Mataos 7:21 - Kálar Nzyɛ̌m : Ejwán é Sáá

²¹ «Ntʉ mʉ̂r nyɨnyɛ̂h ngá lɛ́ɛ ó: “Dâ ɔ́, Dâ ɔ́!” nyá, ngá nî ɨ́ Mpóʼo mé Dâ Nzyɛ̌m, njɨ waá nyɨnyɛ̂h dí esâ gwɨ́má mé Sɔ́ŋ wǎm dí ɨ́ jʉ́o kʉ́ nyá.

Kálara Zyɛ̌m Edwán é mpʉ̌n

²¹ «Ntʉʼ mʉr nyiwɛh ólɛɛ ó: “Da ɔɔ, Da ɛɛ!” óni é jwɨ̀ʼa mo Da, njɨ waa nyiwɛh lé esa gwɨma mo Sɔŋ wam ndɨ é jobo kʉ ɨ.

Mataos 7:21 ပူးပေါင်းရင်းမြစ်များ

Rôm 2:13

Mʉr ábi nkâm ɨ́ míh mé Nzyɛ̌m ɨ́ lɔ̌b njóʼá métié wé omér. Waá dí esâ mpʉ métié maá dí etɨ́e yɨ́ nyá, nyɨ́haá ó ngá bi nkâm ɨ́ míh mé Nzyɛ̌m.

Lʉkas 6:46

«Bɨ̌n bé lɨ́ ejébe mé “Dâ, Dâ”, bɨ̌n yɨ́ɛ akpɛl esâ mpʉ mé dí elɛ́ɛ bɨ́n ɨ́ yé?

Jacques 1:22

Sá Nzyɛ̌m mû lɨ́ elɛ́ɛ bɨ́n yɨ́, bɨ̌n e sá yé mejóʼo. Ayɨ́ jóʼo gá njɨ e megwǎl. Bɨ́n jóʼó njɨ e megwǎl nó, lɛ́ɛ́, bɨ̌n kʉ́á ó bɨ̌n bʉr o tɨ̂.

Lʉkas 11:28

Nó ó Yésʉs á yala e né ó: «Metyɛʼ me mpóm, mé buú buo ó e baá o dí ejóʼo mílɔ̌b mé Nzyɛ̌m ndu e l'ebaʼle myé bá.»

Títos 1:16

Bé sá ó, go ó, bé ɨ́ kpɛ̌l Nzyɛ̌m. Sâ gwár, bisyɛ́ɛla byɔ́ɔ́, bíɛ yɨ́ɛ lɨ́ elɛ̂ʼle ó, bé akpɛl nyê. Bʉr baá, bé ɨ́ lwaʼwo. Bé asâ méjóʼo. Ɨ́ bisyɛ́ɛla bimpâ bíbyɛ̂h mʉ̂r dí e nkul ebɛ̌m sâ bí, abe e syɛ́ɛla gwár bé dí e nkul ekoʼo ésâ.

Ebrœ̂ 4:6

Ebě, lɔ̌b, wɨ́ tɨ̂ʼ tyeetye ó, bâʼ bʉ̂r, bé ógbala, bé e boo Nzyɛ̌m sɔ́má. Nó ó, bʉr o b'á nyɛɛ bi Mbɨambɨa Lɔ́ɔ, ó bé níʼee ɨ́ gúmó égbalá yaá bá, bé á bé agbala, ebě, bé á si sâ ebɨ̌h e Nzyɛ̌m.

Yʉanes 6:40

Ebě, Sɔ́ŋ wǎm gwɨ́m ó, bʉr bɨ́bɛ̂h ngá bee Mwân wé, dyɛ̂ʼwo e né bá, bé níʼee ɨ́ twǐʼ njʉ̌m dǐ. Mɛm, me ópɛh bé ɨ́ móhó ésúʼlá é sí yɨ̂.»

Mɨngwiha 3:5

Baá bé óntaa, búla le onkɔ́ɔ́ bá, me óbôr bé mikán ɨ́ pumo pumo. Me ápɛʼ míé mɔ́ɔ́ ɨ́ mekaná mé twiʼ. Me ólɛ́ɛ Sɔ́ŋ wǎm, bé e beéngeles bé ó: “Baá bâm bê.”

