Rôm 1:1 - Kálar Nzyɛ̌m : Ejwán é Sáá

¹ Yé ó mɛm Pɔ̂l, syɛ̂l mesâ mé Yésʉs-Krîst ó dí ecɛma bɨ́n mekaná mâ. Nzyɛ̌m á twâr me ó, me díʼee mʉr milʉ́mlʉ́ wé. Nye á tyêl me lɨ́ empah ó, me tôʼ le etúnǒ Mbɨambɨa Lɔ́ɔ́ wé.

Kálara Zyɛ̌m Edwán é mpʉ̌n

¹ Mɛm Pol, syɛl mosa mo Yesʉs-Krɨst ó lé etile bɨn kalara nwa. Zyɛm a jebe me ó, me diʼe lʉmlʉ we, le ecyel me é syɛɛ ó, me toʼ le elɛɛ Mbɨambɨa Lɔɔ we.

Rôm 1:1 ပူးပေါင်းရင်းမြစ်များ

Mɨlʉmlʉ 9:15

Nó ó Tî Yésʉs á lɛ́ɛ e né ó: «Tóʼ, ebě, me á si twâr mʉ̌r nɨ̌. Lɔ́ɔ́ wâm, wé ótó lɛ́ɔɔ kwá byúú bíkûl bi bʉ̂r ó, ɨ́ nzɨ̌ nyé. Nye ólɛ́ɛ ntémé ojwɨ́ɨ́ bɔ́ɔ́ wǎ, bé e bʉr o b'Ɨ́zraɛ̂l.

Rôm 15:16

Nye á bě sí sʉ mé metyɛʼ me mpóm, ó me díʼee syɛ̂l mesâ mé Yésʉs-Krîst lɨ́ esú é bʉ̂r o dí abe óYúden bá. Me mû ó mpʉ pára dí eliŋ bʉ̂r baá ndwéá Nzyɛ̌m dí ekpɛl, waá Sísǐm wé, wé á pubo wɨ́ nyá. Syɛ́ɛ́ pára mé dí esâ yɨ́, yé ó syɛ́ɛ́ étúnǒ Mbɨambɨa Lɔ́ɔ dí eduho kwá mé Nzyɛ̌m wɨ́.

1 Korɛnt 1:1

Yé ó mɛm Pɔ̂l, mʉ̌r Nzyɛ̌m á twâr ɨ́ lɔ̌b gwɨ́má yé ó, me díʼee mʉr milʉ́mlʉ́ mé Yésʉs-Krîst, bɨ̌h e mɨ́ɔɔ́ gá wɨ́ná Sostɛ̂n ó dí ecɛma bɨ́n mekaná mâ. Bɨ̌h cɛmá ó, bʉr ó Mbɛ̌r-Nzyɛ̌m dí Kórɨnt bá.

Kolosi 1:1

Yé ó mɛm Pɔ̂l, mʉ̌r Nzyɛ̌m á jébe ɨ́ lɔ̌b gwɨ́má yé ó, me díʼee mʉr milʉ́mlʉ́ mé Yésʉs-Krîst nyá. Bɨ̌h e mɨ́ɔɔ́ gá wɨ́ná Timotɛ̂ ó dí ecɛma bɨ́n mekaná mâ. Bɨ̌h cɛmá ó,

Títos 1:1

Yé ó mɛm Pɔ̂l, syɛ̂l mesâ mé Nzyɛ̌m, ndu e mʉr milʉ́mlʉ́ mé Yésʉs-Krîst ó dí ecɛma mékaná mâ. Yésʉs-Krîst á lómo me ó, me tô kɛm bʉ̂r ó Nzyɛ̌m á twâr bá, lɨ́ egbâ bé pîm ɨ́ búʼó. Bé gʉ́ŋaa otyeetye, waá ngá sâ ó, bé dwáawaa Nzyɛ̌m wɨ́.

