Rôm 1:20 - Kálar Nzyɛ̌m : Ejwán é Sáá

²⁰ Táarě Nzyɛ̌m á kuho sí, njwɨr wé dí abeɔɔ wɨ́, (nó, yé ó nkul nyé dí njʉ̌m dǐ e njʉ̌m dǐ nyɨ́, ndu e tyé Nzyɛ̌m yé,) wé lɨ́ enyɨ̂n bʉ̂r ɨ́ mîh ɨ́ ponó, ɨ́ jɔʼ mɨ́ná dí egwá dwɛ̂ʼ gá le epahle bísyɛ́ɛla byé yɨ́. Nó ó, bʉr o dí elwímla e Nzyɛ̌m bá, bé akǎ be e nkar ɨ́ míh mé.

Kálara Zyɛ̌m Edwán é mpʉ̌n

²⁰ Taare é jɔʼ Zyɛm a cye sa yiyɛh ɛ, njwɨr we ndɨ abeɔ ɛ (no, yé ó nkul we ndɨ njʉmdia e njʉmdia ɛ, ndwe e kwɨmla we ndɨ anwɨɨla e waa mo mɨcyea bɨsɔʼɔ ɛ), wé enyin bʉr é mih é pono, é jɔʼ bɨna lé egʉa dwɛʼ ga le epahle bɨsyɛɛla bye e. No ó, bʉr o ndɨ esa Zyɛm mongan ɨ, bé aka be e nkar é mih me.

Rôm 1:20 ပူးပေါင်းရင်းမြစ်များ

Rôm 1:19

Sá dí esâ ó, mʉr gʉ́ŋaa Nzyɛ̌m yɨ́, yé lɨ́ enyɨ̂n bʉ̂r bɨ́bɛ̂h ɨ́ ponó. Bʉr bɨ́bɛ̂h, bé lɨ́ ebeě sâ yaá, ebě, Nzyɛ̌m mʉr tɨ̂ʼ á si lɛ̂ʼle bé yǎ.

Rôm 2:15

Jɔʼ bé dí esâ nó yɨ́, bé lɛ́ʼlé ó, sá métié dí etɨ́e yɨ́, yé ó cɛmá ɨ́ milémé myɔ́ɔ́. Mipahlá mílémé myɔ́ɔ́, myé lɨ́ eboʼlo ntémé nó. Myé nwáhlé ɨ́ bîʼ bíjɔʼ ó, bé á si jéʼe esâ. Ɨ́ byúú bíjɔʼ, myé lɛ́ʼlé bé ó, bé á si gʉ́a esâ.

Yʉanes 1:18

Abe e mʉr ngwár dí sí pǎ beě Nzyɛ̌m Sɔ́ŋ. Etíʼé é Mwân é kpɛ̌l lé, lé omér, laá dí ntémé Nzyɛ̌m lɨ́ ó b'á lɛ̂ʼle mɨná gá Nzyɛ̌m.

Yʉanes 15:22

Yé bé me á bé anzě lwib e bé nó, lɛ́ɛ́, bé á bé agwá be e misyóm. Nó ó, ɨ́ báánâ, bé akǎ be e nkar ɨ́ lɔ̌b mísyóm myɔ́ɔ́.

1 Timotɛ 1:17

Nzyɛ̌m dí njwɨ́ɨ melú mé mpóʼo mɨ́mɛ̂h, adwidwe nyá, waá dí anyɨ̂n, waá dí Nzyɛ̌m nye omér nyá, dúu e kûm, byé díʼee e né njʉ̌m dǐ e njʉ̌m dǐ. Amɛn.

Kolosi 2:9

Ebě, Nzyɛ̌m di ntinɨ̂ e ntinɨ̂ ó, ɨ́ nyʉ̂l mé Krîst.

Ebrœ̂ 9:14

á dwɛʼra e metié mé Krîst! Nye ókʉ́ pubo mípahlá mílémé gá míná, e nzɨ̌ Sísǐm mé Nzyɛ̌m dí edǐ njʉ̌m dǐ e njʉ̌m dǐ wɨ́. Mɨná damá sâ gá Nzyɛ̌m bisyɛ́ɛla bi dí mpʉ mímúu bí, mɨná bé ógwá pubɔɔ gá tɨ̂ʼ ó e metié mé, ánta nye, maá nyé mʉr tɨ̂ʼ á nkɛ́ɛ, tó dwě Nzyɛ̌m Sɔ́ŋ má. Nye á be ntémé ó, abe e sâ gwár bʉ̂r, bé á gwa dwe nye mebě tɨ̂. Ɨ́ tɨ̂ʼ ó mɨ́ná bé ókǎ sâ gá Nzyɛ̌m dí kublakúbla nyá gwɨ́hlá óbûʼla mpâ yɨ́.

