Mataos 5:18 - Kálar Nzyɛ̌m : Ejwán é Sáá

¹⁸ Mě lɛ́ɛ́ bɨ́n lɨ́ otyeetye ó, tó pyâl ɨ́ jɔʼ kʉ́ e sí ngá síe yɨ́, kaŋá gwár tɨ̂, nkʉ̂ mâ etɔ́n égwár e tɨ̂, byé ákóʼó pʉʼa, tó pyâl ɨ́ jɔ̌ʼ sá yɨ́yɛ̂h ngá syɛ́ɛ yɨ́.

Kálara Zyɛ̌m Edwán é mpʉ̌n

¹⁸ Me elɛɛ bɨn cyecye ó nɛɛ: to pyal é jɔʼ kʉ e si, byé ósie e, kaŋa gwar tɨ, nkʉ ma etɔn egwar, byé ákwoʼ pʉʼa é motie mo Moyiz, to pyal é jɔʼ sa yiyɛh, yé ósyɛɛlɨ ɨ.

Mataos 5:18 ပူးပေါင်းရင်းမြစ်များ

Lʉkas 16:17

Kʉ́ e sí, byé e nkul edîm kám e kám. Sâ gwár, yé ɨ́ buú lele ó, kaŋá gwár dí ɨ́ buú twâʼwo ɨ́ metié mé Nzyɛ̌m yɨ́ dímɨɨ.»

1 Pyɛr 1:25

Lwǐb mé Dâ yɨ́ɛ̌ di ó, njʉ̌m dǐ e njʉ̌m dǐ.» Tó kœb ó, lwǐb yaá, yé ó Mbɨambɨa Lɔ́ɔ bé á túno bɨ̌n wɨ́.

Markus 13:30

Mě lɛ́ɛ́ bɨ́n lɨ́ otyeetye ó, mpeʼ bʉ̂r yɨ̂ʼ l'asíe, bisyɛ́ɛla bî, byé ópyâl, bíbyɛ̂h.

Mɨngwiha 20:11

Nó ó, me nzě bee mécwɨ́ɨ́ mé jwɨ́ɨ ménɨ́nɨ́ɨ́, mé á be ɨ́ pumo pumo má. Me á si bee ntémé waá á be tɨ̂ʼ ndîndǐl nyá. Sí yɨ̂ ndu e jʉ́o, byé á si dîm ɨ́ míh mé.

Yʉanes 5:19

Yésʉs nzě báʼǎ nʉǎ lwǐb. Nye ó: «Mě lɛ́ɛ́ bɨ́n lɨ́ otyeetye ó, Mwân mé Nzyɛ̌m, nyé abe lɨ́ esâ yʉ́ʉ́ sɔ̂ʼ e nkul nyé mʉr tɨ̂. Nyě jaá sâ ó, njɨ syɛ́ɛla nyé dí ebee Sɔ́ŋ wé lɨ́ esâ yɨ́, ebě, syɛ́ɛla yɨ́yɛ̂h Sɔ́ŋ dí esâ yɨ́, yé ntémé ó Mwân wé dí esâ yɨ́.

Mataos 17:20

Nye nzě yala e bé ó: «Yé ó ɨ́ lɔ̌b búʼó yɨ́n dí ɨ́ twâʼwo yɨ́. Mě lɛ́ɛ́ bɨ́n lɨ́ otyeetye ó, bɨ́n óbe e mâ búʼó mpʉ díh é nyʉ́ó nó, bɨ̌n bé óbe e nkul elɛ́ɛ le ecwɨ́ʼ lɨ̂ʼ ó: “Nkɛ́yɨ́ɨ́ gó mʉr tɨ̂ʼ wâ. Tó tyɛ̂b kâ,” yé óbánǎ sâ nó. Abe e sá yé ógbâ bɨ́n mekɔbla tɨ̂.»

Mataos 16:28

Mě lɛ́ɛ́ bɨ́n lɨ́ otyeetye ó, ɨ́ sɔ́má bʉ̂r o dí wâʼ báánâʼ bá, bʉ́ʉ́, bé ádwe, apǎ bee Mwân mé Mʉr lɨ́ enzě tyêl Mpóʼo nyé.»

