Rôm 1:24 - Kálar Nzyɛ̌m : Ejwán é Sáá

²⁴ Sá tɨ̂ʼ ó Nzyɛ̌m á bîr ó, bé sâʼ bisyɛ́ɛla bi mpîr bé á gwɨgwɨ̂m bí yɨ́. Nó ó bé dí esɛ́ɛla bísá bí ésɔ́m páʼ nyɔ́ɔ́, nyâʼ lɨ́ esâ nyʉ́ʉ́ yɨ́.

Kálara Zyɛ̌m Edwán é mpʉ̌n

²⁴ Ebe no ó Zyɛm a fuo ka bir ó, bé loŋla bɨgwɨma bɨ nyʉl bɨpuno wɔɔ, ndwe le elama fwon lé edu njɨ bɨjyɛʼ byɔɔ. Tina, yé ó, bé a dɨ sɛɛla bɨsa bɨ fwon byaa paʼra wɔɔ!

Rôm 1:24 ပူးပေါင်းရင်းမြစ်များ

Mɨlʉmlʉ 7:42

Nó ó Nzyɛ̌m á nze túmo bé koo, nzě bîr bê, lɨ́ esú ó, bé sâʼ yébé lɨ́ esú é bísâ bi dí ɨ́ jʉ́o kʉ́ bí. Yé ó mpʉ yé dí cɛmá lɨ́ mekaná mé ógwíha o mílɔ̌b yɨ́. Yê cɛmá ɨ́ Mekaná mé Nzyɛ̌m ó: “Bʉr o b'Ɨ́zraɛ̂l, nzê bɨ̌n bé á si tíʼe me otír, nkʉ̂ dwe mé myúú míndwéá miswîh ɨ́ mimbû mekám ménâ bɨ́n á lɛŋ ɨ́ lʉá mí ɛ́?

Mɨlʉmlʉ 14:16

Ɨ́ mimbú mí píhe, nye á si bîr bikúl bí bʉ̂r, tâŋ mimyǎ mi bʉ̂r ɨ́ buo buo ó, bé dyɛ́lɨɨ ɨ́ mɔ́ɔ́ ménzɨ̌ bé bʉr o tɨ̂ʼ bé á boo twâr má.

Mataos 15:14

Bírɨ́ɨ́ gá bê: bé ó baántím dí elɛ̂ʼle bʉ́ʉ́ báántím nzɨ̌ bá! Ántím ólɛ̂ʼle nyʉ́ʉ́ ántím nzɨ̌ nó, bɨ́bɛ̂h obá, bé ólʉ́ŋa ɨ́ bɨ́.»

1 Tesalonika 4:4

Nyě kpɛ̌l ntémé ó, mʉr nyɨnyɛ̂h, nye gʉ́ŋaa mpʉ mʉ̂r jálá le ebêm wé mʉ́má yɨ́. Nye bémɨɨ nye ɨ́ mbi dí elɛ̂ʼle ó, nye ó tí ɨ́ míh mé Nzyɛ̌m, nye ntémé e medile ɨ́ míh mé njʉ̂m wɨ́.

1 Korɛnt 6:18

Syɛ́hláá gá esâ bímolá. Myúú mísyóm bʉ̂r dí esɨsâ mí, myé sísyɛ́ɛ́lɨ́ ó, ɨ́ mʉ̌r kʉ̌l. Tó kœb ó, ɨ́ jɔʼ mʉ̂r sá bímolá yɨ́, nyě sá syóm waá ó, ɨ́ nkǒ pâʼ nyʉ́l nyé nye mʉr tɨ̂.

1 Korɛnt 6:13

Bé lɨ́lɛ́ɛ́ ntémé ó: «Mede, mê tɨ̂ʼ ó, lɨ́ esú é mo. Mo ntémé, lɨ́ esú é méde.» Yé ó nó. Sâ gwár, Nzyɛ̌m ógbah bíbyɛ̂h, ebě, nyʉ̂l mʉr, nyé abe ó, nye díʼee lœʼá ɨ́ nzɨ̌ bijoó. Nye tɨ̂ʼ ó, lɨ́ esú lé éséa e Tî Yésʉs syɛ́ɛ́. Tî Yésʉs, ntémé, nye tɨ̂ʼ ó, lɨ́ esú é ményʉ́l gá mɨ́ná.

Rôm 6:12

Mpʉ yé dí nó yɨ́, ayɨ́ kǎ kam gá ó, syóm, wé báʼa jwɨ́ɨ bɨ́n. Wé ayɨ́ kǎ nʉǎ jwɨ́ɨ ɨ́ nkǒ páʼ ményʉ́l mɨ́n, maá me dí edwe má. Ayɨ́ kǎ bîr gá ó, syóm, wé ntáŋaa bɨ̌n ɨ́ nkul, ó bɨ̌n sâʼ wé mejóʼo, nkʉ̂ dû bíbɨ́bla bígwɨ́má byé.

Éfɛsɔs 2:3

Mɨná bɨ́bɛ̂h, bé á nyɛɛ dudû gá ó, kʉ̌ tyen ngwár e ngwár waá. Mɨná bé á jaa gwɨgwɨ̂m gá ó, njɨ elóŋlo bísyɛ́ɛla njwɨr myâ gá wɨ́ná, wé á kʉ bu gwɨ̂m ó, mɨná sâʼ bí. Bigwɨ́má byaá ó b'á jaa bu pɨpálwo mɨná gá ɨ́ miléme. Sá yé á kʉ jala e bɨ̌h oYúden yɨ́, yé á be ó, bɨ̌h jâʼraa e nkpaa mé Nzyɛ̌m, jwɨʼ gwár e gwár e mpʉ bʉ̂r o dí abe óYúden bá, bé á jala le ejaʼra e nye yɨ́.