Rôm 1:3 - Kálar Nzyɛ̌m : Ejwán é Sáá

³ Mbɨambɨa Lɔ́ɔ waá dumo ó e Mwân wé. Ɨ́ nkǒ páʼ ébyɛ̂l e bípúno, nye á be ó mʉr mbɛ̌r bʉ̂r mé David.

Kálara Zyɛ̌m Edwán é mpʉ̌n

³ Mbɨambɨa Lɔɔ waa, wé etiibe ó e Mwan we. É nko paʼ mbyɛla we, nye a be ó mʉr mpoŋbʉr mo David.

Rôm 1:3 ပူးပေါင်းရင်းမြစ်များ

Mataos 1:1

Bimpám mé Yésʉs-Krîst, byé ó bî: Yésʉs-Krîst á be ó mwân mé David, bé le Abraham.

Galásia 4:4

Yé ntɔ̂ʼ kǎ pyâl mbɨambɨa jɔ̌ʼ Nzyɛ̌m á boo tyêl yɨ́. Jɔʼ yaá ó Nzyɛ̌m á nze ntɨh Mwân wé, ó nye ntáa nzě byɛ̂l ɨ́ mo nyʉ́ʉ́ mʉ́má. Mwân waá á be ó, ɨ́ mpila métié tʉ́ŋlʉ̌.

Yʉanes 1:14

Lwǐb á be ó sí byɛ̂l mʉ̂r. Nye á si tiʼe páʼ gá nyɨ́ná. Mɨná bé á be ó sí bee gá mentyɛnwa mé, mentyɛnwa mé étíʼé é Mwân mé Nzyɛ̌m. Nye á si duho kwá Sɔ́ŋ wé lwɨ́ŋlá e mpam mé Nzyɛ̌m, le otyeetye.

Yʉanes 1:49

Natanaɛ̂l, nye e né ó: «Lɛ̂ʼla, gǒ tyeetye ó Mwân mé Nzyɛ̌m. Go ó dí Njwɨ́ɨ Ɨ́zraɛ̂l.»

Lʉkas 1:35

Nó ó éngeles á nze yala e né ó: «Yé óbe ó: Sísǐm mé Nzyɛ̌m ó ngá sulo ɨ́ go. Nzyɛ̌m dí Lʉ́ bísá bíbyɛ̂h nyá, nkul nyé, nye ógbâ gó sí pyóo nyé. Sá tɨ̂ʼ ó mwân ti gó óbyâ nyá, ójwɨrɔɔ “Mwân mé Nzyɛ̌m” yɨ́.

1 Tesalonika 1:10

Bé lɨ́lɛ́ɛ́ ntémé ó, bɨ̌n mû ó lɨ́ ebóno Mwân mé Nzyɛ̌m ngá duho ɨ́ jʉ́o kʉ́ nyá. Nye ó waá Nzyɛ̌m á pɛh, dwih lɨ́ odwe nyá. Yésʉs waá ó b'á tíʼ mɨná gâ, lɨ́ esâ ó Nzyɛ̌m sá alɛ̂ʼle mɨ́ná gá nkpaa nyé ɨ́ móhó nyé ótíʼe mílɔ̌b wɨ́. Móhó waá, wé mû ó kúno epyâl.

Rôm 9:5

Bé ó dí mpóʼo mé Abraham, le Isaac ti e Yóseb. Krîst mʉr tɨ̂ʼ á byɛ̂l mʉr ó, ɨ́ kúl bʉ̂r yɔ́ɔ́. Kûm díʼee e Nzyɛ̌m, njwɨ́ɨ sá yɨ́yɛ̂h, njʉ̌m dǐ e njʉ̌m dǐ. Amɛn.

Yʉanes 20:28

Thomas nzě lɛ́ɛ e né ó: «Tî wǎm! Nzyɛ̌m wǎm!»

Yʉanes 10:30

Bɨ̌h e nɔ́ɔ́, bé ó sâ gwár.»

