Mataos 7:22 - Kálar Nzyɛ̌m : Ejwán é Sáá

²² Ebě, ɨ́ móhó étíʼ é mílɔ̌b, bʉr ɨ́ buo buo, bé ólɛ́ɛ e me ó: “Dâ ɔ́, Dâ ɔ́, paá bee ɔ̌! Bɨ̌h bé á si gwîh milɔ̌b mé Nzyɛ̌m ɨ́ díé lô. Ɨ́ díé lô, bɨ̌h bé á si so meleme! Ɨ́ díé lô, bɨ̌h bé á be ó sí sâ mésimá ɨ́ buo buo!”

Kálara Zyɛ̌m Edwán é mpʉ̌n

²² Ebe, é l'esie e mbi jɔʼ yi, buobuo bʉr, bé ólɛɛ e me ó: “Da ɔɔ, Da ee! Paʼ bee! Bɨh bé a si gwih mɨlɔb mo Zyɛm é die lo. É die lo, bɨh bé a si dwih bʉr moleme! É die lo, bɨh bé a be ó si sa buobuo mosima.”

Mataos 7:22 ပူးပေါင်းရင်းမြစ်များ

2 Timotɛ 1:12

Sɨ́ǎ yaá ó mé dí esia e mitúú yɨ́. Damá jóʼǒ mpʉ mé dí ebi mítúú mí tɨ̂ʼ yɨ́, mé ajóʼo bá sôn, ebe mé dí egʉ́a mʉ̂r mé á dyɛ̂ʼwo e né nyá. Mɨ́ bûʼla ntémé ó, nyě e nkul esâ ó, me bâʼlaa lɛ́ʼlá nyé á dwe me wɨ́. Nye óbaʼlě lɛ́ʼlá waá ó, tó pyâl ɨ́ móhó Yésʉs ngá báʼǎ nze wɨ́.

2 Timotɛ 4:8

Yé jaá kǎ lîʼ mé ó, njɨ ebǐ káráá dí komá lɨ́ esú lâm yɨ́. Káráá yaá ó dí elɛ̂ʼle ó, mɨ́ bi nkâm ɨ́ míh mé Nzyɛ̌m. Tî Yésʉs, mʉr dí etíʼe mílɔ̌b lɨ́ otîtyěl nyá, ódwe mé yǎ lɨ́ elú lé épíhe. Nye ádwe yɨ́ɛ njɨ me e me. Káráá yaá, yé ódweŋɔɔ ntémé ó, bʉr bɨ́bɛ̂h o dí ekpɛl ébee nyé lɨ́ ebáʼǎ nze bá.

Yʉanes 11:51

(Nye á bé alɛ́ɛ ékǎn laá ɨ́ lɔ̌b gwɨ́má yé nye mʉr tɨ̂. Nye á lɛ́ɛ lé ó, ebě, nye ó b'á be njwɨ́ɨ opara ɨ́ mbû waá. Nó yaá ó nyé á jala le egwîh ó, yé mbɨa ó, Yésʉs dwêʼ lɨ́ esú lé óYúden yɨ́.

1 Tesalonika 5:4

Bɨ́ɔɔ́ bâm! Okɛ́l bâm! Bɨ̌n bé ajéʼě lɔ̌b waá. Bɨ̌n bé átwɨrǎ móhó waá. Wé ápyâl bɨ́n mpʉ̌ ndíblʉ̌.

Lʉkas 10:12

Mě lɛ́ɛ́ bɨ́n ó, dʉ́ó Nzyɛ̌m ótíʼe bʉ̂r milɔ̌b, dwe bé mebě yɨ́, bintɨ́ʼá byɔ́ɔ́, byé óbuú bwaʼ, laa byaá bi bʉ̂r ó Sodôm.»

Mataos 25:11

Agúm bea nɛ́ɛ: byaá byúú bínɨ̌, byé ntɔ̂ʼ kǎ búla. Byê nzě lɛ́ɛ ó: “Dâ ɛ̌, Dâ ɛ̌, dibɨɨ bɨ́h ebê ʉ!”

Mataos 24:36

«Ɨ́ lɔ̌b móhó waá le jɔʼ yaá, mʉr ngwár, nyé agʉ́a wê. Damá jóʼo bééngeles dí ɨ́ jʉ́o kʉ́ bá, bé agʉ́a. Damá jóʼo Mwân mé Mʉr, nye ntémé, nyé agʉ́a. Nzyɛ̌m Sɔ́ŋ nye omér ó dí egʉ́a.

Mataos 7:21

«Ntʉ mʉ̂r nyɨnyɛ̂h ngá lɛ́ɛ ó: “Dâ ɔ́, Dâ ɔ́!” nyá, ngá nî ɨ́ Mpóʼo mé Dâ Nzyɛ̌m, njɨ waá nyɨnyɛ̂h dí esâ gwɨ́má mé Sɔ́ŋ wǎm dí ɨ́ jʉ́o kʉ́ nyá.

2 Timotɛ 1:18

Go lɨ́ egʉ́a ntémé mimbi bísyɛ́ɛla nyé á sâ bʉr Éfɛsɔs mí. Tî Yésʉs sâʼ ó, nye bíʼee njɨ́ʼá nkóó ɨ́ mebó mé ɨ́ móhó nyé óbáʼǎ nze wɨ́.

2 Tesalonika 1:10

Nye ónzě sâ bé nó ɨ́ móhó bʉ̂r bé, bé ódwe nyé kûm wɨ́. Bʉr bɨ́bɛ̂h o dí egúmo e né bá, bé ókâm nyê. Bɨ̌n ntémé bé óbe ó tɨ̂ʼ ɨ́ sɔ́má yaá, ebě, bɨ̌n bé á si bûʼla mboʼlá wɨ́h.

Mataos 10:15

Mě lɛ́ɛ́ bɨ́n lɨ́ otyeetye ó, ɨ́ dʉ́ó Nzyɛ̌m ngá tíʼe bʉ̂r milɔ̌b yɨ́, ntɨ́ʼá le mekpaa bʉ̂r o bínkana le mekwár maá ngá bi bí, byé óbe ó, laa byaá mé Sodôm e Gómɔr.»