Mataos 6:23 - Kálar Nzyɛ̌m : Ejwán é Sáá

²³ Díh lô, lé óbe, abě mbɨ̂mbɨá nó, nyʉ̂l nyǒ nyɨnyɛ̂h óbe ó lɨ́ edúrʉ́ʉ́. Yé sí kǎ be ó, dwé dí ɨ́ nyʉ̂l nyǒ yɨ́, sí liŋa édúrʉ́ʉ́ nó, edúrʉ́ʉ́ laá, lé óbe ó ɨ́ ntime ntime!»

Kálara Zyɛ̌m Edwán é mpʉ̌n

²³ Ebe no, ǃɨ dih lo be lé esyɛb, abe mbɨmbɨa nɛʼɛ, nyʉl go nyiwɛh óbe ó é l'edurʉ tʉŋlʉ. Yé be ó, myɛn go a niŋe ó, go e we é nyʉl ɨ, wi lihba edurʉ nɛʼɛ, edurʉ laa, lé óbe ó, laa le antimentime!»

Mataos 6:23 ပူးပေါင်းရင်းမြစ်များ

1 Yʉanes 2:11

Sâ gwár, mʉr waá dí enwim mɨ́ɔɔ́ wé nyá, nye dína ó, lɨ́ edúrʉ́ʉ́. Nye ntémé dína ó lɨ́ entíma. Nyé abá gʉ́ǎ nko nyé dí etô le entíma yɨ́, ebě, edúrʉ́ʉ́, lɨ́ liŋ nyé ántím.

Mataos 6:22

«Dîh, lé ó mpʉ éláma ɨ́ nyʉ̂l mʉr. Yé bé díh lô, lé ó mbɨ̂mbɨá nó, lɛ́ɛ́, nyʉ̂l nyǒ nyɨnyɛ̂h óbe ó ɨ́ myɛ́n tʉ́ŋlʉ̌.

Éfɛsɔs 4:18

Sá écwólwo lɔ́ɔ́, lé akǎ siŋa. Bé mû ó e ncɛrá e twiʼ mé Nzyɛ̌m, tɨ̂ lɨ́ egʉʼla bé dí e lé lɨ́, le elele e míléme lɔ́ɔ́.

1 Korɛnt 2:14

Mʉr dí tʉ̂toʼó, abe e Sísǐm mé Nzyɛ̌m nyá, nyé abe e nkul ebi ótyeetye dí eduho e Sísǐm waá wɨ́. Wê nye ó ogʉ̌. Nyé abe e nkul egʉ́a wê, ebě, mʉ̌r jaá gʉ́a wé ó, njɨ ɨ́ lɔ̌b nkûl Sísǐm mé Nzyɛ̌m dí e nye nyɨ́.

Rôm 1:22

Bé damá nkʉ́na ó, bé ó ocwóó, nkúná bé kǎ tó sûʼla ó bigʉʼlʉgʉ́.

Éfɛsɔs 5:8

Ɨ́ mimbú mí píhe, bɨ̌n bé á bɨbe ó, lɨ́ edúrʉ́ʉ́. Nó ó, ɨ́ báánâ mpʉ bɨ́n mû sí pûhla e Tî Yésʉs yɨ́, bɨ̌n mû ó ɨ́ myɛ́n. Nó ó, dúʼóó gá kʉ̌ tyen dí ejala e bʉr o dí ɨ́ myɛ́n bá wɨ́.

Lʉkas 8:10

Yésʉs ntɔ̂ʼ yala ó: «Bɨ̌n ó Nzyɛ̌m á gwîh bisâ bi dí misolá ɨ́ Mpóʼo nyé bí, ó bɨ̌n gʉ́ŋaa byé ɨ́ pébébé. Sâ gwár, ɨ́ páʼ bʉ̂r oswîh bɨ́ɛ, bé kʉ́ gwá jóʼo ó, njɨ ɨ́ nzɨ̌ bikɨkɛna, lɨ́ esú ó, mekǎn me ngwíha milɔ̌b mé Nzyɛ̌m, mé díraa. Nye á cɛma ó: “Bé lɨ́ edwɛ̂ʼ e mîh mimběʼ, abee. Bé lɨ́ ejôʼlo e megwǎl, ajóʼo, agʉ́a ntémé.”

Mataos 20:15

Nzê yé ambɨa ó, me sâʼ e bisá byâm ɨ́ mpʉ mé kpɛ̂l yɨ́ ɛ́? Go lɨ́ ebene mé ɨ́ lɔ̌b mpâm nyǎm ɨ́ yé?”

Markus 7:22

medyɛ̂n, nzɔ́ɔ́ bísâ, ebébe é léme, mikóo, bimolá nzam le ekomo, nzwíí nkěh, nkɛ́á nyʉ̂l, sɔ́ɔlʉ pɨ̂ʼ.

Lʉkas 11:34

Díh lô, lé ó eláma e nyʉ̂l nyǒ. Yé bé díh lô, lé ó mbɨ̂mbɨá nó, lɛ́ɛ́, nyʉ̂l nyǒ nyɨnyɛ̂h, nye ó ɨ́ myɛ́n tʉ́ŋlʉ̌. Lé bé abě mbɨ̂mbɨá nó, lɛ́ɛ́, nyʉ̂l nyǒ nyɨnyɛ̂h, nye ó lɨ́ edúrʉ́ʉ́.