Rôm 1:7 - Kálar Nzyɛ̌m : Ejwán é Sáá

⁷ Mě cɛmá ó, bʉr bɨ́bɛ̂h o dí Rôm, baá Nzyɛ̌m á kpɛl, le etwâr ó, bé díʼee mitwárá mí bʉ̂r myé bá. Metyɛʼ me mpóm le mepyɛbla, mé díʼee e bɨ̌n, duho e Nzyɛ̌m Sɔ́ŋ gá wɨ́ná, bé e Tî Yésʉs-Krîst.

Kálara Zyɛ̌m Edwán é mpʉ̌n

⁷ Me etile ó, bʉr bɨbɛh ndɨ Rom, baa Zyɛm a bul kpɛl ndwe le epɛh ó, bé diʼe mɨsaŋ mɨ bʉr be e. Mocyɛʼ mo mpom e motala mo Zyɛm Sɔŋ ga wina bé e Da Yesʉs-Krɨst, mé swɨŋɨ é bɨn.

Rôm 1:7 ပူးပေါင်းရင်းမြစ်များ

Kolosi 1:2

bʉr o dí egúmo e Nzyɛ̌m, baá o dí ɨ́ Kolósia bá. Bɨ̌n bé ó bɨ́ɔɔ́ bɨ́h ɨ́ Krîst tʉ́ŋlʉ̌, bʉr o bé ébûʼlɔɔ. Metyɛʼ me mpóm le mepyɛbla, mé díʼee e bɨ̌n, duho e Nzyɛ̌m Sɔ́ŋ gá wɨ́ná.

Éfɛsɔs 1:2

Metyɛʼ me mpóm le mepyɛbla, mé díʼee e bɨ̌n, duho e Nzyɛ̌m Sɔ́ŋ gá wɨ́ná, bé e Tî Yésʉs-Krîst.

1 Tesalonika 1:1

Yé ó mɛm Pɔ̂l ó dí ecɛma bɨ́n mekaná mâ, bɨ̌h e Silâs ndu e Timotɛ̂. Bɨ̌h cɛmá ó, bʉr ó Mbɛ̌r-Nzyɛ̌m o dí Tesaloníka, baá o dí egúmo e Nzyɛ̌m Sɔ́ŋ ndu e Tî Yésʉs-Krîst bá. Metyɛʼ me mpóm le mepyɛbla, mé díʼee e bɨ̌n.

2 Korɛnt 13:14

Ncwɨ́ncwɨ́a mé Tî Yésʉs-Krîst, le kpɛ̌l mé Nzyɛ̌m Sɔ́ŋ ti e mpúhlá mé Sísǐm mé Nzyɛ̌m, byé díʼee e bɨ̌n óbɛ̂h.

2 Yʉanes 1:3

Metyɛʼ me mpóm, le njɨ́ʼá nkóó le mepyɛbla, byé díʼee e mɨná gâ, duho e Nzyɛ̌m Sɔ́ŋ, bé e Yésʉs-Krîst, Mwân mé Nzyɛ̌m Sɔ́ŋ ɨ́ nzɨ̌ otyeetye wɔ́ɔ́ ti e kpɛ̌l yɔ́ɔ́.

Filemɔŋ 1:3

Metyɛʼ me mpóm le mepyɛbla, mé díʼee e bɨ̌n, duho e Nzyɛ̌m Sɔ́ŋ gá wɨ́ná, bé e Tî Yésʉs-Krîst.

2 Tesalonika 3:18

Tî gá wɨ́ná Yésʉs-Krîst, nye sʉ́ʼoo bɨ̌n óbɛ̂h metyɛʼ me mpóm.

2 Tesalonika 3:16

Nó ó, Tî gá wɨ́ná, mʉr dí egbâ mɨ́ná gá mepyɛbla ɨ́ miléme nyá, nye gbâʼ bɨ̌n mepyɛbla ɨ́ miléme ɨ́ bijɔʼ bíbyɛ̂h, le menzɨ̌ mɨ́mɛ̂h. Tî gá wɨ́ná díʼee e bɨ̌n óbɛ̂h.

Mɨngwiha 22:21

Tî Yésʉs sʉ́ʼoo bʉr bɨ́bɛ̂h metyɛʼ me mpóm. Amɛn.

Filemɔŋ 1:25

Tî Yésʉs-Krîst, nye sʉ́ʼoo metyɛʼ me mpóm ɨ́ misísǐm mín.

