Mataos 6:2 - Kálar Nzyɛ̌m : Ejwán é Sáá

² «Yé bé gǒ dwé ó ndyêbndyéb mɔnɨ́ nó, ayɨ́ tô le elɛ́ɛ̌ sâ yaá kʉ́kʉ́ mpʉ báányâ-mikóo dí esâ ɨ́ mempáh mínjɨʼla le meman mínkpǎʼ yɨ́. Bé sá nó ó, bʉr nkʉ̂ gúmlo bê. Mě lɛ́ɛ́ bɨ́n lɨ́ otyeetye ó, bɨ́haá bʉ̂r, bɨ́ boó bi myɛ́na mɔ́ɔ́.

Kálara Zyɛ̌m Edwán é mpʉ̌n

² «Ebe no, ǃgo óbe ó lé edwe baanteʼenteʼe o bʉr mɔn nɛʼɛ, ato le elɛɛ sa yaa kʉ kʉ, mpʉ baanya-bɨkʉʉŋʉ lé esa é mompah mɨnjwɨʼla mɨn le moman mɨmpaʼa ɛ. Bé esa no ó, bʉr nkʉʼ seʼle be. Me elɛɛ bɨn cyecye ó nɛɛ: bɨha bʉr, bɨ bɛa bi myɛna mɔɔ.

Mataos 6:2 ပူးပေါင်းရင်းမြစ်များ

Mataos 6:5

«Jɔʼ bɨ́n dí ejɨʼla e Nzyɛ̌m yɨ́, asâ gá mpʉ báányâ-mikóo dí esâ yɨ́. Bé jɨjɨʼla ó, mitîtyěl lɨ́ mempáh mínjɨʼla le meman mínkpǎʼ, ó bʉr, bé béyɨɨ bê. Mě lɛ́ɛ́ bɨ́n lɨ́ otyeetye ó, bɨ́ boó bi mɔ́ɔ́ myɛ́na.

Mataos 6:16

«Nó ó, ɨ́ jɔʼ bɨ́n dí eti méde lɨ́ edwě Nzyɛ̌m kûm yɨ́, mʉr alwaare méncémé ɨ́ mpʉ báányâ-mikóo dí esɨsâ yɨ́. Bé lulwaare méncémé ó, lɨ́ ekpɛl élɛ̂ʼle bʉ̂r ó, bé mû ó lɨ́ eti méde. Mě lɛ́ɛ́ bɨ́n lɨ́ otyeetye ó, bɨ́ boó bi myɛ́na mɔ́ɔ́.

Yʉanes 5:41

«Mé abe lɨ́ esáa kûm dí eduho e bʉr nyɨ́.

Ebrœ̂ 13:16

Sáʼ gá bʉr oswîh embɨa. Súʼáá gá bʉr e mebi mɨ́n. Mʉ̌r sá ajɨhǎ syɛ́ɛla yaá, ebě, yé ó ndwéá Nzyɛ̌m dí ebeě mbɨ̂mbɨá wɨ́.

Lʉkas 20:46

«Bɨ̌n e báʼ ólɛ̂ʼla o métié. Bé ɨ́ kpɛl ébwâr míkán mi dí ɨ́ jaa jaa mí. Bé kpɨkpɛl ntémé ó, bʉr sóhaa bê, le edwe bé dúu gúmó bʉ̂r dí eswâl yɨ́. Bé ntémé kpɨkpɛl ó, bidiá bí ésôʼ ɨ́ mempáh mínjɨʼla ti e mpǎŋ bidiá bí dóló, gúmó bé dí edě dína yɨ́.

Yʉanes 7:18

Mʉr dí elwib e nkul nyé mʉr tɨ̂ʼ nyá, sáá ó kûm nyé. Nó ó, mʉr dí esáa ébeʼ kûm lɨ́ esú é mʉ̂r á ntɨh nye nyá, lɛ́ɛ́ ó otyeetye. Syɛ́ɛla dí ɨ́ bébe ɨ́ míh mé Nzyɛ̌m yɨ́, yé anyɨ̂n ɨ́ kʉ̌ tyen wé.

