Rôm 1:13 - Kálar Nzyɛ̌m : Ejwán é Sáá

¹³ Bɨ́ɔɔ́ bâm! Okɛ́l bâm! Mě kpɛl ó, bɨ̌n gʉ́ŋaa ó, ɨ́ bijɔʼ ɨ́ buo buo, me á be ó le jwɨʼ ó, me ónzě bee bɨ́n. Me á jaa bʉbɔma sɔ̂ʼ ó, njɨ e mingamla. Sâ gwár, me ónze yɨ́ɛ lɨ́ esú lé énzě séǎ Nzyɛ̌m syɛ́ɛ́ ɨ́ sɔ́má yɨ́n. Me á gwɨ̂m ó, syɛ́ɛ́ yâm, yé gúmaa ntémé mpumó kwá nyɨ́n ɨ́ mpʉ yé á gúmo mpumó ɨ́ mʉ́ʉ́ mésí méswîh yɨ́.

Kálara Zyɛ̌m Edwán é mpʉ̌n

¹³ Obɨɔ ga bam aa! Me egwɨm ó, bɨn gʉŋa ó, é bɨjɔʼ é buobuo, me a be ó lé ejwɨʼ ó, me óze bee bɨn. Sa gwar, me a si bul bɔma e mokɔbla. Me óze yɛɛ é l'efu le eze sa syɛɛ-Zyɛm é l'esama lɨn, yé guma nteme mpumo bɨn ye é mpʉ yi gumo mpumo é mɨlal mɨ bʉr o ndɨ abe oYʉden ɨ, ó me nkʉʼ to é mɨngol.

Rôm 1:13 ပူးပေါင်းရင်းမြစ်များ

Mɨlʉmlʉ 19:21

Píe tɨ̂, Pɔ̂l nzě tíʼe ɨ́ lémé wé ó, nyě tó ó, tó ntaǎ sí Masedónia, le yaá Akayɨ̂. Nyé okǎ tô Yerʉ́zalɛm. Nye á lɨlɛ́ɛ ó: «Jɔʼ mé óbe, me mû gʉ̂ʼ yɨ́, me ójala le ebáʼǎ nkɛ́ɛ, ó me pyálaa ntémé Rôm.»

Filipi 4:17

Mé apʉgʉ́ buú gwɨ̂m ndwéá wɨ́n, wé mʉr tɨ̂. Mě jaá gwɨ̂m ó, njɨ bɨ̌n díraa nyɔm, ɨ́ melû me dí enze má, ɨ́ lɔ̌b sá bɨ́n ngá dwe mé yɨ́.

2 Timotɛ 4:17

Tî Yésʉs ó b'á kɛm me, le egbâ mé pîm ɨ́ búʼó. Nye á sâ nó ó, nye nkʉ̂ swâhlě túnó waá ɨ́ nzɨ̌ nyǎm, le esâ ó, bʉr o bíkúl bíbyɛ̂h nkʉ̂ jóʼo wê. Nó ntémé ó mé á pɛʼɔɔ ɨ́ nǔm ngbampɨɨ yɨ́.

1 Tesalonika 4:13

Nó ó, bɨ́ɔɔ́ bâm, mě kpɛ̌l ó, bɨ̌n gʉ́ŋaa esúʼlá é bʉ̂r o mû sí dwe bá ɨ́ pébébé. Bɨ́n ójéʼě lɔ̌b waá nó, nyʉ̂l ámû tyɛʼ bɨ́n ɨ́ mpʉ me bʉ̂r o dí abe e mpûʼla ɨ́ miléme ó, bé ópah bá.

1 Tesalonika 2:18

Bɨ̌h bé á si bu gwɨ̂m nó. Mɛm Pɔ̂l á si sâ nó, bijɔʼ bijɔʼ, abánabana, ebě, Sátan á be lɨ́ ekamle bɨ́h lɨ́ etô gʉ̂.

2 Korɛnt 1:8

Nó, bɨ́ɔɔ́ bɨ́h ɛ́, bɨ̌h kpɛl ó, bɨ̌n gʉ́ŋaa mitúú bɨ́h á sia e myé ɨ́ sí Azía mí. Bɨ̌h bé á si kʉ bu sia e mitúú. Myé á si gwa ntaa bɨ̌h ɨ́ nkul, tó pyâl ɨ́ jɔʼ mpûʼla nyɨ́h á gwa pʉʼa bɨ̌h ɨ́ miléme yɨ́. Mpûʼla nyaá á be ó, bɨ̌h bé óbáʼǎ tô dóló le etiʼe.