1 Pyɛr 4:2

Mbi mʉ̂r waá ókǎ títíʼe ɨ́ sí yɨ̂ʼ ó, njɨ lɨ́ elóŋlǒ gwɨ́má mé Nzyɛ̌m. Ɨ́ jɔʼ nyé óbe, nye dína ɨ́ nyʉ̂l bipúno yɨ́, nye ósyɛ̂hle bísyɛ́ɛla bi dí eduho ɨ́ bigwɨ́má bí bʉ̂r bí.

Ebrœ̂ 13:21

Mě jɨʼlá e né ó, nye tyɛ́bɨɨ bɨ̌n ɨ́ miléme, ó bɨ̌n sâʼ syɛ́ɛla nyé dí ebeě mbɨ̂mbɨá yɨ́, mɨná nkʉ̂ lóŋlo gá gwɨ́má yé ɨ́ nzɨ̌ mé Yésʉs-Krîst, dí e kûm njʉ̌m dǐ e njʉ̌m dǐ nyá. Amɛn!

Mataos 12:50

Waá nyɨnyɛ̂h dí esâ gwɨ́má mé Sɔ́ŋ wǎm dí ɨ́ jʉ́o kʉ́ nyá ó dí mɨ́ɔɔ́ wǎm, kɛ́lâm le nyɔ̌ŋ wǎm.»

Mɨngwiha 22:14

«Metyɛʼ me mpóm, mé díʼee e bʉr o dí ejwɨɨ míkán myɔ́ɔ́, myé mû ɨ́ púúm bá. Bɨ́haá ó dí e nkul enî ɨ́ nkana yaá. Bé ónî ó, cɨɔɔ ɨ́ mebé mé. Bé ntémé, bé ó jálá le ede mpúmó dí egúmo ɨ́ lɨ́ twiʼ nyɨ́.

Yʉanes 3:5

Yésʉs, nye ó: «Me lɨ́ elɛ́ɛ gó lɨ́ otyeetye ó, mʉ̂r óbe, abyɛ̂l mbyɛ́lá médíbé e waá Sísǐm nó, nyé abe e nkul enî ɨ́ Mpóʼo mé Nzyɛ̌m.

Mataos 18:3

«Mě lɛ́ɛ́ bɨ́n lɨ́ otyeetye ó, bɨ́n bé adwira, báʼǎ dǐ mpʉ bwá ó ntwǒm nó, bɨ̌n bé ákóʼó nî níʼée ɨ́ Mpóʼo mé Dâ Nzyɛ̌m.

Yʉanes 7:17

Mʉr dí egwɨ̂m ésâ bígwɨ́má mé Nzyɛ̌m nyá, ógʉ́ǎ gúmó lɛ́ʼlá wâm, wé á duho yɨ́: nkʉ̂ wé á duho ó, kwá mé Nzyɛ̌m, nkʉ̂ mě lwǐb ó e nkul nyǎm, mɛm mʉr tɨ̂.

Rôm 12:2

Adû gá metum me bʉ̂r ó myǎ wɨ̂. Yé jala ó, Nzyɛ̌m dwêʼ bɨ̌n bijwɨʼ bidwân, ó nye dwírɨɨ bɨ̌n miléme. Nó ó bɨ́n ngá gʉ́ǎ sá Nzyɛ̌m dí ekpɛl yɨ́. Bɨ̌n bé ogʉ́ǎ sá dí ɨ́ mbɨa yɨ́, sá dí ejala e né yɨ́, ndu e yaá dí ɨ́ pémémé ɨ́ mipáʼ mímyɛ̂h yɨ́.

Markus 3:35

Mʉr nyɨnyɛ̂h dí esâ sá Nzyɛ̌m dí ekpɛl yɨ́ nyá ó dí wǎm mɨ́ɔɔ́, wǎm kɛ́l ndu e wǎm nyɔ́ŋ.»

1 Tesalonika 5:18

Jɔʼ yɨ́yɛ̂h le ɨ́ bisá bíbyɛ̂h, dwéʼ gá Nzyɛ̌m nzyǒo, ebě, Nzyɛ̌m á tíʼe ɨ́ lémé wé ó, bʉr o dí ɨ́ Yésʉs-Krîst bá, bé ósɨ̂sa nó.

Éfɛsɔs 6:6

Mʉr aséa gá syɛ́ɛ́ njɨ ɨ́ jɔʼ bé dí epála nyé yɨ́. Mʉ̌r sá aséa lɨ́ esú é méswɨ̂ʼlʉ me bʉ̂r. Mpʉ bɨ́n mû osyɛ̂l o mésâ mé Krîst yɨ́, séáá gá bé syɛ́ɛ́, lɨ́ elóŋlǒ gwɨ́má mé Nzyɛ̌m, e milémé mín mímyɛ̂h.