Rôm 1:9

Ɨ́ jɔʼ yɨ́yɛ̂h, me lɨ́ ejɨʼla e né ɨ́ lɔ̌b wɨ́n. Nzyɛ̌m mʉr tɨ̂ʼ boʼlo ó, mě lɛ́ɛ́ ó otyeetye. Nye ó mé dí eboó séǎ syɛ́ɛ́ yé e tiŋé ɨ́ lémé wâm nyá. Mě séá yé ó e nzɨ̌ etúnǒ Mbɨambɨa Lɔ́ɔ dí edumo e Mwân wé wɨ́.

2 Korɛnt 1:1

Yé ó mɛm Pɔ̂l, mʉr milʉ́mlʉ́ mé Yésʉs-Krîst ɨ́ lɔ̌b gwɨ́má mé Nzyɛ̌m ó dí ecɛma bɨ́n mekaná mâ, bɨ̌h e Timotɛ̂, mɨ́ɔɔ́ gá wɨ́ná. Bɨ̌h cɛmá ó, Mbɛ̌r-Nzyɛ̌m dí Kórɨnt wɨ́, ti e bʉr o mé Nzyɛ̌m bɨ́bɛ̂h o dí ɨ́ sí Akayɨ̂ bá.

1 Korɛnt 9:1

Nzê mé abě nzyɛh ɛ̌? Ntʉ mé dí mʉr milʉ́mlʉ́ mé Krîst ɨ́? Nzê me á bé así bee Tî gá wɨ́ná Yésʉs ɛ̌? Ntʉ bɨ́n dí mpumó á gúmo, duho ɨ́ syɛ́ɛ́ mé á séa ɨ́ nzɨ̌ Tî gá wɨ́ná yɨ́ ɛ́?

2 Timotɛ 1:11

Mbɨambɨa Lɔ́ɔ waá ó mé dí etúno wɨ̂, ebě, Nzyɛ̌m á si tyêl me ɨ́ dǐ lɛ́a lɔ́ɔ wé, le yaá mʉ̂r milʉ́mlʉ́ wé, le yaá lɛ̂ʼla.

1 Timotɛ 1:1

Pɔ̂l ó dí ecɛma gó mekaná mâ. Me ó mʉr milʉ́mlʉ́ mé Yésʉs-Krîst ɨ́ mitíʼá mé Nzyɛ̌m Sɔ́ŋ, Tiʼbʉr gá wɨ́ná, ti e Yésʉs-Krîst, waá dí egbâ mpûʼla ɨ́ miléme gá míná nyá.

Galásia 1:1

Yé ó mɛm Pɔ̂l, mʉr milʉ́mlʉ́, ó dí ecɛma bɨ́n mekaná mâ. Mé abe ɨ́ milʉ́mlʉ́ mé nyʉ́ʉ́ mʉ̂r. Twárá mé á twárɔɔ wɨ́, wé á bé acɨɨ e nzɨ̌ mʉr. Yésʉs-Krîst, bé e Nzyɛ̌m Sɔ́ŋ, mʉr á pɛh nye, dwih nyé lɨ́ odwe nyá, bé ó b'á lómo me.

1 Timotɛ 2:7

Nzyɛ̌m nzě tyêl mé ɨ́ bidǐ bibá: yaá lɛ́a lɔ́ɔ wé, ti e yaá mʉ̂r milʉ́mlʉ́ wé. (Mě lɛ́ɛ́ ó, otyeetye; mé alɛ́ɛ bíbɛr.) Me ó lɛ̂ʼla lɨ́ esú é bʉ̂r o dí abe óYúden bá, lɨ́ edwe bé metwɨ́ɨ́ ɨ́ nzɨ̌ búʼó yɨ́ná, le otyeetye mé Nzyɛ̌m.

1 Tesalonika 2:2

Bɨ̌n bé lɨ́ egʉ́a ntémé mpʉ bɨ́h á bɔma e túú le cére ɨ́ Fílipi, bɨ̌h dína apǎ pyâl kwá nyɨ́n yɨ́. Jɔʼ bɨ́h á pyâl ɨ́ sɔ́má yɨ́n yɨ́, Nzyɛ̌m wɨ́h á si gbâ bɨ̌h menyan ɨ́ miléme ó, bɨ̌h lɛ́yɨɨ bɨ̌n Mbɨambɨa Lɔ́ɔ́ mé Krîst témé bʉr o dí elwímla e bɨ̌h bá.

