Mataos 7:15 - Kálar Nzyɛ̌m : Ejwán é Sáá

¹⁵ «Bɨ̌n a báʼ ógwíha o mílɔ̌b o bíbɛr, ebě, bé nzɨ́nzé ɨ́ sɔ́má yɨ́n ó e njwɨr ɨ́ tala tala, nwɨɨla e binteme. Tó kœb ó, ɨ́ milémé myɔ́ɔ́ tʉ́ŋlʉ̌, bé ó mpʉ ónkœœ dí ekpɛl édɛn bínteme bá.

Kálara Zyɛ̌m Edwán é mpʉ̌n

¹⁵ «Diʼe ga ncye e mɨmpʉmpʉl mɨ ogwiha o mɨlɔb, ebe, bé eze-ze é l'esama lɨn ó e njwɨr é tala tala, nwɨɨla e bɨntœme. To kœb ó, é mɨleme myɔɔ tʉŋlʉ, myé ó mpʉ onkœœ!

Mataos 7:15 ပူးပေါင်းရင်းမြစ်များ

1 Yʉanes 4:1

Bʉr ó kpɛ̌l bâm, ayɨ́ bûʼla gá kám e kám mʉr nyɨnyɛ̂h bɨ́n jóʼó lɨ́ edwe bʉ̂r milɛ́ʼlá nyá. Tááráá ébóblo gá bʉr baá, bɨ̌n nkʉ̂ gʉ́a, nkʉ̂ misísǐm bé dí e myé mí, myé lɨ́ eduho kwá mé Nzyɛ̌m, ebě, ogwíha o mílɔ̌b o bíbɛr, bé mû ó sí buo ɨ́ sí yɨ́yɛ̂h.

Mataos 24:11

Ogwíha o mílɔ̌b o bíbɛr, bé ópyâl ɨ́ buo buo. Bé ntémé, bé óbuú dímle bʉ̂r ɨ́ buo buo.

Kolosi 2:8

Akam gá mekǎn mé dí dwêh, maá me dí edímle bʉ́ʉ́ bʉ̂r ɨ́ nzɨ̌ mikóo myɔ́ɔ́ má. Ajóʼǒ sá bé dí ejébe ó, «ocwóó ó sí yɨ̂ʼ» yɨ́. Abîr gá ó, mʉr gbâʼ bɨ̌n lɨ́ okómó wé ɨ́ nzɨ̌ nyaá. Mekǎn ménɨ̌, mé duduho ó, ɨ́ metum me bʉ̂r ó sí yɨ̂, ndu e milɛ́ʼlá bʉ̂r ó sí yɨ̂ʼ dí ekûhlo mí. Milɛ́ʼlá myaá, myé aduho kwá mé Krîst.

Mɨngwiha 19:20

Tír waá ndu e ngwíha milɔ̌b bibɛr wé, bé ntɔ̂ʼ mɛ́rɔɔ. Ngwíha milɔ̌b bibɛr wé ó b'á sɨsâ mesimá ɨ́ mpǒm me tír waá. Nó nyé á didímle bʉr. Sâ yaá ó bé á cɨcɛma jwɨʼ yé ɨ́ menyʉ́l mɔ́ɔ́ yɨ́. Bé á be ó sí dwě kpɛʼkpɛ̂ʼ mveʼle yé kûm. Jɔʼ tír waá, bé e ngwíha milɔ̌b bibɛr wé bé á mɛ́rɔɔ yɨ́, bé á si guhɔɔ ntémé ɨ́ bɨ́ siʼe, mikublakúbla. Siʼe e pir ó dí edúo tɨ̂ jɔʼ yɨ́yɛ̂h yɨ́.

Yʉ̂d 1:4

Bʉ́ʉ́ bʉ̂r, bɨ́ nî ɨ́ sɔ́má yɨ́n ɨ́ myaaa, bɨ̌n l'agʉ́a. Mekaná mé dí edwe bé mebě, le ekab bé bintɨ́ʼá má, mɨ́ boó cɛmɔɔ. Bɨ́ɛ bé ó minjéʼe-Nzyɛ̌m. Bé jaá gwɨ̂m ó, njɨ edirǎ nyɔm e mpam mé Nzyɛ̌m gá wɨ́ná, bé nkʉ̂ sâ bímolá nzam le ekomo. Bé ntémé, bé lɨ́ ekɛ́lǎ Yésʉs-Krîst. Nye omér ó dí Tyɛ̂b esôʼ le Tî gá wɨ́ná.

