Mataos 5:25 - Kálar Nzyɛ̌m : Ejwán é Sáá

²⁵ «Gó óbe, go mû sí byǎʼ lɔ̌b e nyʉ́ʉ́ mʉ̂r, bɨ̌n e mʉr waá mû lɨ́ etô ɨ́ mpáh mílɔ̌b nó, kpáhwá sâ ó, bɨ̌n kómlaa, bɨ̌n dína nzɨ́ e nzɨ̌. Nye ámû jaá tô e go kwá tîʼ milɔ̌b, tîʼ milɔ̌b tyen gó kwá bisója, ó bé gbâʼ go ɨ́ mbʉʼ.

Kálara Zyɛ̌m Edwán é mpʉ̌n

²⁵ «Yé be ó, nuu mʉr, nyi pur go, bɨn e mʉr waa ka jà zi lé eto nko mpah mɨlɔb nɛʼɛ, kpahba sa ó, bɨn komla, bɨn dina zi e zi. Nye amu to e go boo tiʼà mɨlɔb. Tiʼà mɨlɔb cen go boo lʉ bɨpulʉm, ó wé gbaʼ go é mbʉʼ.

Mataos 5:25 ပူးပေါင်းရင်းမြစ်များ

Ebrœ̂ 3:13

Dyɛ́m bɨ́n dína mûh sɔ́má yɨ́, yé mbɨa ó, bɨ̌n dwîdweelaa melɨ́ páʼ nyɨ́n móhó wɨ́wɛ̂h. Sá tɨ̂ʼ ó mísyóm, myé óbe, alɨl bɨ́n miléme, nkʉ̂ dímle nyʉ́ʉ́ mʉ̂r ɨ́ sɔ́má yɨ́n ɨ́ nzɨ̌ mikóo yɨ́.

Ebrœ̂ 3:7

Sɨ́ǎ yaá ó, Sísǐm mé Nzyɛ̌m dí elɛ́ɛ ɨ́ Mekaná mé Nzyɛ̌m ó: «Bɨ́n sí jóʼo twíí mé Nzyɛ̌m mûh nɛ́ɛ:

Ebrœ̂ 12:17

Píe tɨ̂, nye nzě kǎ kpɛl ó, sɔ́ŋ syɛ́yɨɨ nye metyéelé, ó nye líʼɨɨ e bilíʼé bí sɔ́ŋ wé. Bɨ̌n bé lɨ́ egʉ́a ó, sɔ́ŋ á si bene esâ syɛ́ɛla yaá. Esô mʉr tɨ̂ʼ á si kʉ jɨ ɨ́ jɨ jɨ jɨ, sâ gwár, nye á bé akǎ be e nkul edwirǎ léme, nkʉ̂ bi métyɛʼ me mpóm maá ɨ́ lɔ̌b myɛ́ɛlé mé maá.

Mataos 26:58

Pétrus á be ó lɨ́ edû nyé ká ká píhe, nze ɨ́ nze nze, ntɔ̂ʼ nî tʉ́ŋlʉ̌ ebɛhɛɛ mé njwɨ́ɨ opara, ntɔ̂ʼ di sí bǎʼ e bisója gúmo gwár, lɨ́ esáa ébeě mpʉ yé ngá sûʼla yɨ́.

Lʉkas 18:3

Tɨ̂ʼ ntémé, yé á be ó e gúú kúhó mʉ́má. Wé á be lɨ́ enzɨnzě jɔʼ yɨ́yɛ̂h kwá nyé, lɨ́ elɛ́ɛ ó: “Lwibɨɨ mé lɔ̌b páʼ nyɨ́h e mʉr dɔm wǎm!”