Rôm 1:5

Nzyɛ̌m á si cwɨ́a e bɨ̌h ɨ́ nzɨ̌ mé Yésʉs-Krîst, le etyêl bɨ́h bʉr o mílʉ́mlʉ́ bé, lɨ́ esú é bíkúl bíbyɛ̂h, ó byé dyéʼee koo e né, le esâ nyé mejóʼo. Nye á sâ bɨ̌h syɛ́ɛla yaá ó, lɨ́ esú lé édwe díé é Mwân wé kûm.

Filipi 1:1

Yé ó mɛm Pɔ̂l, bɨ̌h e Timotɛ̂, osyɛ̂l o mésâ mé Yésʉs-Krîst. Bɨ̌h cɛmá ó bɨ̌n, bʉr bɨ́bɛ̂h o dí egúmo e Yésʉs-Krîst, baá bé á pûhla e né, le edǐ Fílipi bá. Bɨ̌h cɛmá ntémé ó, otyɛ̂b bé ésôʼ ó Mbɛ̌r-Nzyɛ̌m le odiâkɔn.

Mɨngwiha 1:1

Yésʉs-Krîst á si gwîh bisá Nzyɛ̌m á tɨ́e nye ó, nye lɛ̂ʼlaa osyɛ̂l o mésá bé, ó bé gʉ́ŋaa sá mû kúno epyâl bé yɨ́. Nye á gwîh byé ó, lɨ́ elómo éngeles wé kwá me, Yʉánɛs, syɛ̂l mesâ wé.

Yʉ̂d 1:1

Yé ó mɛm Yʉ̂d, syɛ̂l mesâ mé Yésʉs-Krîst, mɨ́ɔɔ́ mé Jacques ó dí ecɛma bɨ́n mekaná mâ. Mě cɛmá ó, bɨ̌n bʉr ó Nzyɛ̌m Sɔ́ŋ á kpɛl, baá nyé á jébe le ebaʼle mbɨ̂mbɨá ɨ́ nzɨ̌ mé Yésʉs-Krîst bá.

2 Pyɛr 1:1

Yé ó mɛm Simon Pétrus, syɛ̂l mesâ ti e mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bɨ̌n bʉr o bɨ́h le onɔ́ɔ́ bé á bi mbǐ búʼó gwár bá. Búʼó yaá, odimé o tɨ̂, wé ó jwɨʼ gwár páʼ gá nyɨ́ná. Mɨná bé á bi gá búʼó yaá ó, ɨ́ lɔ̌b syɛ́ɛla mé Yésʉs-Krîst tîtyěl mʉr, Nzyɛ̌m gá wɨ́ná, Tiʼbʉr gá wɨ́ná.

Jacques 1:1

Yé ó mɛm Jacques, syɛ̂l mesâ mé Nzyɛ̌m le Tî Yésʉs-Krîst ó dí ecɛma bɨ́n mekaná mâ. Me lɨ́ esoho bɨ́n, bʉr o ménzweh kám e mebá mû mingbɛhá míngbɛhá ɨ́ sí yɨ́yɛ̂h bá.

Ebrœ̂ 5:4

Mʉr, nyé abe e nkul egbân dǐ pára, nkʉ̂ dúú tɨ̂. Bʉr ó Nzyɛ̌m á jébe bá ó dí ejala e dǐ yaá. Yé ó jwɨʼ gwár mpʉ̌ Nzyɛ̌m á nyɛɛ jébe Árɔn, tyêl nyé ɨ́ dǐ pára yɨ́.

Filipi 2:11

Nó ntémé ó mʉ̂r nyɨnyɛ̂h ókam ó, Yésʉs-Krîst ó dí Tî yɨ́. Nye ósâ nó ó, lɨ́ ebeʼ kûm mé Nzyɛ̌m Sɔ́ŋ.

