Rôm 1:8 - Kálar Nzyɛ̌m : Ejwán é Sáá

⁸ Sá ésôʼ, me lɨ́ edwě Nzyɛ̌m nzyǒo ɨ́ díé mé Yésʉs-Krîst ɨ́ lɔ̌b wɨ́n, ebě, ɨ́ sí yɨ́yɛ̂h, bʉr bé lɨ́ ejóʼo mílɔ́ɔ́ mín mpʉ bɨ́n dí ebúʼlǎ Yésʉs-Krîst yɨ́.

Kálara Zyɛ̌m Edwán é mpʉ̌n

⁸ Sa efoʼ, me edwe Zyɛm Sɔŋ wam ekiba é zyɛŋa wih boo Yesʉs-Krɨst é lɔb win, ebe, é si nwaʼ nyiwɛh, bʉr bé ejoʼo mɨlɔɔ min, mpʉ bɨn lé ejyɛʼ taa buʼo yin boo Yesʉs-Krɨst ɨ.

Rôm 1:8 ပူးပေါင်းရင်းမြစ်များ

Rôm 16:19

Bʉr bɨ́bɛ̂h, bé lɨ́ egʉ́ǎ mpʉ bɨ́n dí esâ Tî Yésʉs mejóʼo yɨ́. Nó ó, me lɨ́ ebuú soho ɨ́ lɔ̌b wɨ́n. Mě kpɛl ntémé ó, bɨ̌n díʼee le ocwóó, lɨ́ esú ó, bɨ̌n sâʼ embɨa. Nó ó, ɨ́ nkǒ pâʼ ébébe, anyamlě sâ gá lê!

1 Korɛnt 1:4

Nzyɛ̌m á si sʉ bɨ̌n metyɛʼ me mpóm mé ɨ́ nzɨ̌ mé Yésʉs-Krîst. Sá tɨ̂ʼ ó mé dí edwe nyé nzyǒo ɨ́ lɔ̌b wɨ́n jɔʼ yɨ́yɛ̂h yɨ́.

Rôm 6:17

Mɨná dwêʼ gá Nzyɛ̌m nzyǒo. Bɨ̌n bʉr o b'á nyɛɛ be bitúʼǎ bí syóm bá, bɨ̌n mû ɨ́ báánâʼ ó, sí sâ méjóʼo e milémé mín mímyɛ̂h, lɨ́ edû mbi mílɛ́ʼlá mû lɨ́ ebaʼle bɨ́n mí.

1 Pyɛr 4:11

Yé bé mʉr ólwib mílɔ̌b mé Nzyɛ̌m nó, nye lɛ́yɨɨ sá yɨ́yɛ̂h mpʉ mʉ̂r dí ekala mílɔ̌b mé Nzyɛ̌m nyá jálá le esâ yɨ́. Yé bé nyě súʼó ó bʉ́ʉ́ bʉ̂r nó, nye súʼaa bé e nkǔl Nzyɛ̌m mʉr tɨ̂ʼ á ntɨh nye nyɨ́. Nó ó Nzyɛ̌m ngá dweŋɔɔ kûm ɨ́ sá yɨ́yɛ̂h ɨ́ nzɨ̌ mé Yésʉs-Krîst yɨ́. Kûm le nkul, byé dwéŋɔɔ nye njʉ̌m dǐ e njʉ̌m dǐ. Amɛn.

1 Pyɛr 2:5

Kamaa gá ó, Nzyɛ̌m súmaa mbɛ̌r Sísǐm wé ngá di tɨ̂ʼ wɨ́. Diʼee gá mekóʼ me dí kublakúbla má, maá ngá kɛlɔɔ tɨ̂ʼ ɨ́ nzumó nyaá má. Bɨ̌n bé ósûʼla bʉ̂r o dí tí, baá o dí ɨ́ sɔ́má ópara bé bá. Mindwéá bɨ́n ngá dwidwě Nzyɛ̌m e nzɨ̌ Sísǐm wé mí, Nzyɛ̌m óbee myé mbɨ̂mbɨá ó, lɨ́ esú mé Yésʉs-Krîst.

