Mataos 8:11 - Kálar Nzyɛ̌m : Ejwán é Sáá

¹¹ Mě lɛ́ɛ́ bɨ́n lɨ́ otyeetye ó, bʉr ɨ́ buo buo, bé óduhǒ nko dʉ́o dí ejɨma le nko dʉ́o dí ejâ yɨ́. Bé onî ɨ́ Mpóʼo mé Dâ Nzyɛ̌m, ntɔ̂ʼ nʉa bídiá byɔ́ɔ́ ɨ́ dína, bé le Abraham, Isaac le Yákɔb.

Kálara Zyɛ̌m Edwán é mpʉ̌n

¹¹ Me elɛɛ bɨn ó nɛɛ, bʉr é buobuo, bé ófwal, lé eduho nko dobo lé emʉa ɛ, le nko lé lé eja ɛ. Bé óni é jwɨ̀ʼa mo Da, ntɔʼ kœb bɨdia byɔɔ tɨ, gumo bé ódi si lé ede e, bé e boo Abraham, e Ɨzak ndwe e Yakɔb.

Mataos 8:11 ပူးပေါင်းရင်းမြစ်များ

Éfɛsɔs 3:6

Misolá mílɔ̌b myaá míɛ, myé ó mî: Mbɨambɨa Lɔ́ɔ mɨ́ná dí etúno gá wɨ́, wé sá ó, bɨ̌n, bʉr o bíkûl, bíʼee ntémé mepwaʼ mé Nzyɛ̌m, jala e nkɔb líʼe nyɨ́n, jwɨʼ gwár e gwár le oYúden. Bɨ̌n le onɔ́ɔ́ ó dí bitíl bí nyʉ̂l mpwár. Bɨ̌n le onɔ́ɔ́ ntémé bé óbeě mpʉ̌ Nzyɛ̌m ngá dira ménkɛ̌ʼ mé yɨ́.

Lʉkas 12:37

Metyɛʼ me mpóm, mé óswɨɨ lɨ́ osyɛ̂l o mésá nyé ngá kœb ɨ́ doho bá. Mě lɛ́ɛ́ bɨ́n lɨ́ otyeetye ó, nye ótyeele káná wé, dil bé ɨ́ téble, ka bé mede.

Kolosi 3:11

Ɨ́ twiʼ dwân yaá, adû gá bwá mímbɔ́ʼ bâ: Nyâʼ, nye ó Yúden; nyâʼ nyɨɛ, mʉr Grɛ̂s. Nyâʼ, nye ó tíʼá mpʉ́n; nyâʼ nyɨɛ, nyé abě tíʼá mpʉ́n. Nyâʼ, nye ó ayogoyogo. Nyâʼ, nye ó mʉr dí edweŋɔɔ nzóʼ nyá. Nyâʼ, nye ó túʼǎ; nyâʼ nyɨɛ, nye ó nzyɛh. Ebě, Krîst ó dí lʉ̂ sá yɨ́yɛ̂h. Sá yɨ́yɛ̂h, yé dyɛ́ʼwó ó e né.

Mɨlʉmlʉ 11:18

Jɔʼ bé á sil ejóʼo milɔ̌b myaá yɨ́, miléme nzě sula bé sí. Bê nzě dwě Nzyɛ̌m kûm. Bé ó: «Yé ó nó: Nzyɛ̌m, nyɨ́ bánǎ toŋlo ntémé baá o dí abe óYúden bá. Nyɨ́ dib bé nzɨ̌ etúmo míkoo e misyóm myɔ́ɔ́, le edwira míléme, ó bé bíʼee ntémé twiʼ!»

Mɨlʉmlʉ 10:45

Obûʼla bé e boo Pétrus bé á nze, baá bé á tíʼɔɔ mpʉ́n bá, bé á si bu kâm lɨ́ ebánǎ beě Sísǐm mé Nzyɛ̌m lɨ́ edweŋɔɔ ntémé bʉr o b'á be abyɛ̂l oYúden bá.

Mataos 24:31

Jɔʼ yaá, nye ólómo bééngeles bé e sébé dí ɨ́ buú bwaʼ twíí nyá, ɨ́ medumo mé sí mɨ́mɛ̂h menâ. Bé ósyɛŋ baá nyé á twâr bá, táare ɨ́ wɨ́ʼ ódumo ó sí, tó pyâl ɨ́ gúú.»