1 Korɛnt 12:1

Bɨ́ɔɔ́ bâm! Okɛ́l bâm! Ɨ́ nkǒ páʼ míndwéá Sísǐm mé Nzyɛ̌m dí entɨh mɨ́ná gá mí, mě kpɛ̌l ó, bɨ̌n gʉ́ŋaa lɔ̌b waá ɨ́ pébébé.

1 Korɛnt 10:1

Bɨ́ɔɔ́ bâm! Okɛ́l bâm! Mě kpɛl ó, bɨ̌n gʉ́ŋaa sá yé á syɛ́ɛ kwá bimpám bíh yɨ́ ɨ́ pébébé. Byé á titye e Moyɨ̂z ó, sí dwiné. Bɨ́bɛ̂h, bé á si ntaa mâŋ e mekʉ̌.

Kolosi 1:6

Mbɨambɨa Lɔ́ɔ, wé lɨ́ emyɛma le etɨ́e bʉ̂r metum medwân ó, ɨ́ sí yɨ́yɛ̂h mpʉ wé dí esâ ɨ́ sɔ́má yɨ́n, táare ɨ́ jɔʼ ésôʼ bɨ́n á nyɛɛ jóʼo wé yɨ́. Bɨ̌n bé á be ó sí jóʼo bʉ̂r lɨ́ elwǐb lɔ̌b mpâm mé Nzyɛ̌m. Bɨ̌n bé á si gwa kʉ jɨ̂ʼ le egʉ́a lɨ́ otyeetye sá nyé dí yɨ́.

Rôm 11:25

Bɨ́ɔɔ́ bâm! Okɛ́l bâm! Mě kpɛl ó, bɨ̌n gʉ́ŋaa lwǐb ódîm yɨ̂ʼ ɨ́ pébébé. Bɨ̌n ámû jwɨʼ ó, bɨ̌n bé ó ocwóó. Lwǐb ódîm yaá, yé ó: bʉ́ʉ́ bʉ̂r ɨ́ kúl bʉ̂r o b'Ɨ́zraɛ̂l, bé e miléme mi dí ɨ́ buú lele lɨ́ ejóʼo mi. Milémé myɔ́ɔ́, myé óbe ɨ́ lele lɨ́ ejóʼo ó, tó kumo ɨ́ jɔʼ tólɔ́ɔ obûʼla o dí abe óYúden bá, ókumǒ bím Nzyɛ̌m á boo tíʼe ɨ́ lémé wé ó, nyě dwé ó bé twǐʼ njʉ̌m dǐ yɨ́.

Yʉanes 15:16

Ntʉ bɨ́n á pɛ̂h me. Mɛm ó b'á twâr bɨ̌n. Me ó b'á lómo bɨ̌n ó, bɨ̌n tôʼ, tó gúmo mpúmó. Mpumó nyaá ódǐ njʉ̌m dǐ e njʉ̌m dǐ. Nó ó Sɔ́ŋ wǎm ngá dwe bɨ́n sá yɨ́yɛ̂h bɨ́n ngá gwâm, lɨ́ ejɨʼla e né, pɨr e díé lâm yɨ́.

Yʉanes 4:36

Kpɛma mede, nye lɨ́ ebi myɛ́na mé. Sá nyé dí esyɛŋ yɨ́, yé ódǐ njʉ̌m dǐ e njʉ̌m dǐ. Nó ó, mbel mempeʼ, bé e kpɛma mede, bɨ́bɛ̂h, bé soho ó mbi ngwár e ngwár.

2 Tesalonika 2:7

Tó kœb ó, bʉr o dí enwǐm Nzyɛ̌m bá, bé sá syɛ́ɛla yɔ́ɔ́ yaá ɨ́ báánâʼ ó e nkul dí anyɨ̂n bʉ̂r ɨ́ mîh nyɨ́. Sâ gwár, ɨ́ nkǒ páʼ mʉ̂r dí egbah métié mé Nzyɛ̌m nyá, mʉr dí ekamle nyé lɨ́ esâ ébébe nyá, ótô le esâ nó ó, tó kumǒ kumáa ɨ́ jɔʼ nyé ólíʼe nyé nzɨ̌ mběʼ yɨ́.

