Filemɔŋ 1:7 - Kálar Nzyɛ̌m : Ejwán é Sáá

⁷ Mɨ́ɔɔ́ wǎm, yé á si bu dwe me bisʉhʉʉ lɨ́ ebeě mpʉ gó dí ekpɛl óbûʼla yɨ́. Yé ntémé, yé á si bu gbâ bé nkul ɨ́ miléme.

Kálara Zyɛ̌m Edwán é mpʉ̌n

⁷ Mɨɔ wam, go a si bul gba me bɨsʉhʉ é leme é jɔʼ me a bee mpʉ go lé ecwɨa e mɨsaŋ mɨ bʉr mo Zyɛm ɨ! Yé nteme, yé a si bul gba mye nkul é monyʉl.

Filemɔŋ 1:7 ပူးပေါင်းရင်းမြစ်များ

2 Korɛnt 7:13

Sá tɨ̂ʼ ó mílémé míh mû sí sula sí yɨ́. Bɨ̌h damá soho ɨ́ lɔ̌b nkûl bɨ́h dí e né ɨ́ miléme nyɨ́, sá dí ebuú gbâ bɨ́h bisʉhʉʉ ɨ́ miléme yɨ́, yé ó bisʉhʉʉ mé Títos, ebě, lémé wé, wé á be ó, wé mû sí lóno ɨ́ bisʉhʉʉ ɨ́ lɔ̌b wɨ́n, bɨ̌n bɨ́bɛ̂h.

1 Tesalonika 3:9

Bɨ̌h gʉ́ŋaa ó, bɨ̌h dwêʼ Nzyɛ̌m nzyǒo ɨ́ lɔ̌b wɨ́n nyá? Bɨ̌h bé lɨ́ esoho ɨ́ míh mé Nzyɛ̌m ɨ́ buo buo ɨ́ lɔ̌b wɨ́n.

2 Korɛnt 7:4

Mpûʼla, nye ó me ɨ́ léme ɨ́ lɔ̌b wɨ́n. Bɨ̌h bé e nkul enkʉ́na ɨ́ buo buo ɨ́ lɔ̌b wɨ́n. Me mû ó lwɨ́ŋlá e nkul ɨ́ léme. Damá jóʼǒ mpʉ bɨ́h dídí ɨ́ bintɨ́ʼá tʉ́ŋlʉ̌ yɨ́, bisʉhʉʉ byâm, byé lɨ́ entaa sʉ́ŋa.

Filemɔŋ 1:20

Nó ó, mɨ́ɔɔ́ wǎm, me lɨ́ ejɨʼla e go ɨ́ díé mé Tî gá wɨ́ná ó, go sâʼ lémé wâm ó, wé súlaa sí ɨ́ mpúhlá gá nyɨ́ná e Krîst.

1 Tesalonika 2:19

Onzé dí egbâ bɨ́h mpûʼla ɨ́ miléme? Bisʉhʉʉ bɨ́h dí esoho bî, byé duhó le onzé? Ɨ́ jɔʼ Tî gá wɨ́ná Yésʉs ónze yɨ́, yáǎ syɛ́ɛ́ bɨ́h ngá lɛ̂ʼle nyé, lɨ́ esú ó, nye bórɨɨ bɨ̌h káráá dúu ɛ̌? Bɨ̌n ó ngá sâ ó, bɨ̌h nʉ́aa kûm ɨ́ jɔʼ yaá.

2 Yʉanes 1:4

Me á si bu jóʼo membɨa ɨ́ jɔʼ mé á jóʼo ó, bwán bô, bé lɨ́ edû kʉ̌ tyen lɨ́ otyeetye tʉ́ŋlʉ̌, lɨ́ edû mpʉ̌ Nzyɛ̌m Sɔ́ŋ á tyêl mɨná gá etié yɨ́.

2 Timotɛ 1:16

Tî Yésʉs lɛ̂ʼlaa mbɛ̌r bʉ̂r mé Onesíforos membɨa mɨ́mɛ̂h, ebě, nye á si bu cwɨ́a e me, nzɔʼ nzɔʼ. Nyé abá jóʼo sôn ebe mé dí ɨ́ mbʉʼ e menkara,

1 Tesalonika 2:13

Sá tɨ̂ʼ ó bɨ́h dí edwě Nzyɛ̌m nzyǒo ɨ́ bijɔʼ bíbyɛ̂h yɨ́, ebě, ɨ́ jɔʼ bɨ́h á lɛ́ɛ bɨ̌n lɔ́ɔ́ wé yɨ́, bɨ̌n bé á si bûʼla wê. Bɨ̌n bé á bé anʉa wé mpʉ̌ lɔ́ɔ́ dí eduho ɨ́ num mʉ̂r bipúno wɨ́. Bɨ̌n bé á kʉ nʉa wé ó, mpʉ̌ lɔ́ɔ́ mé Nzyɛ̌m lɨ́ otyeetye. Lɔ́ɔ́ mé Nzyɛ̌m waá, wé lɨ́ eséa ɨ́ bɨ̌n obûʼla.

1 Tesalonika 1:3

Ɨ́ minjɨʼla bɨ́h dí ejɨʼla e waá dí Nzyɛ̌m gá wɨ́ná, waá dí ntémé Sɔ́ŋ gá wɨ́ná nyá mí, bɨ̌h bé lɨ́ esímsǎ syɛ́ɛ́ bɨ́n á séa ɨ́ lɔ̌b búʼó yɨ́n yɨ́. Yé á be ó, ɨ́ kpɛ̌l bɨ́n dí ekpɛ̌l Nzyɛ̌m yɨ́. Bɨ̌h símsá ntémé ó, mitúú bɨ́n á sia e myé ɨ́ nzɨ̌ mpûʼla Tî Yésʉs-Krîst á gbâ bɨ̌n ɨ́ miléme nyɨ́ mí. Bɨ̌h sá nó ó, ɨ́ mpǒm mé Nzyɛ̌m gá wɨ́ná, dí Sɔ́ŋ gá wɨ́ná nyá.

1 Korɛnt 16:18

Bé ntémé, bé á si baʼa dwe lémé wâm egbalá mpʉ bé á nyɛɛ dwe myaá mín lǎ yɨ́. Gwá sêʼle gá mbi bʉ̂r baá.