Rôm 1:30 - Kálar Nzyɛ̌m : Ejwán é Sáá

³⁰ Bé lɨ́ eswêʼ míé mé bʉ́ʉ́ bʉ̂r. Bé ó ontɨ̂m le obɨn mé Nzyɛ̌m. Bé lɨ́ edîʼ mpêl. Bé lɨ́ esâ énkɛ́ɛ e nyʉ̂l le jáálé. Bé jaá sɨsáa ó, njɨ mepɨʼ mé ékûhlo mʉ́ʉ́ mébébe meswîh. Bé ajóʼo ósɔ́ŋ le onyɔ̌ŋ bɔ́ɔ́.

Kálara Zyɛ̌m Edwán é mpʉ̌n

³⁰ ka kɛl movoʼ. Bé nteme, bé ebene Zyɛm, le epyeh bʉr. Bé e nkɛa nyʉl, ndwe e jaale. Bé ekʉ ka saa ó njɨ mopɨʼ mo ekuhlo mʉʉ mobebe mofih. Bé ajoʼo obyɛl bɔɔ.

Rôm 1:30 ပူးပေါင်းရင်းမြစ်များ

2 Timotɛ 3:2

Ɨ́ jɔʼ yaá, bʉr bé ójaá kpɨkpɛl ó, njɨ bé bʉr o tɨ̂. Bé ókpɛ̌l mɔnɨ́, ntaa sʉ́ŋa. Bé óbuú sâ jáálé le enkɛ́ɛ e nyʉ̂l. Bé óbuú sâ nkěh, le esâ ntémé obyɛ̂l bɔ́ɔ́ ebɨ̌h. Bé álɛ́ɛ émbɨa bé dí esáŋɔɔ lɨ́. Bé abe e nkul enʉa mílɔ̌b mé Nzyɛ̌m, gbâ myé ɨ́ nkɔb.

Yʉ̂d 1:16

Bʉr baá, bê ɨ́ jɔʼ yɨ́yɛ̂h ó, lɨ́ elwib ɨ́ bébe bébe dumo e Nzyɛ̌m. Bê ɨ́ jɔʼ yɨ́yɛ̂h ó, lɨ́ etítíne nkɔ̂b nyé dwídwé bé nyɨ́. Bé jaá dû ó, njɨ bigwɨ́má byɔ́ɔ́. Bé lɨ́ elwib bílwǐb bí jáálé. Bé lɨ́ edwáawo bʉ̂r mempǒm, bɨ́ɛ lɨ́ egʉ́a ó, bé e nkul edira wɔ́ɔ́ nyɔm tɨ̂.

2 Pyɛr 2:18

Bé lwilwib ó e mekǎn mé jáálé, maá me dí dwêh má. Ɨ́ nzɨ̌ bigwɨ́má ményʉ́l mébomo mɔ́ɔ́, bé lɨ́ edulo bʉ̂r o bé alúno syɛb ményʉ́l mɔ́ɔ́ ɨ́ sɔ́má bígʉʼlʉgʉ́ bá.

Jacques 4:16

Sâ gwár, bɨ̌n mû ó lɨ́ esâ énkɛ́ɛ e nyʉ̂l ɨ́ jɔʼ bɨ́n sá jáálé nó yɨ́. Gʉ́ŋáá gá ó, mbǐ nkɛ́á nyʉ̂l wɨ́wɛ̂h, wé ɨ́ bébe.

Jacques 3:5

Jɨ́m mʉ̂r, yé ó nó. Yé damá twâʼwo, yé e nkul enkʉ́na ɨ́ bisá bínɨ́nɨ́ɨ́ yé dí esâ bí. Sá swîh ó yɨ̂: Mâ njʉ̌l siʼe ábéá le edîʼ ékomo é dwǐʼ ebeɔɔ.

Títos 3:3

Ebě, mɨná gá bɨɛ á nyɛɛ be ó nó: bigʉʼlʉgʉ́, baajóʼo-mélɨ́, sí dîm. Mɨná bé á didi gá ó, bitúʼǎ bígwɨ́má mimbi mimbi. Mɨná bé á títíʼe gá ó, lɨ́ esâ bʉ̂r ebébe é léme le nzwíí. Bɨ́ɛ ntémé lɨ́ esíe bɨ́ná gâ. Mɨná bɨɛ ntémé, bé á si nwimla páʼ gá nyɨ́ná.

2 Tesalonika 2:4

Nye ólwímla e sá yɨ́yɛ̂h dí ejébɔɔ ó «Nzyɛ̌m» yɨ́. Nye ólwímla e bisá bíbyɛ̂h bi dí edweŋɔɔ̌ dúu bí. Nye ósûʼlǎ nʉǎ diá kûm ɨ́ mpáh Nzyɛ̌m tʉ́ŋlʉ̌, túno ɨ́ kpɛŋlɛm ó, nye ó Nzyɛ̌m.