Mataos 13:17

Mě lɛ́ɛ́ bɨ́n lɨ́ otyeetye ó, ogwíha o mílɔ̌b ɨ́ buo buo le otîtyěl o bʉ̂r, bé á gwɨ̂gwɨm ó, bé béyɨɨ sá bɨ́n dí ebee yɨ́, sâ gwár, abee, le ejóʼǒ sá bɨ́n dí ejóʼo yɨ́, sâ gwár, ajóʼo yê.»

Mataos 10:23

Bé óntɨ̂ʼ bɨ́n ɨ́ yɨ̂ʼ nkana nó: kpɛ́yɨ́ɨ́ gâ, tô ɨ́ yʉ́ʉ́. Mě lɛ́ɛ́ bɨ́n lɨ́ otyeetye ó, Mwân mé Mʉr, nye óbáʼǎ pyâl, bɨ̌n dína apǎ kumo bínkana bí Ɨ́zraɛ̂l bíbyɛ̂h.

Mataos 6:2

«Yé bé gǒ dwé ó ndyêbndyéb mɔnɨ́ nó, ayɨ́ tô le elɛ́ɛ̌ sâ yaá kʉ́kʉ́ mpʉ báányâ-mikóo dí esâ ɨ́ mempáh mínjɨʼla le meman mínkpǎʼ yɨ́. Bé sá nó ó, bʉr nkʉ̂ gúmlo bê. Mě lɛ́ɛ́ bɨ́n lɨ́ otyeetye ó, bɨ́haá bʉ̂r, bɨ́ boó bi myɛ́na mɔ́ɔ́.

Mataos 5:26

Me lɨ́ elɛ́ɛ gó lɨ́ otyeetye ó, go ákóʼó pɔʼǎ sûm yaá, tyé yɨ́yɛ̂h gó dína apǎ jána mpʉ́lá nyǒ nyɨnyɛ̂h, pára gwár alîʼ yɨ́.»

Yʉanes 21:18

Me lɨ́ elɛ́ɛ gó lɨ́ otyeetye, ɨ́ jɔʼ gó á be, go dína loʼo yɨ́, go mʉr tɨ̂ʼ ó b'á tityeele kaná gǒ, tô nko gó á kpɨkpɛl yɨ́. Sâ gwár, ɨ́ jɔʼ gó ngá jwɨm yɨ́, go óbɨ̂r mébô, mʉr swîh nzě tyeele gó kaná, tô e go nko gúa dí akpɛl étô yɨ́.

Yʉanes 16:23

«Jɔ̌ʼ móhó waá, wé ópyâl yɨ́, bɨ̌n bé ákǎ dî mé tíá ɨ́ gúú lɔ̌b e gúú. Mě lɛ́ɛ́ bɨ́n lɨ́ otyeetye ó, Sɔ́ŋ wǎm ódwe bɨ́n sá yɨ́yɛ̂h bɨ́n ngá gwâm, lɨ́ ejɨʼla e né, le epɨr e díé lâm yɨ́.

Yʉanes 16:20

Mě lɛ́ɛ́ bɨ́n lɨ́ otyeetye ó, bɨ̌n bé ójɨ médwê, bʉr ó sí bɨ́ɛ, bé óbe lɨ́ esoho. Menyʉ̂l, mé ótyɛʼ bɨ́n. Sâ gwár, ebúʼ lɨ́n laá, lé ókǎ liŋa ó bisʉhʉʉ.

Yʉanes 14:12

Mě lɛ́ɛ́ bɨ́n lɨ́ otyeetye ó, mʉr dí edyêʼ koo e me nyá, ósâ ntémé bisyɛ́ɛla mé dí esâ bí. Nye ntémé ósâ byaá bi dí ɨ́ buú bwaʼ bí, ebe mé óbúla, tô gúmó Sɔ́ŋ wǎm dí yɨ́.

Yʉanes 13:38

Yésʉs, nye e né ó: «Nzê yê tyeetye ó, go ɨ́ cǎr ó, go bírɨɨ twiʼ yô lɨ́ esú lâm ɛ̌? Me lɨ́ elɛ́ɛ gó lɨ́ otyeetye, njʉ́m kúo apǎ kwâʼ, go ókɛ́la nzɔ̂ʼ lɛ̂l ó, gó agʉ́a mê.»

Yʉanes 13:16

Mě lɛ́ɛ́ bɨ́n lɨ́ otyeetye ó, abe e syɛ̂l ngwár dí elaa njwɨ́ɨ wé. Lʉ́mla áláá mʉ̂r lómó nyé nyá ɨ́ dúu.