1 Yʉanes 3:1

Beyɨɨ gá bím Nzyɛ̌m Sɔ́ŋ á kpɛl mɨná gá, ntaa sʉ́ŋa yɨ́! Nyɨ́ gbân mɨ́ná gâ, le elɛ́ɛ ó, mɨná gá bé ó «bwán mé Nzyɛ̌m». Mɨná gá kʉ́ bě tyeetye ó bwán bé. Bʉr ó sí yɨ̂, bɨ́ɛ, bé agʉ́a Sɔ́ŋ gá wɨ́ná Nzyɛ̌m. Sá tɨ̂ʼ ó bé dí agʉ́a mɨ́ná gá yɨ́.

1 Pyɛr 1:15

Nzyɛ̌m, mʉr á jébe bɨ̌n nyá, nye ó tí. Sá tɨ̂ʼ ó bɨ́n jálá le edi bʉ̂r o dí tí bá, ɨ́ páʼ kʉ̌ tyen wɨ́n yɨ́.

Títos 1:4

Mě cɛmá ó, gua Títos, dí mpaŋ mwân wǎm ɨ́ búʼó, yaá dí mɨná bɨ́bɛ̂h ɨ́ miléme yɨ́. Metyɛʼ me mpóm le mepyɛbla, mé díʼee e go, duho e Nzyɛ̌m Sɔ́ŋ, bé e Yésʉs-Krîst, Tiʼbʉr gá wɨ́ná.

2 Timotɛ 4:22

Tî Yésʉs díʼee e go ɨ́ sísǐm. Nzyɛ̌m sʉ́ʼoo bɨ̌n metyɛʼ me mpóm.

2 Timotɛ 1:2

Mě cɛmá ó, gua mwâ kpɛ̌l wǎm Timotɛ̂. Metyɛʼ me mpóm, le njɨ́ʼá nkóó, le mepyɛbla, byé díʼee e go, duho e Nzyɛ̌m Sɔ́ŋ wɨ́ná, bé e Tî gá wɨ́ná Yésʉs-Krîst.

1 Timotɛ 1:2

Mě cɛma mékaná mâʼ ó, gua Timotɛ̂, mʉr dí mpaŋ mwân wǎm ɨ́ búʼó nyá. Metyɛʼ me mpóm, le njɨ́ʼá nkóó le mepyɛbla, byé díʼee e go, duho e Nzyɛ̌m Sɔ́ŋ gá wɨ́ná, bé e Tî gá wɨ́ná Yésʉs-Krîst.

1 Tesalonika 5:28

Tî gá wɨ́ná Yésʉs-Krîst, nye sʉ́ʼoo bɨ̌n óbɛ̂h metyɛʼ me mpóm.

1 Tesalonika 4:7

Ebě, Nzyɛ̌m á jébe mɨná gá ó, mɨná díʼee gá bʉr o dí gúmo e né bá. Nye á bé abáŋle mɨ́ná gâ lɨ́ esú ó, mɨná sâʼ gá bisyɛ́ɛla bi mpîr.

1 Tesalonika 1:3

Ɨ́ minjɨʼla bɨ́h dí ejɨʼla e waá dí Nzyɛ̌m gá wɨ́ná, waá dí ntémé Sɔ́ŋ gá wɨ́ná nyá mí, bɨ̌h bé lɨ́ esímsǎ syɛ́ɛ́ bɨ́n á séa ɨ́ lɔ̌b búʼó yɨ́n yɨ́. Yé á be ó, ɨ́ kpɛ̌l bɨ́n dí ekpɛ̌l Nzyɛ̌m yɨ́. Bɨ̌h símsá ntémé ó, mitúú bɨ́n á sia e myé ɨ́ nzɨ̌ mpûʼla Tî Yésʉs-Krîst á gbâ bɨ̌n ɨ́ miléme nyɨ́ mí. Bɨ̌h sá nó ó, ɨ́ mpǒm mé Nzyɛ̌m gá wɨ́ná, dí Sɔ́ŋ gá wɨ́ná nyá.

Kolosi 3:12

Bɨ̌n ó dí bʉ̌r Nzyɛ̌m á twâr, baá o dí egúmo e né, nyé dí ɨ́ buú kpɛl bá. Nó ó, sáʼ gá njɨ́ʼá nkóó páʼ nyɨ́n, le mpam. Sulɨɨ gá menyʉ́l mɨ́n sí. Diʼee gá bʉr o dí ɨ́ talǎ njwɨr bá, le bʉr o bíhwó.