2 Korɛnt 10:15

Nó ó, bɨ̌h bé antaa mínjɨ̌ Nzyɛ̌m á lyáŋle mí. Bɨ̌h bé ankʉ́na ɨ́ syɛ́ɛ́ yé onkán. Sá dí tɨ̂ʼ yɨ́, yé ó: búʼó yɨ́n, yé ótô le egwɨ́e nó, bɨ̌h bé obi nkûl ebǔl syɛ́ɛ́ dí ɨ́ buǒ nyɔm yɨ́. Syɛ́ɛ́ yaá, yé óswîʼ njɨ ɨ́ minjɨ̌ Nzyɛ̌m á boo lyáŋle mí.

Rôm 3:27

Mpʉ yé dí nó yɨ́, nzê mʉr óbánǎ tô le enkʉ́na ɨ́ bisyɛ́ɛla byé nyé mʉr tɨ̂ʼ ɛ̌? Heʼé, yʉ́ʉ́ sɔ̂ʼ, yé abe nó! Yé dí ekamle e mɨná gá ó, mɨná nkʉ́naa gâ? Nzê metié mé Nzyɛ̌m ó dí ekamle mɨ́ná gá lɨ́ enkʉ́na ɛ́? Yaá! Sá dí esâ ó, mɨná sá ankʉ́na gá yɨ́, yé ó nzɨ̌ búʼó mɨ́ná dí edû gá nyɨ́.

Rôm 2:23

Gua mʉr dí ebuú nkʉ́na ɨ́ mpʉ gó á tyélɔɔ metié yɨ́ nyá, gǒ kǎ gbah métié maá ɨ́ yé? Gua yɨ́ɛ lɨ́ esâ Nzyɛ̌m bisá bí ésɔ́m!

Rôm 2:17

Yê nyá, gua, mʉr dí ejébɔɔ Yúden nyá? Gǒ dídyɛ́ʼwó ó e metié. Gǒ jaá nkʉ́nǎ njɨ ó, go ó dí mʉr mé Nzyɛ̌m.

Mɨlʉmlʉ 5:36

Yé dína ó agúm pǎ lɛŋ mélû, Tœdâs á be lɨ́ etô le enkʉ́na ɨ́ nye mʉr tɨ̂. Nye ó, nyɨɛ nye ó mpaŋ mʉ̂r. Kúnókúno e bʉr minter minâ bánǎ dúŋɔɔ nyê. Ádwií nɛ́ɛ: jóʼo bé jʉ́ nyê. Bʉr bɨ́bɛ̂h o b'á pa dudû nye bá, bé ntɔ̂ʼ bʉ́la. Lɔ̌b wé ntɔ̂ʼ gœ̂ʼ náǎ.

Lʉkas 21:16

Osɔ́ŋ le onyɔ̌ŋ bɨ́n, bé óbɛ́ma bɨ́n. Bɨ́ɔɔ́ bɨ́n, obyɛ́l bɨ́n le osó bɨ́n, bé óbɛ́ma bɨ́n. Bé ójʉ̂ bʉ́ʉ́ bʉ̂r ɨ́ sɔ́má yɨ́n.

Mataos 16:21

Táare ɨ́ jɔʼ yaá, Yésʉs nzě gɔ́na le elɛ́ɛ ómpʉ́n bé ó, yé jala ó, nye tôʼ ɨ́ Yerʉ́zalɛm, nye síaa e mitúú ɨ́ buo buo ɨ́ mebó mé ótɔ́má bʉ̂r, le ojwɨ́ɨ o mpáh Nzyɛ̌m le olɛ̂ʼla o métié. Nye ntémé ójʉ́ŋɔɔ. Lɨ́ elú élɛ̂l píe tɨ̂, nye ópah ɨ́ soo.

Mataos 15:4

Ebě, Nzyɛ̌m á lɛ́ɛ ó: “Dwéʼ sʉ́ŋ e nyʉ̌ŋ dúu.” Nye ntémé, nye ó: “Mʉr ngá syɛm sɔ́ŋ nkʉ̂ nyɔ̌ŋ nyá, jala ó jʉ́ŋɔɔ.”

Yʉanes 7:7

Bʉr ó sí yɨ̂, bé abe e nkul enwim bɨ́n. Bé nwím ó mɛm, ebe mé dí egwîh ó, bisyɛ́ɛla bé dí esâ bí, byé ɨ́ bébe.

2 Korɛnt 12:20

Ebě, mě kpɛ́ɛ́ ó, me ámû be, abáʼǎ bɔma e bɨ̌n lɨ́ epyál lâm mpʉ mé dí egwɨ̂m yɨ́. Bɨ̌n ámû kœb mé, abě mpʉ bɨ́n bɨɛ dí egwɨ̂m yɨ́. Me ámû kœb bɨ́n lɨ́ esâ bísyɛ́ɛla bî: mentɛ́ɛ́, egú, mebúʼ, gwɨ́má épɨra e bʉr, mesyɛ́ɛla, mpǔʼ, nkɛ́á nyʉ̂l, le bintʉ̌.