Mataos 9:8 - Kálar Nzyɛ̌m : Ejwán é Sáá

⁸ Jɔ̌ʼ sɔ́má bʉ̂r, yé á bee syɛ́ɛla yaá yɨ́, ekɛ̂n kʉ́ nzě swɨɨ bé menyʉ̂l, bé ntɔ̂ʼ dwě Nzyɛ̌m kûm, ebě, nye á be ó sí bánǎ dwe bʉ̂r nkul jwɨ́ɨ nyaá.

Kálara Zyɛ̌m Edwán é mpʉ̌n

⁸ Jɔʼ ntuntuma bʉr, yé a bee syɛɛla yaa ɛ, yé ze bil ekɛn, ntɔʼ dwiibɨ Zyɛm, ebe, nye a be ó si bana dwe bʉr mbi nkul mojwɨ̀ʼa waa.

Mataos 9:8 ပူးပေါင်းရင်းမြစ်များ

Lʉkas 7:16

Ekɛ̂n kʉ́ nzě swɨɨ bʉ̂r bɨ́bɛ̂h ɨ́ menyʉ̂l, bé ntɔ̂ʼ dwě Nzyɛ̌m kûm. Bé ó: «Ánɨ̂nɨ̂n ngwíha milɔ̌b, nyɨ́ pyâl ɨ́ mɨná gâ.» Le elɛ́ɔɔ ntémé ó: «Nzyɛ̌m, nyɨ́ nze bʉ̂r bé ɨ́ menɔɔlʉ.»

Mataos 15:31

Bʉr nzě buú kâm lɨ́ ebee báányâ-emúmó mû lɨ́ elwib; baá bé á be e bidyɛ̂m bá, mû mbɨ̂mbɨá; baá bé á be lɨ́ etɨ́a bá, mû lɨ́ etye mbɨ̂mbɨá ntémé; baántím mû lɨ́ ebee. Nó ó bʉ̂r baá bé á nze gúmlo Nzyɛ̌m kúl bʉ̂r o b'Ɨ́zraɛ̂l yɨ́.

Mɨlʉmlʉ 4:21

Bʉr ó bʉm ntɔ̂ʼ báʼǎ bɛ̂ŋ bê. Bé ntɔ̂ʼ bírɔɔ bê. Bé á bé abee nzɨ́ edwe bé bintɨ́ʼá, ebě, bʉr bɨ́bɛ̂h, bé á be ó lɨ́ egúmlǒ Nzyɛ̌m ɨ́ lɔ̌b syɛ́ɛla bé á pa sâ yɨ́.

Lʉkas 23:47

Kapitɛ̂n á be tɨ̂ʼ nyá, mbeá nyé á bee sá yɨ́yɛ̂h yé á syɛ́ɛ yɨ́, nye ntɔ̂ʼ dwě Nzyɛ̌m kûm. Nye ó: «Lɨ́ otyeetye, mʉr nyâʼ á kʉ be ó mpǎŋ tîtyěl mʉr!»

Lʉkas 17:15

Nyʉ́ʉ́ mʉ̂r ɨ́ sɔ́má yɔ́ɔ́, jɔʼ nyé á bee ó, nyɨ́ tiʼe yɨ́, nye ntɔ̂ʼ bwóolo ntúʼó, lɨ́ egúmlǒ Nzyɛ̌m le etyêl kʉ́kʉ́.

Markus 2:12

Tyé e tyé, mʉr waá ntɔ̂ʼ gbɔlwa sí, nkɛ́ɛ̌ myɛɛla wé, ntɔ̂ʼ tye, bʉr bɨ́bɛ̂h lɨ́ ebee! Bʉr bɨ́bɛ̂h, bé á si kâm syɛ́ɛla yaá, ntɔ̂ʼ dwě Nzyɛ̌m kûm. Bé ó: «Mɨná bé apǎ bee gá yʉ́ʉ́ sɔ̂ʼ nwɨɨla e yɨ̂!»

Galásia 1:24

Nó ó bʉ̂r ó Mbɛ̌r-Nzyɛ̌m baá, byé á nze dwe Nzyɛ̌m kûm ɨ́ lɔ̌b wâm.

Yʉanes 15:8

Sɔ́ŋ wǎm ónʉa kûm ó, ɨ́ jɔʼ bɨ́n ngá gúmo mpúmó menkû menkû, le edi ómpʉ́n bâm yɨ́.

Lʉkas 13:13

Nye ntɔ̂ʼ kɛl nyé mebô ɨ́ nyʉ̂l. Tyé e tyé yaá, nyʉ̂l ntɔ̂ʼ sɨ́ʼa nyê. Mʉmá waá ntɔ̂ʼ tyɛ̂b tîtyěl, ntɔ̂ʼ dwě Nzyɛ̌m kûm.

Mɨlʉmlʉ 11:18

Jɔʼ bé á sil ejóʼo milɔ̌b myaá yɨ́, miléme nzě sula bé sí. Bê nzě dwě Nzyɛ̌m kûm. Bé ó: «Yé ó nó: Nzyɛ̌m, nyɨ́ bánǎ toŋlo ntémé baá o dí abe óYúden bá. Nyɨ́ dib bé nzɨ̌ etúmo míkoo e misyóm myɔ́ɔ́, le edwira míléme, ó bé bíʼee ntémé twiʼ!»