Yʉanes 12:24

Mě lɛ́ɛ́ bɨ́n lɨ́ otyeetye ó, bumó, yé ódidi gwár ó, jɔʼ yé dína apǎ swahɔɔ ɨ́ bibwǎh yɨ́. Bumó sí swahɔɔ ɨ́ bibwǎh, pâh nɛ́ɛ: yé ógúmo mpúmó menkû menkû.

Yʉanes 10:7

Jɔʼ yaá ó Yésʉs á nze baʼa lɛ́ɛ e bé ó: «Mě lɛ́ɛ́ bɨ́n lɨ́ otyeetye ó, me ó ebé é nkál binteme.

Yʉanes 10:1

«Mě lɛ́ɛ́ bɨ́n lɨ́ otyeetye ó, waá nyɨnyɛ̂h dí anî lɨ́ ebé é nkál binteme, tó ntaǎ kôʼ ɨ́ páʼ swîh nyá, nye ó ndíblʉ̌, nkʉ̂ nzilngǎn.

Yʉanes 8:58

Yésʉs, nye e bé ó: «Mě lɛ́ɛ́ bɨ́n lɨ́ otyeetye ó, Abraham dína apǎ byɛ̂l, mɛm á boo be ó Me-ó-tɨ̂.»

Yʉanes 8:51

Mě lɛ́ɛ́ bɨ́n lɨ́ otyeetye ó, mʉr óbaʼlě lwǐb yâm nyá, nye ákǎ dwe.»

Yʉanes 8:34

Yésʉs, nye e bé ó: «Mě lɛ́ɛ́ bɨ́n lɨ́ otyeetye ó, mʉr nyɨnyɛ̂h dí esâ syóm nyá, nye ó túʼǎ mísyóm.

Yʉanes 6:53

Yésʉs, nye e bé ó: «Mě lɛ́ɛ́ bɨ́n lɨ́ otyeetye ó, mʉ̂r bé ade bípúnó bí Mwân mé Mʉr le ede métié mé nó, lɛ́ɛ́, nyɨ́haá mʉ̂r abǐ twiʼ.

Yʉanes 6:47

Mě lɛ́ɛ́ bɨ́n lɨ́ otyeetye ó, mʉr dí edyɛ̂ʼwo e me nyá, nyɨ́ bǐ twǐʼ njʉ̌m dǐ.

Yʉanes 6:32

Yésʉs, nye e bé ó: «Mě lɛ́ɛ́ bɨ́n lɨ́ otyeetye ó, ntʉ̌ Moyɨ̂z á dwe bɨ̌n mede mempâ mé á duho ɨ́ jʉ́o kʉ́ má. Sɔ́ŋ wǎm ó dí entɨh méde mempâ me dí eduho ɨ́ jʉ́o kʉ́ má.

Yʉanes 6:26

Nye nzě yala e bé ó: «Mě lɛ́ɛ́ bɨ́n lɨ́ otyeetye ó, bɨ̌n sáá mé ó, ebě, bɨ̌n bé á si de blêr, díle. Bɨ̌n bé asáa mé ɨ́ lɔ̌b mésimá bɨ́n á bee má.

Yʉanes 3:11

Me lɨ́ elɛ́ɛ gó lɨ́ otyeetye ó, me lɨ́ eboʼlo mílɔ̌b mé dí egʉ́a mí. Mě lɛ́ɛ́ ntémé ó, sá mé á bee yɨ́. Sâ gwár, bɨ̌n bé akpɛl ékǎm lɔ́ɔ́ wâm.

Yʉanes 3:5

Yésʉs, nye ó: «Me lɨ́ elɛ́ɛ gó lɨ́ otyeetye ó, mʉ̂r óbe, abyɛ̂l mbyɛ́lá médíbé e waá Sísǐm nó, nyé abe e nkul enî ɨ́ Mpóʼo mé Nzyɛ̌m.

Yʉanes 3:3

Yésʉs, nye e né ó: «Me lɨ́ elɛ́ɛ gó lɨ́ otyeetye ó, mʉ̂r bé abáʼǎ byɛ̂l jɔʼ dwân nó, nyé abe e nkul enî ɨ́ Mpóʼo mé Nzyɛ̌m.»

Yʉanes 1:51

Yésʉs, nye e né ó: «Mě lɛ́ɛ́ bɨ́n lɨ́ otyeetye ó, bɨ̌n bé óbeě jʉ́o lɨ́ ebɔ́a siesíe ɨ́ lʉ̂ Mwân mé Mʉr, beéngeles mé Nzyɛ̌m lɨ́ ebére le esulo tɨ̂.»