Filipi 4:23

Ncwɨ́ncwɨ́a mé Tî Yésʉs-Krîst, nye díʼee e bɨ̌n óbɛ̂h.

Filipi 4:20

Kûm díʼee e waá dí Nzyɛ̌m gá wɨ́ná, waá dí ntémé Sɔ́ŋ gá wɨ́ná nyá, njʉ̌m dǐ e njʉ̌m dǐ. Amɛn.

Éfɛsɔs 6:23

Nzyɛ̌m Sɔ́ŋ, bé e Tî Yésʉs-Krîst, bé gbâʼ bɨ̌n, bɨ́ɔɔ́ bɨ́h, mepyɛbla ɨ́ miléme, ti e kpɛ̌l ndu e búʼó.

Galásia 6:18

Bɨ́ɔɔ́ bâm! Okɛ́l bâm! Tî gá wɨ́ná, Yésʉs-Krîst, nye sʉ́ʼoo bɨ̌n metyɛʼ me mpóm mé ɨ́ milémé mín. Amɛn.

1 Korɛnt 16:23

Tî Yésʉs, nye sʉ́ʼoo bɨ̌n metyɛʼ me mpóm.

Rôm 9:25

Yé ó mpʉ nyé á lɛ́ɛ ɨ́ mekaná Ozéa á cɛma má yɨ́. Yê cɛmá ó: Bʉr o b'á be anyɛɛ́ bě kúl bʉ̂r yâm bá, me ókǎ gbân bé, le ejwɨr bé ó: kúl yâm. Sí mé á be anyɛɛ́ kpɛl yɨ́, me ókǎ jwɨr yé ó: sí kpɛ̌l yâm.»

Rôm 5:1

Nzyɛ̌m á be ɨ́ dwe mɨ́ná gá nkam ɨ́ lɔ̌b búʼó gá yɨ́ná. Sá tɨ̂ʼ ó mɨ́ná gá e Nzyɛ̌m mû mbɨ̂mbɨá ɨ́ nzɨ̌ Tî gá wɨ́ná, Yésʉs-Krîst yɨ́.

Mɨlʉmlʉ 15:23

Bé á lómo bé ó, bé tôʼ tímle bé mekaná mâ: Yé ó bɨ̌h, bʉr o mílʉ́mlʉ́, otyɛ̂b bé ésôʼ ó Mbɛ̌r-Nzyɛ̌m le bɨ́ɔɔ́ bɨ́n ɨ́ Krîst ó dí ecɛma bɨ́n mekaná mâ. Bɨ̌h cɛmá ó, bʉr ó Antiôs, le baá ó Sirî ti e baá ó Silisía bé á be abyɛ̂l oYúden bá. Bɨ̌h bé lɨ́ esoho bɨ́n!

Kolosi 3:15

Krîst tyɛ́bɨɨ bɨ̌n ɨ́ miléme, ó bɨ̌n díʼee e miléme mi dí milwɨ́ŋlá ɨ́ mepyɛbla mí. Sá tɨ̂ʼ ó Nzyɛ̌m á jébe bɨ̌n ó, bɨ̌n pûhlaa ɨ́ nyʉ̂l mpwár yɨ́. Jwǐdwéʼ gá nye nzyǒo ɨ́ jɔʼ yɨ́yɛ̂h ɨ́ bisá nyé dí esâ bɨ́n bí.

Filipi 4:13

Mě e nkul esâ bísá bíbyɛ̂h nó ɨ́ nzɨ̌ mé Krîst, mʉr dí edwe mé nkul nyaá nyá.

Rôm 8:39

damá be bísâ bi dí ɨ́ jʉ́o kʉ́, nkʉ̂ byaá bi dí ɨ́ sí tʉ́ŋlʉ̌ bí, damá be wáǎ mbǐ sɔ̂ʼ Nzyɛ̌m á komlo yɨ́, tó tôʼ. Sâ gwár dí ɨ́ sɔ́má yaá yɨ́, yé ákóʼó bɛ̂ʼ páʼ gá nyɨ́ná e Nzyɛ̌m, mʉr dí elɛ̂ʼlě kpɛ̌l yé ɨ́ nzɨ̌ mé Yésʉs-Krîst, Tî gá wɨ́ná nyá.

Rôm 1:6

Bɨ̌n ntémé, bé ɨ́ tólɔ́ɔ bʉr baá, ebě, Yésʉs-Krîst á jébe bɨ̌n ó, bɨ̌n dyɛ̂ʼwaa e né.

