Mataos 6:12 - Kálar Nzyɛ̌m : Ejwán é Sáá

¹² Pɛʼɛɛ bíbaa bí ébébe gó dí eniʼe lɨ́ misyóm míh bí, ɨ́ mpʉ bɨ́h ntémé mû sí pɛʼ bíbaa bí ébébe bɨ́h á niʼe bʉr o b'á sâ bɨ̌h ebébe bá yɨ́.

Kálara Zyɛ̌m Edwán é mpʉ̌n

¹² Pɛʼɛ bɨbaa bɨ ebebe bɨh go di eniʼe é lɔb mɨsyem mɨh ɨ, mpʉ bɨh lé epɛʼ byaa bɨ bʉr o ndɨ esa bɨh ebebe e.

Mataos 6:12 ပူးပေါင်းရင်းမြစ်များ

Éfɛsɔs 4:32

Lɨlɛ́ʼláá gá mpam páʼ nyɨ́n, bɨ̌n óbɛ̂h. Jɨ́ʼɨ́ɨ́ gá bʉr bɨ́bɛ̂h ekpaa nkóó. Pɛʼɛɛ gá bibaa bí ébébe bɨ́n á pa niʼla bʉ́ʉ́ bʉ̂r bí, mpʉ̌ Nzyɛ̌m á pɛʼ byaá nyé á niʼe bɨ̌n ɨ́ nzɨ̌ mé Krîst bí yɨ́.

Markus 11:25

Bɨ́n ótyɛ̂b mítîtyěl lɨ́ esâ mínjɨʼla, bɨ́n e bʉr dína e lɔ̌b nó, sáʼ gá ó, bɨ̌n nyɛ́ɛ pɛʼ bíbaa bí ébébe bɨ́n á niʼe bé bí. Nó ó Sɔ́ŋ wɨ́n dí ɨ́ jʉ́o kʉ́ nyá ngá pɛʼ ntémé bibaa bí ébébe nyé á niʼe bɨ̌n bí. [

Éfɛsɔs 1:7

Mwân waá ó b'á pyêl metié mé, ntɔ̂ʼ búra e mɨná gâ. Nye á sâ nó ó, nye táŋaa góo, ó nye dwíhɨɨ mɨná gá ɨ́ mpila ébébe. Nye ó b'á sâ ntémé ó, Nzyɛ̌m pɛ́ʼɛɛ bibaa bí ébébe nyé á niʼe mɨná gá bí. Nzyɛ̌m á sâ mɨná gá bisyɛ́ɛla byaá ó, lɨ́ elɛ̂ʼle mɨ́ná gá mpwaʼ mpam nyé.

Kolosi 3:13

Júhwáá gá ebébe páʼ nyɨ́n, alwib. Mʉ̂r bé e nyʉ́ʉ́ mbûʼla, bé e lɔ̌b nó, bʉr baá, bé ɨ́ jala le epɛʼla bíbaa bí ébébe bé á niʼla páʼ nyɔ́ɔ́ bí. Pɨpɛʼ gá bibaa bí ébébe páʼ nyɨ́n mpʉ Tî gá wɨ́ná á pɛʼ byaá nyé á niʼe mɨná gá bí.

Lʉkas 11:4

Pɛʼɛɛ bíbaa gó á niʼe bɨ̌h ɨ́ lɔ̌b mébébe mɨ́h bí, ebě, bɨ̌h ntémé bé lɨ́ epɛʼ bíbaa bɨ́h dí eniʼe bʉ̂r bɨ́bɛ̂h ɨ́ lɔ̌b ébébe bé dí esâ bɨ́h lɨ́. Ayɨ́ bîr ó, bɨ̌h níʼee ɨ́ mebʉ́blá.”»

Lʉkas 6:37

«Ayɨ́ dwe gá bʉr mebě, ebě, Nzyɛ̌m ámû jaá dwe bɨ́n mebě tɨ̂. Ayɨ́ dwe gá bʉr mpono. Nzyɛ̌m nkʉ̂ be, adwe bɨ́n mpono. Pɛʼɛɛ gá bʉr bibaa bí ébébe bɨ́n á niʼe bé bí, Nzyɛ̌m nkʉ̂ pɛʼ bɨ́n byaá nyé á niʼe bɨ̌n bí.

Mɨlʉmlʉ 13:38

Nó bɨ́ɔɔ́ bâm, gʉ́ŋáá gá sá yɨ̂: ɨ́ nzɨ̌ mé Yésʉs waá ó bɨ́h dí elɛ́ɛ bɨ́n pô ó: Nzyɛ̌m mû ó lɨ́ epɛʼ bíbaa bí ébébe nyé á niʼe gá bíná bí.

Mataos 9:2

Abea nɛ́ɛ: bê nzě nze nyé e mbʉ́mbʉ́ʼ mʉ̂r ɨ́ myɛɛla. Mbeá nyé á bee mpʉ bé á dyɛ̂ʼwo e né yɨ́, nye ntɔ̂ʼ lɛ́ɛ e mbʉ́mbʉ́ʼ ó: «Mwân wǎm, talaǎ léme. Bibaa bí ébébe lô, bí pɛʼɔɔ!»

Mataos 26:28

Ebě, metié mâm ó mâ, metié mû lɨ́ eswɨɨ lɨ́ esú ó, Nzyɛ̌m tyélɨɨ saá páʼ nyɔ́ɔ́ le bʉr ɨ́ buo buo má. Nyě tyél nyé ó, nye nkʉ̂ pɛʼ bé bibaa bí ébébe byɔ́ɔ́.

Lʉkas 13:4

Nzê bɨ̌n jwɨʼ ó, bʉr kám e mwom tólóm mbɛ̌r mé Siloâm, wé á bíla bá ó b'á bu bébe, laa bʉ̂r ó Yerʉ́zalɛm bɨ́bɛ̂h ɛ̌?