Mataos 9:18 - Kálar Nzyɛ̌m : Ejwán é Sáá

¹⁸ Yésʉs dína lɨ́ elwib nɛ́ɛ: nyʉ́ʉ́ njwɨ́ɨ oYúden nzě pyâl, ntɔ̂ʼ bɨʼ mébóó sí, lɨ́ edwe nyé kûm. Nye e Yésʉs ó: «Eséhé lâm, lé alúno dwe ɨ́ báánâ. Damá jóʼo nó, ntaá nzě kɛl nyé mbô, nye nkʉ̂ tiʼe.»

Kálara Zyɛ̌m Edwán é mpʉ̌n

¹⁸ Yesʉs dina lé elwib nɛʼɛ, nuu tamamʉr é kul oYʉden ze pyal, ntɔʼ bɨʼ mpom we si é mih me. Nye e nye ó: «Sile wam, wi dime mih é banana. Dam be no, ncʉʼ ga. Go toʼ, to kɛl nye mbo é nyʉl, nye nkʉʼ pàh.»

Mataos 9:18 ပူးပေါင်းရင်းမြစ်များ

Mataos 8:2

Nó ó, nyʉ́ʉ́ mʉ̂r á be e nzǎm nyá, á sîhlě bǎʼ e né, bɨʼ mébóó sí, lɨ́ edwe nyé kûm. Nye e Yésʉs ó: «Dâ ɛ̌, gó kpɛ̂l nó, go óbɛ̌m tiʼ mê. Nyʉ̂l díʼee me ɨ́ deŋé.»

Lʉkas 13:14

Njwɨ́ɨ mpáh minjɨʼla ntɔ̂ʼ jóʼo ébébe é léme, duho ɨ́ syɛ́ɛla mé Yésʉs, ebě, nye á si tiʼ mʉr ɨ́ móhó sábat. Njwɨ́ɨ mpáh minjɨʼla waá ntɔ̂ʼ lɛ́ɛ le entumo e bʉ̂r ó: «Ɨ́ sóno nyɨnyɛ̂h, yé e móhó ngwár dí móhó sábat wɨ́. Mimóhó mísaman, myê mɨná gá e nyɔm ó, lɨ́ esú ó, mɨná séaa gâ bisyɛ́ɛ́. Ntaá nzě joma gá ɨ́ mimóhó myaá, abe yɨ́ɛ móhó sábat.»

Yʉanes 11:32

Jɔ̌ʼ Maria á to pyâl nkǒ Yésʉs á be yɨ́, nye nzě tó bɨʼ mébóó sí ɨ́ mpǒm mé Yésʉs. Nye e né ó: «Dâ ɛ̌, yé bé go á be ó wâʼ nó, mpa ntʉ̂m wǎm á bé adwe.»

Mataos 9:24

Yésʉs nzě lɛ́ɛ e bé ó: «Búláá gá wâ, ebě, mwân nyâ, nyé adwe. Nye ɨ́ jô.» Bê nzě jo nyé le epya nyê.

Mɨlʉmlʉ 13:15

Píe métié le mekaná mé ógwíha o mílɔ̌b, mé á sîl eláŋɔɔ yɨ́, nó ójwɨ́ɨ o mpáh bisulá, bé á sâ ó, bé lɛ́yɨɨ ó: «Bɨ́ɔɔ́, yé bé nyʉ́ʉ́ mʉ̂r ɨ́ sɔ́má yɨ́n, nyě e sá élɛ́ɛ dí e nkul egbâ bʉ̂r nkul ɨ́ miléme nó, nye lɛ́yɨɨ bʉr yǎ ɨ́ báánâ.»

Yʉanes 11:25

Yésʉs, nye e né ó: «Me ó waá dí epɛh bʉ̂r, dwe bé twiʼ nyá. Mʉr dí edyɛ̂ʼwo e me nyá, óbáʼǎ tiʼe, damá be ó, nyɨ́ dwe.