1 Pyɛr 4:11

Yé bé mʉr ólwib mílɔ̌b mé Nzyɛ̌m nó, nye lɛ́yɨɨ sá yɨ́yɛ̂h mpʉ mʉ̂r dí ekala mílɔ̌b mé Nzyɛ̌m nyá jálá le esâ yɨ́. Yé bé nyě súʼó ó bʉ́ʉ́ bʉ̂r nó, nye súʼaa bé e nkǔl Nzyɛ̌m mʉr tɨ̂ʼ á ntɨh nye nyɨ́. Nó ó Nzyɛ̌m ngá dweŋɔɔ kûm ɨ́ sá yɨ́yɛ̂h ɨ́ nzɨ̌ mé Yésʉs-Krîst yɨ́. Kûm le nkul, byé dwéŋɔɔ nye njʉ̌m dǐ e njʉ̌m dǐ. Amɛn.

Éfɛsɔs 4:28

Mʉr á bɨbe ndíblʉ̌ nyá, nye gwáʼaa díbe. Nye séaa syɛ́ɛ́ dí e nyɔm yɨ́, e mebó mé, ɨ́ mbi dí ó, nye díʼee e sá nyé ósúʼo báántéʼenteʼe o bʉ̂r e yé yɨ́.

Galásia 2:10

Bé á jaa lɛ́ɛ bɨ̌h ó, njɨ bɨ̌h sâʼ sâ gwár: esúʼo báántéʼenteʼe o bʉ̂r. Tó kœb ó, me á boo be e tiŋé ɨ́ léme ó, me báná sâ ó, syɛ́ɛla yaá.

Mɨlʉmlʉ 10:4

Nye nzě dwɛ̂ʼ éngeles e bʉ́á. Nye e né ó: «Dâ ɛ̌, yê nyá?» Éngeles ntɔ̂ʼ yala e né ó: «Nzyɛ̌m, nyɨ́ yala gó mbɨ̂mbɨá. Nye mû ó sí toŋlo gó ɨ́ lɔ̌b mínjɨʼla myô le mingúlá gó dí edwidwe báántéʼenteʼe o bʉ̂r mí.

1 Timotɛ 6:18

Lɛ́yɨ́ɨ́ óbil o bísâ baá ó, bé sâʼ embɨa. Bisyɛ́ɛla bí émbɨa byɔ́ɔ́ bíɛ, byé díʼee ɨ́ buo buo. Bé díʼee ɨ́ cǎr ó, bé súʼaa bʉr, le etô bé e mingúlá myɔ́ɔ́.

Rôm 12:8

Yé bé nye á dwe gua ó, metwɨ́ɨ́ me dí egbâ bʉ̂r nkul ɨ́ miléme má nó, gbáʼ bé nkul nyaá. Yé bé nye á si dwe gua nkul ekab báántéʼenteʼe o bʉ̂r mebi nó, dwéʼ bé mǎ e lémé gô wɨ́wɛ̂h. Yé bé nye á tyêl gua ó, ɨ́ dǐ tyɛ̂b esôʼ nó, léme díʼee go ɨ́ báná báná ó, go séaa syɛ́ɛ́ yaá mbɨ̂mbɨá. Yé bé nye á dwe gua ó, ndwéá écwɨ́a e bʉ́ʉ́ bʉ̂r nó, lɛ́ʼláá bé mpam nyaá e bisʉhʉʉ.

Mɨlʉmlʉ 24:17

«Píe mé á boo bɔ́ʼa e Yerʉ́zalɛm mimbû mimbû, enze mé kǎ báʼǎ nze ó mé dí tɨ̂ʼ yɨ́, lɨ́ enzě súʼǒ kúl yâm, le enzě dwě Nzyɛ̌m mindwéá.

