nkoó. Nó ó, ɨ́ báánâ, Nzyɛ̌m, nyɨ́ kʉ́ jɨ̂ʼ bɨ́n nkoó.

1 Korɛnt 1:12

Mě jóʼó ó, mʉr nyɨnyɛ̂h ɨ́ sɔ́má yɨ́n, nye mû lwib ó, wé mbi. Nyâʼ, nye ó: «Me ó mpʉ́n mé Pɔ̂l.» Nyʉ́ʉ́, nye ó: «Me ó mpʉ́n mé Ápolos.» Nyʉ́ʉ́, nye ó: «Mɛm, me ó mpʉ́n mé Kefâs.» Nyʉ́ʉ́ ntémé, nye ó: «Me ó mpʉ́n mé Krîst.»

1 Korɛnt 15:50

Bɨ́ɔɔ́ bâm! Okɛ́l bâm! Mě kʉ́ lɛ́ɛ bɨ́n ó, ntʉ̌ sá dí bipúno e metié yɨ́, dí e nkul enʉǎ diá ɨ́ Mpóʼo mé Nzyɛ̌m, jala e nkɔb líʼe nyé. Sá dí edwe, bo yɨ́, yé abe e nkul elîʼ e sá dí edǐ njʉ̌m dǐ e njʉ̌m dǐ yɨ́.

1 Korɛnt 12:2

Bɨ̌n bé lɨ́ egʉ́a ó, ɨ́ jɔʼ bɨ́n á be ohááden yɨ́, bɨ̌n bé á be ó lɨ́ edû bíkpɛʼkpɛ̂ʼ bí ónzyɛ̌m bi dí baányâ-emúmó bí. Byé á tíne bɨ̌n ɨ́ jɔʼ yaá ó, bɨ̌n sâʼ syɛ́ɛla yɨ́yɛ̂h byé á kpɛl yɨ́.

1 Korɛnt 11:22

Nzê bɨ̌n bé abe e mimbɛ̌r, ó bɨ̌n dêʼ mede le menyoʼ mɨ́n tɨ̂ʼ ɛ́? Ntʉ̌ pyêh bɨ́n dí esâ Mbɛ̌r-Nzyɛ̌m nɨ̌ ɛ́? Nzê bɨ̌n bé lɨ́ ekpɛl égbâ bʉ̂r o dí abe e mede bá sôn ɨ́ nyʉ̂l ɛ̌? Yé bɨ́n dí ekpɛl ó, me lɛ́yɨɨ bɨ̌n? Nzê me ósêʼle bɨ́n tɨ̂ʼ ɛ̌? Kʉ́ kâr káráa! Me ábá sêʼle bɨ́n.

1 Korɛnt 10:19

Me lɛ́yɨɨ yé? Nzê tír á pa baŋɔɔ ɨ́ nzaá bikpɛʼkpɛ̂ʼ bí ónzyɛ̌m nyá, nye ó nó tyeetye ɛ̌? Nzê bikpɛʼkpɛ̂ʼ bí ónzyɛ̌m, byé ó tɨ̂ʼ tyeetye ɛ̌?

1 Korɛnt 7:29

Bɨ́ɔɔ́ bâm! Okɛ́l bâm! Mě gwɨ́m élɛ́ɛ tɨ̂ʼ ó, yɨ́ lîʼ bá mâ jɔʼ. Táare ɨ́ jɔʼ yɨ̂ʼ tótôʼ, yé jaá kǎ lîʼ mímbɛ́á mí bʉ̂r ó, njɨ myé tíʼaa mpʉ̌ sá lɛ́ɛ́, myé ó onzihle.

Rôm 10:18

Nó ó, mě dí ó nɛ́ɛ: «Nzê oYúden bɨ́ɛ, bé á bé ajóʼǒ lɔ́ɔ waá ɛ́?» Eee, bé á si gwa kʉ jóʼo wê. Yé ó mpʉ bé á cɛma ɨ́ Mekaná mé Nzyɛ̌m yɨ́. Yê cɛmá ó: Bʉr, bé á be ɨ́ tô le etúnǒ gúmó yɨ́yɛ̂h, mecwíí mɔ́ɔ́ jwɨ̂ʼ ɨ́ sí yɨ́yɛ̂h, tó pyâl ɨ́ medumo mé sí mɨ́mɛ̂h.

Rôm 3:26

Nó ó, ɨ́ báánâ, nyɨ́ kǎ lɛ̂ʼle bʉ̂r ó, nye mʉr tɨ̂, nye ó tîtyěl mʉr. Nyě dwé nkâm ó, bʉr o dí edyɛ̂ʼwo e Yésʉs bá.