Mataos 6:5 - Kálar Nzyɛ̌m : Ejwán é Sáá

⁵ «Jɔʼ bɨ́n dí ejɨʼla e Nzyɛ̌m yɨ́, asâ gá mpʉ báányâ-mikóo dí esâ yɨ́. Bé jɨjɨʼla ó, mitîtyěl lɨ́ mempáh mínjɨʼla le meman mínkpǎʼ, ó bʉr, bé béyɨɨ bê. Mě lɛ́ɛ́ bɨ́n lɨ́ otyeetye ó, bɨ́ boó bi mɔ́ɔ́ myɛ́na.

Kálara Zyɛ̌m Edwán é mpʉ̌n

⁵ «Jɔʼ bɨn lé ejwɨʼla e Zyɛm ɨ, asa ga mpʉ baanya-bɨkʉʉŋʉ lé esa ɛ. Bé ejwɨʼla-jwɨʼla ó, ocɨcyel é mompah mɨnjwɨʼla mɔɔ le moman mɨmpaʼa, ó bʉr, bé beŋɨ be. Me elɛɛ bɨn cyecye ó nɛɛ: bɨ bɛa bi mɔɔ myɛna.

Mataos 6:5 ပူးပေါင်းရင်းမြစ်များ

Mataos 6:2

«Yé bé gǒ dwé ó ndyêbndyéb mɔnɨ́ nó, ayɨ́ tô le elɛ́ɛ̌ sâ yaá kʉ́kʉ́ mpʉ báányâ-mikóo dí esâ ɨ́ mempáh mínjɨʼla le meman mínkpǎʼ yɨ́. Bé sá nó ó, bʉr nkʉ̂ gúmlo bê. Mě lɛ́ɛ́ bɨ́n lɨ́ otyeetye ó, bɨ́haá bʉ̂r, bɨ́ boó bi myɛ́na mɔ́ɔ́.

Lʉkas 18:13

Sâ gwár, nwɨa mɔnɨ́ tœ́a, nye á tîtyɛb sá yé ó ɨ́ pɨ́nʉ́ʉ́. Nye á bé akpɛl ébá bɨ̂n mîh kʉ́. Nye á gbâ ó, njɨ mebô kʉ́ lʉ̂, le elɛ́ɛ ó: “Dâ Nzyɛ̌m, Dâ Zyɛ̌m, sáʼ ó, ebúʼ lô, lé tálaa lɨ́ esú lâm, ebě, me ó syɛ̂l misyóm.”»

Markus 11:25

Bɨ́n ótyɛ̂b mítîtyěl lɨ́ esâ mínjɨʼla, bɨ́n e bʉr dína e lɔ̌b nó, sáʼ gá ó, bɨ̌n nyɛ́ɛ pɛʼ bíbaa bí ébébe bɨ́n á niʼe bé bí. Nó ó Sɔ́ŋ wɨ́n dí ɨ́ jʉ́o kʉ́ nyá ngá pɛʼ ntémé bibaa bí ébébe nyé á niʼe bɨ̌n bí. [

Lʉkas 20:47

Bé lɨ́ esa míkúho, nʉnʉa bísá bíbyɛ̂h bé dí e tɨ̂ʼ bí. Bé jɨjɨʼla ntémé e Nzyɛ̌m ó, bul mékǎn, ebě, bé gwɨ́m ó, bʉr béyɨɨ bé mimbɨambɨa mi bʉ̂r. Bé ó ngá buú nʉa mébě le edweŋɔɔ bíntɨ́ʼá bí tɨ̂.»

Jacques 4:6

Damá be nó, Nzyɛ̌m, nye lɨ́ esʉ mɨ́ná gá metyɛʼ me mpóm ɨ́ buo buo. Mekaná mé Nzyɛ̌m, mé lɨ́ elɛ́ɛ ó nó: «Nzyɛ̌m, nye lɨ́ elwímla e bʉr o dí enkɛ́ɛ ményʉ́l mɔ́ɔ́ bá. Baá dí ejɔr ményʉ́l mɔ́ɔ́ bá bɨɛ, nye lɨ́ esʉ bé metyɛʼ me mpóm.»

Lʉkas 18:1

Yésʉs ntɔ̂ʼ báʼǎ sâ bé kɨkɛna yɨ̂ʼ lɨ́ elɛ̂ʼle bé ó, bé ɨ́ jala le ejɨʼla e Nzyɛ̌m jɔʼ yɨ́yɛ̂h, akâr túú.

Éfɛsɔs 6:18

Sáʼ gá sâ yaá yɨ́yɛ̂h e minjɨʼla, le edî ó, Nzyɛ̌m súʼaa bɨ̌n. Jɨʼlaa gá ɨ́ jɔʼ yɨ́yɛ̂h ɨ́ mpʉ̌ Sísǐm mé Nzyɛ̌m dí etɨ́e bɨ́n yɨ́. Tɨ̂ʼ ntémé, atyɛʼ gá lɨ́ edi ɨ́ doho. Ɨ́ jɔʼ yɨ́yɛ̂h, tirwaa gá e syɛ́ɛ́ mínjɨʼla lɨ́ esú é bʉ̂r o mé Nzyɛ̌m bɨ́bɛ̂h.

