Mataos 8:17 - Kálar Nzyɛ̌m : Ejwán é Sáá

¹⁷ Nye á sâ nó ó, sá ngwíha milɔ̌b Ésayie á boo lɛ́ɛ yɨ́, yé díraa. Nye á cɛma ó: “Nye á si tiʼ bʉr o bídyɛ̂m gá bíná, pɛʼ mɨ́ná gá mitúú mékpaa ɨ́ menyʉ̂l.”

Kálara Zyɛ̌m Edwán é mpʉ̌n

¹⁷ Yé a syɛɛlɨ no ó, lé edira lɔɔ Da a bɛa lɛɛ é nʉm mo ngwiha mɨlɔb we Ezayi ó: «Nye a si pɛʼ bɨjyɛm ga bina, pɛʼ bɨna ga mosyɛb é monyʉl.»

Mataos 8:17 ပူးပေါင်းရင်းမြစ်များ

1 Pyɛr 2:24

Krîst á si bɛb misyóm gá míná, ntɔ̂ʼ dwe e myé ɨ́ kolôs. Nye á sâ nó ó, mɨná nkʉ̂ dwe gá ɨ́ nkǒ páʼ mísyóm, ntɔ̂ʼ tíʼe lɨ́ otîtyěl. Mɨná bé á be gá ó, mimbêl. Mɨná ntɔ̂ʼ kǎ tíʼe gá ɨ́ nkul mepɨ́ɨ́ mé.

Mataos 1:22

Bisâ byaá bíbyɛ̂h, byé á syɛ́ɛ nó ó, lɨ́ elóŋlo ékǎn Dâ Nzyɛ̌m á boo lɛ́ɛ ɨ́ nzɨ̌ mé ngwíha milɔ̌b wé, ó:

Mataos 2:23

Bé ntɔ̂ʼ tô, tó di ɨ́ kwár dí ejébɔɔ ó, “Nazarɛ̂t” nyɨ́. Yé á pyâl nó ó, ebě, sá ógwíha o mílɔ̌b bé á boo cɛma yɨ́, yé nkʉ̂ syɛ́ɛ. Yê cɛmá ɨ́ Mekaná mé Nzyɛ̌m ó: “Nye ódi ó, mʉr Nazarɛ̂t.”

Mataos 2:15

Nye ntɔ̂ʼ di gʉ̂, tó pyâl ɨ́ jɔ̌ʼ Erôd á dwe yɨ́. Bisâ byaá bíbyɛ̂h, byé á syɛ́ɛ nó ó, lɨ́ elóŋlo ékǎn Dâ Nzyɛ̌m á boo lɛ́ɛ ɨ́ nzɨ̌ mé ngwíha milɔ̌b wé, ó: Me á si jébe mwân wǎm lɨ́ enzě pɛʼ nyé sí Egɨ̂ptɛn.

Markus 1:32

Ɨ́ bíí kʉ̌ʼ yaá, bʉr ntɔ̂ʼ tô kwá nyé e mimbél myɔ́ɔ́ mímyɛ̂h le bʉr o méleme, mé á nzɨnzamra bá.

Lʉkas 4:40

Yé á be ó, yé mû bíí kʉ̌ʼ, bʉr bɨ́bɛ̂h bé á be e mimbêl mimbi mimbi bá, bé ntɔ̂ʼ nkɛ́ɛ myê, tóŋɔɔ e myé kwá mé Yésʉs. Nye á jaa kɛl bé ó, njɨ mebô, bé ntɔ̂ʼ tiʼe!

2 Korɛnt 12:10

Sá tɨ̂ʼ ó mé dí e bisʉhʉʉ ɨ́ léme yɨ́, ó me díʼee tyɛʼbol, me lwɨ́ɔɔ, me síaa e mitúú e mindɛ̌l, le ntémé, me tíblɔɔ le esáŋɔɔ míngamla lɨ́ esú mé Krîst. Ebě, ɨ́ jɔʼ mé dí lɨ́ etyɛʼ yɨ́, ɨ́ jɔʼ gwár e gwár yaá ó mé dí e nkul ntémé.