Lʉkas 23:43

Yésʉs, nye e né ó: «Me lɨ́ elɛ́ɛ gó lɨ́ otyeetye ó, mûh, mɨná e go bé ódǐ diá gwár ɨ́ Paradîs!»

Lʉkas 18:29

Nó ó Yésʉs á lɛ́ɛ e bé ó: «Mě lɛ́ɛ́ bɨ́n lɨ́ otyeetye ó, yé abe e mʉr dí elíʼě mbɛ̌r wé, mʉmá wé, bɨ́ɔɔ́ bé, obyɛ́l bé, le bwán bé, ebě, Mpóʼo mé Nzyɛ̌m,

Lʉkas 18:17

Mě lɛ́ɛ́ bɨ́n lɨ́ otyeetye ó, mʉr dí aja Mpóʼo mé Nzyɛ̌m mpʉ mâ ntwǒm nyá, nye ákóʼó nî tɨ̂.»

Lʉkas 13:35

Jwɛ́ʼɛ́ɛ́ gâ, mbɛ̌r wɨ́n, wé ólíʼɔɔ ó gumo. Mě lɛ́ɛ́ bɨ́n ó, bɨ̌n bé ákǎ bee mê, tó pyâl ɨ́ jɔʼ bɨ́n ngá lɛ́ɛ ó: “Mɨná gúmlaa gá waá dí enze e díé mé Dâ nyá.”»

Lʉkas 12:37

Metyɛʼ me mpóm, mé óswɨɨ lɨ́ osyɛ̂l o mésá nyé ngá kœb ɨ́ doho bá. Mě lɛ́ɛ́ bɨ́n lɨ́ otyeetye ó, nye ótyeele káná wé, dil bé ɨ́ téble, ka bé mede.

Lʉkas 11:51

Bɨ̌n bé ótáa méswie mɔ́ɔ́, táare lɨ́ eswie mé Ábɛl, tó pyâl ɨ́ laá mé Zacharie, mʉr á jʉ́ŋɔɔ páʼ alatâr ndu e mpáh Nzyɛ̌m nyá. Mě lɛ́ɛ́ bɨ́n lɨ́ otyeetye ó, bʉr ó myǎ wɨ̂, bé ótáa méswie mɔ́ɔ́ mɨ́mɛ̂h!

Markus 14:30

Nó ó Yésʉs á lɛ́ɛ e né ó: «Me lɨ́ elɛ́ɛ gó lɨ́ otyeetye ó, gua, ɨ́ pum wɨ̂ʼ mûh, njʉ́m kúo apǎ kwâʼ nzɔ̂ʼ bá, go ókɛ́la mé nzɔʼ lɛ̂l.»

Markus 14:25

Mě lɛ́ɛ́ bɨ́n lɨ́ otyeetye ó, me ákǎ báʼǎ de ményoʼ mâ, tó pyâl ɨ́ dʉ́ó mé ngá de maá medwán ɨ́ kwár mé Nzyɛ̌m yɨ́.»

Markus 14:18

Jɔʼ bé á be ɨ́ téble, bé mû lɨ́ ede yɨ́, Yésʉs ntɔ̂ʼ lɛ́ɛ e bé ó: «Mě lɛ́ɛ́ bɨ́n lɨ́ otyeetye ó, mʉr ngwár ɨ́ sɔ́má yɨ́n, bɨ́h e nɔ́ɔ́ dí ede nyá, óbɛ́ma mê.»

Markus 14:9

Mě lɛ́ɛ́ bɨ́n lɨ́ otyeetye ó, súm yɨ́yɛ̂h ɨ́ sí yɨ̂ʼ yɨ́yɛ̂h bé ngá túnǒ Mbɨambɨa Lɔ́ɔ yɨ́, sá mʉ́má nyâʼ sá yɨ́, yé ólɛ́ɔɔ ntémé. Bʉr bé ósímsa nyé tɨ̂.»

Markus 12:43

Nó ó Yésʉs á nze jébe ompʉ́n bé. Nye ó: «Mě lɛ́ɛ́ bɨ́n lɨ́ otyeetye ó, ndyêbndyéb kúhó wɨ̂ʼ ô gbá mɔnɨ́ ɨ́ kǎr, laa bʉ̂r bɨ́bɛ̂h.