Mɨlʉmlʉ 21:20

Jɔʼ bé á sil ejôʼlo sá nyé á lɛ́ɛ bé yɨ́, bé ntɔ̂ʼ gúmlǒ Nzyɛ̌m. Bê nzě lɛ́ɛ e Pɔ̂l ó: «Mɨ́ɔɔ́ wɨ́h ɛ́, go mʉr tɨ̂, gʉ́ beě bím ótɔ́ɔ́sin bé óYúden mû sí dyɛ̂ʼwo e Yésʉs-Krîst yɨ́. Bɨ́bɛ̂h ntémé, bé lɨ́ egbâ nkûl ɨ́ dwííí lɨ́ ebaʼle métié mé Moyɨ̂z.

Markus 7:37

Bé á be ɨ́ buú kâm bísyɛ́ɛla byaá ɨ́ buo buo. Bé ó: «Sá yɨ́yɛ̂h nyé dí esâ yɨ́, yé ɨ́ mbɨa. Damá jóʼo míngʉʼ, myé lɨ́ ebánǎ jóʼo. Bʉr o b'á be baányâ-emúmó bá, bé mû ó lɨ́ elwib.»

Mataos 28:18

Yésʉs ntɔ̂ʼ sîhlě nko bé á be yɨ́. Nye ó: «Sɔ́ŋ wǎm, nyɨ́ dwe mé nkul jwɨ́ɨ nyɨnyɛ̂h ɨ́ kʉ́ ti e sí.

Mataos 12:23

Mentumo me bʉ̂r mɨ́mɛ̂h, mé ntɔ̂ʼ kâm lɔ̌b waá le edíŋɔɔ ó: «Mʉr nyâ: bɨ̌n lɛ́ɛ́, nyé abe Mwân mé David ɨ́?»

Mataos 5:16

Nó njʉl wɨ́n, wé ɨ́ jala le epǎn myɛ́n ɨ́ bʉr, ó bé nkʉ̂ gwa bee bísyɛ́ɛla bimpâ bín, le edwe Sɔ́ŋ wɨ́n dí ɨ́ jʉ́o kʉ́ nyá kûm tɨ̂.»

Mataos 9:7

Mʉ̌r nɨ̌ ntémé ntɔ̂ʼ gbɔlwa sí, nzě tô kwá nyé.

Lʉkas 2:20

Píe tɨ̂, opála o bínteme nzě mɔa, swíʼɔɔ. Bê nzě tô le edwě Nzyɛ̌m kûm ɨ́ buo buo ɨ́ lɔ̌b bísá bé á jóʼo le ebee bí. Bisyɛ́ɛla byaá bíbyɛ̂h, byé á kʉ be ó mpʉ bééngeles bé á pa lɛ́ɛ bé yɨ́.

Lʉkas 17:18

Nzê nyʉ́ʉ́ mʉ̂r ɨ́ sɔ́má yɔ́ɔ́, nyé abá jwɨʼ ébúla, ó nye ntáa nzě dwě Nzyɛ̌m nzyǒo, njɨ njwóo nyâʼ nye omér ɛ̌?»

Lʉkas 18:43

Tyé e tyé yaá, nye ntɔ̂ʼ bánǎ bee, nzě nî ɨ́ sɔ́má mé Yésʉs, le egúmlǒ Nzyɛ̌m. Bʉr baá bɨ́bɛ̂h, ɨ́ jɔʼ bé á bee syɛ́ɛla yaá yɨ́, bé ntɔ̂ʼ gúmlǒ Nzyɛ̌m.

2 Korɛnt 9:13

Syɛ́ɛ́ bɨ́n ngá séa yɨ́, yé ólɛ̂ʼle bʉ̂r ó, bɨ̌n bɨ́ sul bɨ́n bʉr o tɨ̂ʼ sí, sâ méjóʼo, táare ɨ́ jɔʼ bɨ́n á kam Mbɨambɨa Lɔ́ɔ́ mé Krîst yɨ́, kumo mûh. Bʉr, bé ódwě Nzyɛ̌m kûm tɨ̂. Bé ódwe nyé kûm ntémé ó, ɨ́ jɔʼ bé óbeě mpʉ bɨ́n ngá súʼo bé e mingúlá mín, kala e bʉr bɨ́bɛ̂h yɨ́.

1 Pyɛr 2:12

Diʼee gá e kʉ̌ tyen mpâ témé ohááden. Bé damá swêʼ bɨ́n, nkʉ̂ lɛ́ɛ ó, bɨ̌n bé ɨ́ bébe, bé óbánǎ bee bísyɛ́ɛla bimpâ bɨ́n dí esâ bí, ntɔ̂ʼ dwě Nzyɛ̌m kûm tɨ̂ʼ ɨ́ móhó nyé ónze mɨ́ná gá ɨ́ menɔɔlʉ wɨ́.