Éfɛsɔs 4:11

Nye á be ɨ́ dwe bʉ̂r mindwéá mimbi mimbi. Nye nzě sâ ó, bâʼ bʉ̂r, bé díʼee bʉr o mílʉ́mlʉ́ mé Yésʉs; bâʼ bɨ́ɛ, ogwíha o mílɔ̌b; bʉ́ʉ́ bɨ́ɛ, otúna ó Mbɨambɨa Lɔ́ɔ; bʉ́ʉ́ bʉ̂r ntémé, otyɛ̂b bé ésôʼ ó Mbɛ̌r-Nzyɛ̌m; bʉ́ʉ́, olɛ̂ʼla o mílɔ̌b mé Nzyɛ̌m.

Éfɛsɔs 1:13

Bɨ̌n ntémé, táare ɨ́ jɔʼ bɨ́n á túnɔɔ lɔ́ɔ dí tyeetye wɨ́ yɨ́, bɨ̌n nzě táare ébûʼla wê, kumǒ kumáa mûh, gʉ́a ntémé ó, wé ó Mbɨambɨa Lɔ́ɔ dí etiʼ bɨ́n wɨ́. Le bɨ́n á bûʼla Mbɨambɨa Lɔ́ɔ waá, lě Nzyɛ̌m ntɔ̂ʼ á ntɨh bɨ̌n Sísǐm wé nyé á boo kɛʼ wɨ́. Sísǐm wé waá ó dí dweʼle kwá nyɨ́n, sá dí elɛ̂ʼle ó, bɨ̌n bé ó bʉr bé, ánta nye yɨ́.

2 Korɛnt 12:11

Me mû ó gʉʼlʉgʉ́, lɨ́ esí bánǎ lwǐb mbi bílwǐb bínɨ̌. Bɨ̌n ó b'á sâ ó, me díʼee yê, ebě, bɨ̌n ó b'á tíne me lɨ́ esâ nó. Yé bé sá jála nó, lɛ́ɛ́, bɨ̌n ó b'á dwe me dúu, ebě, mé abe píhe bʉr o mílʉ́mlʉ́ o dí enkʉ́na ó, bé ó me dóló bá, damá be ó, mé abě sɔ̂ʼ.

2 Korɛnt 11:5

Mbeá wâm, wé yɨ́ɛ ó wɨ̂: bʉr o dí epǎ nkʉ́na le elɛ́ɛ ó, bé ó dí bʉr o mílʉ́mlʉ́ ómpâ bá, sá bé dí e yé yɨ́, me ntémé, mě e yê.

2 Korɛnt 4:5

Ebě, bɨ̌h bé atúnǒ lɔ́ɔ́ wɨ́h, bɨ̌h bʉr o tɨ̂. Lɔ́ɔ́ bɨ́h dí etúno wɨ́, wé dumo ó e Yésʉs-Krîst, dí Tî gá wɨ́ná nyá. Nó, bɨ̌h bɨɛ ó dí osyɛ̂l o mésá bɨ́n lɨ́ esú mé Yésʉs.

Rôm 1:16

Mé ajóʼo bá sôn ɨ́ Mbɨambɨa Lɔ́ɔ mé dí etúno wɨ́, ebě, wé ó nkul mé Nzyɛ̌m lɨ́ esú lé étiʼ mʉ̂r nyɨnyɛ̂h ngá bûʼla wé nyá, táare le oYúden, kala e baá o dí abe óYúden bá.

Mɨlʉmlʉ 22:21

Nó ó Tî Yésʉs á ka lɛ́ɛ e me ó: “Tóʼ, ebě, me múo nzě tyen gó lɨ́ ejaa, ɨ́ nko bʉ̂r o dí abe óYúden bá di yɨ́.”»

