Mataos 7:13 - Kálar Nzyɛ̌m : Ejwán é Sáá

¹³ «Níʼéé gá lɨ́ ebê dí ɨ́ twâʼwo lɨ́, ebě, nzɨ̌ dí ɨ́ bwaʼ le akɔbla nyɨ́, nyě tó ó, nko éswie. Nó bʉr o dí ecɨɨ tɨ̂ʼ bá, bé ɨ́ buo.

Kálara Zyɛ̌m Edwán é mpʉ̌n

¹³ «Niʼe ga é l'ebe ndɨ é ban ɨ, ebe, zi ndɨ é bwaʼ ndwe e l'akɔbla ɛ, nye ó ndɨ eto nko paʼ efie. No ó, bʉr o ndɨ ecwɨɨ tɨʼ ɨ, bé é buo.

Mataos 7:13 ပူးပေါင်းရင်းမြစ်များ

Yʉanes 14:6

Yésʉs, nye e né ó: «Me ó dí nzɨ̌. Me ó otyeetye. Me ó etín é twiʼ. Mʉr, nyé abe e nkul etô nko Sɔ́ŋ wǎm dí yɨ́, cɨɨ ɨ́ nyʉ́ʉ́ nzɨ́ swîh, njɨ lɨ́ ecɨɨ ɨ́ nzɨ̌ nyǎm.

Yʉanes 10:9

Me ó ebê. Mʉr nyɨnyɛ̂h dí enî ɨ́ me nyá, ótiʼe. Nye óninî, báʼǎ tô kʉ̌l. Nye ókœb méde mé.

Galásia 5:24

Bʉr o dí egúmo e Krîst bá, bé á si jʉ̂ njwɨr myâ gá wɨ́ná. Bisyɛ́ɛla bí ébébe wé á gwɨ̂gwɨm bí, byé akǎ báʼǎ be. Bé ó mpʉ̌ sá lɛ́ɛ́, bɨ́ jʉ̂ njwɨr waá, lɨ́ ebomlo wé e binzâŋ, bɨ́nɔɔ byé ɨ́ kolôs kʉ́.

Mataos 3:2

Nye á lɨlɛ́ɛ ó: «Túmáá gá mikoo e mebébe mɨ́n. Bɨ̌n a dwírá míléme, ebě, Dâ mû ó kúno etyêl Mpóʼo nyé ɨ́ sɔ́má gá yɨ́ná.

Mataos 3:8

Gúmáá gá mimpaŋ mi mpúmó mi dí ejala e miléme mû sí dwira mí.

2 Korɛnt 6:17

Dâ Nzyɛ̌m, nye lɨ́ elɛ́ɛ ntémé ó: «Duhaa gá ɨ́ sɔ́má yɔ́ɔ́. Bɔ́ʼáá gá e bê. Anyamlě kúna gá e sá dí e tilá yɨ́. Nó ó mé ónʉa bɨ́n e bisʉhʉʉ yɨ́.»

Mataos 23:13

«Nkoó, nye ó e bɨ̌n, olɛ̂ʼla o métié le oFarizyɛ̂n! Bɨ̌n baányâ-mikóo, bɨ̌n bé lɨ́ ela bʉ̂r nzɨ̌ dí etô ɨ́ Mpóʼo mé Dâ nyɨ́. Bɨ̌n bʉr o tɨ̂, bɨ̌n bé adyɛ̂l tɨ̂. Bɨ̌n bé abîr ntémé ó, baá o dí esuo édyɛ̂l tɨ̂ʼ bá, bé dyɛ́lɨɨ.

Mɨngwiha 20:15

Bʉr o b'á be abe e míe micɛmá ɨ́ mekaná mé twiʼ bá, bé ntémé, bé á si guhɔɔ ɨ́ bɨ́ siʼe yaá.

Filipi 3:19

Bɨ́haá, ndumló wɔ́ɔ́, wé ó edîm tyeetye. Bé lɨ́ ejaá gʉ́ǎ njɨ nzyɛ̌m ngwár ɨ́ sí yɨ̂: mimo myɔ́ɔ́. Bé gúgúmló ó, bisâ bi dí ɨ́ buú sámle bé bí. Sâ gwár dí etirwo bé ɨ́ miléme yɨ́, yé ó njɨ bisá bí sí yɨ̂.

2 Korɛnt 4:4

Bʉr o dí abûʼla bá, bé lɨ́ elúʼo pɨ̂ʼ dí ó, bé jóʼaa lɔ́ɔ́ wɨ́h, bûʼla wê, ebě, nzyɛ̌m sí yɨ̂ʼ á si dímle bé pɨʼ nyaá. Nyě sá nó ó, nye kámlaa bé lɨ́ ebee mímbah mi dí epan, duho ɨ́ mentyɛnwa mé Krîst mí. Nyě sá nó ó, bé ámû jaá bee méntyɛnwa maá ɨ́ Mbɨambɨa Lɔ́ɔ́ mé Yésʉs, bé ntɔ̂ʼ gʉ́a ó, Yésʉs ó dí gulo mé Nzyɛ̌m.

