Mataos 7:2 - Kálar Nzyɛ̌m : Ejwán é Sáá

² Mbi bɨ́n dí edwe bʉ̂r mebě wɨ́, mbi ngwár e ngwár waá ntémé ó Nzyɛ̌m ngá dwe bɨ́n mǎ wɨ́. Bím mébě gó ngá dwe bʉ̂r má, bím yaá ntémé ó bé ngá dwe gó yɨ́.

Kálara Zyɛ̌m Edwán é mpʉ̌n

² É mbi bɨn lé edwe bʉr mobe e, é mbi waa nteme ó Zyɛm ódwe bɨn ma ɛ. Bim bɨn lé ekaale bʉʉ bʉr ɨ, bim yaa nteme ó nye ókaale bɨn ɨ.

Mataos 7:2 ပူးပေါင်းရင်းမြစ်များ

Jacques 2:13

Mʉ̂r bé ajɨ̂ʼ bʉ́ʉ́ bʉ̂r nkoó nó, ɨ́ jɔ̌ʼ Nzyɛ̌m ólwǐb lɔ̌b wé yɨ́, nye ájɨ̂ʼ nyé ntémé nkoó. Sâ gwár, mʉr dí ejɨ̂ʼ bʉ̂r nkoó nyá, nye ábáawǒ sɔ̂ʼ ɨ́ jɔ̌ʼ móhó élab, wé ópyâl yɨ́.

Markus 4:24

Nye ntɔ̂ʼ lɛ́ɛ bé ó: «Bɨ̌n a báʼ ɨ́ sá bɨ́n dí ejóʼo yɨ́. Nzyɛ̌m ójwɨʼ míndwéá nyé ngá dwe bɨ́n mí ó e jwɨʼa bɨ́n dí ejwɨʼ bʉ̂r oswîh yɨ́. Nyé okǎ báʼǎ kɛl bɨ́n myúú míndwéá tɨ̂.

Lʉkas 6:38

Dwéʼ gá bʉr bisâ, bɨ̌n ntémé bé ódweŋɔɔ byê. Nzyɛ̌m ójwɨʼ bɨ́n byǎ e kǎr dí ɨ́ bwǎʼ mo yɨ́. Nye ókaale bɨ́n byǎ ó, le esʉ, le edine, le esʉ, le edine, gúú pâʼ tɨ̂ʼ swɨɨ sí. Bím bɨ́n dí ekaale bʉ́ʉ́ bʉ̂r yɨ́, bím yaá ntémé ó nyé ngá kaale bɨ́n yɨ́.»

Mɨngwiha 18:6

Bé dwêʼ nye bintɨ́ʼá lɨ́ edû mpʉ nyé á nzɨnzamra bʉr yɨ́. Mpʉ nyé á sɨ̂sa bʉr jɔʼ gwár yɨ́, nye sáŋɔɔ nzɔʼ bá. Yé bé nye á si dwe bʉr bébebébe menyoʼ nó, nye bɛ́blaa maá me dí ɨ́ buú bébe, laa mɨ́haá má!

2 Korɛnt 9:6

Gwá símsa gá sɨ̂: mʉr dí ebe mémpeʼ abuo nyá, nye ntémé ókpɛm ó, bwá méde abuo. Mʉr dí ebe mémpeʼ ɨ́ buo buo nyá, nyɨɛ ó ngá kpɛm méde ɨ́ buo buo.

Mataos 6:14

«Bɨ́n ópɛʼ bíbaa bí ébébe bʉ̂r, bé á sâ bɨ̌n lɨ́ nó, Sɔ́ŋ wɨ́n dí ɨ́ jʉ́o kʉ́ nyá ntémé ópɛʼ bíbaa bí ébébe bín.