Mataos 1:16

Yákɔb byâ Yóseb, njʉ̂m mé Maria. Maria ó b'á byâ Yésʉs, bé dí ejébě “Krîst”. Díe laá, lé páʼlɔ́ɔ́ ó, Mʉ̌r Nzyɛ̌m á lœm múló mé jwɨ́ɨ nyá.

2 Timotɛ 2:8

Sísímsáá Yésʉs-Krîst, nta mé David, á pah nyá, mpʉ̌ Mbɨambɨa Lɔ́ɔ́ wâm dí elɛ́ɛ yɨ́.

1 Korɛnt 1:9

Nzyɛ̌m, nye ó mʉr jálá le ebúʼlɔɔ nyá. Nye ó b'á jébe bɨ̌n ó, bɨ̌n tôʼ, tó pûhla e Mwân wé, Yésʉs-Krîst, Tî gá wɨ́ná.

Mɨlʉmlʉ 2:30

Mpʉ̌ David á be ngwíha milɔ̌b yɨ́, nye á be ɨ́ boó gʉ́a ó, Nzyɛ̌m á si kɛʼ, ntaa mínkâl ó, nye ópɛ̂h nyʉ́ʉ́ mʉ̂r ɨ́ bʉr o mpóʼo nyé, dil nyé ɨ́ diá jwɨ́ɨ yé.

Yʉanes 20:31

Sá mé mû sí cɛma bɨ́n ɨ́ mekaná mâʼ yɨ́, yé ó, bɨ̌n bûʼlaa ó, Yésʉs ó dí Mʉ̌r Nzyɛ̌m á lœm múló mé jwɨ́ɨ nyá, nye ntémé, nye ó Mwân mé Nzyɛ̌m. Bɨ́n sí dyɛ̂ʼwo e né nó, bɨ̌n bé óbǐ twiʼ ɨ́ nzɨ̌ nyé.

Yʉanes 10:36

Nó ó bɨ̌n lɛ́ɛ́ ó, me lɨ́ esâ nyé nkěh ɨ́ yé? Nzê ebe mê gwíh bɨ́n ó, me ó Mwân wé yɨ́ ɛ́? Me ó waá Nzyɛ̌m á pɛ̂h, lómo ɨ́ sí yɨ̂ʼ nyá.

Yʉanes 5:25

Mě lɛ́ɛ́ bɨ́n lɨ́ otyeetye ó, jɔʼ, yé lɨ́ enze. Yé ntémé, yɨ́ pyâl: jɔʼ ódwe, bé ójóʼo twíí Mwân mé Nzyɛ̌m yɨ́. Baá bé ójóʼo nyé bá, bé ótiʼe.

Lʉkas 1:69

Nyɨ́ ntɨh mɨ́ná gá tiʼbʉr dí ɨ́ lele nkûl nyá. Nye ó mʉr mbɛ̌r bʉ̂r mé David, á be syɛ̂l mesâ mé Nzyɛ̌m nyá.

Mataos 27:43

Nye á be ó sí dyɛ̂ʼwo e Nzyɛ̌m. Yé bé Nzyɛ̌m dína ó lɨ́ ekpɛl nyé nó, nye káa tiʼ nyé ɨ́ báánâ, ebě, nye á lɨlɛ́ɛ ntémé ó, nye ó Mwân mé Nzyɛ̌m!»

Mataos 26:63

Yésʉs á jaa di ó, njɨ ɨ́ mes. Nó ó njwɨ́ɨ opara á nze lɛ́ɛ e né ó: «Me lɨ́ entɛŋ gó minkâl ɨ́ díé mé Nzyɛ̌m dí kublakúbla nyá ó, go lɛ́yɨɨ bɨ̌h, nkʉ̂ go ó dí Mʉ̌r Nzyɛ̌m á lœm múló mé jwɨ́ɨ nyá, mʉr dí Mwân mé Nzyɛ̌m nyá?»