Mɨlʉmlʉ 10:31

Nye e me ó: “Corneille! Nzyɛ̌m, nyɨ́ yala mínjɨʼla myô. Nye mû ó lɨ́ etoŋlo gó ɨ́ lɔ̌b míngúlá gó dí edwidwe báántéʼenteʼe o bʉ̂r mí.

Mɨlʉmlʉ 10:2

Bé e mbɛ̌r bʉ̂r wé wɨ́wɛ̂h, bé á be ó otîtyěl o bʉ̂r. Bé ntémé bé á be lɨ́ edwáawǒ Nzyɛ̌m. Nye á be lɨ́ ebuú súʼo báántéʼenteʼe o bʉ̂r óYúden, le ejɨʼla e Nzyɛ̌m ɨ́ bijɔʼ ɨ́ buo buo.

Mɨlʉmlʉ 9:36

Yé á bě Yópe ó e nyʉ́ʉ́ mpʉ́n mʉmá, díé lé Tabitâ. Díe laá, lé lɨ́ epâʼlɔɔ ɨ́ lwǐb grɛ̂k ó “Dɔ́rkas”: “Mpwaŋ-ebeɔɔ”. Nye á be ɨ́ jɔʼ yɨ́yɛ̂h ó, lɨ́ ebuú cwɨ́a e bʉr, le esusúʼo báántéʼenteʼe o bʉ̂r.

Yʉanes 13:29

Ɨ́ mpʉ yé dí ó Yʉ́das ó b'á be lɨ́ ebaʼle ékúró yɨ́, bʉr ɨ́ buo buo, bé á be lɨ́ ejwɨʼ ó, Yésʉs á lómo nye ó, nye tôʼ bwâm sá yé óbe bé e nyɔm ɨ́ nzɔɔ yɨ́, nkʉ̂ ntɔ̂ʼ ó, nye súʼaa baántéʼenteʼe o bʉ̂r.)

Yʉanes 5:44

Bɨ̌n jaá kpɨkpɛl ébi kûm ó, njɨ páʼ nyɨ́n. Bɨ̌n bé akpɛl ébi kûm dí eduho kwá mé waá dí Nzyɛ̌m nye omér nyá. Yé bé nó wá, á bɨ̌n bé ódyɛ̂ʼwo e Nzyɛ̌m nyá?

Lʉkas 6:42

Wáǎ mbi gó dí e nkul elɛ́ɛ e mɨ́ɔɔ́ gǒ ó: “Paá nze! Mɨ́ɔɔ́ wǎm, me pɛ́ʼɛɛ go mâ sɔ̂ʼ dí go ɨ́ dîh nyá,” gua yɨ́ɛ apǎ pɛ̌ʼ mbʉ́ŋʉʉ dí go ɨ́ dîh wɨ́ ɛ́? Baányâ-mikóo bâ, tááráá épɛ̌ʼ mbʉ́ŋʉʉ dí ɨ́ díh lô wɨ́! Jɔʼ yaá ó gó ngá bee ɨ́ sʉ́lʉ́lʉ́, pɛ̌ʼ mpǔm dí mɨ́ɔɔ́ gǒ ɨ́ díh yɨ́.»

Markus 12:39

Bé kpɛl édi ntémé ó ɨ́ bidiá bí ésôʼ ɨ́ mempáh mínjɨʼla. Ɨ́ jɔʼ bé tó ɨ́ menzɔɔ yɨ́, bé kpɛl édi ó ɨ́ bidiá bi dí ɨ́ buú mbɨa bí.

Filemɔŋ 1:7

Mɨ́ɔɔ́ wǎm, yé á si bu dwe me bisʉhʉʉ lɨ́ ebeě mpʉ gó dí ekpɛl óbûʼla yɨ́. Yé ntémé, yé á si bu gbâ bé nkul ɨ́ miléme.