Mɨngwiha 2:1

«Cɛmaa mékaná. Go e tyén éngeles dí edwéelě Mbɛ̌r-Nzyɛ̌m, waá dí Éfɛsɔs wɨ́ nyá. Lɛ́yɨ́ɨ́ nyé ó: Waá dí emɛ̂r ócwícwén nzaangbá lɨ́ ekœ́h lé éjʉ́m lé nyá, nye lɨ́ etye páʼ bityélátyéla méláma bí gʉ̂l nzaangbá. Nyě lɛ́ɛ́ ó:

Jacques 1:1

Yé ó mɛm Jacques, syɛ̂l mesâ mé Nzyɛ̌m le Tî Yésʉs-Krîst ó dí ecɛma bɨ́n mekaná mâ. Me lɨ́ esoho bɨ́n, bʉr o ménzweh kám e mebá mû mingbɛhá míngbɛhá ɨ́ sí yɨ́yɛ̂h bá.

Yʉanes 20:17

Yésʉs, nye e né ó: «Sá akǎ mɛ̂r mê, ebě, me dína apǎ bɨ́nɔɔ ɨ́ jʉ́o kʉ́, tô kwá mé Dâ. Tóʼ, tó lɛ́ɛ bɨ́ɔɔ́ bâm ó, me mû ó lɨ́ ebére, búlǎ nko Sɔ́ŋ wǎm dí yɨ́. Nye ntémé, nye ó sɔ́ŋ wɨ́n. Nye ó Nzyɛ̌m wǎm. Nye ó Nzyɛ̌m wɨ́n ntémé.»

Mataos 5:16

Nó njʉl wɨ́n, wé ɨ́ jala le epǎn myɛ́n ɨ́ bʉr, ó bé nkʉ̂ gwa bee bísyɛ́ɛla bimpâ bín, le edwe Sɔ́ŋ wɨ́n dí ɨ́ jʉ́o kʉ́ nyá kûm tɨ̂.»

Mɨngwiha 3:22

«Mekǎn Sísǐm mé Nzyɛ̌m dí elɛ́ɛ̌ Mbɛ̌r-Nzyɛ̌m, mé ó ménɨ̌. Waá dí e megwǎl mé éjóʼo nyá, nye jóʼaa náǎ.»

Mɨngwiha 3:14

«Cɛmaa mékaná. Go e tyén éngeles dí edwéelě Mbɛ̌r-Nzyɛ̌m, waá dí ɨ́ Laodiséa wɨ́ nyá. Lɛ́yɨ́ɨ́ nyé ó: Waá dí e díe ó, “Amɛn”, dí ntémé mboʼlo mpâ, mʉr ebúʼlɔɔ. Nye ó waá Nzyɛ̌m á kuho kʉ́ e sí ɨ́ nzɨ̌ nyé nyá. Nyě lɛ́ɛ́ gó ó:

Mɨngwiha 3:7

«Cɛmaa mékaná. Go e tyén éngeles dí edwéelě Mbɛ̌r-Nzyɛ̌m, waá dí ɨ́ Filadɛ́lfia wɨ́ nyá. Lɛ́yɨ́ɨ́ nyé ó: Lɔ́ɔ́ wɨ̂, wé duho ó, ɨ́ num mé Mʉr mé Nzyɛ̌m dí tí, waá dí tyeetye nyá. Paá bee gâ: osab me Njwɨ́ɨ David ó mé dí e bé ɨ́ mebô bâ. Mé díb ébê nó, abe e mʉr ókǎ pɨr lê. Mé pɨ́r lé nó, abe e mʉr dí e nkul ekǎ báʼǎ dib.

Mɨngwiha 2:29

Mekǎn Sísǐm dí elɛ́ɛ̌ Mbɛ̌r-Nzyɛ̌m má, mé ó ménɨ̌. Mʉr nyɨnyɛ̂h dí e megwǎl mé éjóʼo nyá, nye jóʼaa náǎ.»

Mɨngwiha 2:18

«Cɛmaa mékaná. Go e tyén éngeles dí edwéelě Mbɛ̌r-Nzyɛ̌m, waá dí ɨ́ Teatîr wɨ́ nyá. Lɛ́yɨ́ɨ́ nyé ó: Lɔ́ɔ́ wɨ̂, wé duho ó, ɨ́ num Mwân mé Nzyɛ̌m. Míh mé, mé ó mpʉ̌ njʉ̌l siʼe. Mekʉ̌ mé, mé ó mpʉ̌ nkóhó dí ɨ́ buú pan yɨ́.