Rôm 2:1

Nó ó, gua, mʉr dí edwe bʉ̂r mebě nyá, gó abe e nkul ekar ɨ́ míh mé Nzyɛ̌m. Jɔʼ gó dwé bʉ̂r mebě yɨ́, num gô, wé lɨ́ edwe ntémé go mʉr tɨ̂ʼ mebě, ebě, gua yɨ́ɛ tîʼ milɔ̌b, gǒ jaá sâ ntémé ó, njɨ bisyɛ́ɛla bimpwár byaá.

Kolosi 1:15

Yésʉs-Krîst ó dí gulo mé Nzyɛ̌m Sɔ́ŋ. Nzyɛ̌m waá, nyé abe lɨ́ ebeɔɔ yɨ́ɛ. Nzyɛ̌m á tyêl nye ó ɨ́ dǐ médwéʼé mé mʉ̂r, kʉ́ sá yɨ́yɛ̂h nyé á komlo yɨ́.

1 Timotɛ 6:16

Njɨ nye omér ó dí abe e nkul edwe. Nyě dǐ ó, ɨ́ myɛ́n tʉ́ŋlʉ̌, mbǐ myɛ́n nyʉ́ʉ́ mʉ̂r dí abe e nkul ekúnwo e tɨ̂ʼ wɨ́. Mʉr ngwár, nyé apǎ bee nyê. Mʉr ntémé, nyé abe e nkul ebee nyê. Kûm, ndu e nkul, byé dwéŋɔɔ nye njʉ̌m dǐ e njʉ̌m dǐ. Amɛn.

Rôm 16:26

yaá mû sí nyɨ̂n ɨ́ ponó yɨ́. Lɔ́ɔ waá, wé á boo be ó cɛmá lɨ́ mekaná mé ógwíha o mílɔ̌b. Bikúl bíbyɛ̂h, byé mû kǎ gʉ́a wé ó, dû mpʉ̌ Nzyɛ̌m á boo tyêl etié lɨ́ esú lɔ́ɔ́ yɨ́. Nzyɛ̌m dí njʉ̌m dǐ e njʉ̌m dǐ nyá, á lɛ̂ʼle byé lɔ́ɔ́ mé Yésʉs waá ó, byé nkʉ̂ dyɛ̂ʼwo e né, le esâ nyé mejóʼo.

Mɨlʉmlʉ 17:29

Mpʉ mɨ́ná dí gá bwán bé yɨ́, mɨná bé ajala le ekǎ jwɨʼ gá ó, Nzyɛ̌m mʉr tɨ̂, nyě nwɨɨlá ó e bisá mɨ́ná dí elúlo gá ɨ́ gʉ̂l, nkʉ̂ ɨ́ nkóhó mɔnɨ́ bí. Nyé anwɨɨla ntémé e byaá mɨ́ná dí ekpaʼ gá ɨ́ mekóʼ, lɨ́ edû mpʉ ócwóó le mipɨpɨ́ʼ dí etɨ́e yɨ́.

Ebrœ̂ 11:27

Ɨ́ búʼó yé, nye á si duhǒ sí Egɨ̂ptɛn, akpɛ́ɛ ébúʼ mé njwɨ́ɨ Egɨ̂ptɛn. Nye á kʉ tyɛ̂b ó, ɨ́ píʼi, le esâ mpʉ̌ sá lɛ́ɛ́, nye á bɨbee ó Nzyɛ̌m, mʉr dí abeɔɔ nyá.

Mataos 5:45

Jɔʼ yaá ó bɨ́n ódi bwán mé Sɔ́ŋ wɨ́n dí ɨ́ jʉ́o kʉ́ nyá yɨ́. Nye lɨ́ esâ ó, dʉ́o lé, lé káhaa lɨ́ esú é bʉ̂r o dí ɨ́ bébe, le baá o dí ɨ́ mbɨa bá. Nzyɛ̌m, nye lɨ́ esâ ntémé ó, mpíé nwɨ́yɨɨ lɨ́ esú lé ótîtyěl le onzyɛ́h ó bʉ̂r.

Mɨlʉmlʉ 22:1

Pɔ̂l, nye ó: «Bɨ́ɔɔ́ bâm le osɔ́ŋ bâm, jóʼlááá gá nkar mé múo nzě kar ɨ́ báánâʼ ɨ́ lɔ̌b wâm ɨ́ míh mɨ́n nyɨ̂!»

Markus 10:6

Sâ gwár, ɨ́ metááré, “ɨ́ jɔ̌ʼ Nzyɛ̌m á komlo sá yɨ́yɛ̂h yɨ́, nye á komlo bé ó: nyâ, mʉrʉ̂m; nyʉ́ʉ́, mʉmá.

1 Korɛnt 1:20

Nó ó, twóó nyɨɛ ókǎ lɛ́ɛ nyá? Cɛma mekaná nyɨɛ ókǎ lɛ́ɛ nyá? Mʉr edo ɨ́ mpóʼo sí yɨ̂ʼ ókǎ lɛ́ɛ nyá? Sá bʉ̂r ó sí yɨ̂ʼ jɨ́jébé ó, «ocwóó» yɨ́, Nzyɛ̌m jébé yɨ́ɛ ó, «ogʉ̌»!