1 Tesalonika 2:6

Bɨ̌h bé á bé asáa ó, bɨ̌n gúmlaa bɨ̌h. Bɨ̌h bé á bé asáa kûm, duho e bʉ́ʉ́ bʉ̂r. Tó kœb ó, bɨ̌h bé á be ó, bɛ̌m lɛ̂ʼle bɨ́n jwɨ́ɨ́ yɨ́h, ɨ́ mpʉ bɨ́h dí bʉr o mílʉ́mlʉ́ mé Krîst yɨ́.

Mɨlʉmlʉ 11:29

Ompʉ́n, bé bʉr o tɨ̂, bé á tíʼe ó, mʉr nyɨnyɛ̂h ɨ́ sɔ́má yɔ́ɔ́ ótyen óbûʼla bé á di ɨ́ sí Yʉ́da bá bisâ, ó mʉr nyɨnyɛ̂h súʼaa bé, dû mébi mé.

Lʉkas 13:15

Tî Yésʉs, nye e né ó: «Bɨ̌n baányâ-mikóo bâ, ɨ́ móhó sábat, bɨ̌n óbɛ̂h, bé lɨ́ etii bíntœœ ndu e bitab bín, lɨ́ etô e byé ɨ́ mentíbé. Nzê yé abe nó ɛ̌?

Lʉkas 12:56

Bɨ̌n baányâ-mikóo bâ, bɨ̌n bé lɨ́ ekʉ́ dweʼe bísâ bi dí epyâl lɨ́ ejwoo bí ndu e byaá bí sí yɨ̂. Á nó, bɨ̌n bé lɨ́ ekâr édweʼe yɨ̂ʼ jɔʼ ɨ́ yé?»

Lʉkas 12:33

Bɛ́máá gá mebi mɨ́n. Súʼáá gá baántéʼenteʼe o bʉ̂r. Laraa gá mimpɨ́ʼ bímɔnɨ́ mi dí aswɨ́ɨ mí. Máʼáá gá okúm le ogbaa wɨ́n ɨ́ jʉ́o kʉ́, gúmó byé ngá be, adîm yɨ́, ebě, mindíblʉ̌, myé abe e nkul ekúnwo e tɨ̂. Oswôʼ ntémé, ajʉ́a byê.

Lʉkas 11:43

«Nkoó, nye ó e bɨ̌n, oFarizyɛ̂n! Bɨ̌n bʉr o dí esâ: jɔʼ yɨ́yɛ̂h bɨ́n dí etô ɨ́ mpáh minjɨʼla yɨ́, susuɔɔ̌ njɨ bidiá bí ésôʼ. Jɔʼ bɨ́n tó lɨ́ ebɨ̌m é pátele yɨ́, bɨ̌n kpɛl ó, bʉr sɨ̂seʼlaa bɨ̌n ɨ́ jɔʼ bé dí ebára e bɨ̌n yɨ́.

Lʉkas 11:41

Dwéʼ gá baántéʼenteʼe o bʉ̂r sá dí ɨ́ bisʉ́á bín tʉ́ŋlʉ̌ yɨ́. Bɨ̌n bé óbee ó, bisʉ́á bín bíbyɛ̂h, byé ó mbɨ̂mbɨá ɨ́ míh mé Nzyɛ̌m.

Lʉkas 6:24

Nkoó, nye ó e bɨ̌n, okúmá ó bʉ̂r, ebě, bɨ̌n bɨ́ boó bi nkûl ɨ́ miléme lɨ́ okúm le ogbaa wɨ́n.

Markus 7:6

Nó ó Yésʉs á yala e bé ó: «Ngwíha milɔ̌b Ésayie á si gwa kʉ lwib ɨ́ jɔʼ nyé á lɛ́ɛ ó: bɨ̌n bé ó bʉr o míkóo yɨ́. Sâ yaá ó nyé á cɛma ɨ́ lɔ̌b wɨ́n yɨ́. Yê cɛmá ɨ́ Mekaná mé Nzyɛ̌m ó: “Kúl yɨ̂, yé jaá dwé mé kûm ó, njɨ ɨ́ bikonó bí nǔm kʉ̌l. Tó kœb ó, milémé myɔ́ɔ́, myé ɨ́ buú cɛra e me.

