Mataos 5:20 - Kálar Nzyɛ̌m : Ejwán é Sáá

²⁰ Nó mě lɛ́ɛ́ bɨ́n ó: ótîtyěl wɨ́n, wé óbe, alaa waá óFarizyɛ̂n le olɛ̂ʼla o métié nó, bɨ̌n bé ákóʼó nî ɨ́ Mpóʼo mé Dâ.»

Kálara Zyɛ̌m Edwán é mpʉ̌n

²⁰ Ebe no, me elɛɛ bɨn ó nɛɛ: ǃɨ ocɨcyel win, wé si be, alaa waa oFarizyɛŋ, nkʉ waa oyeʼle o motie nɛʼɛ, bɨn bé ákwoʼ ni é jwɨ̀ʼa mo Da.»

Mataos 5:20 ပူးပေါင်းရင်းမြစ်များ

Filipi 3:9

Mě gwɨ́m ó, yé nyɨ́nɨɨ mpʉ bɨ́h e Krîst mû ɨ́ mpúhlá yɨ́. Mé agwɨ̂m ébi nkâm ɨ́ míh mé Nzyɛ̌m ɨ́ lɔ̌b mbaʼlá métié. Mě gwɨ́m ó, Nzyɛ̌m dwêʼ me nkam ɨ́ lɔ̌b búʼó mé dí ebúʼlǎ Krîst yɨ́.

Ebrœ̂ 12:14

Sáʼ gá sɨ́n lɨ́ etíʼe ɨ́ mepyɛbla, páʼ nyɨ́n e bʉr bɨ́bɛ̂h. Sáʼ gá sɨ́n ntémé lɨ́ edi bʉ̂r o dí egúmo e Nzyɛ̌m, baá o dí tí bá. Mʉ̂r óbe, abě tí nó, nye ákóʼó beě Tî Yésʉs.

2 Korɛnt 5:17

Mbeá wɨ́h, wé mû ó wɨ̂: yé bé nyʉ́ʉ́ mʉ̂r, nyɨ́ pûhla e Krîst nó, nye mû ó edwán é mʉ̂r ó tɨ̂ʼ yɨ́. Minjʉ̌m bísɔ̂ʼ mímyɛ̂h, mí laa. Yê jaa ka líʼ ó, njɨ medwán e medwán.

Mataos 7:21

«Ntʉ mʉ̂r nyɨnyɛ̂h ngá lɛ́ɛ ó: “Dâ ɔ́, Dâ ɔ́!” nyá, ngá nî ɨ́ Mpóʼo mé Dâ Nzyɛ̌m, njɨ waá nyɨnyɛ̂h dí esâ gwɨ́má mé Sɔ́ŋ wǎm dí ɨ́ jʉ́o kʉ́ nyá.

Mɨngwiha 21:27

Nó ó, bisá mélwaʼwo bíɛ, byé ákóʼó nî gʉ̂. Bʉr o dí esâ bísyɛ́ɛlǎ Nzyɛ̌m dí ɨ́ buú bene bí bá, bé e baányâ-bibɛr, bé ákóʼó nî ntémé gʉ̂. Bʉr o ngá nî gʉ̂ʼ bá, bé óbe ó njɨ baá bé á boo be e míe micɛmá ɨ́ mekaná mé twiʼ mé Mâ Nteme bá.

Lʉkas 18:17

Mě lɛ́ɛ́ bɨ́n lɨ́ otyeetye ó, mʉr dí aja Mpóʼo mé Nzyɛ̌m mpʉ mâ ntwǒm nyá, nye ákóʼó nî tɨ̂.»

Lʉkas 12:1

Lɛŋ bá jɔʼ, entumo e bʉ̂r ntɔ̂ʼ báʼǎ swâl. Bé á be ó otɔ́ɔ́sin otɔ́ɔ́sin. Bʉr tîtibe bʉ́ʉ́ mekʉ̌. Yésʉs, nye le ompʉ́n bé ó: «Gwá baʼ gá oFarizyɛ̂n ɨ́ lɔ̌b levure bé dí e yé yɨ́. Yé ó mikóo.

Lʉkas 11:44

Nkoó, nye ó e bɨ̌n! Ebě, bɨ̌n bé ó mpʉ mésoo dí akǎ nyɨ̂n kʉ̌l má. Bʉr, bé lɨ́ etíbe mésoo maá, bɨ́ɛ l'agʉ́a ó, bé lɨ́ ekúna e sá mélwaʼwo.»

Markus 10:25

Mpʉ yé dí ɨ́ kɔbla ó, chameau láŋaa lɨ́ egʉ́á é ntʉ́á yɨ́, jwɨʼ gwár e gwár yaá ntémé ó dí ɨ́ buú kɔbla ó, kúmá mʉr níʼee ɨ́ Mpóʼo mé Nzyɛ̌m.»

Markus 10:15

Mě lɛ́ɛ́ bɨ́n lɨ́ otyeetye ó, mʉr nyɨnyɛ̂h dí anî ɨ́ Mpóʼo mé Nzyɛ̌m mpʉ mâ ntwǒm nyá, nye ákóʼó nî tɨ̂.»

Mataos 18:5

Mʉr nyɨnyɛ̂h ngá nʉǎ mbi mâ ntwǒm wɨ̂ʼ mbɨ̂mbɨá ɨ́ díé lâm nyá, nyě nʉá ó me mʉr tɨ̂.

Mataos 3:10

Num nzwɨ́ɨ, wé mû ó ɨ́ cǎr lɨ́ etíʼe míkaalé bílɨ́ nko ménzuʼ. Nye ócwɛ̌l lɨ́ yɨ́yɛ̂h dí agúmo mímpǎŋ mi mpúmó yɨ́, guho yé lɨ́ ebéʼé é siʼe.

Mataos 16:12

Nó yaá ó bé á ka jóʼo nye yɨ́. Nye á bé alwib e bé ɨ́ levure. Nye á lwilwib e bé ó, dumo le oFarizyɛ̂n, bé le oSadwisyɛ̂n, ɨ́ lɔ̌b mílɛ́ʼlá bé á dwidwe bʉr lɨ́ onzyɛ́h ónzyɛ́h mí.

2 Korɛnt 3:9

Syɛ́ɛ́ Moyɨ̂z á séa ó, bʉr nkʉ̂ dweŋɔɔ mébě píe tɨ̂ʼ yɨ́, yé pǎ nyɛɛ́ ntyɛnwa, á dwɛʼra e yaá Nzyɛ̌m á séa ó, bʉr bíʼee nkam e tɨ̂ʼ yɨ́! Yé óbe ó, ɨ́ ntyɛ̌n ntî ntyɛ̌n, laa yɨ́haá.