Rôm 1:21 - Kálar Nzyɛ̌m : Ejwán é Sáá

²¹ Damá jóʼǒ mpʉ bé á kʉ gʉ́a ó, Nzyɛ̌m, nye ó tɨ̂ʼ yɨ́, bé á bé adwe nyé kûm jálá e né nyɨ́, nkʉ̂ pʉgʉ́ bá dwe nyé nzyǒo. Bé á jaa pɨpahle sɔ̂ʼ ó, njɨ bisâ bi dí abá be e nyɔm bí. Bé ó bigʉʼlʉgʉ́, lúʼo pɨ̂ʼ. Milémé myɔ́ɔ́, myé jaá di ó, njɨ lɨ́ edúrʉ́ʉ́.

Kálara Zyɛ̌m Edwán é mpʉ̌n

²¹ Dam be ó, bé a be ó si kʉ gʉa ó, Zyɛm, nye ó tɨ, bé a baadwiibɨ nye mpʉ yé a jala ɛ, nkʉ dwe nye ekiba é lɔb bɨsyɛɛla bye. Bé a kʉ ka pahle sɔʼɔ ó njɨ bɨsa byaa ndɨ abe e nyɔm ɨ. Bé ze lihba ó, mɨmiʼ.

Rôm 1:21 ပူးပေါင်းရင်းမြစ်များ

2 Timotɛ 3:2

Ɨ́ jɔʼ yaá, bʉr bé ójaá kpɨkpɛl ó, njɨ bé bʉr o tɨ̂. Bé ókpɛ̌l mɔnɨ́, ntaa sʉ́ŋa. Bé óbuú sâ jáálé le enkɛ́ɛ e nyʉ̂l. Bé óbuú sâ nkěh, le esâ ntémé obyɛ̂l bɔ́ɔ́ ebɨ̌h. Bé álɛ́ɛ émbɨa bé dí esáŋɔɔ lɨ́. Bé abe e nkul enʉa mílɔ̌b mé Nzyɛ̌m, gbâ myé ɨ́ nkɔb.

Mɨngwiha 14:7

Éngeles waá á lwilwib e bé ó e twíí kʉ́kʉ́. Nye ó: «Jwááwáá gá Nzyɛ̌m. Gúmláá gá nye, ebě, jɔ̌ʼ tíʼá mílɔ̌b mû ó sí pyâl. Bɨʼɨɨ gá mebóó mɨ́n sí ɨ́ waá á kuho kʉ́ le sí nyá. Waá á komlo mâŋ ti e mentíbé nyá, dwéʼ gá nye kûm.»

Yʉanes 3:19

Mebě me mʉ̂r waá, mé duho ó, ɨ́ lɔ̌b njʉl mû sí pan ɨ́ sí yɨ̂ʼ wɨ́. Bʉr bɨ́ɛ kǎ kpɛl édúrʉ́ʉ́, laǎ njʉl waá, ebě, bé lɨ́ ebuú kpɛl ésâ mísyóm.

Mɨngwiha 15:4

Dâ ɛ̌, mʉr dí akpɛ́ɛ gó nyá, nye nzé? Nzé dí ebene édwe gó kûm? Go omér ó dí mʉr dí tí nyá. Bʉr o bíkúl bíbyɛ̂h, bé ódua ɨ́ bigúmó byɔ́ɔ́, nzeŋɔɔ kwá nyǒ. Bé óbɨʼ mébóó mɔ́ɔ́ sí lɨ́ edwe gó kûm. Ebě, bɨ́ bee ɨ́ sʉ́lʉ́lʉ́ ó, gó e nkam ɨ́ bisyɛ́ɛla gó dí esâ bʉ̂r bí.»

