Filemɔŋ 1:1 - Kálar Nzyɛ̌m : Ejwán é Sáá

¹ Yé ó mɛm Pɔ̂l, mʉr dí mbʉʼ ɨ́ lɔ̌b mé Yésʉs-Krîst nyá ó dí ecɛma gó mekaná mâ, bɨ̌h e Timotɛ̂ mɨ́ɔɔ́ wɨ́ná. Bɨ̌h cɛmá ó, gua mɨ́ɔɔ́ kpɛ̌l wɨ́h Filémɔn, dí eboó séa e bɨ̌h syɛ́ɛ́ gwár nyá.

Kálara Zyɛ̌m Edwán é mpʉ̌n

¹ Mɛm Pol, mbʉʼ mo Yesʉs-Krɨst ó lé etile go kalara nwa, bɨh e Timote, mɨɔ wina. Bɨh bé etile ó, gwɔɔ mɨɔ kpɛl wih Filemɔŋ, bɨna ndɨ é l'empomo e syɛɛ egwar ɨ.

Filemɔŋ 1:1 ပူးပေါင်းရင်းမြစ်များ

Éfɛsɔs 3:1

Nó, mɛm Pɔ̂l, mʉr dí mbʉʼ ɨ́ syɛ́ɛ́ mé Krîst ɨ́ lɔ̌b nyɔm wɨ́n, bʉr o dí abe óYúden bá nyá...

Filemɔŋ 1:9

Damá jóʼo nó, mě dǐ, alwib e go mpʉ́nʉ̌ ó, ebe mé dí ekpɛl gô. Mě jɨʼlá e go ó, jɨʼláa. Me ó dí elwib e go, mɛm Pɔ̂l, dí tɔ́má mʉr e go nyá. Mě báánâʼ ɨ́ mbʉʼ ó, tɨ̂ ɨ́ búʼó dí edumo e Yésʉs-Krîst yɨ́.

Kolosi 1:1

Yé ó mɛm Pɔ̂l, mʉ̌r Nzyɛ̌m á jébe ɨ́ lɔ̌b gwɨ́má yé ó, me díʼee mʉr milʉ́mlʉ́ mé Yésʉs-Krîst nyá. Bɨ̌h e mɨ́ɔɔ́ gá wɨ́ná Timotɛ̂ ó dí ecɛma bɨ́n mekaná mâ. Bɨ̌h cɛmá ó,

Filipi 2:25

Nó ó, yé á jɨ ó, me bwóolaa bɨ̌n Epafrɔ́ditɔs, mɨ́ɔɔ́ gá wɨ́ná. Bɨ̌h e nɔ́ɔ́ ó dí eséǎ syɛ́ɛ́ le elwímla ɨ́ lɔ̌b mé Yésʉs-Krîst. Bɨ̌n bé á ntɨh me nyǎ ó, ɨ́ lʉ́mlʉ́ wɨ́n, ó nye ntáa nzě súʼo mé e bisá byé á sâ me sɔ́ɔlʉ bí.

1 Korɛnt 3:9

Ebě, bɨ̌h séá ó, ɨ́ mpúhlá nyɨ́h, ɨ́ syɛ́ɛ́ mé Nzyɛ̌m. Nó ó, bɨ̌n bɨɛ ó dí pemé mé Nzyɛ̌m. Bɨ̌n ntémé bé ó mpáh Nzyɛ̌m.

2 Timotɛ 1:8

Nó, ajóʼo bá sôn ɨ́ lɔ̌b mboʼlá mɨ́ná dí eboʼlo, dumo e Tî gá wɨ́ná wɨ́. Ajéʼe mɛ̂m. Ajóʼo sôn ɨ́ lɔ̌b ménkara mé mû kɛ́ʼá e mé má. Go e dúhwó mítúú mi dí edweŋɔɔ mɨ́ná ɨ́ lɔ̌b Mbɨambɨa Lɔ́ɔ mí. Go e dúhwó e nkǔl Nzyɛ̌m dí edwe nyɨ́.

1 Tesalonika 3:2

bɨ̌h bé ɨ́ jala yɨ́ɛ le elómǒ Timotɛ̂ kwá nyɨ́n. Nye ó mɨ́ɔɔ́ gá wɨ́ná ndu e syɛ̂l mesâ mé Nzyɛ̌m, dí etúnǒ Mbɨambɨa Lɔ́ɔ́ mé Krîst nyá. Bɨ̌h bé á lómo nye ó, nye lɨ́lɨɨ bɨ̌n ɨ́ búʼó, le esâ ó, bɨ̌n tôʼ dóló le edyɛ̂ʼwo e Krîst.

