Rôm 10:17 - Kálar Nzyɛ̌m : Ejwán é Sáá

¹⁷ Nó ó, gʉ́ŋáá gá ó, jɔʼ mʉ̂r dyɛ́ʼwá e Krîst yɨ́, yé duho ó, ɨ́ sá nyé á jóʼo yɨ́. Njóʼá wé waá, wé duho ó, lɨ́ ekǎn bé dí elɛ́ɛ nyé, dumo e Krîst lɨ́.

Kálara Zyɛ̌m Edwán é mpʉ̌n

¹⁷ No ó, gʉŋa ga ó, é jɔʼ mʉr lé ejyɛʼ taa buʼo ye boo Krɨst ɨ, buʼo ye, yé eduho ó, é njoʼa nye a taare joʼo lɔɔ waa ɛ. Njoʼa we waa, wé eduho ó, é l'ekan bé lé elɛɛ nye, tiibe e Krɨst ɨ.

Rôm 10:17 ပူးပေါင်းရင်းမြစ်များ

Galásia 3:2

Me ódî bɨ́n tíá mpwár nyɨ̂: nzê Nzyɛ̌m á ntɨh bɨ̌n Sísǐm wé jɔʼ bɨ́n á lóŋlo metié yɨ́ ɛ́? Nzê nye á bé antɨh wé ɨ́ jɔʼ bɨ́n á bûʼla Mbɨambɨa Lɔ́ɔ bé á lɛ́ɛ bɨ̌n wɨ́ ɛ́?

Galásia 3:5

Ɨ́ jɔ̌ʼ Nzyɛ̌m dí entɨh bɨ́n Sísǐm wé, le esâ mésimá ménɨ́nɨ́ɨ́ páʼ nyɨ́n yɨ́, nzê nyě sá nó ó ebe bɨ́n dí elóŋlo métié ɛ́? Nzê yé ó ebe bɨ́n dí ebúʼla Mbɨambɨa Lɔ́ɔ bɨ́n á jóʼo wɨ́ ɛ́?

1 Tesalonika 2:13

Sá tɨ̂ʼ ó bɨ́h dí edwě Nzyɛ̌m nzyǒo ɨ́ bijɔʼ bíbyɛ̂h yɨ́, ebě, ɨ́ jɔʼ bɨ́h á lɛ́ɛ bɨ̌n lɔ́ɔ́ wé yɨ́, bɨ̌n bé á si bûʼla wê. Bɨ̌n bé á bé anʉa wé mpʉ̌ lɔ́ɔ́ dí eduho ɨ́ num mʉ̂r bipúno wɨ́. Bɨ̌n bé á kʉ nʉa wé ó, mpʉ̌ lɔ́ɔ́ mé Nzyɛ̌m lɨ́ otyeetye. Lɔ́ɔ́ mé Nzyɛ̌m waá, wé lɨ́ eséa ɨ́ bɨ̌n obûʼla.

Kolosi 3:16

Kamaa gá ó, lwǐb mé Krîst, yé lóŋlaa milémé mín. Milémé mín, myé díʼee ekʉ̌m lɨ́ esú é lwǐb yé yaá. Jwidweelaa gá páʼ nyɨ́n milɛ́ʼlá mi dí le ocwóó mí. Jwidweelaa gá metwɨ́ɨ́ páʼ nyɨ́n. Jyɛyɨɨ gá meswɨ̂ʼlɨ lɨ́ esú é Nzyɛ̌m, mejéme, ti e bidyɛɛ́ biswîh Sísǐm ngá lɛ̂ʼle bɨ́n bí. Mejéme maá, mé óduho ó, bɨ̌n ɨ́ miléme mi dí edwě Nzyɛ̌m nzyǒo mí.

Lʉkas 11:28

Nó ó Yésʉs á yala e né ó: «Metyɛʼ me mpóm, mé buú buo ó e baá o dí ejóʼo mílɔ̌b mé Nzyɛ̌m ndu e l'ebaʼle myé bá.»

Markus 4:24

Nye ntɔ̂ʼ lɛ́ɛ bé ó: «Bɨ̌n a báʼ ɨ́ sá bɨ́n dí ejóʼo yɨ́. Nzyɛ̌m ójwɨʼ míndwéá nyé ngá dwe bɨ́n mí ó e jwɨʼa bɨ́n dí ejwɨʼ bʉ̂r oswîh yɨ́. Nyé okǎ báʼǎ kɛl bɨ́n myúú míndwéá tɨ̂.

