Filemɔŋ 1:16 - Kálar Nzyɛ̌m : Ejwán é Sáá

¹⁶ Ebě, ɨ́ báánâ, nyé akǎ be gó túʼǎ. Nye lɨ́ entaǎ túʼǎ. Nye mû ó mɨ́ɔɔ́ kpɛ̌l wɨ́ná. Mɛm pǎ nyɛɛ́ kpɛl nyé ɨ́ buo buo, á dwɛʼra e gua! Go ókpɛl ntémé nye, ntaa sʉ́ŋa, ebě, bɨ̌n e né, bé ó bɨ́ɔɔ́ e bɨ́ɔɔ́ ɨ́ mpúhlá gá nyɨ́ná e Tî Yésʉs, bɨ̌n ntémé bɨ́ɔɔ́ ɨ́ nkǒ páʼ bípúno.

Kálara Zyɛ̌m Edwán é mpʉ̌n

¹⁶ ebe, banana, nye aka be go njɨ elʉa. Nye entaa elʉa; nye mu ó mɨɔ kpɛl wina, kʉ bʉl be é paʼ wam! Mɛm pa taare kpɛl nye é buobuo, a dwɛʼra e go! Go óbul kpɛl nye, laa me, ebe, nye ó waa go, bula be nteme mɨɔ go é zyɛŋa ga wina boo Da Yesʉs.

Filemɔŋ 1:16 ပူးပေါင်းရင်းမြစ်များ

Kolosi 3:22

Bitúʼǎ, sáʼ gá ojwɨ́ɨ́ bɨ́n mejóʼo ɨ́ sá yɨ́yɛ̂h. Asâ gá bé mejóʼo njɨ ɨ́ jɔʼ bé dí edwɛ̂ʼ bɨ́n yɨ́. Syɛ́ɛla yaá, yé lɨ́lɛ́ʼlé ó, bɨ̌n kolo bé ó, koláa. Bɨ̌n bʉr o dí edwáawo Tî Yésʉs bá, sáʼ gá nye mejóʼo e milémé mín mímyɛ̂h.

Mataos 23:8

Mʉr ngwár ɨ́ sɔ́má yɨ́n sá abá bîr ó, bé jébaa nye “Rabbi”, ebě, lɛ̂ʼla wɨ́n, nye ó ngwár. Bɨ̌n bɨ́bɛ̂h, bé ó bɨ́ɔɔ́ e bɨ́ɔɔ́.

1 Timotɛ 6:2

Nó, bitúʼǎ bi dí ejóʼo le obûʼla mé Nzyɛ̌m bí, byé ajala le epyêh ójwɨ́ɨ bɔ́ɔ́ dɔɔ́ le ebe ó, bé ó bɨ́ɔɔ́ ɨ́ búʼó tʉ́ŋlʉ̌. Byé séaa bé syɛ́ɛ́ túʼǎ yɔ́ɔ́ mbɨ̂mbɨá, bɨ́ɛ lɨ́ egʉ́a ó, bʉr o dí edira mínyɔm ɨ́ bisyɛ́ɛ́ byaá bá, bé ntémé, bé ó obûʼla, bɨ́ɔɔ́ bɔ́ɔ́ be dí ekpɛl bá. Bisá bîʼ ó gó jálá le elɛ̂ʼle le etɨ́e bʉ̂r bí.

1 Korɛnt 7:22

Ebě, Tî Yésʉs sí jébě túʼǎ nó, go ó, yé mû ó nzyɛh ɨ́ Yésʉs tʉ́ŋlʉ̌. Mʉr á nyɛɛ bɨbe nzyɛh, waá Krîst á jébe nyá, mû ó túʼǎ mé Krîst píe njɨ́blɨ́ waá.

Ebrœ̂ 3:1

Bɨ́ɔɔ́ bɨ́h le okɛ́l bɨ́h dí egúmo e Nzyɛ̌m bá, mɨná gá ó bé á bi gá nkɔb mpwár: njɨ́blɨ́ Nzyɛ̌m á ntɨh mɨná gá, duho ɨ́ jʉ́o kʉ́ wɨ́. Jwɛ́ʼɛ́ɛ́ gá sɔ̂ʼ njɨ Yésʉs mpʉ nyé dí yɨ́: nye ó mʉr milʉ́mlʉ́ mé Nzyɛ̌m, báʼǎ be ntémé njwɨ́ɨ opara gá wɨ́ná mpʉ mɨ́ná dí ekam gá yɨ́.

Mɨlʉmlʉ 9:17

Nó nyé á nze mɔa, tó pyâl ɨ́ mbɛ̌r waá. Nye ntɔ̂ʼ kɛ̌l Saʉ̂l mebô. Nye e né ó: «Saʉ̂l, mɨ́ɔɔ́ wǎm, Tî Yésʉs á si pyâl go ɨ́ nzɨ̌ ɨ́ jɔʼ gó á be lɨ́ enze kâʼ yɨ́. Nye lómó mé ó, me sâʼ ó, go báʼa bee, le ntémé ó, go díʼee lwɨ́ŋlá e Sísǐm mé Nzyɛ̌m.»

1 Yʉanes 5:1

Mʉr nyɨnyɛ̂h dí ebúʼla ó, Yésʉs, nye ó Mʉ̌r Nzyɛ̌m á lœm múló mé jwɨ́ɨ nyá, nyɨ́ byɛ̂l e nzɨ̌ nkul mé Nzyɛ̌m. Mʉr nyɨnyɛ̂h dí ekpɛl sɔ́ŋ nyá, nye lɨ́ ekpɛl ntémé mwân wé.