Rôm 1:18 - Kálar Nzyɛ̌m : Ejwán é Sáá

¹⁸ Nzyɛ̌m, nyɨ́ lɛ̂ʼle mɨ́ná gá ɨ́ sʉ́lʉ́lʉ́, duho ɨ́ jʉ́o kʉ́ mpʉ nyé dí elɛ̂ʼle nkpáa, duho ɨ́ bibɨ́bla bísyɛ́ɛla bíbyɛ̂h yɨ́. Nye lɨ́ elɛ̂ʼle nkpáa ɨ́ lɔ̌b bʉ̂r o dí elwímla le otyeetye, jaá dudû njɨ bisyɛ́ɛla bi dí onzyɛ́h ónzyɛ́h bí bá.

Kálara Zyɛ̌m Edwán é mpʉ̌n

¹⁸ Zyɛm, nyi lɛʼle bɨna ga mpʉ nye lé ekpaa empime é lɔb ga wina ɛ. Nye esa no ó, bʉr é sʉlʉlʉ, duho é jobo kʉ. Bɨna bé esa ga nye ebɨh ndwe e bɨsyɛɛla bɨ ebebe bibyɛh. Bɨna bé elwimla ga e l'ocyecye, du-du njɨ bɨsyɛɛla bɨ ozyɛhozyɛh.

Rôm 1:18 ပူးပေါင်းရင်းမြစ်များ

Éfɛsɔs 5:6

Mʉ̌r sá adímle bɨ́n e nzɨ̌ lwǐb dí abe e nyɔm yɨ́. Bisyɛ́ɛla bí ébébe bínɨ̌ ó ngá sâ ó, Nzyɛ̌m lɛ̂ʼlaa nkpaa nyé kwá bʉr o dí egbɔba e né bá.

Rôm 1:32

Damá jóʼǒ mpʉ bʉ̂r baá, bé lɨ́ egʉ́a ó, Nzyɛ̌m á lɛ́ɛ ó, baá bɨ́bɛ̂h dí esâ mímbi mí ébébe myaá bá, bé dáʼré ó, eswie ɨ́ menyʉ́l mɔ́ɔ́ yɨ́, bɨ́ɛ, bé ó njɨ lɨ́ etô dóló le esɨsâ bísyɛ́ɛla byaá. Yé abě njɨ nó yé omér. Jɔʼ bé dí ebee bʉ́ʉ́ bʉ̂r lɨ́ esâ syóm yɨ́, bé e bisʉhʉʉ ɨ́ miléme. Bé e bé ó: «Sɨ́sáʼ gá njɨ mpʉ́nʉ̌.»

Kolosi 3:6

Bisyɛ́ɛla bí ébébe byaá ó ngá sâ ó, Nzyɛ̌m lɛ̂ʼlaa nkpaa nyé.

2 Tesalonika 2:10

Nye ógbah métié mé Nzyɛ̌m, le esâ bísyɛ́ɛla bi dí édímle bʉ̂r ɨ́ nzɨ̌ mikóo bí. Bisyɛ́ɛla byaá, byé ódímle baá ngá dîm ɨ́ nkɔb bʉr bá. Bé ódîm, ebě, bé á si bene otyeetye. Yé bé bé á be ɨ́ kpɛl wé nó, lɛ́ɛ́, wé á si gwa tíʼ bê.

Rôm 6:13

Abîr gá bitíl ményʉ́l bín ó, byé díʼee bisá bɨ́n ósâ syóm e tɨ̂ʼ bí. Syóm, wé ámû jaá nʉa bítíl ményʉ́l bín byaá, wê nzě sâ mísyóm e tɨ̂. Bɨ̌n bé ó bʉr o b'á nyɛɛ dwe, nzě kǎ pah bá. Tímláá gá Nzyɛ̌m bɨ̌n bʉr o tɨ̂, ti e bitíl ményʉ́l bín. Byé díʼee bɨ̌n bisá bɨ́n ótó sâ ótîtyěl o bísyɛ́ɛla e byé bí.

