Mataos 5:4 - Kálar Nzyɛ̌m : Ejwán é Sáá

⁴ Metyɛʼ me mpóm, mé díʼee e bʉr o dí ejɨ médwê bá, ebě, Nzyɛ̌m ódila médwé mɔ́ɔ́ ó e bisʉhʉʉ.

Kálara Zyɛ̌m Edwán é mpʉ̌n

⁴ Mocyɛʼ mo mpom e bʉr o ndɨ ejɨ modwe e, ebe, Zyɛm ódila modwe mɔɔ ó e bɨsʉhʉ!

Mataos 5:4 ပူးပေါင်းရင်းမြစ်များ

Mɨngwiha 21:4

Nye ótin myɛ́ɛlé mɨ́mɛ̂h ɨ́ míh mɔ́ɔ́. Bé ákǎ jóʼo mégunwa. Bé ákǎ dwe. Eswie akǎ be. Bé ákǎ jɨ médwê. Bisá bí myâ byaá, byé ódîm.»

Lʉkas 6:21

Metyɛʼ me mpóm, mé díʼee e bɨ̌n, bʉr o dí ejóʼo ménza ɨ́ báánâʼ bá, ebě, bɨ̌n bé óde, díle. Metyɛʼ me mpóm, mé díʼee e bɨ̌n, bʉr o dí ejɨ ɨ́ báánâʼ bá, ebě, medwé mɨ́n, mé ókǎ sûʼla ó bisʉhʉʉ.

Jacques 1:12

Metyɛʼ me mpóm, mé díʼee e mʉr dí edûhwo mébʉ́blá nyá. Ebe mʉ̂r tɨ̂ʼ síl ébóblɔɔ nó, nye óbi myɛ́na me tɨ̂: twǐʼ Tî Yésʉs á kɛʼ bʉr o dí ekpɛl nyé bá yɨ́.

Lʉkas 16:25

Nó ó Abraham á lɛ́ɛ e né ó: “Mwân wǎm ɔ́, símsáá ó, go á di ó ɨ́ diá mépwaʼ ɨ́ jɔʼ gó á be ɨ́ twiʼ yɨ́ ɔ̌! Lazare nyɨɛ á jaa didi ó, njɨ ɨ́ diá éntéʼe. Ɨ́ báánâ, nye mû ó sí póblɔɔ kâ; gua, go lɨ́ ejóʼo mégunwa.

Lʉkas 6:25

Nkoó, nye ó e bɨ̌n, bʉr o mû sí díle bá, ebě, bɨ̌n bé ódi ɨ́ nza. Nkoó, nye ó e bɨ̌n, bʉr o dí ejo ɨ́ báánâʼ bá, ebě, bɨ̌n bé ójɨ médwê mpʉ míkúho. Bɨ̌n bé ótíme.

Lʉkas 7:50

Yésʉs ntɔ̂ʼ lɛ́ɛ e mʉmá ó: «Búʼó yô, yɨ́ tiʼ gô! Tóʼ mbɨ̂mbɨá!»

Lʉkas 7:38

ntɔ̂ʼ tyɛ̂b píe koo mé Yésʉs, píe mekʉ̌ mé, ntɔ̂ʼ jɨ ɨ́ buo buo, myɛ́ɛlé mé ntɔ̂ʼ bor mékʉ̌ mé Yésʉs. Nye ntɔ̂ʼ dû mékʉ̌ mé Yésʉs ɨ́ swííá, pîm mé le mpuo nyé, nzě lœm nyé lɔbína ɨ́ mekʉ̌.