Markus 11:23

Mě lɛ́ɛ́ bɨ́n lɨ́ otyeetye ó, mʉ̂r ólɛ́ɛ le ecwɨ́ʼ lɨ̂ʼ ó: “Mɔaa náǎ. Tó nkaŋa ɨ́ mâŋ” nó, lé ósâ nó, ɨ́ lɔ̌b búʼó yé. Mʉ̂r waá óbe, asóŋlo ɨ́ nye mʉr tɨ̂, jaá bûʼlǎ sɔ̂ʼ ó, njɨ lɔ́ɔ́ wé, wé ódira nó, wé ókʉ́ bánǎ dirǎ tyeetye.

Markus 10:29

Yésʉs, nye e né ó: «Mě lɛ́ɛ́ bɨ́n lɨ́ otyeetye ó, yé abe e mʉr dí, sí líʼě mbɛ̌r wé, bɨ́ɔɔ́ bé, okɛ́l bé, nyɔ̌ŋ wé, sɔ́ŋ wé, bwán bé, le bipemé byé ɨ́ lɔ̌b nyé dí edû mé le ebúʼlǎ Mbɨambɨa Lɔ́ɔ nyá, mʉr tɨ̂ʼ di, abáʼǎ bi byé nzɔʼ nter báánâ. Nye óbi mímbɛ̌r e bipemé. Nye ókœb bɨ́ɔɔ́ le okɛ́l, le onyɔ̌ŋ, le bwân. Nye ósia ntémé e mitúú ɨ́ lɔ̌b Mbɨambɨa Lɔ́ɔ waá. Nó ɨ́ jɔʼ éswéhlɨ́ é sí yɨ̂ʼ ngá pyâl yɨ́, mʉr waá óbǐ twǐʼ njʉ̌m dǐ.

Markus 10:15

Mě lɛ́ɛ́ bɨ́n lɨ́ otyeetye ó, mʉr nyɨnyɛ̂h dí anî ɨ́ Mpóʼo mé Nzyɛ̌m mpʉ mâ ntwǒm nyá, nye ákóʼó nî tɨ̂.»

Markus 9:41

Nó ntémé, mʉr ngá dwe bɨ́n bélé médíbé ɨ́ lɔ̌b bɨ́n dí ɨ́ sɔ́má mé Mʉ̂r Nzyɛ̌m á lœm múló mé jwɨ́ɨ nyá, me lɨ́ elɛ́ɛ bɨ́n lɨ́ otyeetye ó, nye óbi myɛ́na mé.»

Markus 9:1

Nó ó Yésʉs á lɛ́ɛ e bé ó: «Mě lɛ́ɛ́ bɨ́n lɨ́ otyeetye ó, ɨ́ sɔ́má bʉ̂r o dí wâʼ báánâʼ bá, bʉ́ʉ́ bé ádwe, bé l'apǎ bee Mpóʼo mé Nzyɛ̌m lɨ́ esulo sí e nkul.»

Markus 8:12

Yésʉs nzě síme ɨ́ sísǐm wé tʉ́ŋlʉ̌. Nye ó: «Bʉr ó myǎ wɨ̂, bé lɨ́ ekpɛl ébee ésimá ɨ́ yé? Mě lɛ́ɛ́ bɨ́n lɨ́ otyeetye ó, bé ákóʼó bee ésimá egwár.»

Markus 6:11

Gúmó yɨ́yɛ̂h bʉ̂r, bé óbene bɨ́n, nkʉ̂ akpɛl éjôʼlo bɨ́n yɨ́, pɔʼá bɨ́n ngá pʉʼa tɨ̂ʼ wɨ́, bɨ̌n e kúró pím ónara bɨ́n ɨ́ mebo nyɨ́. Syɛ́ɛla yaá, yé ónwâhle bé ó, bé mû ó ɨ́ mebyaʼ.»

Markus 3:28

«Mě lɛ́ɛ́ bɨ́n lɨ́ otyeetye ó, misyóm bʉ̂r dí esâ mí, le nkěh bé dí esâ Nzyɛ̌m nyɨ́, Nzyɛ̌m óbɛ̌m pɛʼ bíbaa nyé dí eniʼe ɨ́ lɔ̌b bísyɛ́ɛla byaá bí.

