Mataos 8:3 - Kálar Nzyɛ̌m : Ejwán é Sáá

³ Yésʉs ntɔ̂ʼ syɛ̂m mbô, nzě kúna e né. Nye e né ó: «Mɨ́ kam. Nyʉ̂l díʼee go ɨ́ deŋé!» Tyé e tyé yaá, nzǎm síe nyé ɨ́ nyʉ̂l!

Kálara Zyɛ̌m Edwán é mpʉ̌n

³ Yesʉs ntɔʼ syɛm mbo, ze kuna e nye. Nye e nye ó: «Mɨ kpɛl! Sa ndɨ elœʼ go é mih mo Zyɛm ɨ, yi pʉʼa go.» Cye e cye yaa, zam kʉ ze sie nye é nyʉl!

Mataos 8:3 ပူးပေါင်းရင်းမြစ်များ

Lʉkas 5:13

Yésʉs ntɔ̂ʼ syɛ̂m mbô, nzě kúna e né. Nye e né ó: «Mɨ́ kpɛl. Nyʉ̂l díʼee go ɨ́ deŋé.» Tyé e tyé yaá, nzǎm ntɔ̂ʼ síe mʉ̂r waá ɨ́ nyʉ̂l!

Markus 1:41

Yésʉs ntɔ̂ʼ jɨ̂ʼ nyé nkoó, syɛ̂m mbô, nzě kúna e né. Nye e né ó: «Mɨ́ kpɛl. Nyʉ̂l díʼee go ɨ́ deŋé!»

Yʉanes 5:21

Ebě, jwɨʼ gwár mpʉ Sɔ́ŋ dí epɛh ódwe, báʼǎ dwe bé twiʼ yɨ́, nó ntémé ó Mwân ódwe baá nyé kpɛ̂l bá twiʼ.

Markus 4:39

Yésʉs nzě mɔa, ntɔ̂ʼ nkáŋla e nkúo. Nye e mâŋ ó: «Diʼee ɨ́ puuu. Diʼee títîl.» Nkúo ntɔ̂ʼ tyɛ̂b. Sá yɨ́yɛ̂h mû ɨ́ puuu.

Yʉanes 11:43

Jɔʼ nyé á lwib nó yɨ́, nye nzě jébe e nkul: «Lazare, pyáláá kʉ̌l!»

Lʉkas 7:14

Nye ntɔ̂ʼ sîhle, mɛ̂r mpɔra múu, yé dína apǎ diblɔɔ. Onkɛ́a ntɔ̂ʼ tyɛ̂b. Nye e múu ó: «Mâ sohó, mě lɛ́ɛ́ gó ó: gbɔlwáa.»

Markus 9:25

Yésʉs ntɔ̂ʼ bee éntumo e bʉ̂r lɨ́ enzě mâʼlǎ gúmo yaá. Nye nzě nkáŋla e mbɨ́ǎ sísǐm. Nye ó: «Mbɨ́ǎ sísǐm dí esâ ó, mwán nyâʼ díʼee ngʉʼ le ányâ-emúmó wɨ́, mě lɛ́ɛ́ gó ó: duhaa nyé ɨ́ nyʉ̂l. Akǎ báʼǎ nzě nî nyé ɨ́ nyʉ̂l.»

Markus 7:34

Nye ntɔ̂ʼ dwɛ̂ʼ kʉ́, sulǎ swɨ̂h, nzě lɛ́ɛ e mʉr waá ó: «Effata.» (Díe laá, lé lɨ́ etyɛn ó: «Bɔ́áa.»)

Markus 5:41

Nye ntɔ̂ʼ mɛ̂r mwân waá ɨ́ mbô. Nye e né ó: «Talita, kum!» (Nó ó yé lɛ́ɛ́ ó: «Mâ mʉmá, mě lɛ́ɛ́ gó ó: mɔáa.»)

Yʉanes 15:24

Yé bé me á bé asâ páʼ nyɔ́ɔ́ mbi bísyɛ́ɛla nyʉ́ʉ́ mʉ̂r á be apǎ sâ bí nó, lɛ́ɛ́, bé á bé agwá be e misyóm. Tó kœb ó, ɨ́ báánâ, bɨ́ bee bísyɛ́ɛla byâm. Bɨ́ɛ ntémé dína ó, lɨ́ ebene bɨ́h e Sɔ́ŋ wǎm.

Mataos 12:13

Nye nzě lɛ́ɛ e mʉr waá ó: «Syɛ́mɨ́ɨ́ mbô.» Mʉr waá ntɔ̂ʼ syɛ̂m mbô, wé ntɔ̂ʼ sâ mbɨ̂mbɨá mpʉ waá gúú wé á be yɨ́.

Lʉkas 4:27

Minzɨ̂nzǎm, myé á be ɨ́ buo ɨ́ sí Ɨ́zraɛ̂l ɨ́ jɔ̌ʼ Élisée á be ngwíha milɔ̌b mé Nzyɛ̌m yɨ́. Sâ gwár, nye á bé atiʼ myaá myé á be gʉ̂ʼ mí, njɨ Naamân, mʉr Sirî.»