2 Pyɛr 3:17

Ɨ́ páʼ wɨ́n, bɨ̌n osó bâm ɛ̌! Bɨ̌n bé lɨ́ eboó gʉ́ǎ lɔ̌b waá. Gwá di gá le ocwóó páʼ bʉ̂r o dí agbâ mémpéné ɨ́ nkɔb bá. Bɨ̌n ámû jaá dyɛ̂l ɨ́ nzɨ̌ nyɔ́ɔ́, ntɔ̂ʼ tó dîm. Apʉʼa gá ɨ́ tyé mélele bɨ́n dí tɨ̂ʼ yɨ́.

Lʉkas 6:26

Nkoó, nye ó e bɨ̌n ɨ́ jɔʼ bʉ̂r dí ebuú sêʼle bɨ́n yɨ́, ebě, bimpám byɔ́ɔ́, byé á sɨ̂seʼle ogwíha o mílɔ̌b o bíbɛr ó nó.»

2 Timotɛ 3:13

Bibɨ́bla bi bʉ̂r, ti e bʉr o míkóo bɨ́ɛ, bé ótô dóló e mebébe mɔ́ɔ́ ó, tótôʼ. Bé ótô dóló le edímle bʉ̂r. Bé bʉr o tɨ̂, bé ótô le elɔ̂ʼwa ɨ́ mikóo mi bʉ́ʉ́ bʉ̂r.

2 Timotɛ 4:3

Ebě, jɔʼ, yé lɨ́ enze, jɔʼ bʉ̂r, bé ókâr édûhwǒ lɛ́ʼlá mpâ yɨ́. Bé ójaá jʉjóʼo ó, njɨ milɛ́ʼlá mi dí etíne bé ó, bé tôʼ dóló le elóŋlo bígwɨ́má ményʉ́l mɔ́ɔ́ dí eboó kpɛl ésɨsâ bí mí. Bé ógôhlo éntumo lé ólɛ̂ʼla, lé ójaá dwidwe bé bisá mílɛ́ʼlá byaá lɨ́, lɨ́ esú ó, bé nkʉ̂ gʉ́a soho lɨ́ ejʉjóʼo myé ɨ́ ti ti ti.

Filipi 3:2

Cɨ́áá gá bibɨ̂bla bílóbila byaá. Cɨ́áá gá ompyê baá. Cɨ́áá gá bʉr o dí etíʼe bʉ̂r mpʉ́n lɨ́ ebébe bá.

Éfɛsɔs 4:14

Jɔʼ yaá ó mɨ́ná ngá pʉʼa gá ɨ́ tyé bwá ó ntwǒm ɨ́ nkǒ páʼ búʼó yɨ́. Milɛ́ʼlá míswîh, myé ákǎ ntyeŋ mɨ́ná gâ, nkʉ̂ dímle mɨ́ná gá ɨ́ nzɨ̌ mikóo. Baányâ-mikóo baá, bé gwɨ́m ó, bé mɛ́rɨɨ mɨná gá ɨ́ mpila mépɨʼ yɔ́ɔ́, le ntémé ó, mɨná nʉ́aa gá bidyɛʼ byɔ́ɔ́.

Galásia 2:4

Sâ gwár, bʉ́ʉ́ bʉ̂r, bé á si gwa tíne nye nó, ebě, bʉ́ʉ́ ókrǐsten o bíbɛr, bé á be ó ɨ́ sɔ́má yɨ́h yaá. Bʉr baá, bé á swama ɨ́ sɔ́má yaá ó, mesǒ, lɨ́ edǐ gʉ́a, nkʉ̂ bɨ̌h, bʉr o dí ɨ́ mpúhlá e Yésʉs-Krîst bá, bê tyeetye ó onzyɛh o bʉ̂r. Gwɨ́má yɔ́ɔ́, yé á be ó, bé báʼa liŋ bɨ́h bitúʼǎ.

Lʉkas 12:15

Nye ó: «Gwá di gá le ocwóó. Syɛ́hláá gá nzɔ́ɔ́ bísâ, mimbi mímyɛ̂h, ebě, twiʼ mʉ̂r, yé aduho ɨ́ bisá mʉ̂r waá dí e byé bí, byé damá buo.»