Mataos 24:51

Nye ódwe syɛ̂l mesâ waá bintɨ́ʼá jwɨʼ gwár e gwár e mpʉ nyé dí edwe báányâ-mikóo byǎ yɨ́: kpáa nyé mimyál mímbá. Gúmo yaá ó bé ngá jóno le epûʼlo médye yɨ́.»

Mataos 23:6

Bé buú kpɛl ó, bidiá bí ésôʼ ɨ́ bidína le bidiá bí ésôʼ bi dí ɨ́ mempáh mínjɨʼla bí.

Mataos 22:18

Náǎ yé ó, Yésʉs nyɨɛ lɨ́ egʉ́a míkóo myɔ́ɔ́. Nye ó: «Bɨ̌n bóbló mé ɨ́ yé, bɨ̌n baányâ-mikóo bâ?

Mataos 16:3

Ɨ́ melɔ́ma mé mɛ́n, bɨ́n béé jʉ́o kaá e kaá nó, bɨ̌n lɛ́ɛ́ ó: “Mpíé ónwɨ́ɨ̌ ndǔm.” Nye ntémé bánǎ nwɨ́ɨ. Bɨ̌n bé náǎ lɨ́ ekʉ́ gʉ́a bísâ bi dí ecémlě dwéhé le mpíé bí. Nzê bɨ̌n bé abe e nkul dwéʼé sá mû lɨ́ esyɛ́ɛ ɨ́ jɔʼ yɨ̂ʼ yɨ́ ɛ́!]

Mataos 15:7

Bɨ̌n baányâ-mikóo bâ! Gʉ́ŋáá gá ó, Ésayie á si kʉ gwa gwîh milɔ̌b mín ɨ́ jɔʼ nyé á lɛ́ɛ ó:

Mataos 7:5

Ányâ-mikóo, tááráá épɛ̌ʼ mbʉ́ŋʉʉ dí ɨ́ díh lô wɨ́. Jɔʼ yaá ó gó ngá gwá bee, ntɔ̂ʼ pɛ̌ʼ mpǔm dí mɨ́ɔɔ́ gǒ ɨ́ díh lé yɨ́.

Mataos 5:18

Mě lɛ́ɛ́ bɨ́n lɨ́ otyeetye ó, tó pyâl ɨ́ jɔʼ kʉ́ e sí ngá síe yɨ́, kaŋá gwár tɨ̂, nkʉ̂ mâ etɔ́n égwár e tɨ̂, byé ákóʼó pʉʼa, tó pyâl ɨ́ jɔ̌ʼ sá yɨ́yɛ̂h ngá syɛ́ɛ yɨ́.

Mataos 6:3

Sâ gwár, gua, gó ódwě ndyêbndyéb mɔnɨ́ nó, mbó émyɛ̌l gô, wé ayɨ́ gʉ́ǎ sá mbó éjʉ̂m sá yɨ́,

Mataos 23:5

Bé lɨ́ esâ bísyɛ́ɛla byɔ́ɔ́ bíbyɛ̂h ó, bʉr béyɨɨ byê. Nó ntémé ó bé dí eběʼ pɔ̌b métié mé Nzyɛ̌m yɔ́ɔ́ yɨ́, le edyɛɛ médumo míkán myɔ́ɔ́.

1 Korɛnt 13:3

Me óbɛ̌m kab mébi mâm mɨ́mɛ̂h, nkʉ̂ bɛ́ma nyʉ̂l nyǎm ó, me díʼee e sá énkʉ́na ɨ́ lɔ̌b wé yɨ́. Mé bé abe e kpɛ̌l nó, me l'agúm dirǎ nyɔm e bisyɛ́ɛla bínɨ̌.