Mataos 6:9 - Kálar Nzyɛ̌m : Ejwán é Sáá

⁹ Jɨjɨʼlaa gá e Nzyɛ̌m ɨ́ mbi wɨ̂: “Sɔ́ŋ wɨ́h dí ɨ́ jʉ́o kʉ́ nyá, lɛ́ʼláá bʉ̂r bɨ́bɛ̂h ó, go ó Nzyɛ̌m dí ti nyá.

Kálara Zyɛ̌m Edwán é mpʉ̌n

⁹ «Ebe no, bɨn bɛɛ, dɨʼe jwɨʼla ga e Zyɛm é mbi wi: “Sɔŋ wih ndɨ é jobo tʉŋlʉ ɨ, lɛʼla bʉr bɨbɛh ó, go ó Zyɛm ndɨ ti ɨ.

Mataos 6:9 ပူးပေါင်းရင်းမြစ်များ

Mɨngwiha 4:11

«Dâ Nzyɛ̌m wɨ́h! Yé jala ó, bʉr gúmlaa go, ebě, go ó tîtyěl mʉr. Go lɨ́ ejala ntémé ó, bé sêʼlaa go, le edwe gó nkul nyɨnyɛ̂h. Ebě, go ó b'á komlo bisá bíbyɛ̂h. Ɨ́ gwɨ́má yô ó, gó á komlo byé yɨ́. Sá tɨ̂ʼ ó byé dí tɨ̂ʼ yɨ́.»

Rôm 8:15

Bɨ̌n e Sísǐm mé Nzyɛ̌m ó mû. Nyé abě mbǐ sísǐm dí e nkul edil bɨ́n ɨ́ dǐ ótúʼǎ, nkʉ̂ waá ngá sâ ó, bɨ̌n báʼa jóʼo bʉ́á wɨ́. Nye ótyêl bɨ́n ɨ́ tyé bwán mé Nzyɛ̌m. Nye ó dí edwe mɨ́ná gá nkul ó, mɨná jébaa gá Nzyɛ̌m kʉ́kʉ́ ó: «Abba, Dâ!»

Galásia 4:6

Nzyɛ̌m á ntɨh mɨná gá Sísǐm Mwân wé ó, ebe bɨ́n dí nye bwân. Nye mû ó sí nî ɨ́ milémé gá míná. Nye ó dí etitíne mɨ́ná gá ó, mɨná jɨ̂ʼlaa gá e Nzyɛ̌m, le elɛ́ɛ ó: «Abba, Dâ!»

Mɨngwiha 5:12

Bé á dyɛɛ kʉ́kʉ́ ó e nkul, lɨ́ elɛ́ɔɔ ó: «Mâ Nteme bé á jʉ̂ nyá, nye ɨ́ jala le enʉa nkûl nyɨnyɛ̂h, le okúm, le ocwóó, le onjɨ̂h, le dúu, e kûm ndu e meswɨ̂ʼlʉ.»

Mataos 7:11

Bím bíbɨ́bla bi bʉ̂r bɨ́n dí nɨ̌, bɨ̌n pǎ nyɛɛ́ dwe bwán bɨ́n bisá bímpâ, á dwɛʼra e Sɔ́ŋ wɨ́n dí ɨ́ jʉ́o kʉ́ nyá! Nye ódwe bʉ̂r o dí egwâm nyé bá, laa náǎ.

Mataos 26:29

Me lɨ́ elɛ́ɛ bɨ́n ó, me ákǎ báʼǎ de ményoʼ mâ, táare ɨ́ báánâ, tó pyâl ɨ́ jɔʼ mɨ́ná ngá kǎ de gá maá medwân ɨ́ sí mé Sɔ́ŋ wǎm yɨ́.

Mataos 23:9

Ajébe gá ntémé nyʉ́ʉ́ mʉ̂r ó: “Sɔ́ŋ wǎm”, ebě, sɔ́ŋ wɨ́n, nye ó ngwár, njɨ waá dí ɨ́ jʉ́o kʉ́ nyá.

Mataos 5:16

Nó njʉl wɨ́n, wé ɨ́ jala le epǎn myɛ́n ɨ́ bʉr, ó bé nkʉ̂ gwa bee bísyɛ́ɛla bimpâ bín, le edwe Sɔ́ŋ wɨ́n dí ɨ́ jʉ́o kʉ́ nyá kûm tɨ̂.»

Lʉkas 15:18

Me ómɔa wâ, búla kwá mé Dâ, tó lɛ́ɛ e né ó: Dâ ɛ̌, mɨ́ sâ syóm ɨ́ nkǒ páʼ mé Nzyɛ̌m, le ɨ́ waá gô.

1 Pyɛr 1:17

Bɨ̌n kɨkɛn díé mé Dâ, mʉr dí etíʼe bʉ̂r milɔ̌b lɨ́ otîtyěl, adwáawo bʉ̂r mempǒm nyá. Nyě títíʼé bé milɔ̌b myɔ́ɔ́ myaá ó, dû mpʉ bísyɛ́ɛla byɔ́ɔ́, byé á be yɨ́. Mpʉ bɨ́n dí ekɛ̌n Dâ Nzyɛ̌m yɨ́, jwɨʼ gwár e gwár yaá ntémé ó bɨ́n jala le elɛ̌ŋ twiʼ yɨ́n yɨ́, lɨ́ edû kʉ̌ tyen dí elɛ̂ʼle ó, bɨ̌n bé lɨ́ edwáawo nyé wɨ́.