Mɨngwiha 16:13

Me á si bee ntémé mimbɨ́a mísísǐm milɛ̂l. Myé á nwɨɨla ó e baádwam. Wɨ̂ʼ mbɨ́ǎ sísǐm, wé á duho ó ɨ́ nǔm njʉ̌m myɔ́ɔ́. Gúú, wé á duho ó ɨ́ num tír menyan waá. Gúú ntémé ɨ́ num ngwíha milɔ̌b bibɛr wé.

Éfɛsɔs 5:6

Mʉ̌r sá adímle bɨ́n e nzɨ̌ lwǐb dí abe e nyɔm yɨ́. Bisyɛ́ɛla bí ébébe bínɨ̌ ó ngá sâ ó, Nzyɛ̌m lɛ̂ʼlaa nkpaa nyé kwá bʉr o dí egbɔba e né bá.

Mɨlʉmlʉ 13:40

Bɨ̌n a bâʼ, ebě, sá ógwíha o mílɔ̌b bé á lɛ́ɛ yɨ́, yé ámû jaá pyâl bɨ́n. Bé á lɛ́ɛ ó:

Yʉanes 10:12

Mʉr dí eséa ɨ́ lɔ̌b mɔnɨ́ nyá, nyé abě mbi mbɔ̂ʼlʉ binteme waá. Binteme nyé dí ebaʼle bí, byé abe byaá byé. Nyé sí bee tír menyan nɛ́ɛ: nye lɨ́ elíʼe bínteme, kpɛ́ɛ, mbi dí ó, tír waá, nyě e nkul emɛ̂r byúú bínteme, gbah byúú yɨ́.

Mataos 16:11

Bɨ̌n bé lɨ́ ekâr égwá jóʼo mé ɨ́ yé? Me bé alwib e bɨ̌n dumo e biblêr. Bɨ̌n a báʼ óFarizyɛ̂n le oSadwisyɛ̂n ɨ́ lɔ̌b levure yɔ́ɔ́, bé dí e yé yɨ́.»

Mataos 16:6

Yésʉs nzě lɛ́ɛ e bé ó: «Bɛɛngɛ́ɛ! Bɨ̌n e báʼ óFarizyɛ̂n le oSadwisyɛ̂n ɨ́ lɔ̌b levure yɔ́ɔ́ bé dí e yé yɨ́.»

Mataos 10:17

Bɨ̌n a báʼ bʉ̂r, ebě, bé ópur bɨ́n ɨ́ mempáh mílɔ̌b le eŋmɛ́hɔɔ bɨ́n mingáhá ɨ́ mempáh mínjɨʼla mɔ́ɔ́.

Mɨngwiha 17:6

Me nzě bee ó, mʉmá waá á be ó, ɨ́ mpur metié. Nye á be ɨ́ buú bɛble métié me bʉ̂r o mé Nzyɛ̌m, baá bé á bʉboʼlo lɔ̌b dí edumo e Yésʉs wɨ́ bá. Mbeá mé á bee nye yɨ́, me nzě kǎ buú kâm.

Mɨlʉmlʉ 13:6

Bê nzě laǎ tíhé wɨ́wɛ̂h, tó pyálɔɔ ɨ́ Páfos. Bê nzě bɔma e nyʉ́ʉ́ Yúden, nkaa ndu e ngwíha milɔ̌b mikóo. Díé lé, lé á be ó Bar-Yésʉs.

Mataos 7:14

Tó kœb ó, nzɨ̌ dí etô nkǒ twiʼ nyɨ́, nye ɨ́ kɔbla. Ebé é tɨ̂, lé ɨ́ twâʼwo. Bʉr o dí ecɨɨ ɨ́ nzɨ̌ nyaá bá, bé abuo.»

Mɨngwiha 20:10

Nó ó, sɔ́ŋ meleme, mʉr á kʉ dímle bɨ́bɛ̂h nyá, á si mɛ́rɔɔ, guhɔɔ ɨ́ bɨ́ siʼe. Tɨ̂ʼ ó pir dí edúo jɔʼ yɨ́yɛ̂h, adímedime yɨ́. Bé á guho nye ó, ɨ́ gúmó bé á nyɛɛ guho tír, bé e ngwíha milɔ̌b bibɛr yɨ́. Bé ójaʼra e siʼe yaá tɨ̂ʼ ó, móhó ndu e pum, kɔ́m ti e kɔ́m.