Mataos 6:1 - Kálar Nzyɛ̌m : Ejwán é Sáá

¹ «Baʼaa gá lɨ́ elɛ̂ʼle ɨ́ míh mé bʉ̂r mpʉ bɨ́n dí edwě Nzyɛ̌m kûm yɨ́, ó bɨ̌n nkʉ̂ beɔɔ. Bɨ́n sá nó wá, bɨ̌n bé ábǐ mpǎŋ myɛ́na kwá sɔ́ŋ wɨ́n dí ɨ́ jʉ́o kʉ́ nyá.

Kálara Zyɛ̌m Edwán é mpʉ̌n

¹ «Diʼe ga ncye é lɔb esa lɛʼla. Adwiibɨ ga Zyɛm é mih mo bʉr, ó bɨn nkʉʼ beɔ. ǃBɨn si sa no nɛʼɛ, bɨn bé aŋa bi mpaŋ myɛna boo Sɔŋ win ndɨ é jobo kʉ ɨ.

Mataos 6:1 ပူးပေါင်းရင်းမြစ်များ

Mataos 23:5

Bé lɨ́ esâ bísyɛ́ɛla byɔ́ɔ́ bíbyɛ̂h ó, bʉr béyɨɨ byê. Nó ntémé ó bé dí eběʼ pɔ̌b métié mé Nzyɛ̌m yɔ́ɔ́ yɨ́, le edyɛɛ médumo míkán myɔ́ɔ́.

Yʉanes 12:43

Ebě, bé á be ó lɨ́ ekpɛl kûm, nyaá dí eduho kwá bʉr nyɨ́, bene nyaá dí eduho kwá mé Nzyɛ̌m nyɨ́.

Ebrœ̂ 6:10

Ebě, Nzyɛ̌m, nyé abe waá onzyɛ́h ónzyɛ́h. Nye ájɨ́há syɛ́ɛ́ bɨ́n dí eséa nyé yɨ́. Nye ntémé, nyé abe e nkul ejɨhǎ kpɛ̌l bɨ́n dí elɛ̂ʼle nyé yɨ́. Yé á si nyɨ̂n ɨ́ ponó ɨ́ jɔʼ bɨ́n á be lɨ́ ekɛm bʉ̂r bé yɨ́. Bɨ̌n ntémé dína ó lɨ́ etô e menkɔ̌m maá dóló.

Lʉkas 16:15

Yésʉs ntɔ̂ʼ lɛ́ɛ e bé ó: «Bɨ̌n bé lɨ́ elɨlɛ̂ʼle bʉ̂r ó, bɨ̌n ó dí otîtyěl. Sâ gwár, Nzyɛ̌m, nye lɨ́ egʉ́a mílémé mín, ebě, sá bʉ̂r dí ebuú sêʼle yɨ́, Nzyɛ̌m, nye lɨ́ ebene yé mpene-numó.

Galásia 6:12

Bʉr o dí ekpɛl ényɨ̂n ótîtyěl bá, bé ó dí etíne bɨ́n ó, bɨ̌n tíʼaa mpʉ́n. Bé sá nó ó, bʉr nkʉ̂ bîr bɨ́ɛ l'atíblɔɔ. Bé lɨ́ ekpɛ́ɛ bʉ̂r o dí ebeně lɔ́ɔ dí edumo le eswie Krîst á dwe ɨ́ kolôs kʉ́ lɨ́.

Yʉanes 5:44

Bɨ̌n jaá kpɨkpɛl ébi kûm ó, njɨ páʼ nyɨ́n. Bɨ̌n bé akpɛl ébi kûm dí eduho kwá mé waá dí Nzyɛ̌m nye omér nyá. Yé bé nó wá, á bɨ̌n bé ódyɛ̂ʼwo e Nzyɛ̌m nyá?

2 Yʉanes 1:8

Bɨ̌n e báʼ gá bɨ̌n bʉr o tɨ̂. Abîr gá ó, bɨ̌n dímlaa sá mɨ́ná bé á boo séa gá lɨ́ esú lé yɨ́. Sáŋáá gá ó, bɨ̌n bíʼee myɛ́na maá ɨ́ ntʉʉʉ́.

Markus 8:15

Yésʉs ntɔ̂ʼ cɨ̂l bé ó: «Gwá baʼ gá oFarizyɛ̂n le dyɛɛ́ Erôd ɨ́ lɔ̌b levure bé dí e yé yɨ́!»

Mataos 6:16

«Nó ó, ɨ́ jɔʼ bɨ́n dí eti méde lɨ́ edwě Nzyɛ̌m kûm yɨ́, mʉr alwaare méncémé ɨ́ mpʉ báányâ-mikóo dí esɨsâ yɨ́. Bé lulwaare méncémé ó, lɨ́ ekpɛl élɛ̂ʼle bʉ̂r ó, bé mû ó lɨ́ eti méde. Mě lɛ́ɛ́ bɨ́n lɨ́ otyeetye ó, bɨ́ boó bi myɛ́na mɔ́ɔ́.

Mataos 16:6

Yésʉs nzě lɛ́ɛ e bé ó: «Bɛɛngɛ́ɛ! Bɨ̌n e báʼ óFarizyɛ̂n le oSadwisyɛ̂n ɨ́ lɔ̌b levure yɔ́ɔ́ bé dí e yé yɨ́.»