2 Korɛnt 2:14

Mɨná dwêʼ gá Nzyɛ̌m nzyǒo. Nye ó dí esâ ó, mɨná gá e Krîst díʼee binkɔ́ɔ́ bi dí entaa ɨ́ jɔʼ yɨ́yɛ̂h bí. Nye ntémé ó dí esâ ó, mɨná dwêʼ gá bʉr milɛ́ʼlá mi dí esâ ó, bé gʉ́ŋaa nye mí. Nyě sá mɨ́ná gá nó ó, ɨ́ gúmó yɨ́yɛ̂h. Mɨná gá mû ó mpʉ̌ lɔbína dí epyêl mbɨambɨa numó yɨ́.

1 Korɛnt 9:2

Bʉ̂r oswîh sí kɛ́la ó, me ó mʉr milʉ́mlʉ́ mé Krîst nó, bɨ̌n bɨɛ, bé ɨ́ jala le egʉ́a ó, me ó kʉ́ be nyé tyeetye ɨ́ páʼ wɨ́n. Mpʉ bɨ́n mû sí pûhla e Tî Yésʉs yɨ́, bɨ̌n mû ó ndem dí elɛ̂ʼle ó, me ó mʉr milʉ́mlʉ́ wé nyá.

Mɨlʉmlʉ 21:19

Pɔ̂l nzě bára e bê. Nye nzě lɛ́ɛ̌ lɔ́ɔ, dumo e bisyɛ́ɛlǎ Nzyɛ̌m á sâ e nzɨ̌ syɛ́ɛ́ yé yɨ́. Bisyɛ́ɛla byaá, byé á be ó páʼ bʉr o dí abe óYúden bá. Nye á lɛ́ɛ byé ó gúgwár.

Mɨlʉmlʉ 15:12

Bʉr ó bʉm bɨ́bɛ̂h ntɔ̂ʼ di ɨ́ jolaaa ɨ́ jɔʼ bé á jóʼo Banabâs, bé e Pɔ̂l lɨ́ elɛ́ɛ bé lɔ́ɔ́ tɨ̂ʼ yɨ́: mpʉ̌ Nzyɛ̌m á sâ mesimá, ti e bisá bí ékâm témé bʉr o b'á be abe oYúden bá yɨ́.

Mɨlʉmlʉ 14:27

Jɔʼ bé á pyâl Antiôs yɨ́, bê nzě jébe bʉ̂r ó Mbɛ̌r-Nzyɛ̌m, lɛ́ɔɔ bé bisá bíbyɛ̂h Nzyɛ̌m á sâ e nkul nyé bí. Bé á lɛ́ɛ ntémé ó, Nzyɛ̌m á si cwɨ́a ntémé e bʉr o dí abe óYúden bá, lɨ́ edwe bé nkul edyɛ̂ʼwo e né.

Yʉanes 12:24

Mě lɛ́ɛ́ bɨ́n lɨ́ otyeetye ó, bumó, yé ódidi gwár ó, jɔʼ yé dína apǎ swahɔɔ ɨ́ bibwǎh yɨ́. Bumó sí swahɔɔ ɨ́ bibwǎh, pâh nɛ́ɛ: yé ógúmo mpúmó menkû menkû.

Mɨlʉmlʉ 1:15

Ɨ́ tíl mélû yaá mpʉ óbûʼla nter e mekám mébá, bé á syɛŋa yɨ́, Pétrus nzě mɔa sí, tyɛ̂b témé entumo e bʉ̂r énɨ̌ memɛ̌n. Nye ó:

Mɨlʉmlʉ 28:14

Ɨ́ nkana yaá, bɨ̌h bé á si kœb bɨ́ɔɔ́ bɨ́ná tɨ̂. Bê nzě lɛ́ɛ e bɨ̌h ó, bɨ̌h le onɔ́ɔ́ díʼee tɨ̂ tâŋ sóno ntinɨ̂. Nó yaá ó bɨ́h á ka pyâl Rôm yɨ́.

Rôm 1:12

Sá mé dí elɛ́ɛ yɨ́, yé ó, mɨná sâʼ gá menkɔ̌m páʼ gá nyɨ́ná. Búʼó bɨ́n dí ebúʼlǎ Krîst yɨ́, le yaá yâm, byé ó ngá gbâ mɨ́ná gá nkul ɨ́ miléme.