1 Pyɛr 2:9

Sâ gwár, bɨ̌n bɨɛ bé ó mpóʼǒ Nzyɛ̌m á boo twâr nyɨ́. Nye á twâr bɨ̌n ó, bɨ̌n séaa nye syɛ́ɛ ópara, le edǐ kúl bʉ̂r dí tí ɨ́ míh mé yɨ́. Bɨ̌n bé ó sá mé Nzyɛ̌m, ánta nye, lɨ́ esú ó, bɨ̌n gúmlaa mʉr á jébe bɨ̌n nyá. Njɨ́blɨ́ wé waá, wé ó b'á pɛʼ bɨ̌n lɨ́ edúrʉ́ʉ́, tyen bɨ́n ɨ́ myɛ́n dí ɨ́ ntyɛ̌n ntɨ̂ ntyɛ̌n yɨ́.

Rôm 11:10

Nzyɛ̌m díblaa bé mîh, ó bé ayɨ́ kǎ bee. Nzyɛ̌m dwêʼ bé bintɨ́ʼá ɨ́ jɔʼ yɨ́yɛ̂h. Nye sâʼ ó, mikoo myɔ́ɔ́, myé nyɛ́mlɨɨ.

Rôm 1:28

Bʉr baá, bé á bé abee ó, yé jala ɨ́ páʼ wɔ́ɔ́ ó, bé kámaa Nzyɛ̌m. Nó ó Nzyɛ̌m á nzoo ka bîr bé ó, bé díʼee e pɨʼ ontúl óntúl yɨ́. Nyě bír bé ó, bé sâʼ bisyɛ́ɛla bí ésɔ́m bi dí ajala e bé bí.

Rôm 1:19

Sá dí esâ ó, mʉr gʉ́ŋaa Nzyɛ̌m yɨ́, yé lɨ́ enyɨ̂n bʉ̂r bɨ́bɛ̂h ɨ́ ponó. Bʉr bɨ́bɛ̂h, bé lɨ́ ebeě sâ yaá, ebě, Nzyɛ̌m mʉr tɨ̂ʼ á si lɛ̂ʼle bé yǎ.

Rôm 15:9

Nye á nze séa ntémé ó, lɨ́ esú é bíkúl bíswîh, ó bé gʉ́ŋaa mpʉ̌ Nzyɛ̌m dí ejɨ̂ʼ bʉ̂r nkoó yɨ́, bé nkʉ̂ gúmlo nyé tɨ̂. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Sá tɨ̂ʼ ó mé ngá gúmlo gó témé bikûl bi dí abe óYúden bí yɨ́. Me ódyɛɛ gó mejéme ɨ́ dúú díé lô.

Mɨlʉmlʉ 26:18

Mě lómó gó ó, go tô bɛ́ɛ bʉ̂r mîh. Go dwíhɨɨ bé lɨ́ edúrʉ́ʉ́, tyen bé ɨ́ myɛ́n; dwih bé ɨ́ jwɨ́ɨ́ mé Sátan, tyen bé kwá mé Nzyɛ̌m. Bé ódyɛ̂ʼwo e me nó, me ópɛʼ bíbaa bí ébébe mé á niʼe bé bí, ntɔ̂ʼ dwe bé diá ɨ́ sɔ́má bʉ̂r bâm dí mipubá bá.”»

1 Pyɛr 1:18

Bɨ̌n bé á bé adwihɔɔ ɨ́ mpila ébébe ɨ́ lɔ̌b nzyɛ́ɛ́lá bisâ bi dí edímle ódimé wɔ́ɔ́ bí. Nzyɛ̌m á bé asyɛ́ɛlǎ nkóhó mɔnɨ́, nkʉ̂ gʉ̂l lɨ́ esú lé étáǎ góo ɨ́ lɔ̌b mébyaʼ mɨ́n. Bɨ̌n bé á dwihɔɔ ɨ́ mpila ébébe ó, jɔʼ myɛ́na ménɨ́nɨ́ɨ́, mé á jánɔɔ yɨ́. Bɨ̌n bé á duho ɨ́ mpila métum bímpám bín ó,