Lʉkas 12:15

Nye ó: «Gwá di gá le ocwóó. Syɛ́hláá gá nzɔ́ɔ́ bísâ, mimbi mímyɛ̂h, ebě, twiʼ mʉ̂r, yé aduho ɨ́ bisá mʉ̂r waá dí e byé bí, byé damá buo.»

Mataos 5:48

Diʼee gá bʉr o dí mbɨ̂mbɨá ɨ́ mipáʼ mímyɛ̂h bá, mpʉ Sɔ́ŋ wɨ́n dí ɨ́ jʉ́o kʉ́ nyá dí yɨ́.»

Mataos 5:16

Nó njʉl wɨ́n, wé ɨ́ jala le epǎn myɛ́n ɨ́ bʉr, ó bé nkʉ̂ gwa bee bísyɛ́ɛla bimpâ bín, le edwe Sɔ́ŋ wɨ́n dí ɨ́ jʉ́o kʉ́ nyá kûm tɨ̂.»

Lʉkas 11:35

Gwá di gá ocwóó, lɨ́ ekpɛ́ɛ ó, dwé bɨ́n dí e yé yɨ́, yé ayɨ́ liŋa édúrʉ́ʉ́!

Lʉkas 12:1

Lɛŋ bá jɔʼ, entumo e bʉ̂r ntɔ̂ʼ báʼǎ swâl. Bé á be ó otɔ́ɔ́sin otɔ́ɔ́sin. Bʉr tîtibe bʉ́ʉ́ mekʉ̌. Yésʉs, nye le ompʉ́n bé ó: «Gwá baʼ gá oFarizyɛ̂n ɨ́ lɔ̌b levure bé dí e yé yɨ́. Yé ó mikóo.

Mataos 25:40

Nó ó, njwɨ́ɨ ókǎ yala e bé ó: “Mě lɛ́ɛ́ bɨ́n lɨ́ otyeetye ó, gúmó bɨ́n á sâ mʉr ngwár ɨ́ sɔ́má bɨ́ɔɔ́ bâm bâ nó yɨ́, damá jóʼǒ waá dí agbáŋɔɔ ɨ́ nkɔb nyá, gúmo yaá, bɨ̌n bé á sâ ó me embɨa laá.”

Mataos 5:46

Bɨ́n ójaá kpɛ̌l njɨ bʉr o kpɛ́l bɨ́n bá nó, á bɨ̌n bé óbóno myɛ́na mé Nzyɛ̌m náǎ yáǎ sûm ɛ̌? Bʉr o dí enʉǎ mɔnɨ́ tœ́a bá, bé sá ntémé ó, jwɨʼ gwár mpʉ bɨ́n dí esâ nɨ̌!

Mataos 23:13

«Nkoó, nye ó e bɨ̌n, olɛ̂ʼla o métié le oFarizyɛ̂n! Bɨ̌n baányâ-mikóo, bɨ̌n bé lɨ́ ela bʉ̂r nzɨ̌ dí etô ɨ́ Mpóʼo mé Dâ nyɨ́. Bɨ̌n bʉr o tɨ̂, bɨ̌n bé adyɛ̂l tɨ̂. Bɨ̌n bé abîr ntémé ó, baá o dí esuo édyɛ̂l tɨ̂ʼ bá, bé dyɛ́lɨɨ.

Mataos 6:9

Jɨjɨʼlaa gá e Nzyɛ̌m ɨ́ mbi wɨ̂: “Sɔ́ŋ wɨ́h dí ɨ́ jʉ́o kʉ́ nyá, lɛ́ʼláá bʉ̂r bɨ́bɛ̂h ó, go ó Nzyɛ̌m dí ti nyá.

Ebrœ̂ 2:1

Sɨ́ǎ yaá ó dí ó, milɛ́ʼlá bé á nyɛɛ dwe mɨná gá mí, mɨná díʼee gá ɨ́ puuu lɨ́ egwá jôʼlo myé, lɨ́ esú ó, mɨná sá akǎ tyenɔɔ gá díbé tíe, jɨ́bla.

Ebrœ̂ 11:26

Nye á kpɛl ó, bé pyéhee bé e Krîst sɔ́má, laa ó, nye bíʼee okúm ɨ́ sí Egɨ̂ptɛn. Nye á si bee myɛ́na Nzyɛ̌m á komo nye má.

Mataos 16:27

Ebě, Mwân mé Mʉr múo nzě pyâl ɨ́ mentyɛnwa me Sɔ́ŋ wé, bé e bééngeles bé. Jɔʼ yaá ó nyé ngá tíʼe bʉ̂r milɔ̌b, dû mpʉ bísyɛ́ɛla byɔ́ɔ́, byé á be yɨ́.

Mɨlʉmlʉ 3:12

Pétrus nzě bee, nye ntɔ̂ʼ dî e bé ó: «Bʉr o b'Ɨ́zraɛ̂l, bɨ̌n pʉgʉ́ twɨrǎ mpʉ mʉ̂r nyâʼ ka tiʼɔɔ yɨ́, ɨ́ yé? Bɨ̌n dwídwɛ́ʼ bɨ́h mpʉ̌ sá lɛ́ɛ́, nyě tyé ó ɨ́ lɔ̌b nkûl nyɨ́h, nkʉ̂ ɨ́ lɔ̌b ótîtyěl wɨ́h ɨ́ yé?