Lʉkas 8:21

Yésʉs ntɔ̂ʼ lɛ́ɛ e bʉr bɨ́bɛ̂h ó: «Nyɔ̌ŋ wǎm, bɨ́ɔɔ́ bâm le okɛ́l bâm, bé ó baá o dí ejóʼǒ lɔ́ɔ́ mé Nzyɛ̌m, le esâ wé mejóʼo bá.»

Rôm 1:16

Mé ajóʼo bá sôn ɨ́ Mbɨambɨa Lɔ́ɔ mé dí etúno wɨ́, ebě, wé ó nkul mé Nzyɛ̌m lɨ́ esú lé étiʼ mʉ̂r nyɨnyɛ̂h ngá bûʼla wé nyá, táare le oYúden, kala e baá o dí abe óYúden bá.

Rôm 10:14

Sâ gwár, bé ókɛn mʉ̂r bé á be adyêʼ koo e né nyá e nyáa nzɨ́? Nó ó, bé ódyɛ̂ʼwo e waá bé á be ajóʼo díé lé nyá e nyáa nzɨ́? Bé ójóʼo díe laá, abe e mʉr túnó bé lǎ, e nyáa nzɨ́?

1 Pyɛr 1:23

Nó, bɨ̌n mû ó sí báʼǎ byɛ̂l. Mpeʼ yé á beŋɔɔ ɨ́ milémé mín yɨ́, yé abě sá dí e nkul ebo yɨ́; yé ó lwǐb mé Nzyɛ̌m dí edǐ njʉ̌m dǐ e njʉ̌m dǐ yɨ́. Mpeʼ yé á beŋɔɔ ɨ́ bɨ̌n yɨ́, yé jaá di ó diʼée, acénecene.

Lʉkas 8:11

«Kɨkɛnǎ nɨ̌, yé lɛ́ɛ́ ó mbi wɨ̂: mpeʼ, yé ó lɔ́ɔ́ mé Nzyɛ̌m.

Mɨngwiha 1:9

Yé ó mɛm Yʉánɛs, mɨ́ɔɔ́ wɨ́n. Mɨná gá bé ɨ́ mpúhlá e Yésʉs ó, lɨ́ esia e mitúú mímpwár. Mɨná gá óbɛ̂h bé ɨ́ mpóʼo Yésʉs dí ejwɨ́ɨ yɨ́. Mɨná gá óbɛ̂h ó dí e bíhwó nyé dí egbâ bʉ̂r ɨ́ miléme nyɨ́. Bé á mɛ̂r me, pɨrɔɔ mé wâʼ ɨ́ tíhé dí ejébɔɔ «Pátmos» wɨ́ ó, ebě, lɔ́ɔ́ mé Nzyɛ̌m le milɔ̌b mé Yésʉs mé dí eboʼlo mí.

2 Korɛnt 2:17

Nó ó, bɨ̌h bɨɛ, bé abě mpʉ óbɛ́ma o mílɔ̌b mé Nzyɛ̌m. Nzyɛ̌m á lómo bɨ̌h ó e lwǐb yé. Lwǐb yaá, yé abě mbáʼrá e mikóo. Bɨ̌h bɨɛ, bé ó baá Nzyɛ̌m á ntɨh bá. Bɨ̌h lwib mílɔ̌b myé ó, ɨ́ mpǒm mé Nzyɛ̌m, ɨ́ mpúhlá nyɨ́h e Krîst.

Ebrœ̂ 4:2

Mɨná bé á be gá ó, sí jóʼǒ Mbɨambɨa Lɔ́ɔ jwɨʼ gwár e gwár e bimpám gá bíná. Sâ gwár, wé á bé abe byé e nyɔm, ebě, byé á bé abûʼla ɨ́ jɔʼ byé á jóʼo wé yɨ́.

Yʉanes 1:37

Mpʉ ómpʉ́n mé Yʉánɛs, bé á jóʼo sá nyé á lɛ́ɛ yɨ́, bé ntɔ̂ʼ dû Yésʉs.