Rôm 10:10 - Kálar Nzyɛ̌m : Ejwán é Sáá

¹⁰ Mʉ̂r dyɛ́ʼwó e Yésʉs ɨ́ lémé wé nó, nye óbi nkâm ɨ́ míh mé Nzyɛ̌m. Mʉ̂r lɛ́ɛ́ ɨ́ num wé ó: «Yésʉs ó dí Njwɨ́ɨ!» nó, Nzyɛ̌m ódwe nyé twǐʼ njʉ̌m dǐ.

Kálara Zyɛ̌m Edwán é mpʉ̌n

¹⁰ ebe, leme go, wé ó fum go jyɛʼɛ taa buʼo yo boo Zyɛm ɨ, nye ntɔʼ dwe go mokebe é mih me. No ó, ǃgo si mɛʼle ocyecye, lé elɛɛ ó: «Yesʉs ó ndɨ Njwɨɨ» nɛʼɛ, go óbi tiʼ molu mo mpoʼ mɨmɛh.

Rôm 10:10 ပူးပေါင်းရင်းမြစ်များ

1 Yʉanes 4:15

Mʉ̂r lɛ́ɛ́ ó, Yésʉs, nye ó Mwân mé Nzyɛ̌m nó, Nzyɛ̌m ótíʼe ɨ́ mpúhlá e nye; nye ntémé ódi ɨ́ mpúhlá e Nzyɛ̌m.

Rôm 10:9

Mekaná mé Nzyɛ̌m, mé lɛ́ɛ́ ó: gó ólɛ́ɛ ɨ́ num gô go mʉr tɨ̂ʼ ó, «Yésʉs ó dí Njwɨ́ɨ!» le ebúʼla tʉ́ŋlʉ̌ lémé gô ó, Nzyɛ̌m á si pɛh nye lɨ́ odwe nó, nye ódwe gó twǐʼ njʉ̌m dǐ.

Galásia 2:16

Sâ gwár, mɨná bé lɨ́ egʉ́a gá ó, mʉr, nyé abi nkâm ɨ́ míh mé Nzyɛ̌m ɨ́ lɔ̌b mbaʼlá métié. Mʉ̌r bi nkâm ó, ɨ́ lɔ̌b búʼó, lɨ́ edyêʼ koo e Yésʉs-Krîst. Mɨná bɨ́ dyɛ̂ʼwo ntémé e Yésʉs-Krîst. Búʼó gá yɨ́ná yaá, yé aduho ɨ́ mbaʼlá metié. Mʉr ákóʼó bi nkâm ɨ́ míh mé Nzyɛ̌m ɨ́ lɔ̌b mbaʼlá métié.

Ebrœ̂ 10:22

nó mɨ́ná jálá le esîhle gá bǎʼ e Nzyɛ̌m, abe e mesónó ɨ́ miléme, e milémé lwɨ́ŋlá e búʼó yɨ́. Milémé gá míná, myé mû ó mipubá. Menyʉ́l gá mɨ́ná mɨ́ɛ, mé mé ó minjwɨá e medíbé me dí ɨ́ ntyɛ́h ntyɛ́h má.

Lʉkas 8:15

Nó bʉ́ʉ́ bʉ̂r, bé ó mpʉ̌ mpeʼ, yé á kur ɨ́ bwǎh métyɛʼ yɨ́. Bé lɨ́ ejóʼǒ lɔ́ɔ́ mé Nzyɛ̌m e mimbɨambɨa míléme. Bé lɨ́ emɛ̂r lɔ́ɔ waá ɨ́ kpɨ́ɨ́ɨ́, le esâ bíhwó, gúmo ntémé mpumó ɨ́ buo buo.»

Ebrœ̂ 3:12

Bɨ́ɔɔ́ bâm! Okɛ́l bâm! Gwá di gá le ocwóó, ó mʉr ɨ́ sɔ́má yɨ́n ayɨ́ be e lémé dí ɨ́ lele lɨ́ ebúʼla wɨ́. Nyě sá agbɔba e Nzyɛ̌m dí kublakúbla nyá.

Filipi 3:9

Mě gwɨ́m ó, yé nyɨ́nɨɨ mpʉ bɨ́h e Krîst mû ɨ́ mpúhlá yɨ́. Mé agwɨ̂m ébi nkâm ɨ́ míh mé Nzyɛ̌m ɨ́ lɔ̌b mbaʼlá métié. Mě gwɨ́m ó, Nzyɛ̌m dwêʼ me nkam ɨ́ lɔ̌b búʼó mé dí ebúʼlǎ Krîst yɨ́.

Mɨngwiha 2:13

“Me lɨ́ egʉ́ǎ gúmó bɨ́n dí edi yɨ́. Tɨ̂ʼ ó dí diá jwɨ́ɨ́ mé Sátan. Bɨ̌n bé lɨ́ edyɛ̂ʼwo e me. Damá jóʼo ɨ́ jɔʼ bé á jʉ̂ Antipâs yɨ́, bɨ̌n bé á bé agwâʼ ésâ nó. Antipâs ó dí egwá boʼlo mílɔ̌b myâm. Nye ntémé, nye á be ó mʉr ebúʼlɔɔ. Sá tɨ̂ʼ ó bé á mɛ̂r nye ɨ́ sɔ́má yɨ́n, jʉ́ŋɔɔ nyé yɨ́. Tɨ̂ʼ ntémé ó dí odiá mé Sátan.

Markus 9:23

Yésʉs, nye e né ó: «Guá lɛ́ɛ́ ó: “Gó bé e nkul nó”! Sâ gwár, mɛ̌m lɛ́ɛ́ ó, mʉr dí edyɛ̂ʼwo e Nzyɛ̌m nyá, nyě e nkul esâ sá yɨ́yɛ̂h.»

Rôm 10:11

Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Mʉr nyɨnyɛ̂h ngá dyɛ̂ʼwo e né nyá, nye ásɔ́ma.