Rôm 1:32 - Kálar Nzyɛ̌m : Ejwán é Sáá

³² Damá jóʼǒ mpʉ bʉ̂r baá, bé lɨ́ egʉ́a ó, Nzyɛ̌m á lɛ́ɛ ó, baá bɨ́bɛ̂h dí esâ mímbi mí ébébe myaá bá, bé dáʼré ó, eswie ɨ́ menyʉ́l mɔ́ɔ́ yɨ́, bɨ́ɛ, bé ó njɨ lɨ́ etô dóló le esɨsâ bísyɛ́ɛla byaá. Yé abě njɨ nó yé omér. Jɔʼ bé dí ebee bʉ́ʉ́ bʉ̂r lɨ́ esâ syóm yɨ́, bé e bisʉhʉʉ ɨ́ miléme. Bé e bé ó: «Sɨ́sáʼ gá njɨ mpʉ́nʉ̌.»

Kálara Zyɛ̌m Edwán é mpʉ̌n

³² Dam be ó, bʉr baa, bé egʉa ó, Zyɛm a lɛɛ ó, bʉr bɨbɛh ndɨ esa mɨmbi mɨ ebebe myaa ɛ, bé edaʼre ó efie é monyʉl mɔɔ, bɛɛ, bé ó njɨ lé eto dolo lé esa-sa bɨsyɛɛla byaa. Yé abe njɨ no, yé ome. É jɔʼ bé lé ebee bʉʉ bʉr lé esa syem ɨ, bé ekʉ mɛʼle bɨsyɛɛla byɔɔ le esoʼlo be ó, bé toʼ dolo lé esa bye, to-to ó toʼ.

Rôm 1:32 ပူးပေါင်းရင်းမြစ်များ

Rôm 1:21

Damá jóʼǒ mpʉ bé á kʉ gʉ́a ó, Nzyɛ̌m, nye ó tɨ̂ʼ yɨ́, bé á bé adwe nyé kûm jálá e né nyɨ́, nkʉ̂ pʉgʉ́ bá dwe nyé nzyǒo. Bé á jaa pɨpahle sɔ̂ʼ ó, njɨ bisâ bi dí abá be e nyɔm bí. Bé ó bigʉʼlʉgʉ́, lúʼo pɨ̂ʼ. Milémé myɔ́ɔ́, myé jaá di ó, njɨ lɨ́ edúrʉ́ʉ́.

Rôm 6:21

Wáǎ nyɔm bɨ́n á bi, duho ɨ́ misyóm bɨ́n á sɨsâ mí? Bɨ̌n mû ɨ́ báánâʼ ó, lɨ́ ejóʼo sôn lɨ́ esímsa bísyɛ́ɛla bí ébébe byaá. Ndumló bísyɛ́ɛla byaá wɨ́ɛ, wé ó eswie.

Rôm 1:18

Nzyɛ̌m, nyɨ́ lɛ̂ʼle mɨ́ná gá ɨ́ sʉ́lʉ́lʉ́, duho ɨ́ jʉ́o kʉ́ mpʉ nyé dí elɛ̂ʼle nkpáa, duho ɨ́ bibɨ́bla bísyɛ́ɛla bíbyɛ̂h yɨ́. Nye lɨ́ elɛ̂ʼle nkpáa ɨ́ lɔ̌b bʉ̂r o dí elwímla le otyeetye, jaá dudû njɨ bisyɛ́ɛla bi dí onzyɛ́h ónzyɛ́h bí bá.

Lʉkas 11:48

Mpʉ bɨ́n dí ekɔ̂n mésoo mɔ́ɔ́ nó yɨ́, bɨ̌n bé lɨ́ eboʼlo tɨ̂ʼ lɨ́ otyeetye ó, osɔ́ŋ bɨ́n ó dí e mpono meswie mɔ́ɔ́. Osɔ́ŋ bɨ́n ó b'á jʉ̂ ogwíha o mílɔ̌b; bɨ̌n bɨɛ kǎ kɔ̂n mésoo mɔ́ɔ́.

Mɨlʉmlʉ 22:20

Jɔʼ bé á jʉ̂ Étiene, mboʼlo gǒ yɨ́, me á be ó tɨ̂. Bʉr o b'á jʉ̂ nye bá, me á si kʉ kam syɛ́ɛla yɔ́ɔ́ yaá. Me ntémé ó b'á baʼle mikán myɔ́ɔ́.”

Mɨlʉmlʉ 8:1

Saʉ̂l nzě kam éswie mé Étiene. Ɨ́ móhó ngwár e ngwár waá, bê nzě nyɛl étíblě Mbɛ̌r-Nzyɛ̌m Yerʉ́zalɛm ɨ́ dwíííá. Obûʼla bɨ́bɛ̂h, pɛ̌ʼ njɨ bʉr o mílʉ́mlʉ́ mé Yésʉs, bê nzě gbɛha ɨ́ mekwár mé sí Yʉ́da ti e maá mé sí Samarî.

Rôm 6:23

Myɛ́na mé syɛ̂l misyóm, mé ó njɨ eswie. Tó kœb ó, ndwéá Nzyɛ̌m á dwe bʉr edwɛ́na wɨ́, wé ó twǐʼ njʉ̌m dǐ ɨ́ mpúhlá gá nyɨ́ná e Tî Yésʉs-Krîst.

2 Tesalonika 2:12

Nó ó, bʉr o dí ebene ótyeetye, jaá kpɨkpɛ̌l njɨ bisyɛ́ɛla bi dí egbah métié bí bá, bɨ́bɛ̂h, bé ónʉa mébě tɨ̂.