Mɨngwiha 2:12

«Cɛmaa mékaná. Go e tyén éngeles dí edwéelě Mbɛ̌r-Nzyɛ̌m, waá dí ɨ́ Pɛ́rgamos wɨ́ nyá. Lɛ́yɨ́ɨ́ nyé ó: Waá dí e pasoŋ njebá myoo mipáʼ mímbá nyá, nyě lɛ́ɛ́ ó:

Mɨngwiha 2:8

«Cɛmaa mékaná ntémé éngeles dí edwéelě Mbɛ̌r-Nzyɛ̌m, waá dí ɨ́ Smírna wɨ́ nyá. Lɛ́yɨ́ɨ́ nyé ó: Waá dí mʉr esôʼ ndu e waá epíhe, waá á dwe, báʼǎ pah nyá, nye lɨ́ elɛ́ɛ bɨ́n ó:

1 Timotɛ 6:2

Nó, bitúʼǎ bi dí ejóʼo le obûʼla mé Nzyɛ̌m bí, byé ajala le epyêh ójwɨ́ɨ bɔ́ɔ́ dɔɔ́ le ebe ó, bé ó bɨ́ɔɔ́ ɨ́ búʼó tʉ́ŋlʉ̌. Byé séaa bé syɛ́ɛ́ túʼǎ yɔ́ɔ́ mbɨ̂mbɨá, bɨ́ɛ lɨ́ egʉ́a ó, bʉr o dí edira mínyɔm ɨ́ bisyɛ́ɛ́ byaá bá, bé ntémé, bé ó obûʼla, bɨ́ɔɔ́ bɔ́ɔ́ be dí ekpɛl bá. Bisá bîʼ ó gó jálá le elɛ̂ʼle le etɨ́e bʉ̂r bí.

Mɨlʉmlʉ 9:13

Ananías ntɔ̂ʼ lɛ́ɛ ó: «Dâ ɛ̌, bʉr ɨ́ buo buo, bé á si lɛ́ɛ me lɔ̌b wé. Bé sá ó lɛ́ɛ ébébe lɨ́lɛ̂h nyé á sâ bʉr o dí egúmo e go, baá o dí ɨ́ Yerʉ́zalɛm bá lɨ́.

Rôm 5:5

Lémé mʉ̂r, wé óbe, wé mû sí lóno ɨ́ mpûʼla nó, mʉr waá, nye ájóʼo bá sôn ɨ́ lɔ̌b mpûʼla nyé, ebě, Nzyɛ̌m á si lɛ̂ʼle mɨná gá mpʉ nyé dí ekpɛl mɨ́ná gá kpɛ̌l ápurapúra yɨ́. Nye á lɛ̂ʼle mɨná gá nó ó e nzɨ̌ Sísǐm wé, nyé á ntɨh mɨná gá wɨ́.

Rôm 8:28

Mɨná bé lɨ́ egʉ́a gá ó, Nzyɛ̌m, nye lɨ́ eboó komlo bísá bíbyɛ̂h ó, byé díʼee e nyɔm lɨ́ esú é bʉ̂r o dí ekpɛl nyé, baá nyé á jébe ɨ́ mitíʼá mí lémé wé bá.

1 Korɛnt 1:24

Ɨ́ páʼ bʉ̂r Nzyɛ̌m á jébe bá, damá jóʼo óYúden, damá jóʼo bʉ̂r o dí abe óYúden bá, bé bee nkûl le ocwóó mé Nzyɛ̌m ó, ɨ́ Yésʉs-Krîst.

Filipi 1:2

Metyɛʼ me mpóm le mepyɛbla, mé díʼee e bɨ̌n, duho e Nzyɛ̌m Sɔ́ŋ gá wɨ́ná, bé e Tî Yésʉs-Krîst.

1 Tesalonika 1:4

Bɨ́ɔɔ́ bâm! Okɛ́l bâm! Bʉr ó Nzyɛ̌m dí ekpɛl bá! Bɨ̌h bé lɨ́ egʉ́a ó, nyɨ́ twâr bɨ́n, ó bɨ̌n díʼee bʉr bé.

2 Tesalonika 1:2

Metyɛʼ me mpóm le mepyɛbla, mé díʼee e bɨ̌n, duho e Nzyɛ̌m Sɔ́ŋ, bé e Tî Yésʉs-Krîst.