Mataos 25:45

Nó ó, njwɨ́ɨ ókǎ yala e bé ó: “Mě lɛ́ɛ́ bɨ́n lɨ́ otyeetye ó, gúmó bɨ́n á be asâ mʉr ngwár ɨ́ sɔ́má bʉ̂r bâʼ embɨa yɨ́, damá jóʼo ó, nye á be ó waá dí agbáŋɔɔ ɨ́ nkɔb nyá, gúmo yaá ntémé ó bɨ́n á be asâ me embɨa yɨ́.”

Mataos 25:40

Nó ó, njwɨ́ɨ ókǎ yala e bé ó: “Mě lɛ́ɛ́ bɨ́n lɨ́ otyeetye ó, gúmó bɨ́n á sâ mʉr ngwár ɨ́ sɔ́má bɨ́ɔɔ́ bâm bâ nó yɨ́, damá jóʼǒ waá dí agbáŋɔɔ ɨ́ nkɔb nyá, gúmo yaá, bɨ̌n bé á sâ ó me embɨa laá.”

Mataos 25:12

Nó nyé á yala e byé ó: “Mě lɛ́ɛ́ bɨ́n lɨ́ otyeetye ó, mé agʉ́a bɨ́n.”»

Mataos 24:47

Mě lɛ́ɛ́ bɨ́n lɨ́ otyeetye ó, nye ódwe nyé nkul jwɨ́ɨ ɨ́ bisá bí mbɛ̌r bíbyɛ̂h.

Mataos 24:2

Nó ó Yésʉs á nze lɛ́ɛ e bé ó: «Bɨ̌n bɨ́ bee súmó nyɨ̂ʼ nyɨnyɛ̂h ɛ́? Mě lɛ́ɛ́ bɨ́n lɨ́ otyeetye ó, lʉ́ʉ́ ékóʼ, lé ákóʼó lîʼ wâʼ kʉ́ lʉ́ʉ́, ebě, mɨ́mɛ̂h, mé ónkɛŋɔɔ sí.»

Mataos 23:36

Mě lɛ́ɛ́ bɨ́n lɨ́ otyeetye ó, sâ yaá yɨ́yɛ̂h, yé óswɨɨ ó, ɨ́ milʉ́ mí bʉ̂r ó myǎ wɨ̂!

Mataos 21:31

Ɨ́ bwán óbá baá, waá wáa á sâ gwɨ́má mé sɔ́ŋ nyá?» Bê nzě yala e né ó: «Waá esôʼ.» Yésʉs nzě kǎ lɛ́ɛ e bé ó: «Mě lɛ́ɛ́ bɨ́n lɨ́ otyeetye ó, onwɨa ó mɔnɨ́ tœ́a le bisadága bi bʉ́bá, bé ó ngá nyɛɛ́ pyâl e bɨ̌n ɨ́ Mpóʼo mé Nzyɛ̌m.

Mataos 21:21

Yésʉs nzě yala e bé ó: «Mě lɛ́ɛ́ bɨ́n lɨ́ otyeetye ó, bɨ́n dyɛ́ʼwó e Nzyɛ̌m, asóŋlo ɨ́ bɨ̌n bʉr o tɨ̂ʼ nó, sá bɨ́n ngá sâ yɨ́, yé ólaǎ sâ sáŋɔ́ɔ́ figyê yɨ́. Bɨ́n ólɛ́ɛ le ecwɨ́ʼ lɨ̂ʼ ó: “Mɔaa náǎ. Tó nkaŋa ɨ́ mâŋ” nɛ́ɛ: lé óbánǎ sâ ntémé nó!

Mataos 19:28

Yésʉs nzě yala e bé ó: «Mě lɛ́ɛ́ bɨ́n lɨ́ otyeetye ó, bɨ̌n, baá o dí edû mé bá, ɨ́ jɔʼ Mwân mé Mʉr ngá di ɨ́ mecwɨ́ɨ́ mé kûm ɨ́ sí dwân yɨ́, bɨ̌n bé ódi ɨ́ mecwɨ́ɨ́ mé ójwɨ́ɨ mɨ́n kám e mebá. Bɨ̌n bé ótíʼe ménzweh mé Ɨ́zraɛ̂l kám e mebá milɔ̌b.

Mataos 19:23

Yésʉs nzě lɛ́ɛ le ompʉ́n bé ó: «Mě lɛ́ɛ́ bɨ́n lɨ́ otyeetye ó, yé ɨ́ kɔbla e mʉr dí kúmá nyá lɨ́ enî ɨ́ Mpóʼo mé Dâ Nzyɛ̌m.