1 Pyɛr 2:15

Sá Nzyɛ̌m dí egwɨ̂m ɨ́ wɨ́n pâʼ yɨ́, yé ó: bɨ̌n sâʼ bisyɛ́ɛla bimpâ, bɨ̌n díblaa bigʉʼlʉgʉ́ minum, byé l'akǎ lwǐb sá dí asiŋa ɨ́ lɔ̌b wɨ́n yɨ́.

Mataos 25:21

Nó ó njwɨ́ɨ wé á nze lɛ́ɛ e né ó: “Yé ɨ́ mbɨa. Go ó mpǎŋ syɛ̂l mesâ dí mʉr ebúʼlɔɔ nyá, ebě, go á si gwa baʼle sá dí tîtííǎ yɨ́. Me ósâ ó, go bâʼlaa byaá bi dí ɨ́ buo buo bí. Nó ó, ntaá nzě nʉa nkɔ̂b bisʉhʉʉ jwɨʼ gwár e gwár e mpʉ mé dí ɨ́ bisʉhʉʉ yɨ́.”

1 Tesalonika 4:3

Ebě, sá Nzyɛ̌m dí ekpɛl yɨ́, yé ó, bɨ̌n díʼee bʉr o dí egúmo e né bá. Ebe nó, syɛ́hláá gá esâ bímolá.

Kolosi 4:12

Epafrâs, mʉr á duho kwá nyɨ́n nyá, nye lɨ́ esoho bɨ́n. Nye ó syɛ̂l mesâ mé Krîst. Nye lɨ́ ejɨʼla e Nzyɛ̌m e nkul jɔʼ yɨ́yɛ̂h ɨ́ lɔ̌b wɨ́n ó, bɨ̌n tyɛ́bɨɨ mekʉ̌ sí ɨ́ sɨ́ŋ, bɨ̌n díʼee otɔ́má bʉ̂r ɨ́ mipáʼ mímyɛ̂h, le egʉ́a bísyɛ́ɛla bíbyɛ̂h Nzyɛ̌m dí ekpɛl bí ɨ́ pébébé.

Lʉkas 13:25

«Jɔʼ mʉ̂r mbɛ̌r ógbɔlwa, nzě pɨr ébê le engʉŋ yɨ́, bɨ̌n bé ólîʼ kʉ̌l. Bɨ̌n bé ókwâʼle, jébe ó: “Dâ ɛ̌, dibɨɨ bɨ́h ebê ʉ.” Nye óyala ó: “Mé agʉ́ǎ nko bɨ̂n duho yɨ́.”

Mɨlʉmlʉ 14:22

Bê nzě gbâ ómpʉ́n nkul ɨ́ miléme, le etɨ́e bé ó, bé tôʼ le edû búʼó gá yɨ́ná. Bé e bé ó: «Mɨ́ná bé ókpɛl gá enî ɨ́ Mpóʼo mé Nzyɛ̌m nó, mɨná bé ɨ́ jala le enyɛɛ́ sia gá e mitúú e mindɛ̌l ɨ́ buo buo.»

Lʉkas 18:25

Mpʉ yé dí ɨ́ kɔbla ó, chameau láŋaa lɨ́ egʉ́á é ntʉ́á yɨ́, jwɨʼ gwár e gwár yaá ntémé ó dí ɨ́ buú kɔbla ó, kúmá mʉr níʼee ɨ́ Mpóʼo mé Nzyɛ̌m.»

Markus 9:47

Yé bé díh lô ó dí etíne gó ó, go sâʼ syóm nó, pɛʼɛɛ lê. Yé mbɨa ɨ́ páʼ gô ó, go kúmaa ɨ́ kwár mé Nzyɛ̌m e dîh egwár, laa ó, go díʼee e míh mébá mô, tó guhɔɔ ɨ́ bɨ́ siʼe.

Mataos 19:24

Me lɨ́ ebáʼǎ lɛ́ɛ bɨ́n: mpʉ yé dí ɨ́ kɔbla ó, ntœœ láŋaa lɨ́ egʉ́á é ntʉ́á yɨ́, jwɨʼ gwár e gwár yaá ntémé ó dí ɨ́ buú kɔbla ó, kúmá mʉr níʼee ɨ́ Mpóʼo mé Nzyɛ̌m.»