Mataos 15:22

Á dwií tɨ̂ʼ nɛ́ɛ: mʉmá Kanân nzě duho kwár nyaá, nzě bʉ̂ bítím, le elɛ́ɛ e né ó: «Dâ ɔ́, Mwâ mé David ɔ́, jɨ́ʼɨ́ɨ́ mé ekpaa nkóó ɔ̌! Sile wâm, wé ɨ́ bébebébe tyé. Eleme, lé lɨ́ ebuú nzamra wê!»

Mataos 12:23

Mentumo me bʉ̂r mɨ́mɛ̂h, mé ntɔ̂ʼ kâm lɔ̌b waá le edíŋɔɔ ó: «Mʉr nyâ: bɨ̌n lɛ́ɛ́, nyé abe Mwân mé David ɨ́?»

Mataos 9:27

Jɔ̌ʼ Yésʉs á be lɨ́ eduhǒ sûm yaá, nye mû lɨ́ esámle yɨ́, baántím óbá, bê nzě dû nyê, le ebʉ̂ bítím. Bé ó: «Mwâ mé David ɔ́, jɨ́ʼɨ́ɨ́ bɨ́h ekpaa nkóó ɔ̌!»

Mataos 3:17

Píe tɨ̂, nyě kǎ jóʼo ó, etyêl nzě duho ɨ́ jʉ́o kʉ́, lɨ́ elɛ́ɛ ó: «Nyâ, nye ó mwân wǎm mé dí ɨ́ buú kpɛl nyá. Sʉhʉʉ yâm yɨ́yɛ̂h, yé e né.»

Mataos 1:6

Yesê byâ njwɨ́ɨ David. David, bé e mʉmá á be kúhó mé Urías nyá, bé á byâ ó, Salomɔ̂ŋ.

Mɨngwiha 2:18

«Cɛmaa mékaná. Go e tyén éngeles dí edwéelě Mbɛ̌r-Nzyɛ̌m, waá dí ɨ́ Teatîr wɨ́ nyá. Lɛ́yɨ́ɨ́ nyé ó: Lɔ́ɔ́ wɨ̂, wé duho ó, ɨ́ num Mwân mé Nzyɛ̌m. Míh mé, mé ó mpʉ̌ njʉ̌l siʼe. Mekʉ̌ mé, mé ó mpʉ̌ nkóhó dí ɨ́ buú pan yɨ́.

2 Yʉanes 1:7

Ebě, bibɨ́bla bí ólɛ̂ʼla, byé mû ó sí buo ɨ́ sí yɨ́yɛ̂h, lɨ́ etô le edímle bʉ̂r. Byé akpɛl ékam ó, Yésʉs-Krîst á nze ɨ́ sí yɨ̂ʼ ó e nyʉ̂l mʉr mpâ. Mʉr kɛ́lá búʼó gá yɨ́ná nyá, nye ó ndímla bʉr le ntɨ̂m e mbɨn mé Yésʉs-Krîst.

1 Yʉanes 5:20

Mɨná bé lɨ́ egʉ́a gá ntémé ó, Mwân mé Nzyɛ̌m á si nze. Nye nzě gbâ mɨ́ná gá pɨʼ ɨ́ miléme ó, mɨná gʉ́ŋaa gá Nzyɛ̌m, mʉr dí le otyeetye nyá. Mɨná di gá ó, ɨ́ mpúhlá gá nyɨ́ná e mʉr dí le otyeetye waá nyá. Mʉr waá, nye ó Mwân wé, Yésʉs-Krîst. Nye ó dí Nzyɛ̌m mpâ. Nye ntémé ó dí Etín é Twǐʼ njʉ̌m dǐ.

1 Yʉanes 5:5

Nzé dí e nkul entaǎ bɨ́blǎ sí yɨ̂? Yé ó njɨ waá dí ebúʼla ó, Yésʉs ó dí Mwân mé Nzyɛ̌m nyá.

