Rôm 1:23 - Kálar Nzyɛ̌m : Ejwán é Sáá

²³ Líʼe ó, bé dwêʼ Nzyɛ̌m, waá dí adwe nyá kûm, bé á ka dwe kûm ó bikpɛʼkpɛ̂ʼ. Bé á kpaʼ bikpɛʼkpɛ̂ʼ byaá ó, mveʼle bʉ̂r, binʉ̌n, otír, nkʉ̂ onyʉ́a, bisâ bi dí elaǎ mpʉ̌ ngúl mpáá bí.

Kálara Zyɛ̌m Edwán é mpʉ̌n

²³ Laa ó, bé dwiibɨ Zyɛm, waa ndɨ abe e nkul edwè e, bé a fuo mɛʼle yɛɛ ó, bé dwiibɨ njɨ bɨbaŋabaŋa bɨdweʼle ndɨ mɨkpɛʼa ɛ. Bé a kpaʼ bɨsa byaa ó, lé edweʼle bʉr o ndɨ edwè-dwè e, bé e bɨnɔn, otir o mopɔrʉ, otir o motɔrʉ, nkʉ onyʉa.

Rôm 1:23 ပူးပေါင်းရင်းမြစ်များ

Mɨlʉmlʉ 17:29

Mpʉ mɨ́ná dí gá bwán bé yɨ́, mɨná bé ajala le ekǎ jwɨʼ gá ó, Nzyɛ̌m mʉr tɨ̂, nyě nwɨɨlá ó e bisá mɨ́ná dí elúlo gá ɨ́ gʉ̂l, nkʉ̂ ɨ́ nkóhó mɔnɨ́ bí. Nyé anwɨɨla ntémé e byaá mɨ́ná dí ekpaʼ gá ɨ́ mekóʼ, lɨ́ edû mpʉ ócwóó le mipɨpɨ́ʼ dí etɨ́e yɨ́.

Rôm 1:25

Bé á si syɛ́ɛla otyeetye mé Nzyɛ̌m e bibɛr. Gúmó bé á jala le egúmlo le eséǎ Kwihbʉr syɛ́ɛ́ yɨ́, bé á jaa ka dwe kûm ó, njɨ bisá nyɨ́ɛ á komlo bí. Kûm díʼee e Nzyɛ̌m waá, njʉ̌m dǐ e njʉ̌m dǐ. Amɛn.

1 Pyɛr 4:3

Bʉr, bɨ́ buú lɛ̌ŋ jɔʼ ɨ́ buo buo lɨ́ elóŋlo bígwɨ́má óhááden dí eboó dudû bî: egbâ ményʉ̂l lɨ́ esâ bímolá nzam le ekomo, ejóʼǒ nzɔ́ɔ́ bísâ, elɔ̂ʼwa lɨ́ ebɛble ményoʼ, elɔ̂ʼwa lɨ́ ede méde, epuro ményoʼ, le edweŋɔɔ bíkpɛʼkpɛ̂ʼ bí ónzyɛ̌m kûm. (Yé ó sá Nzyɛ̌m dí ekamle yɨ́.) Bím syɛ́ɛla yaá, yɨ́ kǎ jala!

1 Korɛnt 12:2

Bɨ̌n bé lɨ́ egʉ́a ó, ɨ́ jɔʼ bɨ́n á be ohááden yɨ́, bɨ̌n bé á be ó lɨ́ edû bíkpɛʼkpɛ̂ʼ bí ónzyɛ̌m bi dí baányâ-emúmó bí. Byé á tíne bɨ̌n ɨ́ jɔʼ yaá ó, bɨ̌n sâʼ syɛ́ɛla yɨ́yɛ̂h byé á kpɛl yɨ́.

Mɨngwiha 9:20

Bʉ́ʉ́ bʉ̂r o bé á be apǎ dwe ɨ́ bintɨ́ʼá byaá bá, bé á bé akam étúmo míkoo e bisá bé á sɨsâ e mebó mɔ́ɔ́ bí, nkʉ̂ dwira míléme. Bé á si tô dóló le edwe méleme kûm, bé e bikpɛʼkpɛ̂ʼ bí ónzyɛ̌m bé dí ekpaʼ e mebó mɔ́ɔ́ bí. Bé sɨ́sá bîʼ ó e gʉ̂l, byúú e mɔnɨ́ nkóho, ndu e binkóhó bígbáá, byúú e mekóʼ. Byúú, byé lɨ́ ekpaʼɔɔ ɨ́ bilɨ́. Bisâ byaá, byé abee, byé ajóʼo, lúʼo bá sɔ̂ʼ. Byé atyě tyen. Sâ gwár, bɨ́ɛ l'agwâʼ édwe byé kûm.

Mɨlʉmlʉ 10:12

Ɨ́ sɨ́ǎ yaá tʉ́ŋlʉ̌, yé á be ó, le otír mimbi mímyɛ̂h: le baá dí e metɔrʉ menâ bá, le sá yɨ́yɛ̂h dí ejaŋla sí e sí yɨ́, ti e binʉ̌n.