Mataos 8:4 - Kálar Nzyɛ̌m : Ejwán é Sáá

⁴ Yésʉs nzě lɛ́ɛ e né ó: «Alɛ́ɛ mʉ̂r lɔ̌b wɨ̂. Sâ gwár, tóʼ kwá opara. Tó lɛ̂ʼle bé nyʉ̂l. Go e dwé míndwéá Moyɨ̂z á boo cɛma tɨ̂ʼ ɨ́ metié mé mí, ndwéá gô nkʉ̂ lɛ̂ʼle bʉ̂r ó, gʉ́ tiʼe.»

Kálara Zyɛ̌m Edwán é mpʉ̌n

⁴ Yesʉs ze lɛɛ e nye ó: «Anyamle lɛɛ mʉr mpʉ go tiʼe e. Sa gwar, toʼ boo opara. Toʼ, to lɛʼle be mpʉ nyʉl go mu ɨ. Go à dwe mɨndwɛa Moyiz a lɛɛ ó, go lɛʼla be, bé nkʉʼ pubo go e. Yé ósa ó, bʉr gʉŋa ó, gɨ tiʼe.»

Mataos 8:4 ပူးပေါင်းရင်းမြစ်များ

Lʉkas 17:14

Yésʉs nzě bee bê. Nye ó: «Tó lɛ̂ʼle gá opara mé Nzyɛ̌m menyʉ́l mɨ́n ɔ̌.» Bé dína lɨ́ etô nó nɛ́ɛ: menyʉ́l mɔ́ɔ́ ntɔ̂ʼ sâ ɨ́ deŋé.

Lʉkas 5:14

Yésʉs ntɔ̂ʼ lɛ́ɛ e né ó: «Alɛ́ɛ mʉ̂r mpʉ gô tiʼé yɨ́. Tó lɛ̂ʼle pára nyʉ̂l nyǒ mpʉ nyé mû yɨ́. Go e tó dwe míndwéá Moyɨ̂z á lɛ́ɛ mí, bé nkʉ̂ pubo gô!»

Markus 7:36

Yésʉs nzě gbâ bé mpéné ó, bé l'alɛ́ɛ mʉ̂r swîh lɔ́ɔ waá. Damá jóʼo nó, bím nyɨɛ á lɛ́ɛ ó, bé ayɨ́ lɛ́ɛ yɨ́, bím yaá ntémé ó bé á to le elɨ̂lɛɛ̌ lɔ́ɔ waá yɨ́.

Mataos 9:30

Míh mɔ́ɔ́ ntɔ̂ʼ táare ébee. Yésʉs nzě bɛ̂ŋ bê. Nye e bé ó: «Mě lɛ́ɛ́ bɨ́n ó, anyamlě lɛ́ɛ gá mʉr swîh lɔ́ɔ́ wɨ̂.»

Markus 6:11

Gúmó yɨ́yɛ̂h bʉ̂r, bé óbene bɨ́n, nkʉ̂ akpɛl éjôʼlo bɨ́n yɨ́, pɔʼá bɨ́n ngá pʉʼa tɨ̂ʼ wɨ́, bɨ̌n e kúró pím ónara bɨ́n ɨ́ mebo nyɨ́. Syɛ́ɛla yaá, yé ónwâhle bé ó, bé mû ó ɨ́ mebyaʼ.»

Markus 5:43

Yésʉs ntɔ̂ʼ gbâ bé mpéné ó, bé l'alɛ́ɛ mʉ̂r sâ syɛ́ɛ́ yɨ́. Nye nzě lɛ́ɛ bé ó, bé dwêʼ eséhe laá sá éde.

Mataos 17:9

Jɔʼ bé á be, bé mû ó lɨ́ esulo écwɨ̂ʼ yɨ́, Yésʉs nzě gbâ bé mpéné ó: «Anyamlě lɛ́ɛ gá mʉr sá bɨ̂n beě yɨ́, tó pyâl ɨ́ jɔʼ Mwân mé Mʉr óbe, nye mû sí pah ɨ́ soo yɨ́.»

Mataos 10:18

Bɨ̌n bé ósáŋɔɔ nó ó ɨ́ lɔ̌b wâm. Bé ótô e bɨ̌n kwá mingóvina le etyêl bɨ́n ɨ́ míh mé ójwɨ́ɨ. Bɨ̌n bé ósáŋɔɔ nó ó, bɨ̌n nkʉ̂ gwâ lɛ́ɛ ótyeetye bɨ́n dí egʉ́a wɨ́ ɨ́ míh mɔ́ɔ́ le míh mé bʉ̂r o dí abe óYúden bá.

