Mataos 7:11 - Kálar Nzyɛ̌m : Ejwán é Sáá

¹¹ Bím bíbɨ́bla bi bʉ̂r bɨ́n dí nɨ̌, bɨ̌n pǎ nyɛɛ́ dwe bwán bɨ́n bisá bímpâ, á dwɛʼra e Sɔ́ŋ wɨ́n dí ɨ́ jʉ́o kʉ́ nyá! Nye ódwe bʉ̂r o dí egwâm nyé bá, laa náǎ.

Kálara Zyɛ̌m Edwán é mpʉ̌n

¹¹ Ebe no, bɨn pa taare be bɨbɨbla bɨ bʉr mpʉ bɨn ndɨ nɨ, bɨn yɛɛ bé edwe bwan bɨn mɨmpaŋ bɨsɔʼɔ, a dwɛʼra e Sɔŋ win ndɨ é jobo kʉ ɨ! Nye ódwe bʉr bya, baa ndɨ ejaʼ ɛ, laa naa.

Mataos 7:11 ပူးပေါင်းရင်းမြစ်များ

Jacques 1:17

bisá bíbyɛ̂h bi dí ɨ́ mbɨa bí, le mindwéá mi dí ɨ́ pémémé ɨ́ mipáʼ mímyɛ̂h mí, byé duho ó, ɨ́ jʉ́o kʉ́, kwá mé Nzyɛ̌m Sɔ́ŋ. Nzyɛ̌m ó b'á komlo ocwícwén, le dʉ́o ti e l'álomó. Nó ó, nyé abe lɨ́ ecéně mpʉ bísâ byaá dí ecéne bítyé byɔ́ɔ́ yɨ́. Nyé acéně mpʉ dʉ́o, sá dí edíme, kǎ líʼe bʉ̂r ɨ́ pyóo yɨ́.

Rôm 8:32

Nzyɛ̌m nyɨɛ á bé akamle e Mwân wé. Nye á syɛ́ɛla twiʼ Mwân wé ó e bicwiʼ gá bíná, mɨná gá óbɛ̂h. Nzyɛ̌m pǎ nyɛɛ́ dwe mɨ́ná gá Mwân wé, á dwɛʼra e bisá bíswîh bíbyɛ̂h! Nye óbánǎ dwe mɨ́ná gá byǎ ntémé mpʉ nyé á pa dwe mɨná gá Mwân wé yɨ́.

Yʉanes 3:16

Ebě, kpɛ̌l Nzyɛ̌m á bu kpɛl bʉr ó sí yɨ̂ʼ yɨ́, nye á be ɨ́ dwe Étíʼé é Mwân lé ó, ɨ́ sɔ́má bʉ̂r bɨ́bɛ̂h, mʉr ngá dyɛ̂ʼwo e né nyá, nye ádîm ɨ́ nkɔb bʉr, ebě, nye mû ó e twǐʼ njʉ̌m dǐ.

1 Yʉanes 4:10

Kpɛ̌l mpâ ó yɨ̂: yé abe yaá mɨ́ná dí elɛ̂ʼle gá Nzyɛ̌m yɨ́. Yé ó yaá nyɨ́ɛ á lɛ̂ʼle mɨná gá yɨ́, ebě, nye á si ntɨh mɨná gá Mwân wé. Nye ó mʉr á búra le syóm wɨ́ná nyá. Nye ntémé ó b'á leʼe nkpaa mé Nzyɛ̌m.

1 Yʉanes 3:1

Beyɨɨ gá bím Nzyɛ̌m Sɔ́ŋ á kpɛl mɨná gá, ntaa sʉ́ŋa yɨ́! Nyɨ́ gbân mɨ́ná gâ, le elɛ́ɛ ó, mɨná gá bé ó «bwán mé Nzyɛ̌m». Mɨná gá kʉ́ bě tyeetye ó bwán bé. Bʉr ó sí yɨ̂, bɨ́ɛ, bé agʉ́a Sɔ́ŋ gá wɨ́ná Nzyɛ̌m. Sá tɨ̂ʼ ó bé dí agʉ́a mɨ́ná gá yɨ́.

Rôm 3:19

Mɨná bé lɨ́ egʉ́a gá ó, sá yɨ́yɛ̂h Mékaná mé Nzyɛ̌m dí elɛ́ɛ yɨ́, mé lɛ́ɛ́ yé ó, lɨ́ esú é bʉ̂r o b'á tyélɔɔ metié mé Nzyɛ̌m bá. Nyě tyél bé metié maá ó, lɨ́ esú lé épɨr bʉ̂r bɨ́bɛ̂h minum, le edwe bɨ́bɛ̂h mebě ɨ́ míh mé.

Galásia 3:22

Gúmo yaá ó Mékaná mé Nzyɛ̌m dí elɛ́ɛ ó, bʉr ó sí yɨ̂ʼ bɨ́bɛ̂h, bé ɨ́ jwɨ́ɨ́ syóm yɨ́. Syóm wɔ́ɔ́, wé á si kâʼ bɨ́bɛ̂h menkara. Sâ gwár, Nzyɛ̌m dwe nkɛ́ʼ nyé ó, ɨ́ baá bɨ́bɛ̂h dí edyɛ̂ʼwo e Yésʉs-Krîst bá. Nyě dwé bé nyǎ ó, njɨ ɨ́ lɔ̌b búʼó yaá.

Rôm 3:9

Mɨná bé ólɛ́ɛ gá nyá? Nzê bɨ̌h oYúden ó dí elaa bʉ́ʉ́ bʉ̂r ɛ̌? Heʼé, yé abá be nó. Me bé ó sí lɛ̂ʼle ɨ́ kpɛŋlɛm ó, oYúden ti e bʉr o dí abe óYúden bá, bé e mebě. Syóm, wé ó dí ejwɨ́ɨ bɨ́bɛ̂h.

Mataos 7:10

Nzê nye ódwe nyé nyʉ́a ɨ́ jɔʼ nyê jáʼ sû yɨ́ ɛ́?

Mataos 23:9

Ajébe gá ntémé nyʉ́ʉ́ mʉ̂r ó: “Sɔ́ŋ wǎm”, ebě, sɔ́ŋ wɨ́n, nye ó ngwár, njɨ waá dí ɨ́ jʉ́o kʉ́ nyá.