Mɨlʉmlʉ 22:7

Nó ó mé á duma sí, nzě jóʼo twíí lɨ́ elɛ́ɛ e me ó: “Saʉ̂l, Saʉ̂l, go bá pʉgʉ́ tíble mé mpʉ́nʉ̌ ɨ́ yé?”

Mɨlʉmlʉ 20:24

Mɛm bee yɨ́ɛ ó, twiʼ yâm, yé abe mé dimé sɔ̂ʼ. Nyɔm wâm, wê njɨ ó, me swímɨɨ ɨ́ duo bíjʉ́ʉ́, tó pyâl lɨ́ odumo, le eswâhlě syɛ́ɛ́ Tî Yésʉs á líʼe me e yǎ yɨ́: yé ó, etúnǒ Mbɨambɨa Lɔ́ɔ́ mé Nzyɛ̌m.

Mɨngwiha 22:9

Nye e me ó: «Sá asâ nó. Me ntémé, me ó syɛ̂l mesâ mé Nzyɛ̌m jwɨʼ gwár e gwár e bɨ̌n e bɨ́ɔɔ́ bô, ogwíha o mílɔ̌b, bé e baá bɨ́bɛ̂h o dí ebaʼle mílɔ̌b mékaná mâʼ bá. Dwéʼ Nzyɛ̌m kûm.»

Kolosi 1:25

Me mû ó syɛ̂l mesâ mé Mbɛ̌r-Nzyɛ̌m. Nzyɛ̌m ó b'á tyêl me ɨ́ dǐ yaá. Nye á tyêl me tɨ̂ʼ ó, me séaa lɨ́ esú lɨ́n, lɨ́ etúnǒ lɔ́ɔ́ wé wɨ́wɛ̂h.

Éfɛsɔs 1:1

Yé ó mɛm Pɔ̂l, mʉr milʉ́mlʉ́ mé Yésʉs-Krîst ɨ́ lɔ̌b gwɨ́má mé Nzyɛ̌m ó dí ecɛma bɨ́n mekaná mâ. Mě cɛmá ó, bɨ̌n, bʉr o dí egúmo e Yésʉs-Krîst, baá o dí bʉr o bé ébûʼlɔɔ, o dí [Éfɛsɔs] bá.

Rôm 16:25

Sâ bwaʼ nkûl Nzyɛ̌m dí e né nyɨ́ e! Nkul nyaá ó mû lɨ́ elɨl bɨ́n mpʉ̌ Mbɨambɨa Lɔ́ɔ́ mé dí elɛ́ɛ le etúno wɨ́ dí yɨ́. Mbɨambɨa Lɔ́ɔ waá, wé dumo ó e Yésʉs-Krîst. Wé lɨ́ edû ntémé lwǐb ódîm, yé á boo be solá,

Rôm 16:18

Mimbi mi bʉ̂r myaá, ntʉ Tî gá wɨ́ná Krîst bé dí eséa. Bé jaá séǎ syɛ́ɛ́ ó, njɨ lɨ́ esú é mímo myɔ́ɔ́. Bé lɨ́ edímle bʉ̂r o dína apǎ gʉ́a ébɛ̂ʼ páʼ émbɨa le ebébe bá, e nzɨ̌ lwǐb mépɨʼ ti e meswɨ̂ʼlʉ.

Rôm 15:29

Me lɨ́ egʉ́a ó, pyálá mé ópyâl kwá nyɨ́n yɨ́, me óbe ó e metyɛʼ me mpóm mé Yésʉs-Krîst.

Rôm 11:13

Ɨ́ báánâ, me mû ó lɨ́ enzě lwib e bɨ̌n, bʉr o dí abe óYúden bá. Me ó mʉr milʉ́mlʉ́ Nzyɛ̌m á lómlo bʉr o dí abe óYúden bá nyá. Me lɨ́ ekʉ́ buú nkʉ́na ɨ́ lɔ̌b syɛ́ɛ́ mé dí eséa lɨ́ esú lɨ́n ó,

Mɨlʉmlʉ 27:23

Ebě, ɨ́ pum wɨ̂ʼ mûh, éngeles mé Nzyɛ̌m, mʉr mé dí egúmo e né, waá mé dí eséǎ syɛ́ɛ́ yé nyá, nye sí nzě gúmó mê bé yɨ́.