Mataos 18:18

«Mě lɛ́ɛ́ bɨ́n lɨ́ otyeetye ó, sá bɨ́n ngá kamle ɨ́ sí yɨ̂ʼ yɨ́, yé díʼee sâ gwár yé á pa kamlɔɔ kʉ́ yɨ́. Yaá bɨ́n ngá kam ɨ́ sí yɨ̂ʼ yɨ́, yé díʼee ntémé yaá Nzyɛ̌m á boo kam ɨ́ jʉ́o kʉ́ yɨ́.

Mataos 18:3

«Mě lɛ́ɛ́ bɨ́n lɨ́ otyeetye ó, bɨ́n bé adwira, báʼǎ dǐ mpʉ bwá ó ntwǒm nó, bɨ̌n bé ákóʼó nî níʼée ɨ́ Mpóʼo mé Dâ Nzyɛ̌m.

Mataos 11:11

Yésʉs, nye e bé ó: «Mě lɛ́ɛ́ bɨ́n lɨ́ otyeetye ó, ɨ́ páʼ bʉ̂r bɨ́bɛ̂h mû sí byɛ̂l ɨ́ sí yɨ̂ʼ bá, ngwár mʉr dí entaǎ Yʉánɛs nyá ntʉ́ʼ. Damá jóʼo nó, ɨ́ Mpóʼo mé Dâ Nzyɛ̌m, mʉr dí agbáŋɔɔ ɨ́ nkɔb nyá, nyě e kûm, laa nyê. Mě lɛ́ɛ́ bɨ́n lɨ́ otyeetye ó, ɨ́ sá yɨ́yɛ̂h yé á byɛ̂l ɨ́ mo mʉ́má yɨ́, abe e mʉr ngwár dí ɨ́ bwaʼ le buo kûm mpʉ mé Yʉánɛs Ndubʉr. Tó kœb ó, mʉr dí ɨ́ buú twâʼwo ɨ́ Mpóʼo mé Dâ nyá, nye ɨ́ buú bwaʼ, laa nyê.

Mataos 10:42

Mě lɛ́ɛ́ bɨ́n lɨ́ otyeetye ó, ɨ́ sɔ́má ómpʉ́n bâm bɨ́bɛ̂h, mʉ̂r ódwe waá dí ɨ́ buú twâʼwo tɨ̂ʼ nyá, damá bě bélé médíbé métálá gwár e gwár, ebe mʉ̂r waá dí mpʉ́n wǎm nó, nye óbǐ mpǎŋ myɛ́na.»

Mataos 10:15

Mě lɛ́ɛ́ bɨ́n lɨ́ otyeetye ó, ɨ́ dʉ́ó Nzyɛ̌m ngá tíʼe bʉ̂r milɔ̌b yɨ́, ntɨ́ʼá le mekpaa bʉ̂r o bínkana le mekwár maá ngá bi bí, byé óbe ó, laa byaá mé Sodôm e Gómɔr.»

Mataos 8:10

Ejóʼǒ Yésʉs á jóʼo mekǎn maá yɨ́, nye ntɔ̂ʼ kâm. Nye e bʉr o b'á dû nye bá ó: «Mě lɛ́ɛ́ bɨ́n lɨ́ otyeetye ó, abe e nyʉ́ʉ́ mʉ̂r ngwár, damá jóʼo ɨ́ kúl bʉ̂r o b'Ɨ́zraɛ̂l, dí e mbǐ búʼó wɨ̂.

Mataos 6:16

«Nó ó, ɨ́ jɔʼ bɨ́n dí eti méde lɨ́ edwě Nzyɛ̌m kûm yɨ́, mʉr alwaare méncémé ɨ́ mpʉ báányâ-mikóo dí esɨsâ yɨ́. Bé lulwaare méncémé ó, lɨ́ ekpɛl élɛ̂ʼle bʉ̂r ó, bé mû ó lɨ́ eti méde. Mě lɛ́ɛ́ bɨ́n lɨ́ otyeetye ó, bɨ́ boó bi myɛ́na mɔ́ɔ́.

Lʉkas 4:24

Yésʉs nzě kɛl mékǎn mâʼ ó: «Mě lɛ́ɛ́ bɨ́n lɨ́ otyeetye ó, abe e ngwíha milɔ̌b ngwár dí enʉŋɔɔ̌ mbɨ̂mbɨá ɨ́ sí yé.