Ebrœ̂ 13:15

Mɨná dwêʼ gá Nzyɛ̌m kûm jɔʼ yɨ́yɛ̂h. Dwéʼ gá nye ndwéá waá, lɨ́ esímsǎ mpʉ̌ Yésʉs á dwe twiʼ yé yɨ́. Lɛ́yɨ́ɨ́ gá bʉr mpʉ díé lé dí e nkul yɨ́. Lɛ́á waá, wé ntémé, wé ó sá dí edwe nyé kûm yɨ́.

Kolosi 1:3

Ɨ́ jɔʼ yɨ́yɛ̂h bɨ́h dí ejɨʼla e Nzyɛ̌m lɨ́ esú lɨ́n yɨ́, bɨ̌h bé lɨ́ edwe nyé nzyǒo, nyɨɛ mʉr dí Sɔ́ŋ mé Tî gá wɨ́ná Yésʉs-Krîst nyá.

Filipi 1:3

Me lɨ́ edwě Nzyɛ̌m wǎm nzyǒo jɔʼ yɨ́yɛ̂h mé dí esímsa bɨ́n yɨ́.

Éfɛsɔs 1:15

Sá tɨ̂ʼ ó mé dí edwě Nzyɛ̌m nzyǒo ɨ́ lɔ̌b wɨ́n yɨ́. Mɨ́ boó jóʼǒ mpʉ bɨ́n dí edyɛ̂ʼwo e Tî Yésʉs le ekpɛl bʉ̂r ó Mbɛ̌r-Nzyɛ̌m yɨ́. Mé agwâʼ édwe nyé nzyǒo ɨ́ jɔʼ yɨ́yɛ̂h mé dí esímsa bɨ́n, me ntémé lɨ́ ejɨʼla e né yɨ́.

Filipi 1:11

Nó ó bɨ́n ngá di ótîtyěl o bʉ̂r lɨ́ edû kʉ̌ tyen mpâ ɨ́ mpúhlá nyɨ́n e Yésʉs-Krîst yɨ́. Bʉr, bé óbuú dwě Nzyɛ̌m kûm le esêʼle nyé ɨ́ lɔ̌b wɨ́n.

Éfɛsɔs 5:20

Ɨ́ jɔʼ yɨ́yɛ̂h, dwéʼ gá Nzyɛ̌m Sɔ́ŋ nzyǒo ɨ́ sá yɨ́yɛ̂h, le epɨr e díé mé Tî gá wɨ́ná, Yésʉs-Krîst.

Mataos 24:14

Nó Mbɨambɨa Lɔ́ɔ dí edumo e Mpóʼo mé Dâ Nzyɛ̌m wɨ́, wé ólɛ́ɔɔ̌ gúmó yɨ́yɛ̂h ɨ́ sí yɨ̂, lɨ́ esâ ó, kúl yɨ́yɛ̂h jóʼaa bʉr o dí eboʼlǒ lɔ́ɔ waá bá. Píe tɨ̂ʼ ó éswéhlɨ́ é kʉ́ e sí ngá kǎ bɔma yɨ́.»

Éfɛsɔs 3:21

Kûm díʼee e né e nzɨ̌ Mbɛ̌r-Nzyɛ̌m ti e Yésʉs-Krîst ntémé, tó pyâl ɨ́ mimyǎ mi bʉ̂r mímyɛ̂h njʉ̌m dǐ e njʉ̌m dǐ. Amɛn.

Mɨlʉmlʉ 11:28

Nyʉ́ʉ́ mʉ̂r á be ó ɨ́ sɔ́má yɔ́ɔ́, díé lé, Agábus. Nye á si mɔa, nzě lɛ́ɛ bʉ̂r ɨ́ nkul Sísǐm mé Nzyɛ̌m ó, nza ɨ́ bwaʼ bwaʼ mû ó kúno enyaŋla ɨ́ melû maá ɨ́ sí yɨ́yɛ̂h. Nza nyaá á ka nyaŋla ó, ɨ́ jɔ̌ʼ Klodíʉs á be kɛ́ɛza yɨ́.

Lʉkas 2:1

Njwɨ́ɨ̌ nɨ́nɨ́ɨ́ Kɛ́ɛza Agûst nzě tyêl bʉ̂r o b'á didi ɨ́ mesí mé bá etié ó, bé tôʼ láŋɔɔ, bɨ́bɛ̂h.

