Mataos 6:34 - Kálar Nzyɛ̌m : Ejwán é Sáá

³⁴ Nó, mʉr ayêʼwo gá sá ngá syɛ́ɛ ómɛ́n yɨ́, ebě, ómɛ́n ó yéʼwó nyé mʉr tɨ̂. Móhó jala ó e wé túú.»

Kálara Zyɛ̌m Edwán é mpʉ̌n

³⁴ Ebe no, mʉr asyɛl ga ba e nye mʉr tɨ, tiibe e sa yé ósyɛɛ omɛn ɨ, ebe, omɛn, wé eyeʼbe wé mʉr tɨ. Mɨtuu mɨ moho, myé jala ó, e lɨha dobo.»

Mataos 6:34 ပူးပေါင်းရင်းမြစ်များ

Mataos 6:25

«Sâ yaá ó mé lɛ́ɛ́ bɨ́n ó: asyɛl gá bá ɨ́ lɔ̌b twiʼ yɨ́n, lɨ́ eyêʼwo méde bɨ́n ngá de yɨ́. Asyɛl gá ntémé bá ɨ́ lɔ̌b míkán bɨ́n óbwâr ɨ́ menyʉ́l mɨ́n mí. Nzê bɨ̌n bé agʉ́a ó, twiʼ, yé e nyɔm, laa méde, le ntémé ó, nyʉ̂l, nyě e nyɔm, laa míkán ɛ́?

Yʉanes 14:27

«Mepyɛbla ó mé líʼé bɨ́n e mǎ nɨ̌. Mepyɛbla mâm ó mé dwé bɨ́n nɨ̌. Mé adwe bɨ́n mǎ mpʉ bʉ̂r ó sí yɨ̂ʼ dí edwe bɨ́n bisɔ̂ʼ, kǎ sûʼlǎ dɛn byé yɨ́. Bisɨ́ǎ bî, byé ayɨ́ tɨ̂l bɨ́n mekʉ̌ sí. Ayɨ́ jóʼo gá bʉ́á.

Yʉanes 16:33

Mě lɛ́ɛ́ bɨ́n milɔ̌b mîʼ ó, bɨ̌n nkʉ̂ di ɨ́ mpúhlá e me, milémé mín nkʉ̂ lóno ɨ́ mepyɛbla. Bɨ̌n bé ósia e mitúú lɨ́ edi ɨ́ sí yɨ̂. Damá jóʼo nó, biʼee gá menyan ɨ́ milémé mín. Mɛm, mɨ́ ntaǎ sí yɨ̂ʼ ɨ́ nkul.»

Lʉkas 11:3

Jwǐdwéʼ bɨ́h mede me jálá e bɨ̌h ɨ́ dʉ́ó lɨ́lɛ̂h má.

Mataos 6:11

Dwéʼ bɨ́h mûh mede gó dí eboó dwe bɨ́h dʉ́ó lɨ́lɛ̂h má.

Mɨlʉmlʉ 14:22

Bê nzě gbâ ómpʉ́n nkul ɨ́ miléme, le etɨ́e bé ó, bé tôʼ le edû búʼó gá yɨ́ná. Bé e bé ó: «Mɨ́ná bé ókpɛl gá enî ɨ́ Mpóʼo mé Nzyɛ̌m nó, mɨná bé ɨ́ jala le enyɛɛ́ sia gá e mitúú e mindɛ̌l ɨ́ buo buo.»

Mataos 6:27

Nzé ɨ́ sɔ́má yɨ́n dí e nkul ekɛl élû egwár ɨ́ melú mé twiʼ yé ɨ́ lɔ̌b bá nyé dí esisyɛl ɨ́ léme yɨ́?

Lʉkas 10:41

Tî Yésʉs ntɔ̂ʼ yala e né ó: «Mááta, Mááta, gua, gǒ yéʼwó ó bisɔ̂ʼ ɨ́ buo buo.

Lʉkas 12:11

«Jɔʼ bé ódâʼre bɨ́n ɨ́ mempáh mínjɨʼla nkʉ̂ ɨ́ mempáh mílɔ̌b, tó pur bɨ́n yɨ́, mʉr asyɛl gá bá. Ayêʼwo gá sá bɨ́n ngá lɛ́ɛ bʉ̂r ó jwɨ́ɨ ɨ́ nkar wɨ́n yɨ́!

Lʉkas 12:22

Yésʉs, nye le ompʉ́n bé ó: «Mě lɛ́ɛ́ bɨ́n ó: asyɛl gá bá ɨ́ lɔ̌b twiʼ, lɨ́ eyêʼwǒ sá bɨ́n ngá de yɨ́. Asyɛl gá bá ɨ́ lɔ̌b ményʉ́l mɨ́n, lɨ́ eyêʼwǒ kán bɨ́n ngá bwâr wɨ́.

Filipi 4:6

Asyɛl gá bá ɨ́ yʉ́ʉ́ sɔ̂ʼ. Jɨʼlaa gá e Nzyɛ̌m ɨ́ bijɔʼ bíbyɛ̂h, ɨ́ bisá bíbyɛ̂h bɨ́n dí ejɨ bí. Jwǐdwéʼ gá nye nzyǒo ɨ́ jɔʼ yɨ́yɛ̂h ɨ́ bisá nyé dí edwe bɨ́n bí.

1 Pyɛr 5:7

Kɛlɨɨ gá mimbeʼ bísá bíbyɛ̂h dí epálwo bɨ́n ɨ́ miléme bí ɨ́ koo mé Yésʉs, ebě, nye lɨ́ ekʉ́ buú jʉ̂ʼra mílɔ̌b mín, le enʉa myé, gbâ ɨ́ nkɔb.