Mataos 18:35

Yésʉs nzě kɛl tɨ̂ʼ ó: «Bɨ́n óbe, apɛʼ e milémé mín mímyɛ̂h, bibaa bí ébébe bɨ̂n pa niʼé bɨ́ɔɔ́ bɨ́n bí nó, Sɔ́ŋ wǎm dí ɨ́ jʉ́o kʉ́ nyá, nye ákam épɛʼ bíbaa nyé á niʼe mʉr nyɨnyɛ̂h ɨ́ sɔ́má yɨ́n bí.»

Yʉanes 15:23

Mʉr dí enwim mé nyá, nyě nwǐm ntémé ó Sɔ́ŋ wǎm.

Mataos 26:42

Nye ntɔ̂ʼ báʼǎ tô ɨ́ jɔʼ mbá, tó jɨʼla e Nzyɛ̌m. Nye e né ó: «Dâ ɛ̌, yé óbe, abána ó, mitúú mîʼ láŋaa me, me l'abɔma e myé nó, sáʼ mpʉ̌ gwɨ́má yô dí yɨ́.»

Mataos 16:17

Yésʉs ntɔ̂ʼ lɛ́ɛ e né ó: «Go ó e metyɛʼ me mpóm, Simon Bar-Yónas. Ntʉ nyʉ̂l bipúno le metiê gwíh gó sâ yaá. Yê bé ó Sɔ́ŋ wǎm dí ɨ́ jʉ́o kʉ́ nyá. Nye ô lɛ́ʼlé gó yǎ.

Mɨngwiha 2:27

Bé ópɨpála bé ó e nkul jwɨ́ɨ ɨ́ lele lele mpʉ̌ súmǔ nkóho. Bé óbʉ̂ bé ɨ́ mpʉ mʉ̂r dí ebʉ̂ míkáʼ mí déʼé bipêh bipêh yɨ́. Bé óbi nkûl e me mpʉ mé á nʉa nkul kwá mé Sɔ́ŋ wǎm yɨ́.

Yʉanes 14:7

Yé bé bɨ̌n bɨ́ gʉ́a mé nó, lɛ́ɛ́, bɨ̌n bɨ́ gʉ́a ntémé Sɔ́ŋ wǎm. Táare ɨ́ báánâ, bɨ̌n mû ó sí gʉ́a nyê, bee ntémé nye.»

Yʉanes 5:17

Nó ó Yésʉs á nze lɛ́ɛ e bé ó: «Sɔ́ŋ wǎm séá ó bijɔʼ bíbyɛ̂h, nzě kumo ɨ́ báánâ. Mɛm ntémé, me lɨ́ eséa.»

Mataos 26:39

Nye nzě bá tô dóló, ntɔ̂ʼ kúrwo sí, píʼe mpóm ɨ́ bibwǎh, nzě jɨʼla e Nzyɛ̌m. Nye e né ó: «Dâ ɛ̌, yé óbána nó, sáʼ ó me l'ayɨ́ bɔma e mitúú mî. Sâ gwár, yé díʼee, abě mpʉ mé dí ekpɛl yɨ́, njɨ mpʉ gó dí ekpɛl yɨ́.»

Mataos 18:10

«Gwá di gá le ocwóó ó, bɨ̌n ayɨ́ pyêh mwân ngwár lɨ́ bwán bâ, ebě, mě lɛ́ɛ́ bɨ́n ó: beéngeles bɔ́ɔ́ dí kʉ́ bá, bé lɨ́ ebee ɨ́ tooobó mpǒm me Sɔ́ŋ wǎm dí ɨ́ jʉ́o kʉ́ nyá ɨ́ jɔʼ yɨ́yɛ̂h.»

Mataos 18:19

«Me lɨ́ ebáʼǎ lɛ́ɛ bɨ́n ó: bʉ̂r obá ɨ́ sɔ́má yɨ́n sí syɛŋa lɨ́ edî Sɔ́ŋ wǎm dí ɨ́ jʉ́o kʉ́ nyá sɔ̂ʼ nó, nye ósâ bé yǎ.

Mataos 25:10

Jɔʼ bíhaá, byé á be, byé dína lɨ́ etó bwâm múlo yɨ́, mʉr á bêm mʉmá nyá, nye ntɔ̂ʼ pyâl, kœb byaá byé á be ɨ́ cǎr bí. Bibíŋ méséhe byaá, bé e mʉr waá, bé ntɔ̂ʼ nî ɨ́ nzɔɔ ebâ, nyɨɛ ntɔ̂ʼ dible ébê ɨ́ kpɨ̂m.