Mɨlʉmlʉ 26:1

Nó ó, Agrípa á lɛ́ɛ e Pɔ̂l ó: «Go mû ó e nkul ekǎ kar ɨ́ jɔ̌ʼ nɨ̌.» Nó ó, Pɔ̂l á syɛ̂m mbô, nzě nyɛl nkâr nyé, e mekǎn mbi wɨ̂:

Mɨlʉmlʉ 13:9

Saʉ̂l, mʉr á be e lʉ́ʉ́ díe ntémé ó, “Pɔ̂l” nyá, nzě bɨʼ nyé mejwôʼlʉ, nye mû lwɨ́ŋlá e Sísǐm mé Nzyɛ̌m. Nye e né ó:

Yʉanes 15:15

Me ákǎ jébe bɨ́n “osyɛ̂l o mésâ bâm”, ebě, syɛ̂l, nyé agʉ́ǎ sá njwɨ́ɨ wé dí esâ yɨ́. Me ókǎ jɨjébe bɨ́n ó, “osó bâm”, ebě, mɨ́ lɛ́ɛ bɨ́n sá yɨ́yɛ̂h mé á jóʼo kwá mé Sɔ́ŋ wǎm yɨ́, ó bɨ̌n nkʉ̂ gʉ́a yê.

Yʉanes 12:26

Mʉ̂r bé lɨ́ egwɨ̂m éséa e me nó, nye dúʼoo sɔ̂ʼ njɨ me. Nó, gúmó mé dí yɨ́, gúmo yaá ó syɛ̂l mesâ wǎm ntémé ngá di yɨ́. Waá nyɨnyɛ̂h ngá séa e me nyá, Sɔ́ŋ wǎm ódwe nyé kûm.»

Mɨngwiha 22:6

Nye e me ó: «Milɔ̌b mî, myé ó milɔ̌b mimpâ le otyeetye. Dâ Nzyɛ̌m, nye lɨ́ entɨh ógwíha o mílɔ̌b bé Sísǐm wé ó, bé lɛ́yɨɨ lɔ́ɔ́ wé. Nye ó b'á lómlo osyɛ̂l o mésá bé éngeles wé ó, nye ntáa nzě lɛ́ɛ bé sá mû kúno esyɛ́ɛ yɨ́.»

Ebrœ̂ 7:26

Nye ó mbi njwɨ́ɨ opara wé á kʉ jala e mɨná gá wɨ́: nye ó mʉr dí tí, waá dí akúnwo e mpɨŋ nyá. Sá mébomo, yé abe ɨ́ nye. Nyé akúnwo bá le osyɛ̂l o mísyóm. Nye ntémé, nye ó mbɨ́ná kʉ́, laǎ jʉ́o le ejwoo le baántɛ́n.

Mɨlʉmlʉ 26:14

Bʉr bɨ́bɛ̂h, bê nzě duma sí. Nó ó mé á nze jóʼo twíí lɨ́ elwib e me ɨ́ lwǐb ébrœ̂ ó: “Saʉ̂l, Saʉ̂l, go bá pʉgʉ́ tíble mé mpʉ́nʉ̌ ɨ́ yé? Go lɨ́ esâ gó mʉr tɨ̂ʼ ebébe lɨ́ elelě lʉ̂, ɨ́ mpʉ̌ ntœœ dí ekáŋa e mʉr dí epála yé nyá yɨ́, yɨ́ɛ sí gʉ́a ó, yé ɨ́ tirwó ó, ɨ́ dʉ́ é ntɔ́ŋ é mʉ̂r waá.”

Mɨlʉmlʉ 21:40

Nó ó njwɨ́ɨ bisójǎ nɨ́nɨ́ɨ́ á kam. Pɔ̂l nzě tyɛ̂b lɨ́ ebɨ́r kʉ́, nzě peble bʉ̂r mbô. Jɔʼ bʉ̂r bɨ́bɛ̂h, bé á be, bé mû ɨ́ myǒŋ yɨ́, Pɔ̂l nzě lwib e bé ɨ́ lwǐb aramyɛ̂n.