1 Timotɛ 6:16

Njɨ nye omér ó dí abe e nkul edwe. Nyě dǐ ó, ɨ́ myɛ́n tʉ́ŋlʉ̌, mbǐ myɛ́n nyʉ́ʉ́ mʉ̂r dí abe e nkul ekúnwo e tɨ̂ʼ wɨ́. Mʉr ngwár, nyé apǎ bee nyê. Mʉr ntémé, nyé abe e nkul ebee nyê. Kûm, ndu e nkul, byé dwéŋɔɔ nye njʉ̌m dǐ e njʉ̌m dǐ. Amɛn.

Lʉkas 15:21

Mwân nɨ̌, nye e sɔ́ŋ ó: “Dâ ɛ̌, mɨ́ sâ syóm ɨ́ páʼ mé Nzyɛ̌m, le ɨ́ waá gô. Mé akǎ jala le ejébɔɔ mwánǒ.”

Lʉkas 2:14

«Kûm mé Nzyɛ̌m, nye lɨ́ elóŋlǒ jʉ́ó dí elaǎ jʉ́o le ejwoo le baántɛ́n yɨ́. Bʉr ó sí, bé díʼee e mepyɛbla páʼ nyɔ́ɔ́, ebě, Nzyɛ̌m, nyɨ́ bee bé mbɨ̂mbɨá.»

Mataos 6:14

«Bɨ́n ópɛʼ bíbaa bí ébébe bʉ̂r, bé á sâ bɨ̌n lɨ́ nó, Sɔ́ŋ wɨ́n dí ɨ́ jʉ́o kʉ́ nyá ntémé ópɛʼ bíbaa bí ébébe bín.

Mataos 6:6

Sâ gwár, gua, ɨ́ jɔʼ gó dí ekpɛl éjɨʼla e Nzyɛ̌m yɨ́, níʼéé ɨ́ ntɔ́ɔ nyǒ, dible ébê, jɨʼla e Sɔ́ŋ gǒ dí náǎ lɨ́ esǒ nyá. Nó ó, Sɔ́ŋ gǒ dí ebeě sá gó dí esâ náǎ mesǒ yɨ́ nyá, ódwe gó mpǎŋ myɛ́na.

Mataos 5:48

Diʼee gá bʉr o dí mbɨ̂mbɨá ɨ́ mipáʼ mímyɛ̂h bá, mpʉ Sɔ́ŋ wɨ́n dí ɨ́ jʉ́o kʉ́ nyá dí yɨ́.»

Galásia 1:1

Yé ó mɛm Pɔ̂l, mʉr milʉ́mlʉ́, ó dí ecɛma bɨ́n mekaná mâ. Mé abe ɨ́ milʉ́mlʉ́ mé nyʉ́ʉ́ mʉ̂r. Twárá mé á twárɔɔ wɨ́, wé á bé acɨɨ e nzɨ̌ mʉr. Yésʉs-Krîst, bé e Nzyɛ̌m Sɔ́ŋ, mʉr á pɛh nye, dwih nyé lɨ́ odwe nyá, bé ó b'á lómo me.

Yʉanes 20:17

Yésʉs, nye e né ó: «Sá akǎ mɛ̂r mê, ebě, me dína apǎ bɨ́nɔɔ ɨ́ jʉ́o kʉ́, tô kwá mé Dâ. Tóʼ, tó lɛ́ɛ bɨ́ɔɔ́ bâm ó, me mû ó lɨ́ ebére, búlǎ nko Sɔ́ŋ wǎm dí yɨ́. Nye ntémé, nye ó sɔ́ŋ wɨ́n. Nye ó Nzyɛ̌m wǎm. Nye ó Nzyɛ̌m wɨ́n ntémé.»

Mataos 26:42

Nye ntɔ̂ʼ báʼǎ tô ɨ́ jɔʼ mbá, tó jɨʼla e Nzyɛ̌m. Nye e né ó: «Dâ ɛ̌, yé óbe, abána ó, mitúú mîʼ láŋaa me, me l'abɔma e myé nó, sáʼ mpʉ̌ gwɨ́má yô dí yɨ́.»

Rôm 1:7

Mě cɛmá ó, bʉr bɨ́bɛ̂h o dí Rôm, baá Nzyɛ̌m á kpɛl, le etwâr ó, bé díʼee mitwárá mí bʉ̂r myé bá. Metyɛʼ me mpóm le mepyɛbla, mé díʼee e bɨ̌n, duho e Nzyɛ̌m Sɔ́ŋ gá wɨ́ná, bé e Tî Yésʉs-Krîst.

Mataos 10:29

Bé bɛ́má báátɔlɔɔ obá ó, pára gwár. Damá jóʼo nó, kâr átɔlɔɔ ngwár dí e nkul ekur sí, abe ɨ́ gwɨ́má mé Sɔ́ŋ wɨ́n.