Rôm 10:14 - Kálar Nzyɛ̌m : Ejwán é Sáá

¹⁴ Sâ gwár, bé ókɛn mʉ̂r bé á be adyêʼ koo e né nyá e nyáa nzɨ́? Nó ó, bé ódyɛ̂ʼwo e waá bé á be ajóʼo díé lé nyá e nyáa nzɨ́? Bé ójóʼo díe laá, abe e mʉr túnó bé lǎ, e nyáa nzɨ́?

Kálara Zyɛ̌m Edwán é mpʉ̌n

¹⁴ Sa gwar, bé e nkul ejwɨʼla e waa bé a baajyɛʼ taa buʼo yɔɔ boo nye e, wáa mbi? No ó, bé e nkul ejyɛʼ taa buʼo yɔɔ boo mʉr bé a baajoʼo die le e, wáa mbi? Bé ó e nkul ejoʼo die laa, abe e mʉr lɛɛ be la nyá ɛ?

Rôm 10:14 ပူးပေါင်းရင်းမြစ်များ

Títos 1:3

Nye á ka túno lɔ̌b twiʼ yaá ó, ɨ́ jɔʼ yé á jala le egwíhɔɔ yɨ́. Nzyɛ̌m, Tiʼbʉr gá wɨ́ná á gwîh bʉr lwǐb yé ó, ɨ́ nzɨ̌ nyǎm. Nye á tíʼe ɨ́ léme ó, nyě tyél ó me ɨ́ dǐ lɛ́a lɔ́ɔ wé. Nye á tímle syɛ́ɛ́ yaá ó me.

Ebrœ̂ 11:6

Nzyɛ̌m ákóʼó kpɛl mʉ̂r dí abe e búʼó nyá. Búʼó ó dí esâ ó, mɨná gʉ́ŋaa gá ó, Nzyɛ̌m, nye ó tɨ̂ʼ tyeetye. Búʼó ntémé ó dí elɛ̂ʼle mɨ́ná gá ó, nyě dwé myɛ́na mé émbɨa ó, njɨ bʉr o dí edû nyé bá. Abe e búʼó yaá nɛ́ɛ: lɛ́ɛ́, yé abe e mʉr ngwár ngá sîhlě nkǒ Nzyɛ̌m dí yɨ́.

Mɨlʉmlʉ 8:31

Nye e Philippe ó: «Mʉ̂r bé atɨ́e mé yǎ nó, á wáǎ mbi mé dí e nkul ejóʼo wɨ́ ɛ́?» Nó nyé á lɛ́ɛ e Philippe ó, nye kálwaa ɨ́ kálîʼ, bɨ́bɛ̂h díʼee ɨ́ diá yé yaá.

Jacques 5:15

Minjɨʼla myaá, myé sɨ́sáŋɔ́ɔ́ ó e búʼó. Nó yé ósâ ó, Nzyɛ̌m tíʼɨɨ mʉr waá yɨ́. Yé bé nye á be ó sí sâ syóm nó, Nzyɛ̌m ópɛʼ nyé baa ébébe nyé á pa niʼe ɨ́ lɔ̌b syóm waá yɨ́.

2 Timotɛ 4:17

Tî Yésʉs ó b'á kɛm me, le egbâ mé pîm ɨ́ búʼó. Nye á sâ nó ó, nye nkʉ̂ swâhlě túnó waá ɨ́ nzɨ̌ nyǎm, le esâ ó, bʉr o bíkúl bíbyɛ̂h nkʉ̂ jóʼo wê. Nó ntémé ó mé á pɛʼɔɔ ɨ́ nǔm ngbampɨɨ yɨ́.

Éfɛsɔs 4:21

Bɨ̌n bé á si gwa kʉ jóʼo sá yɨ́yɛ̂h dí edumo e né yɨ́. Bɨ̌n bé á si lɛ̂ʼlɔɔ ɨ́ díé lé tʉ́ŋlʉ̌. Bé á lɛ̂ʼle bɨ̌n ó, bɨ̌n dúʼoo otyeetye dí ɨ́ milɔ̌b mé Yésʉs wɨ́.

Yʉanes 20:31

Sá mé mû sí cɛma bɨ́n ɨ́ mekaná mâʼ yɨ́, yé ó, bɨ̌n bûʼlaa ó, Yésʉs ó dí Mʉ̌r Nzyɛ̌m á lœm múló mé jwɨ́ɨ nyá, nye ntémé, nye ó Mwân mé Nzyɛ̌m. Bɨ́n sí dyɛ̂ʼwo e né nó, bɨ̌n bé óbǐ twiʼ ɨ́ nzɨ̌ nyé.

Mɨlʉmlʉ 19:2

Nye nzě dî e bé ó: «Nzê bɨ̌n bé á si bi Sísǐm mé Nzyɛ̌m ɨ́ jɔʼ bɨ́n á bûʼla yɨ́ ɛ́?» Bé ntɔ̂ʼ yala e né ó: «Bɨ̌h dína apǎ jóʼo jóʼáa bé lɨ́ elɛ́ɛ ó, yʉ́ʉ́ sɔ̂ʼ, yé ó “Sísǐm mé Nzyɛ̌m”.»

Rôm 1:5

Nzyɛ̌m á si cwɨ́a e bɨ̌h ɨ́ nzɨ̌ mé Yésʉs-Krîst, le etyêl bɨ́h bʉr o mílʉ́mlʉ́ bé, lɨ́ esú é bíkúl bíbyɛ̂h, ó byé dyéʼee koo e né, le esâ nyé mejóʼo. Nye á sâ bɨ̌h syɛ́ɛla yaá ó, lɨ́ esú lé édwe díé é Mwân wé kûm.

Yʉanes 9:36

Nye e né ó: «Dâ ɛ̌, lɛ́yɨ́ɨ́ mé waá dí ejébɔɔ “Mwân mé Mʉr” nyá, ó me dyɛ̂ʼwaa e né.»

Éfɛsɔs 2:17

Krîst á nze ɨ́ sí yɨ̂ʼ ó, nye ntáa nzě túno bɨ́n, bʉr o b'á be e ncɛrá e né bá, lɔ́ɔ́ wɨ̂: Nzyɛ̌m, nyɨ́ gbâ mépyɛbla páʼ nyɨ́n le onɔ́ɔ́. Nye á túno lɔ́ɔ́ mépyɛbla ngwár e ngwár waá ntémé ó, kwá nyɨ́h, oYúden, bʉr o b'á bɨbě bǎʼ e Nzyɛ̌m bá.

Mataos 20:7

Bê nzě yala e né ó: “Ebě, mʉr bé ajébe bɨ́h bɨɛ ó, bɨ̌h tô séa nyé syɛ́ɛ́.” Nye e bé ó: “Bɨ̌n nyɨɛ ntémé, laŋaa gâ. Tó séa gá ɨ́ pemé yâm.”