Mataos 9:4 - Kálar Nzyɛ̌m : Ejwán é Sáá

⁴ Mpʉ̌ Yésʉs á gʉ́a bijwɨʼ byɔ́ɔ́ yɨ́, nó ó nyé á nze dî e bé ó: «Bɨ̌n bé lɨ́ edi e bibɨ́bla bíjwɨʼ bínɨ̌ ɨ́ milémé mín ɨ́ yé?

Kálara Zyɛ̌m Edwán é mpʉ̌n

⁴ Mpʉ Yesʉs a be si dweʼe bɨjwɨʼ bé a be e bye é mɨmo si ɨ, no ó nye a ze dî e be ó: «Ebe yé bɨn ndɨ e bɨbebebebe mɨpɛhla mɨnɨ é mɨleme min ɨ?

Mataos 9:4 ပူးပေါင်းရင်းမြစ်များ

Lʉkas 6:8

Tó kœb ó, Yésʉs á be ó lɨ́ ekʉ́ gʉ́a bíjwɨʼ byɔ́ɔ́ bíbyɛ̂h. Nye e mʉrʉ̂m á be e mbô ɨ́ swâm swâm nyá ó: «Gbɔlwaa sí. Tyɛ́bɨ́ɨ́ tîtyěl témé bʉr bâ.» Nye ntɔ̂ʼ gbɔlwa sí, tyɛ̂b tîtyěl.

Mataos 12:25

Mpʉ̌ Yésʉs á gʉ́a bijwɨʼ bé á be e byé ɨ́ miléme bí yɨ́, nye e bé ó: «Kúl yɨ́yɛ̂h bʉ̂r o tɨ̂ʼ dí elwímla páʼ nyɔ́ɔ́ yɨ́, yé súʼlá ó ɨ́ twíilɨ̌, akǎ be e bʉr. Nkʉ̂ nkana, nkʉ̂ mbɛ̌r bʉ̂r, bʉ̂r o tɨ̂ʼ lwímlá páʼ nyɔ́ɔ́ nó, bé ákóʼó johlo.

Mɨngwiha 2:23

Me ntémé, me ójʉ̂ bwán bé. Ɨ́ nzɨ̌ nyaá ó bʉ̂r ó Mbɛ̌r-Nzyɛ̌m bɨ́bɛ̂h ngá gʉ́a ó, mɛm ó dí egʉ́a bíjwɨʼ ndu e bigwɨ́má bí bʉ̂r yɨ́. Me ójána mʉ̂r nyɨnyɛ̂h ɨ́ sɔ́má yɨ́n ó, dû mpʉ bísyɛ́ɛla byé dí yɨ́.

Yʉanes 16:30

Ɨ́ báánâ, bɨ̌h bɨ́ gʉ́a ó, gʉ́ gʉ́ǎ sá yɨ́yɛ̂h, ndu e ntémé ó, yé ajɨ ó, mʉr díʼee go tíá. Nó yaá ó bɨ́h dí ebúʼla ó, go á duho ó kwá mé Nzyɛ̌m yɨ́.»

Lʉkas 11:17

Nó mpʉ nyé á gʉ́a bijwɨʼ byɔ́ɔ́ yɨ́, nye e bé ó: «Kúl yɨ́yɛ̂h bʉ̂r o tɨ̂ʼ dí elwímla páʼ nyɔ́ɔ́ yɨ́, yé lɨ́ esûʼla ó ɨ́ twíilɨ̌, akǎ be e bʉr. Wɨ̂ʼ mbɛ̌r, wé ónkaŋa é gúú.

Mɨlʉmlʉ 5:9

Nó Pétrus á lɛ́ɛ e né ó: «Bɨ̂n bana bono pɨ̂ʼ ó, bɨ̌n bóbló ó, Sísǐm mé Tî gá wɨ́ná ɨ́ yé? Jóʼláa: bʉr o to dɨ̌l múú njʉ́mǒ bá, bé mû ó lɨ́ ebê. Bé ónkɛ́ɛ gó ntémé jwɨʼ gwár yaá.»

Yʉanes 16:19

Yésʉs ntɔ̂ʼ gʉ́a ó, bé á be ó lɨ́ egwɨ̂m édî nyé metíá. Nye ó: «Me sí gwîh bɨ́n ó: “Yɨ́ lîʼ bá mâ jɔʼ, bɨ̌n bé ákǎ bee mê. Yé óbáʼǎ lɛŋ nyʉ́ʉ́ mâ jɔʼ, bɨ̌n bé óbáʼǎ bee mê.” Nzê ɨ́ lɔ̌b waá ó bɨ́n dí edíila métíá páʼ nyɨ́n wɨ́ ɛ́?

Yʉanes 6:64

Sâ gwár, bʉ́ʉ́ bʉ̂r ó sɔ́má yɨ́n, bé adyɛ̂ʼwo e me.» (Yésʉs á si lɛ́ɛ nó, ebě, nye á be ó lɨ́ eboó gʉ́a, duho ɨ́ menyɛ̌l, baá bé á be adyɛ̂ʼwo e né bá, ndu e waá óbɛ́ma nyé nyá.)

Yʉanes 6:61

Yésʉs nzě gʉ́a ó, ompʉ́n bé, bé á be ó lɨ́ elwǐb lɔ̌b waá minyimla. Nye ó: «Nzê lɛ́ʼlá wâm nɨ̌, wé ó ebɔ̌ʼ e dí ebɨma bɨ́n ɨ́ miléme lɨ́ ɛ́?

Yʉanes 21:17

Píe tɨ̂, nye nzě báʼǎ dî e né ɨ́ jɔʼ lɛ̂l ó: «Simon, mwân mé Yʉánɛs, nzê gʉ́ kpɛl mé ɛ̌?» Pétrus nzě jóʼo ébúʼ ebě Yésʉs á baʼa dî e né ɨ́ jɔʼ lɛ̂l ó: “Simon, mwân mé Yʉánɛs, nzê gʉ́ kpɛl mé ɛ̌?” Nye e né ó: «Dâ ɛ̌, go lɨ́ egʉ́ǎ sá yɨ́yɛ̂h. Go lɨ́ egʉ́a ntémé ó, me lɨ́ ekpɛl gô.» Yésʉs, nye e né ó: «Baʼlaa bínteme byâm.»

Lʉkas 5:22

Sâ gwár, Yésʉs á be ɨ́ gʉ́a mésónó bé á sóŋlo nye má. Nó nyé á yala e bé ó: «Bɨ̌n bé lɨ́ esóŋlo ɨ́ milémé mín ɨ́ yé?

Markus 12:15

Yésʉs á be ó lɨ́ egʉ́ǎ njɔ́ŋ wɔ́ɔ́. Nó nyé á lɛ́ɛ e bé ó: «Bɨ̌n bá bóblo mé mpʉ́nʉ̌ ɨ́ yé? Ntáʼ gá me e nzǎŋ mɔnɨ́, me béyɨɨ wê!»

Markus 2:8

Yésʉs nzě kpâhwǎ gʉ́a ɨ́ sísǐm wé tʉ́ŋlʉ̌, sá bé á lwib ɨ́ milémé myɔ́ɔ́ yɨ́. Nó nyé á lɛ́ɛ e bé ó: «Bɨ̌n bé lɨ́ esóŋlo ɨ́ milémé mín ɨ́ yé?

Lʉkas 7:40

Yésʉs nzě nʉǎ lwǐb. Nye e mʉr waá ó: «Simon, mě e sá élɛ́ɛ gô.» Simon, nye e né ó: «Lɛ̂ʼla, lɛ́yɨ́ɨ́ mé yǎ bé.»