Mataos 8:16 - Kálar Nzyɛ̌m : Ejwán é Sáá

¹⁶ Ɨ́ bíí kʉ̌ʼ yaá, bʉr ntɔ̂ʼ nze e bʉr ɨ́ buo buo, baá méleme, mé á nzɨnzamra bá. Yésʉs nzě so méleme maá ndu e l'etiʼ ntémé mimbél mímyɛ̂h e lwǐb num.

Kálara Zyɛ̌m Edwán é mpʉ̌n

¹⁶ É bii kʉʼ yaa, bʉr ntɔʼ ze e buobuo bʉr o b'a sia e moleme e. E lwib nʉm, Yesʉs ntɔʼ dwih bʉr moleme maa le etiʼ nteme mɨsyoblʉ mimyɛh.

Mataos 8:16 ပူးပေါင်းရင်းမြစ်များ

Lʉkas 4:40

Yé á be ó, yé mû bíí kʉ̌ʼ, bʉr bɨ́bɛ̂h bé á be e mimbêl mimbi mimbi bá, bé ntɔ̂ʼ nkɛ́ɛ myê, tóŋɔɔ e myé kwá mé Yésʉs. Nye á jaa kɛl bé ó, njɨ mebô, bé ntɔ̂ʼ tiʼe!

Mataos 14:14

Jɔ̌ʼ Yésʉs á sulo ɨ́ byɛ̂l, bee éntumo e bʉ̂r laá yɨ́, lémé wé kʉ́ nzě jɨ̂ʼ bé nkoó. Nye nzě tiʼ mímbél mímyɛ̂h.

Mɨlʉmlʉ 5:15

Nó bé á nze gɔ́na le enzeŋɔɔ e mimbél myɔ́ɔ́, didyéʼɔɔ myé ɨ́ nkpâh minkpǎʼ Pétrus á dudwáala mí. Bé á didyêʼ myé nó ó, ɨ́ bijoó ti e mimyɛɛla, lɨ́ ebʉbóno ó, Pétrus ólaa nó, sisîm yé, yé óbɛ̌m kúna e nyʉ́ʉ́ mʉ̂r ɨ́ sɔ́má yɔ́ɔ́, nyɨ́haá ntɔ̂ʼ tiʼe.

Markus 5:8

(Nye á lwib nó ó, ebě, Yésʉs á si lɛ́ɛ e né ó: «Mbɨ́ǎ sísǐm, duhaa mʉ̂r nyâʼ ɨ́ nyʉ̂l!»)

Mataos 12:22

Bʉ́ʉ́ bʉ̂r, bê nzě tô e mʉr kwá mé Yésʉs. Mʉr waá á be ó ántím, nye ntémé ányâ-emúmó, duho lɨ́ eleme lé á nzamra nye lɨ́. Yésʉs ntɔ̂ʼ tiʼ mʉ̂r waá. Píe tɨ̂, mʉr waá ntɔ̂ʼ táare ébee le elwib.

Markus 2:3

Di ɨ dididi, bʉ́ʉ́ bʉ̂r onâ nzě pyâl épíhe kwá mé Yésʉs, lɨ́ enze le enkɛ́ɛ̌ mbʉ́mbʉ́ʼ ɨ́ myɛɛla.

Mataos 9:2

Abea nɛ́ɛ: bê nzě nze nyé e mbʉ́mbʉ́ʼ mʉ̂r ɨ́ myɛɛla. Mbeá nyé á bee mpʉ bé á dyɛ̂ʼwo e né yɨ́, nye ntɔ̂ʼ lɛ́ɛ e mbʉ́mbʉ́ʼ ó: «Mwân wǎm, talaǎ léme. Bibaa bí ébébe lô, bí pɛʼɔɔ!»

Markus 9:25

Yésʉs ntɔ̂ʼ bee éntumo e bʉ̂r lɨ́ enzě mâʼlǎ gúmo yaá. Nye nzě nkáŋla e mbɨ́ǎ sísǐm. Nye ó: «Mbɨ́ǎ sísǐm dí esâ ó, mwán nyâʼ díʼee ngʉʼ le ányâ-emúmó wɨ́, mě lɛ́ɛ́ gó ó: duhaa nyé ɨ́ nyʉ̂l. Akǎ báʼǎ nzě nî nyé ɨ́ nyʉ̂l.»

Mataos 8:33

Opála bé ónkʉ̌ nzě kpɛ́ɛ, tóŋɔɔ̌ nkana, tó lɛ́ɛ̌ sá yɨ́yɛ̂h bé á bee yɨ́, le lɔ́ɔ ɨ́ lɔ̌b bʉ̂r o méleme mé á nzɨnzamra bá.

Mataos 8:15

Nye nzě kúna e né ɨ́ mbô, medúo me nyʉ̂l ntɔ̂ʼ síe. Mʉmá waá ntɔ̂ʼ gbɔlwa sí, táare éséa e né.

Lʉkas 4:41

Meleme ɨ́ buo buo, mé á be ó lɨ́ eduho bʉ̂r ɨ́ menyʉ̂l. Mé á si bʉ̂ bítím, lɛ́ɔɔ ó: “Go ó Mwân mé Nzyɛ̌m!” Nó ó Yésʉs á nze nkáŋla e meleme maá, pɨr mé lwǐb, ebě, meleme maá, mé á si kʉ gʉ́a ó, nye ó dí Mʉ̌r Nzyɛ̌m á lœm múló mé jwɨ́ɨ nyá.

Lʉkas 13:12

Jɔ̌ʼ Yésʉs á bee nye nó yɨ́, nye ntɔ̂ʼ jébe nyê. Nye e né ó: «Mʉmá, ekpaa lô, lɨ́ síe.»