Rôm 1:2 - Kálar Nzyɛ̌m : Ejwán é Sáá

² Mbɨambɨa Lɔ́ɔ waá, Nzyɛ̌m á si boo kɛʼ ɨ́ nzɨ̌ ogwíha o mílɔ̌b ó, nye óntɨh mɨ́ná gá wǎ. Nkɛ̌ʼ nyaá, nye ó cɛmá ɨ́ Mekaná mé dí ti má.

Kálara Zyɛ̌m Edwán é mpʉ̌n

² Mbɨambɨa Lɔɔ waa, Zyɛm a si bɛa kɛʼ é zi ogwiha o mɨlɔb ó, nye óntɨh bɨna ga wa. Nkɛʼ waa, nye ó tila é Kalara Zyɛm.

Rôm 1:2 ပူးပေါင်းရင်းမြစ်များ

Títos 1:2

Bé lɨ́ etyɛ̂b mekʉ̌ sí ɨ́ sɨ́ŋ ɨ́ lɔ̌b mpûʼla gá nyɨ́ná nyɨ̂: ó, Nzyɛ̌m ódwe mɨ́ná gá twǐʼ njʉ̌m dǐ. Nzyɛ̌m, mʉr dí alɛ́ɛ bíbɛr nyá, á kɛʼ mɨná gá twiʼ yaá ó, jɔʼ kʉ́ e sí, byé á be apǎ bě kuhá yɨ́.

Lʉkas 1:70

Nyɨ́ sâ mpʉ nyé á boo lɛ́ɛ mélú mé épíhe ɨ́ nzɨ̌ ogwíha o mílɔ̌b bé, bʉr o dí ti bá yɨ́.

Rôm 16:26

yaá mû sí nyɨ̂n ɨ́ ponó yɨ́. Lɔ́ɔ waá, wé á boo be ó cɛmá lɨ́ mekaná mé ógwíha o mílɔ̌b. Bikúl bíbyɛ̂h, byé mû kǎ gʉ́a wé ó, dû mpʉ̌ Nzyɛ̌m á boo tyêl etié lɨ́ esú lɔ́ɔ́ yɨ́. Nzyɛ̌m dí njʉ̌m dǐ e njʉ̌m dǐ nyá, á lɛ̂ʼle byé lɔ́ɔ́ mé Yésʉs waá ó, byé nkʉ̂ dyɛ̂ʼwo e né, le esâ nyé mejóʼo.

Rôm 3:21

Tó kœb ó, ɨ́ báánâ, Nzyɛ̌m, nyɨ́ lɛ̂ʼle ó, bʉr bíʼee nkam abe ɨ́ mbaʼlá métié. Nye mû ó sí kar nzɨ́ swîh nyaá lɨ́ esú lé édwe bʉ̂r nkam. Moyɨ̂z, bé le ogwíha o mílɔ̌b, bé á si nyɛɛ boʼlo lɔ̌b nzɨ́ nyaá.

Rôm 3:2

Yé e nyɔm ɨ́ menzɨ̌ mɨ́mɛ̂h. Sá ésôʼ dí e nyɔm yɨ́, yé ó, Nzyɛ̌m á taare edwe mingwíhá mílɔ̌b myé ó, bɨ̌n oYúden.

Mɨlʉmlʉ 10:43

Ogwíha o mílɔ̌b bɨ́bɛ̂h, bé á si lwib, dumo e né. Bé á lɛ́ɛ ó, mʉr nyɨnyɛ̂h ódyêʼ koo e né nyá, Nzyɛ̌m ópɛʼ bíbaa nyé dí eniʼe ɨ́ lɔ̌b mísyóm myé bí. Nye ósâ nó ó, ɨ́ lɔ̌b mé Yésʉs.»

Mɨlʉmlʉ 26:6

Mě ɨ́ báánâʼ ó, lɨ́ etyɛ̂b ɨ́ nkar, ebě, lémé wâm, wɨ́ lóno ɨ́ mpûʼla ó, Nzyɛ̌m ólóŋlo nkɛ́ʼ nyé á kɛʼ bimpám gá bíná nyɨ́.

Mataos 1:22

Bisâ byaá bíbyɛ̂h, byé á syɛ́ɛ nó ó, lɨ́ elóŋlo ékǎn Dâ Nzyɛ̌m á boo lɛ́ɛ ɨ́ nzɨ̌ mé ngwíha milɔ̌b wé, ó:

Mɨlʉmlʉ 13:32

Bɨ̌h bʉr o tɨ̂ʼ mû ó lɨ́ elɛ́ɛ bɨ́n Mbɨambɨa Lɔ́ɔ waá. Wé ó nɛ́ɛ: sá Nzyɛ̌m á kɛʼ bimpám gá bíná yɨ́,