Mɨlʉmlʉ 3:19

Nó túmáá gá mikoo e misyóm mín. Bɨ̌n a dwírá míléme, Nzyɛ̌m nkʉ̂ pɛʼ bíbaa bí ébébe nyé á niʼe bɨ̌n bí!

Mɨngwiha 20:3

Jɔʼ éngeles á kâʼ nye, ntɔ̂ʼ guho nyé ɨ́ bɨ́ dí sí ɨ́ kœ́ʼlɛ́ yɨ́, bê nzě diblě nǔm bɨ́ yaá, pɨr méngʉŋ me tɨ̂ʼ e sab. Nye nzě gbâ sitâm ɨ́ dibla ébê, lɨ́ ekamle nyé lɨ́ epyâl tɨ̂. Nye ámû jaá báʼǎ tô le edímle bʉ̂r ó sí yɨ̂ʼ bɨ́bɛ̂h ɨ́ nzɨ̌ mikóo. Píe mimbû tɔ́ɔ́sin, bé obáʼǎ bîr nyé mâ péh éwala, ó nye pyálaa kʉ̌l.

1 Yʉanes 5:19

Mɨná bé lɨ́ egʉ́a gá ó, mɨná gá bé ó, bwán mé Nzyɛ̌m. Bʉr ó sí yɨ̂ʼ yɨ́yɛ̂h bɨ́ɛ, bé lɨ́ ejaʼra e mpêl mé Sátan.

Mataos 25:46

Bʉr baá, bé ótô ɨ́ ntɨ́ʼá dí kɔ́m ti e kɔ́m yɨ́. Otîtyěl o bʉ̂r bɨ́ɛ, bé ótô ó, tó di ɨ́ twǐʼ njʉ̌m dǐ.»

Mataos 25:41

«Píe tɨ̂, nye ólɛ́ɛ e baá o dí nye ɨ́ páʼ mbó émyɛ̌l ó: “Pʉʼaa gá gúmó mé dí yɨ́, bʉr ó Nzyɛ̌m á boo syɛm bá. Tóʼ gá ɨ́ siʼe dí edúǒ kɔ́m ti e kɔ́m yɨ́, siʼě Nzyɛ̌m á boo tira lɨ́ esú mé sɔ́ŋ meleme, bé e beéngeles bé yɨ́.

Mɨngwiha 13:8

Nó ó, bʉr ó sí yɨ̂ʼ bɨ́bɛ̂h, bé ódwe nyé kûm, pɛ̌ʼ njɨ baá Nzyɛ̌m á boo cɛma míé mɔ́ɔ́ ɨ́ mekaná mé twiʼ bá. Mekaná maá, mé á boo be cɛmá ó, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Mé gúmó ó e Mâ Nteme bé á boo jʉ̂ nyá.

Rôm 9:22

Nzyɛ̌m á sâ syɛ́ɛla yaá ó, nye lɛ̂ʼlaa bʉr nkpaa nyé le nkul nyé. Sá tɨ̂ʼ ó bɨ́n dí ebee nyé lɨ́ ebuú sâ bíhwó ɨ́ nkǒ páʼ bʉ̂r o jálá le ejaʼra e nkpaa nyé bá yɨ́. Nye lɨ́ ekʉ́ dûhwo baá nyé bónó édímle bá. Nyé sí kpɛl ó, nyě ntɨ́ʼ ó bʉr, dû mpʉ nkpáa nyé dí yɨ́ nɛ́ɛ: gua, gó e wáǎ lɔ̌b tɨ̂?

Lʉkas 14:33

Jwɨʼ gwár yaá, ɨ́ sɔ́má yɨ́n bɨ̌n óbɛ̂h, kâr mʉ̂r dí e nkul edi mpʉ́n wǎm, nyé bé abene bísá bíbyɛ̂h nó.»

Lʉkas 9:33

Jɔ̌ʼ Moyɨ̂z, bé le Elie, bé á be, bé mû lɨ́ edǐ duhǒ gúmó Yésʉs á be yɨ́, Pétrus ntɔ̂ʼ lɛ́ɛ e Yésʉs ó: «Lɛ̂ʼla, yé mbɨa ó, mɨná díʼee gá wâ. Mɨná súmaa gá mpálá, bisaʼ bilɛ̂l: le yô, le yaá mé Moyɨ̂z ndu e yaá mé Elie.» (Nyɨɛ l'agʉ́ǎ sá nyé á lɛ́ɛ yɨ́.)

Mataos 7:14

Tó kœb ó, nzɨ̌ dí etô nkǒ twiʼ nyɨ́, nye ɨ́ kɔbla. Ebé é tɨ̂, lé ɨ́ twâʼwo. Bʉr o dí ecɨɨ ɨ́ nzɨ̌ nyaá bá, bé abuo.»