Mɨlʉmlʉ 28:22

Nó ó, bɨ̌h bé lɨ́ ekpɛl égʉ́ǎ mpʉ gó dí epahle mílɔ̌b myaá yɨ́, ebě, ɨ́ páʼ wɨ́h, sá bɨ́h bɨɛ dí egʉ́a yɨ́, yé ó, bé lɨ́ eswêʼ yébé waá ɨ́ bigúmó bíbyɛ̂h.»

Rôm 10:18

Nó ó, mě dí ó nɛ́ɛ: «Nzê oYúden bɨ́ɛ, bé á bé ajóʼǒ lɔ́ɔ waá ɛ́?» Eee, bé á si gwa kʉ jóʼo wê. Yé ó mpʉ bé á cɛma ɨ́ Mekaná mé Nzyɛ̌m yɨ́. Yê cɛmá ó: Bʉr, bé á be ɨ́ tô le etúnǒ gúmó yɨ́yɛ̂h, mecwíí mɔ́ɔ́ jwɨ̂ʼ ɨ́ sí yɨ́yɛ̂h, tó pyâl ɨ́ medumo mé sí mɨ́mɛ̂h.

2 Korɛnt 2:14

Mɨná dwêʼ gá Nzyɛ̌m nzyǒo. Nye ó dí esâ ó, mɨná gá e Krîst díʼee binkɔ́ɔ́ bi dí entaa ɨ́ jɔʼ yɨ́yɛ̂h bí. Nye ntémé ó dí esâ ó, mɨná dwêʼ gá bʉr milɛ́ʼlá mi dí esâ ó, bé gʉ́ŋaa nye mí. Nyě sá mɨ́ná gá nó ó, ɨ́ gúmó yɨ́yɛ̂h. Mɨná gá mû ó mpʉ̌ lɔbína dí epyêl mbɨambɨa numó yɨ́.

1 Tesalonika 1:2

Bɨ̌h bé lɨ́ edwě Nzyɛ̌m nzyǒo ɨ́ bijɔʼ bíbyɛ̂h ɨ́ lɔ̌b wɨ́n, jɔʼ bɨ́h dí ejɨʼla e né yɨ́.

1 Tesalonika 2:13

Sá tɨ̂ʼ ó bɨ́h dí edwě Nzyɛ̌m nzyǒo ɨ́ bijɔʼ bíbyɛ̂h yɨ́, ebě, ɨ́ jɔʼ bɨ́h á lɛ́ɛ bɨ̌n lɔ́ɔ́ wé yɨ́, bɨ̌n bé á si bûʼla wê. Bɨ̌n bé á bé anʉa wé mpʉ̌ lɔ́ɔ́ dí eduho ɨ́ num mʉ̂r bipúno wɨ́. Bɨ̌n bé á kʉ nʉa wé ó, mpʉ̌ lɔ́ɔ́ mé Nzyɛ̌m lɨ́ otyeetye. Lɔ́ɔ́ mé Nzyɛ̌m waá, wé lɨ́ eséa ɨ́ bɨ̌n obûʼla.

2 Tesalonika 1:3

Bɨ́ɔɔ́ bɨ́h le okɛ́l bɨ́h, bɨ̌h bé ɨ́ jala le edwě Nzyɛ̌m nzyǒo ɨ́ bijɔʼ bíbyɛ̂h ɨ́ lɔ̌b wɨ́n. Yé ɨ́ jala nó, ebě, búʼó bɨ́n dí ebúʼlǎ Krîst yɨ́, yé lɨ́ etô le egwɨ́e. Kpɛ̌l bɨ́n dí ekpɛl bʉ̂r yɨ́, yé bwaʼ ó bwaʼáa.

2 Timotɛ 1:3

Me lɨ́ edwě Nzyɛ̌m nzyǒo ɨ́ jɔʼ yɨ́yɛ̂h. Me lɨ́ esâ sɨ́n lɨ́ esâ mínjɨʼla ɨ́ lɔ̌b gô, móhó e pum. Mě séá nyé syɛ́ɛ́ yaá ó e mipahlá mí léme mi dí ɨ́ pyɛɛɛ mí, jwɨʼ gwár mpʉ bímpám byâm, byé á sɨsâ nye yǎ yɨ́.

Filemɔŋ 1:4

Jɔʼ yɨ́yɛ̂h mé dí ejɨʼla e Nzyɛ̌m lɨ́ esú lô yɨ́, me lɨ́ edwe nyé nzyǒo,