Yʉanes 15:20

Símsáá gá sá mé á lɛ́ɛ bɨ̌n yɨ̂: “Yáma, yé áláá njwɨ́ɨ wé.” Yé bé bé á si tíble mɛm nó, lɛ́ɛ́, bé ótîtible bɨ́n ntémé. Yé bé bé á si jóʼo lɛ́ʼlá wâm nó, lɛ́ɛ́, bé ójóʼo ntémé wɨ́n.

Markus 1:14

Bê nzě gbâ Yʉánɛs ɨ́ mbʉʼ. Píe tɨ̂, Yésʉs nzě tô sí Galilê, tô le etúnǒ Mbɨambɨa Lɔ́ɔ dí eduho kwá mé Nzyɛ̌m wɨ́.

2 Korɛnt 2:12

Nó ɨ́ jɔʼ mé á to le etúnǒ Mbɨambɨa Lɔ́ɔ́ mé Krîst, tó kumǒ Troâs yɨ́, me á to kœb gʉ̂ʼ ó, Tî Yésʉs, nyé osí dwe mé nzɨ̌ mběʼ, ó me túnaa wé ɨ́ hwɨ́m.

2 Korɛnt 11:7

Me á si lɛ́ɛ bɨ̌n Mbɨambɨa Lɔ́ɔ́ mé Nzyɛ̌m, anʉa myɛ́na. Ɨ́ mpʉ mé á sâ nó yɨ́, me á si jɔr nyʉ̂l nyǎm, le ebɨ̂n bɨ́n kʉ́. Nzê syɛ́ɛla yaá, yé á be syóm mé á sâ wɨ́ ɛ́?

1 Tesalonika 2:8

Bɨ̌h bé á be ɨ́ buú kpɛl bɨ́n. Sá tɨ̂ʼ ó bɨ́h á be alɛ́ɛ bɨ̌n sɔ̂ʼ njɨ Mbɨambɨa Lɔ́ɔ́ mé Nzyɛ̌m wé omér yɨ́. Bɨ̌h bé á gwɨ̂m ó, bɨ̌n díraa minyɔm ɨ́ bicwiʼ bíh ntémé. Bɨ̌n á be ɨ́ buú nyan bɨ́h ɨ́ miléme.

1 Tesalonika 2:9

Bɨ́ɔɔ́ bâm! Okɛ́l bâm! Bɨ̌h bé á si kʉ séa bisyɛ́ɛ́ bí nkûl. Bɨ̌n bʉr o tɨ̂, bɨ̌n bé lɨ́ egʉ́a nó. Jɔʼ yɨ́yɛ̂h bɨ́h á lɨlɛ́ɛ bɨ̌n Mbɨambɨa Lɔ́ɔ́ mé Nzyɛ̌m yɨ́, bɨ̌h ntémé á be lɨ́ eséa bísyɛ́ɛ́ mébô, móhó e pum. Bɨ̌h bé á sâ nó ó, bɨ̌h sá agbâ bɨ́n túú ɨ́ nyʉ̂l lɨ́ enkɛ́ɛ̌ mbeʼ wɨ́h.

1 Pyɛr 4:17

Etíʼ é mílɔ̌b gá lɨ́ná, lɨ́ pyâl. Nzyɛ̌m nyɛl élwib mílɔ̌b ó, myaá mi bʉ̂r ó Mbɛ̌r-Nzyɛ̌m. Tíʼá mílɔ̌b waá pǎ nyɛɛ́ nyan kwá gá nyɨ́ná, bʉr bé, á dwɛʼra e bʉr o dí abûʼlǎ Mbɨambɨa Lɔ́ɔ́ mé Nzyɛ̌m bá! Ndumló syɛ́ɛla yɔ́ɔ́ yaá, wé óbe yé?