Mataos 9:11 - Kálar Nzyɛ̌m : Ejwán é Sáá

¹¹ Mpʉ óFarizyɛ̂n, bé á bee sâ yaá yɨ́, bê nzě dî le ompʉ́n bé ó: «Lɛ̂ʼla wɨ́n, nye lɨ́ epûhla mébô lɨ́ ebánǎ de e bʉr o dí enʉǎ mɔnɨ́ tœ́a bá, le osyɛ̂l o mísyóm ɨ́ yé?»

Kálara Zyɛ̌m Edwán é mpʉ̌n

¹¹ Mpʉ oFarizyɛŋ, bé a bee sa yaa ɛ, bé ze dî e l'ompʉn be ó: «Ebe yé yeʼle win lé emɛʼle lé epuhba mobo bé e l'onwɨa o tœa ndwe e bʉr o ndɨ é bul jwɨ̂ʼlɨ e mɨsyem ɨ?»

Mataos 9:11 ပူးပေါင်းရင်းမြစ်များ

Mataos 11:19

Jɔʼ yɨ̂, Mwân mé Mʉr nyɨɛ, nyɨ́ kǎ pyâl: nye lɨ́ ede méde le menyoʼ. Bʉr baá nzě lɛ́ɛ ó: “Paá bee gá sâ ángʉ̂ngʉ̌l nɨ̌, nyʉnyóʼ, só bʉr o dí enʉǎ mɔnɨ́ tœ́a bá, só osyɛ̂l o mísyóm!” Sâ gwár, ocwóó mé Nzyɛ̌m wɨ́ɛ, wɨ́ kebe ɨ́ bisyɛ́ɛla bi dí eduho tɨ̂ʼ bí.»

Lʉkas 5:30

OFarizyɛ̂n, bé le olɛ̂ʼla o métié bé e boo nɔ́ɔ́ bé á be nkɔ̌m mpwár bá, bê nzě gɔ́na le elwib ɨ́ bébe bébe dumo le ompʉ́n mé Yésʉs, le elɛ́ɛ ó: «Bɨ̌n bé lɨ́ ede méde le menyoʼ, bɨ̌n le onwɨa ó mɔnɨ́ tœ́a le osyɛ̂l o mísyóm ɨ́ yé?»

Markus 2:16

Olɛ̂ʼla o métié, bé á be ɨ́ nkɔ̌m oFarizyɛ̂n bá, mpʉ bé á bee nye lɨ́ epûhla mébô lɨ́ ebánǎ de le osyɛ̂l o mísyóm le onwɨa ó mɔnɨ́ tœ́a yɨ́, bé ntɔ̂ʼ dî le ompʉ́n bé ó: «Nyě púhlá mébô lɨ́ ebánǎ de le onwɨa ó mɔnɨ́ tœ́a, le osyɛ̂l o mísyóm ɨ́ yé?»

Ebrœ̂ 5:2

Para nyɨnyɛ̂h, nyě e nkul ekɛm bígʉʼlʉgʉ́ le bʉr o mû sí dîm bá, ebě, ɨ́ mipáʼ mímyɛ̂h, etyɛʼ lé, lé lɨ́ enyɨ̂n ɨ́ míh mé.

Galásia 2:15

«Mɨná gá ó dí mimbyɛ́lá mí óYúden. Mɨná bé abe gá bʉr o bíkúl bíswîh, osyɛ̂l o mísyóm.

Lʉkas 19:7

Bʉr bɨ́bɛ̂h bé á bee syɛ́ɛla yaá bá, bé á si lwib lɔ̌b waá minyimla. Bé ó: «Mʉr nyâ, nyɨ́ tó jâ ɨ́ mbɛ̌r syɛ̂l misyóm!»

2 Yʉanes 1:10

Ebe nó, mʉ̂r swáhwá nze, adwe bʉ̂r lɛ́ʼlá ngwár waá nó, mʉ̌r sá anʉa nyé ɨ́ mimbɛ̌r mín tʉ́ŋlʉ̌. Abára gá e né ntémé.

Mataos 5:46

Bɨ́n ójaá kpɛ̌l njɨ bʉr o kpɛ́l bɨ́n bá nó, á bɨ̌n bé óbóno myɛ́na mé Nzyɛ̌m náǎ yáǎ sûm ɛ̌? Bʉr o dí enʉǎ mɔnɨ́ tœ́a bá, bé sá ntémé ó, jwɨʼ gwár mpʉ bɨ́n dí esâ nɨ̌!

Mataos 9:10

Jɔʼ bé á be lɨ́ ede ɨ́ mbɛ̌r mé Matthieu yɨ́, bʉ́ʉ́ bʉ̂r ɨ́ buo buo bé á nʉnʉa mɔnɨ́ tœ́a bá le bʉ́ʉ́ ósyɛ̂l o mísyóm, bé á be ntémé ó, lɨ́ ede bé e boo nɔ́ɔ́ le ompʉ́n mé Yésʉs.

Mɨlʉmlʉ 11:3

Bé e né ó: «Go bé ó sí kʉ́ bánǎ nî ɨ́ mbɛ̌r bʉ̂r o dí abě tíʼá mpʉ́n bá, go ntémé sí bánǎ pûhla mébô, de e bé gúmo gwár!»