Lʉkas 18:18

Nyʉ́ʉ́ njwɨ́ɨ oYúden á be ɨ́ dî e Yésʉs ó: «Mbɨambɨa lɛ̂ʼla, me sâʼ wáǎ mbǐ sɔ̂ʼ dí ó, me nʉ́aa twǐʼ njʉ̌m dǐ, jala e nkɔb líʼe nyǎm?»

Lʉkas 7:2

Ɨ́ gúmo yaá, yé á be ó e nyʉ́ʉ́ kapitɛ̂n bisója bí Rôm. Nye á be ó e nyʉ́ʉ́ syɛ̂l mesâ nyé á be ɨ́ buú kpɛl nyá. Syɛ̂l mesâ wé waá á be ó mbêl. Wé á be ó, wé mû kúno edwe.

Mataos 28:17

Nó ó, mbeá bé á bee nye yɨ́, bê nzě bɨʼ mébóó sí, lɨ́ edwe nyé kûm. Sâ gwár, bʉ́ʉ́ bʉ̂r ó sɔ́má yɔ́ɔ́, bé á be lɨ́ esóŋlo.

Mataos 17:14

Jɔ̌ʼ Yésʉs, bé le ompʉ́n bé, bé á be, bé mû lɨ́ ekúnwo e gúmó éntumo e bʉ̂r lé á be yɨ́, nyʉ́ʉ́ mʉ̂r ntɔ̂ʼ nze, bɨʼ mébóó sí ɨ́ mpǒm mé Yésʉs.

Mataos 15:25

Mʉmá waá, nye ntɔ̂ʼ bɨʼ mébóó sí lɨ́ edwě Yésʉs kûm. Nye e né ó: «Dâ ɛ̌, kɛmɨɨ mê!»

Mataos 14:33

Bʉr o b'á be ɨ́ byɛ̂l bá, bê nzě bɨʼɔɔ mébóó mɔ́ɔ́ sí lɨ́ edwě Yésʉs kûm. Bé e né ó: «Go ó kwahaá Mwân mé Nzyɛ̌m tyeetye!»

Mataos 20:20

Nó ó nyɔ́ŋ bwán mé Zebedê á nze tô nkǒ Yésʉs á be yɨ́, e bwán bé, nzě tó bɨʼ mébóó sí le etó dî nyé sɔ̂ʼ.

Mataos 8:25

Ompʉ́n nzě sîhlě súm nyé á be yɨ́, ntɔ̂ʼ jɨmɔɔ nyé ɨ́ jô. Bé e né ó: «Dâ ɛ̌, tiʼɨɨ mɨ́ná gâ! Mɨná múo nzě dwe gá ó yɨ̂!»

Mataos 9:17

Nó ntémé ó, bé dí abe lɨ́ elwan ményoʼ medwân ɨ́ minjʉ̌m bíntaʼ bi dí misɛ́á e bikʉ́r bí ótír bí yɨ́. Mʉ̂r sá nó wá, menyoʼ me tɨ̂, mé ógʉ́lwa, bintaʼ ntɔ̂ʼ tʉ̂l, menyoʼ kʉ́ma sí, bintaʼ dwě ntuʼ. Bé lulwan ményoʼ medwân ó ɨ́ bintaʼ bidwân. Jɔʼ yaá ó bíntaʼ ngá gwá baʼlɔɔ yɨ́.»

Mataos 9:19

Yésʉs nzě mɔa sí, dû nyê, bé le ompʉ́n bé.

Mɨlʉmlʉ 28:8

Tó kœb ó, sɔ́ŋ mé Publɨ́ɔs á be ó njáʼ sí ɨ́ joó lɨ́ ejóʼo éjwóo, le ebíle nkúmlo metié. Pɔ̂l nzě tó dwɛ̂ʼ nyê, nzě jɨʼla e Nzyɛ̌m, ntɔ̂ʼ kɛl nyé mebô, nye ntɔ̂ʼ tiʼ nyê.