Mɨngwiha 7:6

baá bó ónzweh mé Áser: otɔ́ɔ́sin kám le obá; baá bó ónzweh mé Nɛftalî: otɔ́ɔ́sin kám le obá; baá bó ónzweh mé Manasê: otɔ́ɔ́sin kám le obá;

2 Tesalonika 1:5

Yé ó jwɨʼ dí elɛ̂ʼle mɨ́ná gá ó, Nzyɛ̌m, nyě e nkam ɨ́ mbi nyé dí etíʼe bʉ̂r milɔ̌b myɔ́ɔ́ wɨ́ yɨ́. Ɨ́ mpʉ bɨ́n dí esâ bíhwó nó yɨ́, yé lɨ́ esâ ó, bɨ̌n jálaa e bidiá ɨ́ Mpóʼo mé Nzyɛ̌m. Sá tɨ̂ʼ ó bɨ́n dí esia e mitúú e mindɛ̌l myaá yɨ́.

1 Korɛnt 15:20

Sâ gwár, Krîst nyɨɛ á si kʉ pah, duho lɨ́ odwe. Nye ó mʉr esôʼ á nyɛɛ kʉ byɛ̂l ɨ́ káhlá, nzě dwe, ntɔ̂ʼ kǎ pah nyá.

1 Korɛnt 6:9

Bɨ̌n bé lɨ́ egʉ́ǎ tyeetye ó, osyɛ̂l o mísyóm, bé ákóʼó nʉǎ diá ɨ́ Mpóʼo mé Nzyɛ̌m, jala e nkɔb líʼe nyɔ́ɔ́. Mʉ̌r sá ajéʼě sɨ̂: ntʉ mʉ̂r nyɨnyɛ̂h dí e nkɔb ɨ́ Mpóʼo mé Nzyɛ̌m. Bʉr o sâ bímolá bá, baá o dí edwe bíkpɛʼkpɛ̂ʼ bí ónzyɛ̌m kûm bá, osyɛ̂l o médyɛ̂n, otɛba o bʉ́rʉ̂m, bʉrʉ̂m bé dí etɛb bá,

Mɨlʉmlʉ 14:27

Jɔʼ bé á pyâl Antiôs yɨ́, bê nzě jébe bʉ̂r ó Mbɛ̌r-Nzyɛ̌m, lɛ́ɔɔ bé bisá bíbyɛ̂h Nzyɛ̌m á sâ e nkul nyé bí. Bé á lɛ́ɛ ntémé ó, Nzyɛ̌m á si cwɨ́a ntémé e bʉr o dí abe óYúden bá, lɨ́ edwe bé nkul edyɛ̂ʼwo e né.

Mɨlʉmlʉ 14:22

Bê nzě gbâ ómpʉ́n nkul ɨ́ miléme, le etɨ́e bé ó, bé tôʼ le edû búʼó gá yɨ́ná. Bé e bé ó: «Mɨ́ná bé ókpɛl gá enî ɨ́ Mpóʼo mé Nzyɛ̌m nó, mɨná bé ɨ́ jala le enyɛɛ́ sia gá e mitúú e mindɛ̌l ɨ́ buo buo.»

Lʉkas 16:22

Nye nzě dwe. Beéngeles nzě nkɛ́ɛ nyê, tó dilɔɔ nyé ɨ́ mbó éjʉ́m mé Abraham ɨ́ jʉ́o kʉ́. Kúmá ntémé dwe, ntɔ̂ʼ debe ɨ́ soo.

Mataos 3:2

Nye á lɨlɛ́ɛ ó: «Túmáá gá mikoo e mebébe mɨ́n. Bɨ̌n a dwírá míléme, ebě, Dâ mû ó kúno etyêl Mpóʼo nyé ɨ́ sɔ́má gá yɨ́ná.

Mataos 8:10

Ejóʼǒ Yésʉs á jóʼo mekǎn maá yɨ́, nye ntɔ̂ʼ kâm. Nye e bʉr o b'á dû nye bá ó: «Mě lɛ́ɛ́ bɨ́n lɨ́ otyeetye ó, abe e nyʉ́ʉ́ mʉ̂r ngwár, damá jóʼo ɨ́ kúl bʉ̂r o b'Ɨ́zraɛ̂l, dí e mbǐ búʼó wɨ̂.

Mataos 21:41

Bê nzě yala e né ó: «Nye ójʉ̂ bʉ̂r o b'á sâ nye ebébe bá ó jʉ̂ jʉ́ʼóo, ajɨ̂ʼ bé nkoó, nzě pɛ̂h bílóbila biswîh, byaá ngá kʉkomo nyé mpumó tɨ̂ʼ ɨ́ jɔʼ yɨ́yɛ̂h swɨɨ ékpɛm ngá pyâl yɨ́. Nye ókǎ tímle byé pemé yaá.»