Lʉkas 11:43

«Nkoó, nye ó e bɨ̌n, oFarizyɛ̂n! Bɨ̌n bʉr o dí esâ: jɔʼ yɨ́yɛ̂h bɨ́n dí etô ɨ́ mpáh minjɨʼla yɨ́, susuɔɔ̌ njɨ bidiá bí ésôʼ. Jɔʼ bɨ́n tó lɨ́ ebɨ̌m é pátele yɨ́, bɨ̌n kpɛl ó, bʉr sɨ̂seʼlaa bɨ̌n ɨ́ jɔʼ bé dí ebára e bɨ̌n yɨ́.

Mataos 21:22

Nó sá yɨ́yɛ̂h bɨ́n ngá dî e búʼó yɨ́, bɨ̌n óbi yê.»

1 Tesalonika 5:17

Jɨʼlaa gá e Nzyɛ̌m ɨ́ bijɔʼ bíbyɛ̂h.

Yʉanes 16:24

Nzě kumo ɨ́ báánâ, bɨ̌n bé apǎ gwâm sɔ̂ʼ, lɨ́ ejɨʼla e Sɔ́ŋ wǎm, pɨr e díé lâm. Gwámáá gâ, bɨ̌n bé óbi. Bisʉhʉʉ bín, byé díʼee ntinɨ̂ e ntinɨ̂.

Markus 12:38

Nye á lɨlɛ́ɛ le bʉr o nyé á lɨlɛ̂ʼle bá ó: «Gwá baʼ gá olɛ̂ʼla o métié. Bé kpɛl étô le ejɨ́ǎ kʉ̌l ó, bé osí bwâr bídur ɨ́ jaa jaa, bʉr nkʉ̂ soho bé, le edwe bé kûm ɨ́ gúmó bʉ̂r dí eswâl yɨ́.

Mataos 9:38

Nó, jɨʼlaa gá e Kúm pemé, ó nye lómaa bilóbila ɨ́ buo buo, ó bé tôʼ kpɛm méde ɨ́ pemé.»

Mataos 23:13

«Nkoó, nye ó e bɨ̌n, olɛ̂ʼla o métié le oFarizyɛ̂n! Bɨ̌n baányâ-mikóo, bɨ̌n bé lɨ́ ela bʉ̂r nzɨ̌ dí etô ɨ́ Mpóʼo mé Dâ nyɨ́. Bɨ̌n bʉr o tɨ̂, bɨ̌n bé adyɛ̂l tɨ̂. Bɨ̌n bé abîr ntémé ó, baá o dí esuo édyɛ̂l tɨ̂ʼ bá, bé dyɛ́lɨɨ.

Mataos 23:6

Bé buú kpɛl ó, bidiá bí ésôʼ ɨ́ bidína le bidiá bí ésôʼ bi dí ɨ́ mempáh mínjɨʼla bí.

Mataos 6:16

«Nó ó, ɨ́ jɔʼ bɨ́n dí eti méde lɨ́ edwě Nzyɛ̌m kûm yɨ́, mʉr alwaare méncémé ɨ́ mpʉ báányâ-mikóo dí esɨsâ yɨ́. Bé lulwaare méncémé ó, lɨ́ ekpɛl élɛ̂ʼle bʉ̂r ó, bé mû ó lɨ́ eti méde. Mě lɛ́ɛ́ bɨ́n lɨ́ otyeetye ó, bɨ́ boó bi myɛ́na mɔ́ɔ́.

Mataos 6:1

«Baʼaa gá lɨ́ elɛ̂ʼle ɨ́ míh mé bʉ̂r mpʉ bɨ́n dí edwě Nzyɛ̌m kûm yɨ́, ó bɨ̌n nkʉ̂ beɔɔ. Bɨ́n sá nó wá, bɨ̌n bé ábǐ mpǎŋ myɛ́na kwá sɔ́ŋ wɨ́n dí ɨ́ jʉ́o kʉ́ nyá.

Mataos 23:5

Bé lɨ́ esâ bísyɛ́ɛla byɔ́ɔ́ bíbyɛ̂h ó, bʉr béyɨɨ byê. Nó ntémé ó bé dí eběʼ pɔ̌b métié mé Nzyɛ̌m yɔ́ɔ́ yɨ́, le edyɛɛ médumo míkán myɔ́ɔ́.

Lʉkas 6:24

Nkoó, nye ó e bɨ̌n, okúmá ó bʉ̂r, ebě, bɨ̌n bɨ́ boó bi nkûl ɨ́ miléme lɨ́ okúm le ogbaa wɨ́n.