Rôm 5:9

Yésʉs pǎ nyɛɛ́ pyêl métié mé, ntɔ̂ʼ dwe lɨ́ esú ó, nye dwêʼ mɨná gá, osyɛ̂l o mísyóm, nkam, á dwɛʼra ɨ́ jɔʼ mɨ́ná gá mû otîtyěl o bʉ̂r ɨ́ míh mé Nzyɛ̌m yɨ́! Nye ókʉ́ tiʼ mɨ́ná gá ɨ́ jɔ̌ʼ Nzyɛ̌m ngá lɛ̂ʼle nkpáa nyé ɨ́ lɔ̌b bʉ́ʉ́ bʉ̂r yɨ́.

Rôm 4:15

Ebě, metié mé Moyɨ̂z, mé abe e nyɔm waá. Bʉ̂r sí gbah métié maá nó, tyélá Nzyɛ̌m á tyêl bʉr metié wɨ́, ndumló tɨ̂, wé ó njɨ etó kwɨ́ɨ nkpáa mé Nzyɛ̌m. Yé bé metié abe nó, bʉr, bé á gwa gbah mé e nyáa nzɨ́?

Rôm 1:28

Bʉr baá, bé á bé abee ó, yé jala ɨ́ páʼ wɔ́ɔ́ ó, bé kámaa Nzyɛ̌m. Nó ó Nzyɛ̌m á nzoo ka bîr bé ó, bé díʼee e pɨʼ ontúl óntúl yɨ́. Nyě bír bé ó, bé sâʼ bisyɛ́ɛla bí ésɔ́m bi dí ajala e bé bí.

Rôm 2:3

Gua mʉr dí edwe bʉ́ʉ́ bʉ̂r mebě ɨ́ bisyɛ́ɛla bé dí esâ bí nyá, go ntémé jaá sâ ó njɨ bisyɛ́ɛla bimpwár byaá. Gǒ bee nyá? Nzê go ókɨ̂ŋ tíʼá mílɔ̌b mé Nzyɛ̌m?

Rôm 1:19

Sá dí esâ ó, mʉr gʉ́ŋaa Nzyɛ̌m yɨ́, yé lɨ́ enyɨ̂n bʉ̂r bɨ́bɛ̂h ɨ́ ponó. Bʉr bɨ́bɛ̂h, bé lɨ́ ebeě sâ yaá, ebě, Nzyɛ̌m mʉr tɨ̂ʼ á si lɛ̂ʼle bé yǎ.

Rôm 5:6

Sá mé dí elɛ́ɛ yɨ̂ʼ, yé ó: mélú mé épíhe, mɨná bé á be gá ó, onzwoó. Jɔʼ yaá ó Krîst á nze ka búra e mɨná gâ, minjéʼe-Nzyɛ̌m yɨ́. Nye á dwe ó, ɨ́ mpǎŋ jɔ̌ʼ Nzyɛ̌m á boo pɛ̂h yɨ́.

Rôm 3:9

Mɨná bé ólɛ́ɛ gá nyá? Nzê bɨ̌h oYúden ó dí elaa bʉ́ʉ́ bʉ̂r ɛ̌? Heʼé, yé abá be nó. Me bé ó sí lɛ̂ʼle ɨ́ kpɛŋlɛm ó, oYúden ti e bʉr o dí abe óYúden bá, bé e mebě. Syóm, wé ó dí ejwɨ́ɨ bɨ́bɛ̂h.

2 Tesalonika 2:6

Sá tɨ̂ʼ ó bɨ́n gʉ́á ntémé sá dí ekamle mʉ̂r waá lɨ́ epyâl ɨ́ jɔʼ yɨ̂ʼ yɨ́. Yé sá nó ó, nye pyálaa njɨ ɨ́ jɔ̌ʼ Nzyɛ̌m á boo tíʼe ó, nye ópyâl yɨ́.