Mataos 6:1

«Baʼaa gá lɨ́ elɛ̂ʼle ɨ́ míh mé bʉ̂r mpʉ bɨ́n dí edwě Nzyɛ̌m kûm yɨ́, ó bɨ̌n nkʉ̂ beɔɔ. Bɨ́n sá nó wá, bɨ̌n bé ábǐ mpǎŋ myɛ́na kwá sɔ́ŋ wɨ́n dí ɨ́ jʉ́o kʉ́ nyá.

Mataos 5:17

«Abûʼla gá ó, me á nze ó, nzě gbɛ́ɛ métié, nkʉ̂ gbɛ́ɛ mílɛ́ʼlá ógwíha o mílɔ̌b á dwe mí. Me á bé anzě gbɛ́ɛ. Me á nze ó, nzě lóŋlo.

Yʉanes 8:50

Mé abe lɨ́ esáa kûm nyǎm mɛm mʉr tɨ̂. Yé e mʉr dí esâ ó, me nʉ́aa kûm nyá. Nye ó ngá tíʼě lɔ̌b dí páʼ gá nyɨ́ná wɨ́.

Yʉanes 7:18

Mʉr dí elwib e nkul nyé mʉr tɨ̂ʼ nyá, sáá ó kûm nyé. Nó ó, mʉr dí esáa ébeʼ kûm lɨ́ esú é mʉ̂r á ntɨh nye nyá, lɛ́ɛ́ ó otyeetye. Syɛ́ɛla dí ɨ́ bébe ɨ́ míh mé Nzyɛ̌m yɨ́, yé anyɨ̂n ɨ́ kʉ̌ tyen wé.

Yʉanes 5:41

«Mé abe lɨ́ esáa kûm dí eduho e bʉr nyɨ́.

Lʉkas 21:13

Yé óbe bɨ́n ó, nzɨ̌ eboʼlǒ lɔ̌b wâm.

Markus 8:30

Yésʉs ntɔ̂ʼ gbâ bé mpéné ó, bé l'alɛ́ɛ mʉ̂r swîh.

Mataos 16:20

Yésʉs ntɔ̂ʼ gbâ ómpʉ́n bé mpéné ó, bé l'anyamlě lɛ́ɛ mʉ̂r ó, nye ó Mʉ̌r Nzyɛ̌m á lœm múló mé jwɨ́ɨ nyá.

Mataos 3:15

Yésʉs nzě yala e né ó: «Bírɨ́ɨ, yé syɛ́yɨɨ nó, ebě, yé jala ó, mɨná lóŋlaa bisyɛ́ɛla bi dí ejala le esyɛ́ɛ bí, bíbyɛ̂h.» Yʉánɛs ntɔ̂ʼ kam.

Markus 13:9

«Nó, pɨrɨɨ gá mekʉ̌ sí. Bé ótô e bɨ̌n ɨ́ bʉ̌m nɨ́nɨ́ɨ́. Bé óŋmɛ̂h bɨ́n mingáhá ɨ́ mempáh mínjɨʼla. Bé ótô e bɨ̌n ɨ́ mempǒm me bʉ̂r onɨ́nɨ́ɨ́, le maá mé ójwɨ́ɨ ɨ́ lɔ̌b wâm, bɨ̌n nkʉ̂ boʼlǒ sá bɨ́n dí egʉ́a ɨ́ páʼ wâm yɨ́.

Markus 3:12

Nó nyé á gbâ bé mpéné ó, bé l'anyamlě lɛ́ɛ mʉ̂r mbi mʉ̂r nyé dí wɨ́.

Markus 9:9

Jɔʼ bé á sulo ecwɨ̂ʼ yɨ́, nó ó Yésʉs á gbâ bé mpéné ó, bé l'anyamlě lɛ́ɛ mʉ̂r lɔ́ɔ, dumo e sá bê bee yɨ́, tó pyâl ɨ́ jɔʼ nyɨ́ɛ, Mwân mé Mʉr ngá pah ɨ́ soo yɨ́.

Lʉkas 4:41

Meleme ɨ́ buo buo, mé á be ó lɨ́ eduho bʉ̂r ɨ́ menyʉ̂l. Mé á si bʉ̂ bítím, lɛ́ɔɔ ó: “Go ó Mwân mé Nzyɛ̌m!” Nó ó Yésʉs á nze nkáŋla e meleme maá, pɨr mé lwǐb, ebě, meleme maá, mé á si kʉ gʉ́a ó, nye ó dí Mʉ̌r Nzyɛ̌m á lœm múló mé jwɨ́ɨ nyá.

Lʉkas 8:56

Obyɛ̂l bé kʉ́ nzě kâm syɛ́ɛla yaá. Yésʉs ntɔ̂ʼ lɛ́ɛ e bé ó, bé l'anyamlě lɛ́ɛ mʉ̂r sâ syɛ́ɛ́ yɨ́.

Lʉkas 9:21

Yésʉs ntɔ̂ʼ cɨ̂l bé le egbâ bé mpéné ó, bé l'anyamlě lɛ́ɛ mʉ̂r sâ yaá.