1 Yʉanes 5:1

Mʉr nyɨnyɛ̂h dí ebúʼla ó, Yésʉs, nye ó Mʉ̌r Nzyɛ̌m á lœm múló mé jwɨ́ɨ nyá, nyɨ́ byɛ̂l e nzɨ̌ nkul mé Nzyɛ̌m. Mʉr nyɨnyɛ̂h dí ekpɛl sɔ́ŋ nyá, nye lɨ́ ekpɛl ntémé mwân wé.

1 Yʉanes 4:15

Mʉ̂r lɛ́ɛ́ ó, Yésʉs, nye ó Mwân mé Nzyɛ̌m nó, Nzyɛ̌m ótíʼe ɨ́ mpúhlá e nye; nye ntémé ódi ɨ́ mpúhlá e Nzyɛ̌m.

1 Yʉanes 3:23

Etié nyé á tyêl lɨ́ esú gá lɨ́ná lɨ́, lé ó lɨ̂: mɨná dyɛ̂ʼwaa gá e díé é Mwân wé, Yésʉs-Krîst, le ntémé ó, mɨná kpɛ́laa gá páʼ gá nyɨ́ná mpʉ nyé á tɨ́e mɨná gá yɨ́.

1 Yʉanes 3:8

Mʉr dí etô dóló le esâ syóm nyá, nye ó mʉr mé sɔ́ŋ meleme, ebě, sɔ́ŋ meleme ó dí etín é mísyóm, boó duho ó duháa ɨ́ menyɛ̌l, kumo mûh ɨ́ dʉ́ó lɨ̂. Tó kœb ó, Mwân mé Nzyɛ̌m á nze nyɨ̂n ɨ́ sí yɨ̂ʼ ó, nye nkʉ̂ gbɛ́ɛ bísyɛ́ɛla mé sɔ́ŋ meleme.

1 Yʉanes 1:3

Sá bɨ́h á bee e míh mɨ́h, jóʼo e megwǎl mɨ́h yɨ́, yé ó bɨ́h dí etúno bɨ́n ntémé yɨ́, mbi dí ó, mɨná nkʉ̂ di gá ɨ́ mpúhlá, mɨná gá óbɛ̂h. Mpúhlá mɨ́ná ngá pûhla gá nyɨ́, óbe ó e Nzyɛ̌m Sɔ́ŋ, bé e Mwân wé, Yésʉs-Krîst.

1 Timotɛ 3:16

Yê tyeetye ó e bipéh bí búʼó yɨ́ná byé á nyɛɛ be misolá bí. Byé mû ó sí pâʼlɔɔ. Byé ntémé, byé ɨ́ buú bwaʼ, mpʉ bʉ̂r bɨ́bɛ̂h dí ekam yɨ́. Byé ó: «Nye á nze nyɨ̂n ɨ́ sí yɨ̂ʼ ó e nyʉ̂l bipúno. Sísǐm mé Nzyɛ̌m nzě lɛ̂ʼle mɨ́ná gá ó, nyé abe e mebě. Beéngeles, bé á si siŋle nye. Bʉr o bíkúl bíswîh, bé á si jóʼo lɔ́ɔ dí edumo e né wɨ́. Bʉr ó sí yɨ̂, bé á si dyɛ̂ʼwo e né. Nye nzě bɨ́nɔɔ ɨ́ jʉ́o kʉ́, nko nyé á bi kûm yɨ́.»

Rôm 1:9

Ɨ́ jɔʼ yɨ́yɛ̂h, me lɨ́ ejɨʼla e né ɨ́ lɔ̌b wɨ́n. Nzyɛ̌m mʉr tɨ̂ʼ boʼlo ó, mě lɛ́ɛ́ ó otyeetye. Nye ó mé dí eboó séǎ syɛ́ɛ́ yé e tiŋé ɨ́ lémé wâm nyá. Mě séá yé ó e nzɨ̌ etúnǒ Mbɨambɨa Lɔ́ɔ dí edumo e Mwân wé wɨ́.

