Mataos 9:6 - Kálar Nzyɛ̌m : Ejwán é Sáá

⁶ Sâ gwár, mě gwɨ́m ó, bɨ̌n gʉ́ŋaa ó, Mwân mé Mʉr, nyě e nkul jwɨ́ɨ ɨ́ sí yɨ̂ʼ ó, nye pɛ́ʼɛɛ bʉr bibaa bí ébébě Nzyɛ̌m dí eniʼe bé bí.» Nye ntɔ̂ʼ lɛ́ɛ e mbʉ́mbʉ́ʼ ó: «Gbɔlwáa, nkɛ́yɨ́ɨ́ joó yô, go e tó kwár nyǒ.»

Kálara Zyɛ̌m Edwán é mpʉ̌n

⁶ Sa gwar, me muno ze lɛʼle bɨn dweʼle ó, Mwan mo Mʉr ó ndɨ e nkul mojwɨ̀ʼa é si nwaʼ é l'efu ó, nye pɛʼɛ bʉr bɨbaa Zyɛm lé eniʼe é lɔb mɨsyem myɔɔ ɛ.» Nye ntɔʼ ze lɛɛ e mbʉmbʉʼ ó: «Me lɛɛ e go ó: Mʉŋa. Nkɛŋɨ tɔɔ go. Go toʼ kwar go.»

Mataos 9:6 ပူးပေါင်းရင်းမြစ်များ

Mataos 9:5

Yé dí ɨ́ kúnwo lɨ́ elɛ́ɛ mʉ̂r? Le ó: “Bibaa bí ébébe lô, bí pɛʼɔɔ”, nkʉ̂ ntɔ̂ʼ ó: “Gbɔlwaa sí. Bʉŋláa”?

2 Korɛnt 2:10

Mʉr nyɨnyɛ̂h bɨ́n óbe, sí pɛʼ bíbaa bí ébébe byé nyá, bɨ̌n e gʉ́á ó, mɛm ntémé, mɨ́ pɛʼ nyé byaá mé á niʼe nye bí. Yé bé me á si niʼe nyʉ́ʉ́ mʉ̂r baa ébébe, me nzě pɛʼ nyé yǎ nó, lɛ́ɛ́, mě pɛ̌ʼ nyé yǎ ó, ɨ́ nyɔm wɨ́n, ɨ́ mpǒm mé Krîst.

Kolosi 3:13

Júhwáá gá ebébe páʼ nyɨ́n, alwib. Mʉ̂r bé e nyʉ́ʉ́ mbûʼla, bé e lɔ̌b nó, bʉr baá, bé ɨ́ jala le epɛʼla bíbaa bí ébébe bé á niʼla páʼ nyɔ́ɔ́ bí. Pɨpɛʼ gá bibaa bí ébébe páʼ nyɨ́n mpʉ Tî gá wɨ́ná á pɛʼ byaá nyé á niʼe mɨná gá bí.

Éfɛsɔs 4:32

Lɨlɛ́ʼláá gá mpam páʼ nyɨ́n, bɨ̌n óbɛ̂h. Jɨ́ʼɨ́ɨ́ gá bʉr bɨ́bɛ̂h ekpaa nkóó. Pɛʼɛɛ gá bibaa bí ébébe bɨ́n á pa niʼla bʉ́ʉ́ bʉ̂r bí, mpʉ̌ Nzyɛ̌m á pɛʼ byaá nyé á niʼe bɨ̌n ɨ́ nzɨ̌ mé Krîst bí yɨ́.

2 Korɛnt 5:20

Nó bɨ̌h bé ó bʉr o mílʉ́mlʉ́ ɨ́ syɛ́ɛ́ mé Krîst. Yé ó mpʉ̌ sá lɛ́ɛ́, Nzyɛ̌m mʉr tɨ̂ʼ ó dí ejébe bɨ́n ɨ́ nzɨ̌ njɨ́blɨ́ wɨ́h. Ɨ́ tyé mé Krîst, bɨ̌h mû lɨ́ ejɨʼla e bɨ̌n ó nɛ́ɛ: kamaa gá ó, bɨ̌n bɨɛ díʼee baá Nzyɛ̌m á sâ saá páʼ bé e boo nɔ́ɔ́ bá.

Mɨlʉmlʉ 9:34

Nó ó Pétrus á lɛ́ɛ e né ó: «Ayɨnéas, Yésʉs-Krîst, nyɨ́ tiʼ gô! Gbɔlwaa sí, go e kómló joó yô.» Tyé e tyé yaá, Ayɨnéas ntɔ̂ʼ gbɔlwa sí.