Kolosi 4:11

Yésʉs, waá dí e lʉ́ʉ́ díe ó, «Yʉstʉ̂s» nyá, nye ntémé ó dí esoho bɨ́n. Bʉr olɛ̂l baá, bé ó dí oYúden o b'á bûʼla, baá bé á kɨkɛm me lɨ́ etúnǒ Mbɨambɨa Lɔ́ɔ, dumo e Mpóʼo mé Nzyɛ̌m bá. Bé á si bu gbâ me nkul ɨ́ léme.

Filipi 4:3

Me lɨ́ ejɨʼla ntémé e go, mpǎŋ mɨ́ɔɔ́ wǎm, ó go tôʼ komlo bʉ́bá ónɨ̌, ó bé díʼee twíí, ebě, bé ó bʉr o bɨ́h le onɔ́ɔ́ bé á sia e túú lɨ́ etúnǒ Mbɨambɨa Lɔ́ɔ bá. Bé e Klemâŋ ti e bʉ́ʉ́ bʉ̂r, bé á si séa ntémé nó. Míé mɔ́ɔ́, mé ó micɛmá ɨ́ mekaná mé twiʼ tʉ́ŋlʉ̌.

Éfɛsɔs 4:1

Nó, mɛm mʉr dí mbʉʼ mé Tî Yésʉs nyá, mě jɨʼlá e bɨ̌n ó, bɨ̌n dúʼoo mbɨambɨa kʉ̌ tyěn Nzyɛ̌m á jébe bɨ̌n ó, bɨ̌n dúʼoo wɨ́.

2 Korɛnt 1:1

Yé ó mɛm Pɔ̂l, mʉr milʉ́mlʉ́ mé Yésʉs-Krîst ɨ́ lɔ̌b gwɨ́má mé Nzyɛ̌m ó dí ecɛma bɨ́n mekaná mâ, bɨ̌h e Timotɛ̂, mɨ́ɔɔ́ gá wɨ́ná. Bɨ̌h cɛmá ó, Mbɛ̌r-Nzyɛ̌m dí Kórɨnt wɨ́, ti e bʉr o mé Nzyɛ̌m bɨ́bɛ̂h o dí ɨ́ sí Akayɨ̂ bá.

Filemɔŋ 1:24

Marc, bé e Arîstark, ndu e Demâs, ndu e Luc, bé ntémé bé lɨ́ esoho gô. Bɨ́bɛ̂h, bé ó bʉr o bɨ́h le onɔ́ɔ́ dí eséa mbô ngwár bá.

2 Tesalonika 1:1

Yé ó mɛm Pɔ̂l ó dí ecɛma bɨ́n mekaná mâ, bɨ̌h e Silâs ti e Timotɛ̂. Bɨ̌h cɛmá ó, bʉr ó Mbɛ̌r-Nzyɛ̌m o dí Tesaloníka, baá o dí egúmo e Nzyɛ̌m Sɔ́ŋ ndu e Tî Yésʉs-Krîst bá.

Éfɛsɔs 6:20

Me, mʉr milʉ́mlʉ́, mû kɛ́ʼá ménkara ó, ɨ́ lɔ̌b Mbɨambɨa Lɔ́ɔ. Jɨʼlaa gá e Nzyɛ̌m, ó me pâʼlaa wé ɨ́ hwɨ́m mpʉ wé jálá le epâʼlɔɔ yɨ́.

Mɨlʉmlʉ 16:1

Pɔ̂l nzě pyâl Dɛ́rbe, ndu e Lístra. Nyʉ́ʉ́ mpʉ́n mé Tî Yésʉs á be ó gʉ̂, díé lé Timotɛ̂. Nyɔ̌ŋ á be ó silě Yúden. Nye á be ntémé ó, nye mû krǐsten. Sɔ́ŋ wé nyɨɛ á be ó mʉr Grɛ̂s.

Galásia 3:26

Bɨ̌n bɨ́bɛ̂h mû ó bwán mé Nzyɛ̌m, ebě, bɨ̌n bé á si dyɛ̂ʼwo e Yésʉs-Krîst.

Filipi 1:1

Yé ó mɛm Pɔ̂l, bɨ̌h e Timotɛ̂, osyɛ̂l o mésâ mé Yésʉs-Krîst. Bɨ̌h cɛmá ó bɨ̌n, bʉr bɨ́bɛ̂h o dí egúmo e Yésʉs-Krîst, baá bé á pûhla e né, le edǐ Fílipi bá. Bɨ̌h cɛmá ntémé ó, otyɛ̂b bé ésôʼ ó Mbɛ̌r-Nzyɛ̌m le odiâkɔn.

Filemɔŋ 1:23

Epafrâs, mʉr bɨ́h e nɔ́ɔ́ dí ɨ́ mbʉʼ ɨ́ lɔ̌b mé Yésʉs-Krîst nyá, nye lɨ́ esoho gô.