Mɨlʉmlʉ 9:20

Píe tɨ̂, nye nzě táare élɛ́ɛ̌ lɔ́ɔ́ dí edumo e Yésʉs wɨ́ ɨ́ mempáh mínjɨʼla mé óYúden. Nye á lɨlɛ́ɛ e bé ó, Yésʉs ó dí Mwân mé Nzyɛ̌m.

Mɨlʉmlʉ 8:36

Ɨ́ mpʉ bé á tʉ̂to nzɨ́ e nzɨ̌ yɨ́, bê nzě pyâl ɨ́ yʉ́ʉ́ gúmo, yé á be e medíbé yɨ́. Cwɨhá mʉ̂r waá ntɔ̂ʼ lɛ́ɛ e né ó: «Paá bee: medíbé ó mâ! Yé dí e nkul ekǎ kamle mé lɨ́ eduŋɔɔ?»

Mɨlʉmlʉ 3:13

Nye tiʼe nó ó, ebě, Nzyɛ̌m mé Abraham, Isaac, ndu e Yákɔb, Nzyɛ̌m bimpám gá bíná, á kpɛl ó, nye dwêʼ syɛ̂l mesâ wé, Yésʉs kûm. Bɨ̌n bɨɛ bé á si bɛ́ma nye kwá mé Pilátos, ntɛŋɔɔ nyé ɨ́ mebó mé ó, nye jʉ́ʼoo nye. Bɨ̌n bé á sâ nye nó ó, Pilátos nyɨɛ, nyé osí tíʼe ɨ́ lémé wé ó, nyě bír ó nye.

Yʉanes 7:42

Mekaná mé Nzyɛ̌m, mé lɨ́ elɛ́ɛ ó, Mʉ̌r Nzyɛ̌m á lœm múló mé jwɨ́ɨ nyá, óbe ó nta mé David. Nye óduho ó, Bétɛlɛhɛm, kwár mé David.»

Yʉanes 1:34

Me á si bana bee nó. Nó ó mé dí eboʼlo ó, mʉr nyâ, nye ó kwahaá Mwân mé Nzyɛ̌m yɨ́.»

Rôm 4:1

Ɨ́ nkǒ páʼ mébyɛ́l gá mɨ́ná, mɨná gá bé e sɔ́ŋ mpám Abraham. Mpʉ yé dí nó yɨ́, mɨná bé ókǎ lɛ́ɛ gá nyá, dumo e né?

Rôm 9:3

Wé kpaa mé nó ó, ebe bɨ́ɔɔ́ bâm, bʉr o bɨ́h le onɔ́ɔ́ bé á byɛ̂l bá, dí e meswomlʉ. Yé bé Nzyɛ̌m á bě sí kam nó, lɛ́ɛ́, mɨ́ kam ó, nye dwíhɨɨ bé meswomlʉ mé, nye syɛ́mɨɨ me, damá jóʼo ó mpʉ bɨ́h e Krîst, bé óbɔ́ʼa mpɔ́ʼá mpá yɨ́.

1 Korɛnt 10:18

Bʉr o b'Ɨ́zraɛ̂l, baá o dí ebyɛ̂l nó ɨ́ nkǒ páʼ bípúno bá, beyɨɨ gá mpʉ bé dí esâ yɨ́: bʉr o dí ede ótír mû sí tíʼɔɔ, dweŋɔɔ̌ Nzyɛ̌m bá, bé sisyɛŋǎ e Nzyɛ̌m ó, lɨ́ edɨ́ɨ́ laá.

1 Timotɛ 2:5

Ebě, Nzyɛ̌m, nye ó njɨ ngwár. Nó ntémé, bʉr, bé ó njɨ e mesaádɔm ngwár dí páʼ bé e boo Nzyɛ̌m nyá. Nye mʉr tɨ̂, nye ó mʉr: Yésʉs-Krîst,