Rôm 7:1

Bɨ́ɔɔ́ bâm! Okɛ́l bâm! Bɨ̌n bé ó bʉr o dí ekʉ́ gwá gʉ́a métié mé Nzyɛ̌m bá. Bɨ̌n bé lɨ́ egʉ́a ó, etié, lé jaá jwɨ́ɨ ó, njɨ mʉr dína lɨ́ etiʼe nyá.

1 Korɛnt 1:10

Bɨ́ɔɔ́ bâm! Okɛ́l bâm! Me lɨ́ ejɨʼla e bɨ̌n ɨ́ díé mé Tî gá wɨ́ná, Yésʉs-Krîst: diʼee gá twíí. Mpɔ́ʼá menkɔ̌m, nye ayɨ́ be ɨ́ sɔ́má yɨ́n tʉ́ŋlʉ̌. Me lɨ́ ejɨʼla ó, bɨ̌n díʼee ɨ́ mpúhlá nyɨ́n mbɨ̂mbɨá, mipahlá mimpwár, gwɨ́má gwár.

1 Korɛnt 14:20

Bɨ́ɔɔ́ bâm! Okɛ́l bâm! Ayɨ́ kǎ pahle gá mpʉ bwá ó ntwǒm. Bɨ̌n bé óbɛ̌m baŋa bwá ó ntwǒm ɨ́ mpʉ bé dí asâ ébébe é léme yɨ́. Sâ gwár, ɨ́ nkǒ páʼ mípahlá mín míɛ, diʼee gá mpʉ ótɔ́má bʉ̂r.

1 Korɛnt 14:26

Bɨ́ɔɔ́ bâm! Okɛ́l bâm! Mɨná bé ókǎ lɛ́ɛ gá nyá? Jɔʼ bɨ́n dí egwɨ̂hla yɨ́, nyâʼ mʉ̂r, nye ó e jɨ́m nyé ódyɛɛ yɨ́. Nyʉ́ʉ́, e lɛ́ʼlá nyé ódwe wɨ́. Nyʉ́ʉ́, e gúú solá sɔ̂ʼ nyé ógwîh wɨ́. Nyʉ́ʉ́, nyě e lɔ́ɔ ɨ́ lwǐb ayogoyogo. Nyʉ́ʉ́, nyě e nkul epâʼlǎ sá lwǐb ayogoyogo yaá dí elɛ́ɛ yɨ́. Yé jala ó, syɛ́ɛla yaá yɨ́yɛ̂h gbâʼ Mbɛ̌r-Nzyɛ̌m pîm ɨ́ búʼó.

Galásia 3:15

Bɨ́ɔɔ́ bâm! Okɛ́l bâm! Sá yɨ̂, yé ó kwahaá syɛ́ɛla bʉ̂r dí esɨsâ yɨ́. Mʉ̂r sí cɛma mékaná bílíʼe mpʉ bʉ̂r dí boó sɨ̂sa yɨ́ nó, abe e mʉr ókǎ gbɛ́ɛ mícɛmá myaá. Mʉr swîh, nyé abe e nkul ekǎ kɛl lʉ́ʉ́ ékǎn tɨ̂.

Galásia 6:18

Bɨ́ɔɔ́ bâm! Okɛ́l bâm! Tî gá wɨ́ná, Yésʉs-Krîst, nye sʉ́ʼoo bɨ̌n metyɛʼ me mpóm mé ɨ́ milémé mín. Amɛn.

Filipi 1:22

Mé ótô le etiʼe mʉ́ʉ́ mélû ɨ́ nkǒ páʼ nyʉ̂l bipúno nó, me óbee émbɨa tɨ̂ʼ lɨ́ eséa bísyɛ́ɛ́ bíswîh ɨ́ melû me dí enze má. Sá tɨ̂ʼ ó mé dí apǎ gʉ́ǎ sá mé ópɛ̂h yɨ́.

Kolosi 1:10

Nó ó, bɨ̌n bé óbɛ̌m tyě mpʉ Tî Yésʉs dí ekpɛl yɨ́, le esâ ɨ́ jɔʼ yɨ́yɛ̂h sá nyé dí ekpɛl yɨ́. Bɨ̌n bé ótô dóló le egúmo mímpaŋ mi mpúmó ɨ́ bisyɛ́ɛla bimpâ bín bíbyɛ̂h. Tóʼ gá dóló le egwɨ́e ɨ́ pɨʼ le ngwɨ́á mé Nzyɛ̌m.