Mataos 8:12 - Kálar Nzyɛ̌m : Ejwán é Sáá

¹² Minyɛ̂r mí Mpóʼo nyaá míɛ, myé ónzéŋlɔɔ̌ kʉ̌l lɨ́ edúrʉ́ʉ́, súm bé ójóno le epûʼlo médye yɨ́.»

Kálara Zyɛ̌m Edwán é mpʉ̌n

¹² To kœb ó, oYʉden, bʉr o b'a jala le edi é jwɨ̀ʼa yaa ɛ, bé ópɨmɔ é jwɨ̀ʼa yaa. Bé óbyɛʼɔ kʉl é l'edurʉ le ankom-nkom, fum byé ódɨ time le elwaare moje e.»

Mataos 8:12 ပူးပေါင်းရင်းမြစ်များ

Mataos 25:30

Nó ó, syɛ̂l mesâ dí ɨ́ dwě ntuʼ nyá, guhaa gá nye lɨ́ edúrʉ́ʉ́ e dí kʉ̌l lɨ́, nko bʉ̂r, bé ójóno le epûʼlo médye yɨ́.”»

Lʉkas 13:28

Gúmo yaá ó bɨ́n ngá jóno le epûʼlo médye yɨ́, ɨ́ jɔʼ bɨ́n óbeě Abraham, Isaac, Yákɔb, le ogwíha o mílɔ̌b mé Nzyɛ̌m mû e bidiá ɨ́ Mpóʼo mé Nzyɛ̌m, bɨ̌n bɨɛ guhɔɔ̌ kʉ̌l yɨ́.

Mataos 21:43

«Sá tɨ̂ʼ ó mé dí elɛ́ɛ bɨ́n ó, Nzyɛ̌m múo nzě dwih Mpóʼo nyé kwá nyɨ́n yɨ́. Nyé okǎ tyêl Mpóʼo nyaá kwá bʉr o ngá séa nyé syɛ́ɛ́ bá.

Mataos 13:50

Bé oguho bíbɨ́bla bi bʉ̂r ɨ́ duró lé ólûl. Gʉ̂ʼ ó bé ngá jóno le epûʼlo médye yɨ́.»

Mataos 13:42

Nyé oguho bé ɨ́ duró lé ólûl, gúmó bé ójóno le epûʼlo médye yɨ́.

Mataos 24:51

Nye ódwe syɛ̂l mesâ waá bintɨ́ʼá jwɨʼ gwár e gwár e mpʉ nyé dí edwe báányâ-mikóo byǎ yɨ́: kpáa nyé mimyál mímbá. Gúmo yaá ó bé ngá jóno le epûʼlo médye yɨ́.»

Yʉ̂d 1:13

Bé nwɨɨla ntémé ó e mbi óbóʼó ó mâŋ dí epyêl mégûl ɨ́ ntomo ntomo wɨ́. Bé lɨ́ esâ ébébe, ajóʼo bá sôn. Bé nwɨɨla ó, le ocwícwén o dí adû bítyé byɔ́ɔ́ bá. Sá tɨ̂ʼ ó Nzyɛ̌m dí ejaá bɨbaʼle bé bidiá byɔ́ɔ́ njɨ lɨ́ edúrʉ́ʉ́ e dí ɨ́ nkom nkom lɨ́ yɨ́. Edúrúú laá, lé ódidi nó ó, kɔ́m ti e kɔ́m.

2 Pyɛr 2:17

Bʉr baá nwɨɨla ó e menó. Bé ó menó mû sí jwɨ̂l, akǎ be le etáŋ é médíbé egwár má. Bé ó mpʉ nkûr nkúo dí etíne wɨ́. Nzyɛ̌m, nyɨ́ boó komlo bé diá lɨ́ edúrʉ́ʉ́ e dí ɨ́ nkom nkom lɨ́.

2 Pyɛr 2:4

Ebě, Nzyɛ̌m á bé abîr bééngeles bé á sâ syóm bá. Nye á jaa guho bé ó, njɨ ɨ́ bɨ́ siʼe. Nye ntɔ̂ʼ gbâ bé ɨ́ mpǐl, lɨ́ ebónǒ móhó étíʼ é mílɔ̌b.

Rôm 9:4

Bɨ́ɔɔ́ bâm baá, bé ó nyɛ̂r bwá ó b'Ɨ́zraɛ̂l. Bé ó Nzyɛ̌m á twâr lɨ́ esú lé édi nyé tâŋ bwân. Bé ó b'á nyɛɛ bee kûm nyé. Nye á nyɛɛ tyêl saá ó, páʼ bé e boo nɔ́ɔ́. Bé ó b'á jóʼo metié nyé á tyêl má. Bé ó b'á nyɛɛ lɛ̂ʼlɔɔ mpʉ bʉ̂r jálá le edwě Nzyɛ̌m kûm yɨ́. Bé ó b'á nyɛɛ bi menkɛ̌ʼ mé Nzyɛ̌m.

Mɨlʉmlʉ 3:25

Bɨ̌n le onɔ́ɔ́ ó dí e nkɔb ɨ́ saá Nzyɛ̌m á tyêl páʼ bé e bimpám bíná nyɨ́. Nye á lɛ́ɛ le Abraham ó: Bím mímbɛ̌r mi bʉ̂r mi dí ɨ́ sí yɨ̂ʼ mímyɛ̂h mí, me ósʉ myé metyɛʼ me mpóm ó, ɨ́ nzɨ̌ nta gǒ.

Mataos 13:38

Pemé yé, yé ó sí yɨ̂. Mpǎŋ mpeʼ, yé lɛ́ʼlé ó, nkɔb bʉr o dí ɨ́ Mpóʼo mé Dâ Nzyɛ̌m bá. Bébebébe ká, yé ó bʉr o dí ɨ́ nkɔb mé Sátan bá.

Mɨngwiha 22:15

Nó ó, ompyê, oleme, osyɛ̂l o bímolá, ojʉ̂l o bʉ̂r, baá o dí edwe bíkpɛʼkpɛ̂ʼ bí ónzyɛ̌m kûm bá, le baányâ-bibɛr bɨ́ɛ, bé ódwoowǒ kʉ̌l.