Mataos 7:6 - Kálar Nzyɛ̌m : Ejwán é Sáá

⁶ «Adwe gá ompyê sá dí ti yɨ́. Bé ámû jaá dwira, lʉ̂ le enya bɨ́n. Adwe gá onkʉ̌ mindwê mi dí ɨ́ buo día mí. Bé ámû jaá tyéele myê.»

Kálara Zyɛ̌m Edwán é mpʉ̌n

⁶ «Adwe ga ompye sa ndɨ ti ɨ. Bé amu dwibra le elʉ bɨn. Adwe ga onkʉ mɨndwe ndɨ é buo dime e. Bé amu tíile mye.»

Mataos 7:6 ပူးပေါင်းရင်းမြစ်များ

Filipi 3:2

Cɨ́áá gá bibɨ̂bla bílóbila byaá. Cɨ́áá gá ompyê baá. Cɨ́áá gá bʉr o dí etíʼe bʉ̂r mpʉ́n lɨ́ ebébe bá.

Mataos 15:26

Yésʉs ntɔ̂ʼ yala e né ó: «Yé ambɨa ó, mede me jálá le edweŋɔɔ bwân má, mé dwéŋɔɔ bwá bé ómpyê.»

Ebrœ̂ 10:29

Bʉr pǎ nyɛɛ́ jʉ́ŋɔɔ ɨ́ lɔ̌b ébɨ̌h bé sá métié mé Moyɨ̂z lɨ́, á dwɛʼra e mʉr dí etyéele Mwân mé Nzyɛ̌m sí mebo mé nyá! Nye ókʉ́ jala e bibɨ́bla bíntɨ́ʼá, laa náǎ, ɨ́ lɔ̌b jwɨʼ yé yɨ̂: metié Krîst á pyêl, lɨ́ esâ édwán é sáá e mé má, mé mû nye ó tʉ̂toʼó, nyɨɛ yɨ́ɛ sí pǎ pubɔɔ e tɨ̂! Bɨ̌n jwɨʼ nyá ɨ́ lɔ̌b mʉ̂r á pya Sísǐm mé Nzyɛ̌m wé á nyɛɛ sâ nye mpam wɨ́ nyá? Mʉr tɨ̂ʼ ókǎ sáŋɔɔ nyá ɛ́?

2 Pyɛr 2:22

Sâ pyál bé yɨ́, yé lɛ́ʼlé ó mpʉ bíkɨkɛna bibá bîʼ dí elɛ́ɛ lɨ́ otyeetye yɨ́ ó: «Mpyê, nyě swíʼ ó, tó de bíjwɨ́ɨlɨ́ byé.» Yʉ́ʉ́ tɨ̂ʼ, yé lɛ́ɛ́ ó: «Le bê jwɨɨ nkʉ́, le ntɔ̂ʼ nyê swîʼ, tó byɛ́ɛla ɨ́ mindě.»

Mataos 24:10

Nó ó bʉ̂r ɨ́ buo buo, bé óbɨm ébɔ̌ʼ, sâ ébébe yɨ́. Bʉr, bé óbɛ́ma bʉ̂r ó sɔ́má yɔ́ɔ́ e bʉr oswîh. Bé ónwimla páʼ nyɔ́ɔ́.

Ebrœ̂ 6:6

Ɨ́ jɔ̌ʼ mbi bʉ̂r baá ká dímlě búʼó yɔ́ɔ́ yɨ́, yé abe e yʉ́ʉ́ sá swîh dí e nkul ekǎ sâ ó, mʉr báʼa túmǒ koo le mebébe mé, le edwirǎ léme. Ebě, bé bʉr o tɨ̂, bɨ́ bomlo Mwân mé Nzyɛ̌m e binzâŋ, bɨ́nɔɔ nyé ɨ́ kolôs kʉ́ ɨ́ jɔʼ mbá, lɨ́ esâ ó, nye búu pyaŋɔɔ ɨ́ kpɛŋlɛm.

2 Korɛnt 11:26

Mɨ́ jaʼra e bityen nzɔʼ nzɔʼ. Me á duho ó sí, lɨ́ entaa méntíbé ménɨ́nɨ́ɨ́. Me á si pam le eswie ɨ́ mebó bínzilngǎn, le maá mé kúl yâm, le maá bíkúl bíswîh. Me á si gwa jʉ́ŋɔɔ ɨ́ binkana, le ɨ́ bilʉ̌n. Me á si jɨ́bla, gwá dwe ɨ́ mâŋ. Me á si pam le eswie ɨ́ mebó mé ókrǐsten o bíbɛr.

Mataos 7:5

Ányâ-mikóo, tááráá épɛ̌ʼ mbʉ́ŋʉʉ dí ɨ́ díh lô wɨ́. Jɔʼ yaá ó gó ngá gwá bee, ntɔ̂ʼ pɛ̌ʼ mpǔm dí mɨ́ɔɔ́ gǒ ɨ́ díh lé yɨ́.

Mɨngwiha 22:15

Nó ó, ompyê, oleme, osyɛ̂l o bímolá, ojʉ̂l o bʉ̂r, baá o dí edwe bíkpɛʼkpɛ̂ʼ bí ónzyɛ̌m kûm bá, le baányâ-bibɛr bɨ́ɛ, bé ódwoowǒ kʉ̌l.