Mɨlʉmlʉ 5:31

Nzyɛ̌m, nyɨ́ bɨ̂r nyé kʉ́, dil nyé ɨ́ mbó éjʉ́m wé ɨ́ ntuuu, tyêl nyé ɨ́ dǐ Tî, ti e dǐ Tiʼbʉr. Nye á sâ nó ó, lɨ́ esú lé édib bʉ̂r o b'Ɨ́zraɛ̂l nzɨ̌ etúmo míkoo e misyóm myɔ́ɔ́, le edwira míléme, ó nye pɛ́ʼɛɛ bibaa bí ébébe nyé á niʼe bé bí.

Yʉanes 17:2

Ebe go á si dwe nye nkul jwɨ́ɨ ɨ́ bʉr bɨ́bɛ̂h. Nyě e nkul edwe bʉ̂r o gó á dwe nye bá, twǐʼ njʉ̌m dǐ.

Yʉanes 10:28

Me lɨ́ edwe byé twǐʼ njʉ̌m dǐ. Byé ákóʼó dîm ɨ́ nkɔb bʉr. Kâr mʉ̂r ngá pɛʼ mé byǎ ɨ́ mebô.

Lʉkas 5:21

Nó ó ólɛ̂ʼla o métié, bé le oFarizyɛ̂n, bé á nze taare esóŋlo nye. Bé ó: «Nyâʼ mʉ̂r dí esâ Nzyɛ̌m nkěh nyâ, nye nzé? Nzé dí e nkul epɛʼ bíbaa bí ébébě Nzyɛ̌m á niʼe bí? Njɨ Nzyɛ̌m nye omér!»

Markus 2:10

Sâ gwár, mě gwɨ́m ó, bɨ̌n gʉ́ŋaa ó, Mwân mé Mʉr, nyě e nkul jwɨ́ɨ ɨ́ sí yɨ̂ʼ ó, nye pɛ́ʼɛɛ bʉr bibaa bí ébébě Nzyɛ̌m dí eniʼe bé bí.» Nye nzě lɛ́ɛ e mbʉ́mbʉ́ʼ ó:

Markus 2:7

«Nyě lwilwǐb nó ɨ́ yé ɛ́? Nye lɨ́ esâ Nzyɛ̌m nkěh. Nzé dí e nkul epɛʼ bíbaa bí ébébě Nzyɛ̌m dí eniʼe ebe misyóm mí mʉ̂r waa mí, píe nye mʉr tɨ̂?»

Mataos 8:20

Yésʉs nzě yala e né ó: «Ompɔ̌ʼ, bé ó e mekul. Binʉ̌n e mɔʼ. Sâ gwár, Mwân mé Mʉr, nyé abe e gúmó nyé kɛ́lɨɨ lʉ̂.»

Mataos 4:24

Nó ó kûm nyé á nze myaŋla ɨ́ sí Sirî yɨ́yɛ̂h yɨ́. Bê nzě nze le mimbêl kwá nyé: baá bé á be lɨ́ ejaʼra le meswie le mekpaa mimbi mimbi bá, bʉr o méleme, mé á nzɨnzamra bá, baá bé á sîsile bʉ̂ʼ bá, le mimbʉ́mbʉ́ʼ. Nye nzě tiʼ bê.

Mataos 9:2

Abea nɛ́ɛ: bê nzě nze nyé e mbʉ́mbʉ́ʼ mʉ̂r ɨ́ myɛɛla. Mbeá nyé á bee mpʉ bé á dyɛ̂ʼwo e né yɨ́, nye ntɔ̂ʼ lɛ́ɛ e mbʉ́mbʉ́ʼ ó: «Mwân wǎm, talaǎ léme. Bibaa bí ébébe lô, bí pɛʼɔɔ!»

Mataos 9:7

Mʉ̌r nɨ̌ ntémé ntɔ̂ʼ gbɔlwa sí, nzě tô kwá nyé.

Yʉanes 5:8

Yésʉs, nye e né ó: «Gbɔlwaa sí. Go e nkɛ́ɛ́ myɛɛla gô. Bʉŋláa.»

Yʉanes 5:27

Nye ntémé á si dwe Mwân nkul etíʼe mílɔ̌b, ebě, nye ó dí Mwân mé Mʉr.